ສະຫະລັດອາເມຣິກາ

ແຜນທີ່ ສຳຫຼວດ ປະຊາກອນ ສຫລ​ ຊີ້​ໃຫ້​ເຫັນ​ຈຸດ​ ທີ່​ມີ​ຄົນ ບໍ່ໃຊ້ພາສາ ອັງກິດ ຢູ່ເຮືອນ

ຊາວຕ່າງດ້າວສາບານໂຕ ເປັນຄົນສັນຊາດອາເມຣິກັນ ທີ່ເມືອງ Oakland ລັດຄາລິຟໍເນຍ ເມື່ອວັນທີ 13 ສິງຫາ 2013.
ຊາວຕ່າງດ້າວສາບານໂຕ ເປັນຄົນສັນຊາດອາເມຣິກັນ ທີ່ເມືອງ Oakland ລັດຄາລິຟໍເນຍ ເມື່ອວັນທີ 13 ສິງຫາ 2013.
Jessica Berman
ສະຫະລັດ ກໍາລັງກາຍເປັນປະເທດທີ່ມີຄວາມຫລາກຫລາຍໃນ
ດ້ານຊົນຊາດຊົນເຜົ່າ, ວັດທະນະທໍາ ແລະພາສາ. ຫ້ອງການ
ສຳ​ຫຼວດປະຊາກອນຂອງ​ສະຫະລັດ ໄດ້ເປີດເຜີຍແຜນທີ່ແບບ
ເຄື່ອນໄຫວຕອບກັບໄດ້ ຢູ່ໃນອິນເຕີແນັດ ທີ່ສະແດງໃຫ້ເຫັນ
ບ່ອນທີ່ບໍ່ໄດ້ໃຊ້ພາສາອັງກິດຢູ່ທົ່ວສະຫະລັດ ໂດຍມີເປົ້າໝາຍ
ແນໃສ່ເພື່ອໃຫ້ການບໍລິການແກ່ປະຊາຄົມທີ່ບໍ່ເວົ້າພາສາອັງກິດ.
Jessica Berman ຜູ້ສື່ຂ່າວວີໂອເອ ມີລາຍງານເລື້ອງນີ້ ຊຶ່ງ
ບົວສະຫວັນຈະນໍາມາສະເໜີທ່ານໃນອັນດັບຕໍ່ໄປ:

ຟັງລາຍງານແຜນທີ່ພາສາຂອງຫ້ອງການສໍາຫລວດ ປະຊາກອນ ສຫລ
ຟັງລາຍງານແຜນທີ່ພາສາຂອງຫ້ອງການສໍາຫລວດ ປະຊາກອນ ສຫລi
|| 0:00:00
...    
🔇
X

ແຜນທີ່ຫ້ອງການ​ສຳຫຼວດປະຊາກອນສະຫະລັດ​ສະບັບໃໝ່
ຊີ້​ໃຫ້​ເຫັນ​ຈຸດ​ຕ່າງໆ ໃນ​ທົ່ວ​ປະ​ເທດ ທີ່​ມີ​ຜູ້​ຄົນ​ໃຊ້ພາສາທຳ​ອິດ 
ຫຼືພາສາແມ່ຂອງພວກເຂົາເຈົ້າ ທີ່ບໍ່ແມ່ນພາສາອັງກິດ. ແຕ່ລະຈຸດຢູ່ໃນແຜນທີ່ພາສາ
ຂອງປີ 2011 ສະແດງໃຫ້ເຫັນເຂດນຶ່ງໆທີ່​ມີ​ການ​ໃຊ້ນຶ່ງໃນ 15 ພາສາທໍາອິດເວົ້າກັນ
ຢູ່ໃນເຮືອນ.

ທ່ານນາງ Camille Ryan ນັກສະຖິຕິປະຈໍາຫ້ອງການສຳ​ຫຼວດປະຊາກອນເປັນ​ຜູ້ຮວບ
ຮວມເອົາຂໍ້ມູນດັ່ງກ່າວ. ທ່ານນາງເວົ້າວ່າ ໂດຍການໃຊ້ເມົ້າສະກົດປຸ່ມບາດດຽວ ຜູ້ຊົມໃຊ້
ກໍສາມາດໄດ້ຮັບຂໍ້ມູນລະອຽດ ກ່ຽວກັບສະຖານທີ່ແຫ່ງນັ້ນ ໂດຍອີງຕາມການສໍາພາດຄົນ
ທີ່ລາຍງານວ່າ ພວກເຂົາເຈົ້າເວົ້າພາສາອັງກິດ “ບໍ່ໄດ້ດີປານໃດ.” ທ່ານນາງ Ryan ເວົ້າວ່າ:
 
“ເວລາທີ່ເຮົາເຮັດໃຫ້ມັນຈ້ອມເຂົ້າເປັນເຂດພູມີສາດທີ່ນ້ອຍລົງ ບັນດາຈຸດ
ເຫລົ່ານັ້ນຈະສະແດງໃຫ້ມີຜູ້ຄົນຈໍານວນໜ້ອຍລົງຈະແມ່ນ 10 ຄົນ ຫລື 75
ຄົນ ຫລື 50 ຄົນກໍໄດ້. ສະນັ້ນມັນຖືກອອກແບບມາຄ້າຍກັບວ່າ ເພື່ອໃຫ້ເຮົາ
ເຫັນພາບລວມທັງໝົດຂອງກຸ່ມຄົນທີ່ເວົ້າພາສາອື່ນ ໂດຍທີ່ບໍ່ແມ່ນພາສາອັງ
ກິດຢູ່ເຮືອນເຂົາເຈົ້າ.”




ພາສາອື່ນໆທີ່ຄົນຫລາຍກວ່າ 60 ລ້ານ 5 ແສນຄົນໃຊ້ກັນຢູ່ເຮືອນ ກໍໄດ້ແກ່ພາສາ
ສະເປນ, ຝຣັ່ງ, ພາສາຝຣັ່ງ Creole, ພາສາອິຕາລີ, ປອກຕຸຍການ, ເຢຍຣະມັນ, ຣັດ
ເຊຍ, ໂປໂລຍ, ເປີເຊຍ, ຈີນ, ຍີ່ປຸ່ນ, ເກົາຫລີ, ຕາກາລັອກ, ອາຣັບ ແລະຫວຽດນາມ.

ຄົນທີ່ເວົ້າພາສາສະເປນແມ່ນກວມເອົາ 2 ສ່ວນ 3 ຂອງຈໍານວນຄົນ ທີ່ຢູ່ໃນລາຍງານ
ນັ້ນ. ພາສາຫວຽດນາມແມ່ນເຫັນວ່າ ມີຈໍານວນຄົນເວົ້າພາສານີ້ ເພີ້ມຂຶ້ນແບບກະໂດດ
ຂັ້ນເລີຍ ຊຶ່ງເພີ້ມຂຶ້ນ 7 ເທົ່າ ແຕ່ປີ 2005 ຫາ 2011.  

ໃນຂະນະທີ່ ແຜນທີ່ອີງໃສ່ການສໍາຫລວດ ທີ່ໄດ້​ທ້ອນ​ໂຮມໃນ​ໄລຍະຫຼາຍກວ່າ 7 ປີ
ຜ່ານມາ ມັນລວມມີຂໍ້ມູນຂອງການ​ສຳ​ຫຼວດປະຊາກອນ ທີ່ໃຊ້ເວລາເກັບກໍາດົນກວ່າ
ສາມທົດສະວັດ. ໃນຊ່ວງເວລານັ້ນ ຈໍານວນຄົນທີ່ບໍ່ເວົ້າພາສາອັງກິດຢູ່​ໃນສະຫະລັດ
ເພີ້ມຂຶ້ນ 158 ເປີເຊັນ ເມື່ອທຽບກັບອັດຕາເພີ້ມຂຶ້ນຂອງພົນລະເມືອງໂດຍລວມ ແມ່ນ
38 ເປີເຊັນ.

ທ່ານນາງ Ryan ເວົ້າວ່າ ແຜນທີ່ແບບເຄື່ອນໄຫວຕອບຄືນໄດ້ ແມ່ນໃຊ້ໄດ້ປະໂຫຍດ
ຫລາຍຢ່າງ. ທ່ານນາງ Ryan ອະທິບາຍວ່າ:

“ຕົວຢ່າງ ເຊັ່ນ ຖ້າທ່ານເຮັດທຸລະກິດ ແລະທ່ານຊອກຫາວິທີທີ່ຈະເຮັດໃຫ້
ການສື່ສານເຂົ້າໃຈກັນໄດ້ກັບ ລູກຄ້າສະເພາະກຸ່ມໃດນຶ່ງ ທ່ານຈະຮູ້ວ່າ ທ່ານຕ້ອງການໃຊ້ພາສາໃດ ກັບປະຊາຄົມກຸ່ມນັ້ນໆ. ນອກນັ້ນແລ້ວ ຖ້າ
ຫາກທ່ານເປັນຄົນຮັບມື ກັບເຫດການສຸກເສີນ ທີ່ຈິງ​ແລ້ວທ່ານສາມາດ
ໃຊ້ແຜນທີ່ດັ່ງກ່າວເພື່ອກໍານົດວ່າ ຕ້ອງໃຊ້ພາສາໃດຈຶ່ງຈະສາມາດສື່ສານ
ກັບຄົນຢູ່ໃນປະຊາຄົມໃດນຶ່ງ ຢ່າງ​ເປັນ​ການສະ​ເພາະໄດ້.”


ທ່ານນາງ Ryan ກ່າວມ້ວນທ້າຍວ່າ ແຜນທີ່ພາສາປີ 2011 ຍັງເປັນປະໂຫຍດຕໍ່ຫ້ອງ
ສະໝຸດ ແລະໂຮງຮຽນອີກດ້ວຍ ເພື່ອວ່າສະຖາບັນເຫລົ່ານັ້ນ ຈະສາມາດສະໜອງໂຄງ
ການສອນແລະຫລັກສູດຮຽນ ເພື່ອຊ່ວຍປັບປຸງຄວາມຄ່ອງແຄ້ວໃນການໃຊ້ພາສາອັງ
ກິດ ໃຫ້ແກ່ປະຊາຄົມເຫລົ່ານັ້ນໄດ້.
ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ
ການລຽງລຳດັບ ຄວາມເຫັນ
ຄວາມເຫັນ
     
ໂດຍ: ບໍ່ຂໍອອກຊື່
26.08.2013 02:52
ພາສາລາວກະມີຢ່າງຫລວງຫລາຍ ຍ້ອນບາງຄົນກະເວົ້າພາສາອັງກິດບໍເປັນເລີຍ ມີແຕ່ໃຊ້ພາສາລາວ ເປັນສ່ວນຫລາຍ.
ຈາວາສະກຣິບຕ໌ຂອງທ່ານບໍ່ໄດ້ເປີດຫຼືບໍ່ກໍອາໂດບແຟລສເພລເຢີຂອງທ່ານເປັນຮຸ່ນເກົ່າ
ລັດເວີຈີເນຍ ລະນຶກເຖິງ ການສີ້ນສຸດລົງ ຂອງສົງຄາມກາງເມືອງ ເມື່ອ 150 ປີກ່ອນi
X
24.05.2015
​ເນື່ອງ​ໃນ​ໂອກາດ​ຄົບຮອບ ​ສົງຄາມ​ກາງ​ເມືອງ​ສະຫະລັດ ​ໃນ​ເດືອນເມສາ ຜ່ານມານີ້ ທີ່​ເມືອງ​ປະຫວັດສາດ Appomattox ລັດ Virginia ​ໄດ້​ມີການ ​ສະ​ແດງ​​ບັ້ນຕອນ​ນຶ່ງ​ຂອງ​​ສົງຄາມ​ດັ່ງກ່າວ ທີ່​ເປັນ​ຂີດ​ໝາຍ​ການ​ຍອມ​ຈຳ​ນົນ ​ ທີ່​ນັກ​ປະຫວັດສາດ​ຫຼາຍ​ຄົນ ​ເຊື່ອ​ວ່າ ​ໄດ້​ຍຸດຕິ​ສົງຄາມ​ກາງເມືອງ ​ເມື່ອ 150 ປີຜ່ານມາ.

ຂ່າວຫລ້າສຸດ

ສຽງ ຈຳນວນ ອຸບັດເຫດ ​ເທິງ​ທ້ອງ​ຖະໜົນ​ໃນລາວ ເພີ່ມຫຼາຍຂຶ້ນ ຢ່າງຕໍ່ເນື່ອງ

ອຸບັດ​ເຫດ​ເທິງ​ທ້ອງ​ຖະໜົນ ສ່ວນໃຫຍ່ ເກີດຂຶ້ນຍ້ອນ ຜູ້​ຂັບ​ຂີ່​ຍານພາຫານະ​ ພາກັນ​ຝ່າຝືນ ກົດ​ຈະລາຈອນ ຂັບຂີ່ລົດ ​ໃນ​ຂະນະ​ເມົາ​ສຸລາ ​ແລະ ​​ຂັບ​ຂີ່​ລົດ​ໄວ ທີ່​ເກີນ​ກຳນົດ.
ອ່ານຕື່ມ

ວີດີໂອ ອົງການອະນາໄມໂລກ ເປັນຫ່ວງ ກ່ຽວກັບ ບັນຫາໂຣກຈິດ ທີ່ຖືກປະປ່ອຍ ຢູ່ໃນ ກຳປູເຈຍ

ພະຍາດໂຣກຈິດ ເປັນບັນຫາໃຫຍ່ ໃນກຳປູເຈຍ ອັນເກີດມາຈາກ ຜົນສະທ້ອນຂອງ ການຂ້າລ້າງເຊື້ອຊາດເຜົ່າພັນ ຂອງ ປອນປົດ ຜູ້ນຳ ສະໄໝຂະເໝນແດງ.
ອ່ານຕື່ມ

Multimedia ອາເມຣິກາ ສະຫຼອງ ວັນ Memorial Day ໃຫ້ກຽດແກ່ ທະຫານທີ່​ເສຍ​ຊີວິດ ໃນສົງຄາມ

ທົ່ວ​ປະ​ເທດ ພາກັນ​​ໃຫ້​ກຽດ​ ແກ່ທະຫານ​ທີ່​ຕາຍ​ໃນ​ສົງຄາມ ​ດ້ວຍ​ການ​​ແຫ່​ສວນສະໜາມ ການ​ສະ​ແດງຄອນ​ເສີດ​ນ້ຳ​ໃຈ​ຮັກ​ຊາດ ​ແລະ ພິທີການ​ຕ່າງໆ.
ອ່ານຕື່ມ

ວີດີໂອ ເຈົ້າໜ້າທີ່ມາເລເຊຍ ພົບເຫັນ ຂຸມຝັງສົບ 139 ຂຸມ ໃນບໍລິເວນຊາຍແດນ ຕິດກັບໄທ

ຫົວໜ້າຕຳຫຼວດ​ແຫ່ງ​ຊາດ ​ມາ​ເລ​ເຊຍ ກ່າວ​ວ່າ ຂຸມ​ຝັງ​ສົບດັ່ງກ່າວ ​ໄດ້​ຖືກ​ພົບ​ເຫັນ ​ ຢູ່ບ່ອນທີ່​ສົງ​ໄສ​ວ່າ​ ເປັນຄ້າຍ​ຂອງ​ພວກ​ຄ້າ​ມະນຸດ 28 ​ແຫ່ງ.
ອ່ານຕື່ມ

Multimedia ທະຫານ ຊີເຣຍ ແນເປົ້າໂຈມຕີ ພວກຫົວຮຸນແຮງ ລັດອິສລາມ ໃນເມືອງ ປາລມີຣາ

ພວກນັກ​ເຄື່ອນ​ໄຫວ​ ກ່າວວ່າ ກອງທັບ​ລັດຖະບານຊີ​ເຣຍ ​ໄດ້ທຳ​ກາ​ນ​ໂຈ​ມຕີ​ ທາງ​ອາກາດ ​ຢ່າງ​ໜ້ອຍ 15 ຄັ້ງ​ ໃນ​ວັນ​ຈັນ​ມື້​ນີ້​ ​ໂດຍ​ແນ​ເປົ້າ​ໂຈມ​ຕີ​ໃສ່ ​ພວກ​ນັກ​ຕໍ່ສູ້​ລັດ​ອິສລາມ
ອ່ານຕື່ມ
ຕື່ມອີກ