ຂ່າວ

ການຫາລາຍໄດ້ ຊ່ວຍສ້າງ ວັດລາວ ພຸດທະສາມະຄີທໍາ

ລາຍການຊີວິດຊາວລາວໃນຕ່າງແດນ ຂອງສັບປະດານີ້ ເຮົາຈະໄດ້ນໍາເອົາການສໍາ ພາດ ທ່ານ John Khamphoumy ປະທານວັດລາວພຸດທະສາມະຄີທໍາ ຈາກເມືອງ York Spring ລັດ Pennsylvania ພ້ອມດວ້ຍ ການສໍາພາດ ບັນດານັກສິນລະປິນ ລາວອາເມຣິກັນ ທີ່ມີຊື່ສຽງ ທີ່ໄດ້ມາຮ່ວມຊ່ວຍຫາລາຍໄດ້ສົມທົບທຶນສ້າງວັດ ຊຶ່ງ ກິ່ງສະຫວັນ ຈະໄດ້ນໍາເລື້ອງນີ້ມາສະເໜີ ທ່ານ ໂປຣດຕິດຕາມຮັບຟັງ

ທ່ານ ຈອນ ຄໍາພູມີ ປະທານ ວັດລາວພຸດທະສາມະຄີທໍາ ຈາກ York Spring ລັດ Pennsyvania.
ທ່ານ ຈອນ ຄໍາພູມີ ປະທານ ວັດລາວພຸດທະສາມະຄີທໍາ ຈາກ York Spring ລັດ Pennsyvania.

ສະຫະລັດ ອາ​ເມຣິກາ ​ຊ່ຶງເປັນ​ປະ​ເທດ​ທີ່​ເລີ້​ມ​ເກີດຂຶ້ນ ຈາກ​ຜູ້​ສະ​ແຫວ​ງຫາ​ອິດ​ສະລະ​ພາບ ​
ໃນການ​ນັບຖື​ບູຊາ ປັດສະຍາ ທີ່ເປັນຫລັກເຊື່ອຖື ອັນສັກສິດດັ່ງ ກ່າວນີ້ ໄດ້ບັນທຶກຢູ່ໃນ
ລັດຖະທໍາມະນູນ ຂອງ ສະຫະລັດ ທີ່ໄດ້ ແປງທາງໃຫ້ ບັນດາປະຊາກອນ ຜູ້ທີ່​ເຂົ້າ​ມາ​ຕັ້ງ
​ຖິ່ນ​ຖານນໍາຫລັງ ພາກັນໄດ້ ຮັບສິດ ເສຣີ ພາບ ​ໃນການ​ນັບຖືບູຊາສາສະໜາ​ຕ່າງໆຢ່າງ
ເທົ່າ​ທ່ຽມກັນ.

ເຖິງ​ແມ່ນ​ວ່າ ​ປະຊາກອນ​ລາວ ອາ​ເມຣິກັນ ​ໄດ້ເຂົ້າມາ​ຕັ້ງ​ຊີ​ວິດ​ຢູ່​ໃນ ສະຫະລັດ ອາ​ເມຣິກາ
ມາ​ເປັນ​ເວລາ​ຫຼາຍກວ່າ 3 ທົດ​ສະວັດແລ້ວ​ກໍ​ຕາມ ​ແຕ່ເຂົາ​ເຈົ້າກໍຍັງບໍ່​ໄດ້​ລົດ​ລະ​ສ້າງສາ ​
ວັດວາອາ​ຮາມ ​ໃຫ້​ເປັນ​ບ່ອນ ສັກກະ​ຣ​ະບູຊາ ພຣະພຸດ​ທະສາສະໜາ ​ແລະເພື່ອເປັນ​ສູນ​
ກາງ​ເຕົ້າ​ໂຮມ​ຂອງ ປະຊາ​ຄົມ​ລາວ ອາ​ເມ​ຮິ​ກັນ ​ໃນ​ທ້ອງ​ຖິ່ນຂອງ​ໃຜລາວ. “ວັດລາວພຸ​ທ
ທະ​ສາມະຄີ​ທັ​ມ” ​ແມ່ນ​ວັດນຶ່ງ ທີ່ກໍາລັງສ້າງຂື້ນໃໝ່ ຢູ່ລັດ Pennsylvania ​ແລະ​ກໍ​ແມ່ນນຶ່ງ
ໃນຈໍານວນ 100 ກວ່າວັດຂອງ ປະຊາຄົມລາວ ອາ​ເມຣິກັນ ທີ່ຂະຫຍາຍ ອອກ​ໄປ ທົ່ວ
ສະຫະລັດ.

ເພື່ອເປັນການຫາລາຍໄດ້ ສົມ​ທົບທຶນສ້າງວັດໃນຄັ້ງນີ້ ທ່ານກາຍຍະສິດ ສຸລິສັກ ຜູ້​ປະ
ສານ​ງານ ການ​ຫາ​ລາຍ​ໄດ້ ​ແລະເຈົ້າຂອງ “Marla Productions” ບໍລິສັດຜະລິດເພງ
ລາວສະໄໝ ໄດ້ນໍາພາບັນດ​ານັກດົນຕີ ແລະນັກຮ້ອງສາມຄະນະ​ ອາສາ​ສະມັກເຂົ້າ​ຮ່ວມ​
ຫາລາຍ​ໄດ້ຄືຄະນະ The Infinity, Complement of George ​ແລະ Les Cigales
​ປະກອບສ່ວນສັບ​ປ່ຽນ ສ້າງບັນຍາ​ກາດ.

ທ່ານກາຍຍະສຸດ ສຸລິສັກ ເຈົ້າຂອງ Marla Productions ແລະ ຜູ້ປະສານງານຫາລາຍໄດ້ສ້າງ ວັດລາວສາມະຄີທໍາ.
ທ່ານກາຍຍະສຸດ ສຸລິສັກ ເຈົ້າຂອງ Marla Productions ແລະ ຜູ້ປະສານງານຫາລາຍໄດ້ສ້າງ ວັດລາວສາມະຄີທໍາ.

ນອກນັ້ນ​ກໍຍັງ​ມີນັກສີນລະປີນ ທີ່​ມີ​ຊື່​ສຽງ​ໃນ​ອ​ະດີດ ​ແລະ​ປັດ​ຈຸ​ບັນອີກ​ທ່ານ​ນຶ່ງຄື ທ່ານ
ສີ​ລາ​ວົງ ​ແກ້ວ ໄດ້​ເດີນ​ທາງ​ມາ​ຈາກ​ລັດ Illinoise ອາສາ​ສະມັກ​ເຂົ້າ​ມາ​ຮ່ວມ​ສ້າງ​ບູນກຸສົນ
​ໃນ​ຄໍ່າ​ຄືນ​ນັ້ນ​ນຳ. ກ່ອນ​ປີ 1975 ທ່ານ ສີ​ລາ​ວົງ ແມ່ນອະດີດ​ນັກ​ສຶກສາ​ກົດໝາຍ ນັກ​ປະ
ພັນ ​ແລະ​ນັກຮ້ອງທີ່​ມີ​ຊື່​ສຽງ ​ເພງ​ຂອງ​ທ່ານສີ​ລາ​ວົງ ຫລາຍໆ​ເພງຍັງ​ຝັງ​ຢູ່​ໃນຄວາມ​ຊົງ​ຈໍາ​
ຂອງ ບັນດາໜຸ່ມນ້ອຍ​ລາວ ​ໃນຕອນ​ທ້າ​ຍ ປີ 1960 ​ດັ່ງ​ຕົວຢ່າງເພງ ​“ເອື້ອຍ​ກໍ​ງາມ ນ້ອງ​
ກໍ​ງາມ ​ແລະ ລູກ​ນາຍ​ພັນ ຫລານ​ສາວ​ນາຍ​ພົນ ດັ່ງ​ນີ້​ເປັນ​ຕົ້ນ.

ທ່ານສີລາວົງ ແກ້ວ ນັກຮ້ອງ ແລະນັກປະພັນໃນອະດີດ ແລະປັດຈຸບັນ ທີ່ໄດ້ເດີນທາງຈາກ ເມືອງ Elgin, Illinoise ມາຮ່ວມງານ.
ທ່ານສີລາວົງ ແກ້ວ ນັກຮ້ອງ ແລະນັກປະພັນໃນອະດີດ ແລະປັດຈຸບັນ ທີ່ໄດ້ເດີນທາງຈາກ ເມືອງ Elgin, Illinoise ມາຮ່ວມງານ.

ປະກອບ​ສ່ວນ​ຫາ​ລາຍ​ໄດ້ອີກ​ຄະນະ​ນຶ່ງ ​ກໍໄດ້​ແກ່ ຄະນະ Compliment George ​ຊຶ່ງ
ເປັນ​ວົງ​ດົນຕີ​ຜູ້ຍິງ. ປະກອບ​ຢູ່ໃນ​ນັ້ນ​ມີ ​ແມ່ນ​ມີສະ​ຕີລາວ ອາ​ເມ​ຣິກັນ​ນຶ່ງຄົນຊື່ວ່າ ມາລາ
ສຸລິ​ສັກ. ນາງ​ຫລີ້ນ guitar bass ​ແລະ​ກໍ​ເປັນ​ລູກ​ສາວ​ຂອງ​ ທ່ານກາຍຍະສິດ ສຸລິ​ສັກ.

ຄະນະວົງດົນຕີ Complement of George ຈາກຊ້າຍໄປຂວາຄຶ Katy (Keyboard) Jessica (Lead singer) Marla (Bass) Venessa (Drummer) Susanna (Keyboard) Jackie (back up guitar and vocal)
ຄະນະວົງດົນຕີ Complement of George ຈາກຊ້າຍໄປຂວາຄຶ Katy (Keyboard) Jessica (Lead singer) Marla (Bass) Venessa (Drummer) Susanna (Keyboard) Jackie (back up guitar and vocal)

ໃນ​ຄໍ່າ​ຄືນ​ວັນ​ນີ້ ມີ​ບັນດາ​ສະມາຊິກ​ປະຊາ​ຄົມ​ລາວ​ຫລາຍຣ້ອຍຄົນ ພ້ອມດ້ວຍ​ແຂກ​ຕ່າງ
ປະ​ເທດເຂົ້າ​ຮ່ວມ​ສັງ​ສັນຢ່າງ​ມ່ວນ​ຊື່ນ​ລື້​ນ​ເລີງ. ​ແຕ່​ເປັນ​ທີ່ໜ້າ​ເສຍ​ໃຈ​ທີ່ເຮົາ​ບໍ່​ສາມາດ​ນໍາເອົາ
​ສຽງ​ເພງຂອງ ທ່ານ​ສີ​ລາ​ວົງ ​ແກ້ວ ມາສະ​ເໜີ​ທ່ານໄດ້​ເນື່ອງ​ຈາກ​ວ່າ ໃນ​ເວລາປະມານ 10:30 ​
ແລງຄືນວັນ​ສຸກ ທີ່ 29 ມິຖຸນານັ້ນ ຂົງ​ເຂດ​ນະຄອນ ຫລວງ ວໍ​ຊິງ​ຕັນ ດີ.ຊີ ​ໄດ້​ປະສົບ​ກັບ​
ລົ​ມພາຍຸ​ຮ້າຍ​ແຮງແບບ​ບໍ່​ເຄີຍ​ມີ​ມາ​ກ່ອນ ເຮັດ​ໃຫ້ຂົງ​ເຂ​ດ ຂອງ​ສາມ​ລັດຕິດ​ກັນ​ຄື ນະ​ຄອນ​
ຫລວງ ວໍຊິງ​ຕັນ ພາກ​ເໜືອ​ລັດ​ເວີ​ຈີ​ເນຍ ​ແລະ​ລັດ​ແມຣີ​ແລນ ຕ້ອງ​ໄດ້​ປະສົບ​ກັບຕົ້ນ​ໄມ້ລົ້ມ ​
ງ່າ​ໄມ້ຫັກ ​ໄຟຟ້າ​ມອດ ສ້າງ​ຄວາມເສຍ​ຫາຍ ​ແລະ​ຄວາມ​ຍາກ​ລໍາບາກຫລາຍ​ຢ່າງໃຫ້ແກ່ປະ
ຊາກອນ​ປະມານ ລ້ານ​ກວ່າ​ຄົນ ທີ່ບໍ່​ມີ​ພະລັງ​ໄຟ​ຟ້າໃຊ້ ພາຍ​ໃຕ້​ອາກາດ​ອັນ​ຮ້ອນ​ເອົ້າ 100
ອົງສາ​ເປັນ​ເວລາ​ເກືອບ ນຶ່ງ​ອາທິດ ຈ່ຶງ​ເປັນ​ອັນວ່າ​

ງານ​ຫາ​ລາຍ​ໄດ້​ສຳລັບ​ການ​ສ້າງ​ວັດ York Spring ລັດ Pennsylvania ໃນຄໍ່າ​ຄືນ​ວັນນັ້ນ​
ໄດ້​ສິ້ນ​ສຸດ​ລົງ​ພຽງ​ເທົ້າ​ນັ້ນ.

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ
ການລຽງລຳດັບ ຄວາມເຫັນ
ຄວາມເຫັນ
     
ໂດຍ: vjk
10.08.2012 10:05
thanks for Laos you are very smart Lao Lao Lao ..........

ໂດຍ: ຄໍາໄຫລ ແກ້ວຄ່ຽມຄໍາ
20.07.2012 10:31
ດີໃຈນໍາທີ່ທ່ານສ້າງຄວາມດີ ຂໍອະນຸໂມທະນາຜົນບຸນນໍາແດ່ຊາດ ສາສນາ ມາຕຸພູມ ຕ້ອງ
ທ່ອງໄວ້ໃນໃຈ ບໍ່ວ່າຈະຢູ່ທີ່ໃດເຮົາກໍ່ຍັງເປັນລາວ

ໂດຍ: ລາວ
18.07.2012 11:41
ແມ່ນແລ້ວເຖິງຈະເອກອ້າງທະນົງໃຈປານໃດວ່າແມ່ນລາວ ແຕ່ຖ້າເວົ້າພາສາລາວບໍ່ໄດ້ ຂ້າພະເຈ້ົາຄິດວ່າກໍ່ບໍ່ມີຄວາມໝາຍ

ໂດຍ: ລາວລາວ
16.07.2012 14:51
Tankyou Mr John Verygood ເລືອດລາວລາວ ເຖິງຈະຕົກຢູ່ແຫ່ງຫົນໃດກໍ່ບໍ່ລືມ ຮີດຄອງປະເພນີ ວັດທະນາທຳລາວ ແຕ່ຂໍຝາກເຖິງພີ່ນ້ອງຊາວລາວທຸກໆຄົນທີ່ດຳລົງຊີວິດຢູ່ທົ່ວໂລກ ຈົ່ງຊ່ວຍກັນສິດສອນລູກຫຼານ ໃຫ້ເວົ້າພາສາລາວໃຫ້ໄດ້ ເພາະທີ່ຜ່ານມາ ລູກຫຼານຄົນລາວທີ່ເກີດຢູ່ຕ່າງປະເທດສ່ວນຫຼວງຫຼາຍເວົ້າພາສາລາວບໍ່ເປັນ.

ໂດຍ: ນະຣິດ
16.07.2012 04:47
ສາມັກຄີທັມ ບໍ່ແມ່ນ ສາມະຄີທຳ 7ຂຽນບໍ່ຖືກ ແລະບໍ່ມີຄວາມຫມາຍ!!!
ຈາວາສະກຣິບຕ໌ຂອງທ່ານບໍ່ໄດ້ເປີດຫຼືບໍ່ກໍອາໂດບແຟລສເພລເຢີຂອງທ່ານເປັນຮຸ່ນເກົ່າ
ການຊ້ອມລົບ ຈົງອາງຄຳ ມີຂຶ້ນ ທ່າມກາງ ຄວາມເຄັ່ງຕຶງ ລະຫວ່າງ ສຫລ ກັບ ໄທi
X
22.02.2015
ຍັງມີຄວາມເຄັ່ງຕຶງຢູ່ຕໍ່ມາ ລະຫວ່າງພວກຜູ້ນຳທະຫານໄທ ທີ່ເຂົ້າຍຶດ ອຳນາດໃນເດືອນພຶດສະພາປີກາຍນີ້ ກັບສະຫະລັດທີ່​ໄດ້ຮຽກຮ້ອງໃຫ້ ຍົກເລີກກົດໄອຍະການເສິກແລະກັບຄືນໄປສູ່ການປົກຄອງ ແບບປະ ຊາທິປະໄຕໃນທັນທີ ຊຶ່ງໄດ້ພາໃຫ້ມີການປ່ຽນແປງ ໃນການ​ເຝິກຊ້ອມ ປະຈຳປີ ຂອງ​ທະຫານ ຊຶ່ງມີຫຼາຍປະເທດເຂົ້າຮ່ວມ ຢູ່ທີ່ປະ​ເທດໄທ.

ຂ່າວຫລ້າສຸດ

ວີດີໂອ ສຳພາດ ພະນະທ່ານນາງ ເອກອັກຄະລັດຖະທູດ ມາໄລວຽງ ສາກົນນິຍົມ

ພະນະທ່ານນາງ ມາໄລວຽງ ສາກົນນິຍົມ ຊຶ່ງຫາກໍພົ້ນຈາກຕຳແໜ່ງ ນັກການທູດສູງສຸດ ຂອງລາວ ປະຈຳປະເທດຟິລິບປີນ ເປັນຜູ້ນຶ່ງໃນ ສາມເອກອັກຄະລັດຖະທູດຍິງ ຂອງ ສປປ ລາວ.
ອ່ານຕື່ມ

ວີດີໂອ ສະຫະລັດ ຕັ້ງຂໍ້ກ່າວຫາ ພວກຜູ້ຕ້ອງສົງໄສ 3 ຄົນ ຖານໃຫ້ການສະໜັບສະໜຸນ ກຸ່ມລັດອິສລາມ

ພວກຜູ້ຊາຍທັງສາມຄົນນີ້ ຖ້າສານຕັດສິນວ່າ ມີຄວາມຜິດແທ້ ແຕ່ລະຄົນ ຈະປະເຊີນກັບ ການລົງໂທດ ຈຳຄຸກ ເຖິງ 15 ປີ.
ອ່ານຕື່ມ

ວີດີໂອ ຫຼາຍກວ່າ 100 ຄົນ ເສຍຊີວິດ ໃນເຫດຫິມະເຈື່ອນ ທີ່ ອັຟການິສຖານ

ເຈົ້າແຂວງໆ Panjshir ກ່າວວ່າ ໄດ້ມີຫິມະຕົກລົງຢ່າງໜັກເປັນເວລາສອງມື້ ແລະວ່າ 'ພວກ​ເຮົາບໍ່​ເຄີຍ​ເຫັນ​ຫິມະ ຫຼື​ເຫດການ​ຫິມະ​ເຈື່ອນ ຫຼາຍປານ​ນີ້ມາກ່ອນ ໃນຮອບ 30 ປີ.'
ອ່ານຕື່ມ

ວີດີໂອ ກຸ່ມຕາລີບັນ ແນເປົ້າໝາຍ ໃສ່ລົດສະຖານທູດ ເທີກີ ທີ່ຄາບູລ

ສື່ມວນຊົນ ອັຟການິສຖານ ກ່າວວ່າ ທ່ານ Ismail Aramaz ເອກອັກຄະລັດຖະທູດ ເທີກີ ປາກົດວ່າ ເປັນເປົ້າໝາຍຂອງການວາງລະເບີດໂຈມຕີ ທີ່ຄາບູລ.
ອ່ານຕື່ມ

Multimedia ຣັດເຊຍ ປະນາມ ການຂົ່ມຂູ່ ຂອງປະເທດ ຕາເວັນຕົກ ທີ່ຈະລົງໂທດຕົນ ໜັກຂຶ້ນອີກ

ທ່ານ Lavrov ໄດ້​​ເອີ້ນ​ການ​ຂົ່ມຂູ່​ເຫຼົ່າ​ນັ້ນ ວ່າ ​ເປັນຄວາມ​ພະຍາຍາມ​ເພື່ອ “ຫັນເຫຄວາມ​ສົນ​ໃຈ” ໄປຈາກຄວາມຈຳເປັນ ​ທີ່​ຈະຕ້ອງໄດ້​ປະຕິບັດ​ຕາມຂໍ້ຕົກລົງຢຸດ​ຍິງ
ອ່ານຕື່ມ
ຕື່ມອີກ
ສຸກສັນວັນຄຣິສມັສ ແລະໂຊກດີປີໃໝ່ ຈາກ ວີໂອເອi
X
19.12.2014