ກະຊວງຍຸດຕິທຳສະຫະລັດ ໄດ້ປະກາດວ່າ ຕົນຈະທຳການ
ສືບສວນສອບສວນທາງດ້ານສິດທິພົນລະເມືອງ ຢູ່ໃນກົມຕຳ
ຫລວດຂອງເມືອງ Ferguson ລັດ Missouri ບ່ອນທີ່ເຈົ້າໜ້າ
ທີ່ຕຳຫລວດຜິວຂາວ ຍິງ ຊາຍໜຸ່ມຜິວດຳທີ່ບໍ່ມີອາວຸດຄົນນຶ່ງ
ຕາຍ ໃນລະຫວ່າງການປະເຊີນໜ້າກັນຢູ່ຕາມຖະໜົນ ເມື່ອ
ເດືອນແລ້ວນີ້.
ລັດຖະມົນຕີກະຊວງຍຸດຕິທຳ ທ່ານ Eric Holder ກ່າວໃນວັນ
ພະຫັດ ວານນີ້ວ່າ ການສືບສວນໄດ້ມີຂຶ້ນ ຍ້ອນມີການກ່າວຫາ
ວ່າ ເຈົ້າໜ້າທີ່ຕຳຫລວດຂອງເມືອງດັ່ງກ່າວໄດ້ມີການຈຳແນກ
ກີດກັນຢ່າງເປັນລະບົບ ຕໍ່ຊາວເມືອງຄົນຜິວດຳ.
ທ່ານ Holder ເວົ້າວ່າ “ພວກເຮົາ ໄດ້ໄຕ່ຕອງວ່າມີເຫດຜົນທີ່ກະຊວງ ຍຸດຕິທຳ
ຈະເປີດການສືບສວນສອບສວນເພື່ອພິຈາລະນາເບິ່ງວ່າ ເຈົ້າ ໜ້າທີ່ຕຳຫລວດ
ເມືອງ Ferguson ໄດ້ດຳເນີນການແບບເປັນລະບົບຫຼື ການກະທຳ ທີ່ເປັນການ
ລະເມີດຕໍ່ລັດຖະທຳມະນູນ ຂອງສະຫະລັດ ຫຼື ກົດໝາຍຂອງລັດຖະບານ.”
ທ່ານກ່າວວ່າ ການສືບສວນສອບສວນ ຈະລວມທັງ ການກວດຄືນເບິ່ງ ການຢຸດກວດ
ຕ່າງໆຂອງຕຳຫລວດ ການນຳໃຊ້ກຳລັງທີ່ຮ້າຍແຮງເຖິງແກ່ຊີວິດ ແລະ ການປະຕິບັດ
ຕໍ່ພວກຖືກຄຸມຂັງ.
ປະຊາຊົນໃນເມືອງ Ferguson ໄດ້ສະແດງຄວາມວິຕົກກັງວົນ ກ່ຽວກັບຕຳຫລວດ ຫຼັງ
ຈາກມີການຍິງ ທ້າວ Michael Brown ໄວ 18 ປີ ຕາຍ ເມື່ອວັນທີ 9 ສິງຫາທີ່ຜ່ານມາ
ໂດຍເຈົ້າໜ້າທີ່ຕຳຫລວດ Darren Wilson ນັ້ນ.
ທ່ານ Holder ກ່າວວ່າ ການສືບສວນສອບສວນອີກຕ່າງຫາກ ຂອງ ລັດຖະບານກາງ
ກ່ຽວກັບການສັງຫານດັ່ງກ່າວນີ້ ແມ່ນຍັງມີທາງເປັນ ໄປໄດ້ຢູ່.