ນາຍົກລັດຖະມົນຕີອິນເດຍ ທ່ານ Narendra Modi ໄລ່ນັກ
ການທູດຂັ້ນສູງສຸດຂອງປະເທດອອກຈາກຕຳແໜ່ງ ແລະແຕ່ງ
ຕັ້ງເອກອັກຄະລັດຖະທູດອິນເດຍປະຈຳສະຫະລັດຂຶ້ນແທນ
ທ່ານນາງ ນຶ່ງມື້ຫຼັງຈາກການຢ້ຽມຢາມອິນເດຍຂອງປະທານາ
ທິບໍດີບາຣັກ ໂອບາມາແຫ່ງສະຫະລັດ ທີ່ປະສົບຄວາມສຳເລັດ.
ທ່ານ Subrahmanyam Jaishankar ຂຶ້ນດຳລົງຕຳແໜ່ງ
ລັດຖະມົນຕີຕ່າງປະເທດແທນໃນວັນພະຫັດມື້ນີ້.
ສື່ມວນຊົນອິນເດຍ ແຈ້ງໃຫ້ຊາບວ່າ ການແຕ່ງຕັ້ງດັ່ງກ່າວໄດ້
ເປັນລາງວັນສຳລັບທ່ານ Jaishankar ທີ່ຫັນປ່ຽນສາຍພົວພັນອິນເດຍກັບວໍຊິງຕັນ ຮວມ
ທັງການຈັດແຈງການຢ້ຽມຢາມຂອງທ່ານໂມດີ ທີ່ນະຄອນຫຼວງວໍຊິງຕັນ ໃນເດືອນກັນຍາ
ໃນປີນີ້.
ສາຍພົວພັນລະຫວ່າງອິນເດຍແລະສະຫະລັດ ໄດ້ປະສົບກັບອຸບປະສັກ ຫຼັງຈາກທ່ານ
ນາງ Devyanai Khobragade ຮອງກົງສູນໃຫຍ່ຂອງລັດຖະບານນີວເດລີປະຈຳ
ນະຄອນນີວຢອກຖືກຈັບກຸມໃນເດືອນທັນວາ ປີ 2013 ໃນຂໍ້ຫາສໍ້ໂກງການອອກວີຊາ
ນັ້ນ. ທ່ານນາງ Khobragade ໄດ້ເດີນທາງອອກຈາກສະຫະລັດ ໃນເດືອນມັງກອນປີ
ແລ້ວນີ້ ແລະເວລານີ້ເຮັດວຽກຢູ່ໃນນະຄອນຫຼວງນີວເດລີ.
ກ່ອນໜ້ານີ້ ທ່ານ Jaishankar ເຄີຍດຳລົງຕຳແໜ່ງເອກອັກຄະລັດຖະທູດອິນເດຍປະ
ຈຳປະເທດຈີນ ແລະສິງກະໂປມາແລ້ວ.