ຜູ້ອຳນວຍການຕຳຫຼວດສັນຕິບານກາງ FBI ທ່ານ James Comey ກ່າວວ່າ ຄວາມພະຍາຍາມໃນການຮັບສະໝັກຄົນອາເມຣິກັນ ທາງອິນ ເຕີເນັດຂອງ ກຸ່ມລັດອິສລາມ ໄດ້ເປັນໄພຂົ່ມຂູ່ດ້ານການກໍ່ການຮ້າຍຕໍ່ ສະຫະລັດ ໃຫຍ່ກວ່າພວກ al-Qaida ອີກ.
ໃນການກ່າວເມື່ອຕອນແລງວັນພຸດວານນີ້ ທີ່ກອງປະຊຸມຄວາມໝັ້ນຄົງ ປະຈຳປີ ທີ່ເມືອງ Aspen ໃນລັດ ໂຄໂລຣາໂດ, ທ່ານ Comey ໄດ້ໃຫ້ຄຳຕັກເຕືອນ ກ່ຽວກັບການໂຄສະນາທາງສື່
ສັງຄົມທີ່ເພີ້ມທະວີຂຶ້ນຂອງກຸ່ມພວກຫົວຮຸນແຮງນັ້ນ.
ທ່ານ Comey ກ່າວວ່າ ພວກ ISIL ບໍ່ແມ່ນພໍ່ແມ່ຂອງເຈົ້າ al-Qaida ເຊິ່ງເປັນອີກຊື່ໜຶ່ງສຳລັບພວກລັດອິສລາມ. “ພວກ ISIL ກຳລັງວົນວຽນຢູ່ອ້ອມຂ້າງອ້ອມແອວຂອງເຈົ້າ. ເຂົາເຈົ້າຢູ່ຫັ້ນແຫຼະໃນ Twitter.”
ໃນຂະນະທີ່ພວກ al-Qaida ແມ່ນລະມັດລະວັງຕໍ່ວິທີທີ່ພວກເຂົາຄັດເລືອກຜູ້ປະຕິບັດການ, ທ່ານກ່າວວ່າ ພວກລັດອິສລາມແມ່ນກະຈາຍຕາໜ່າງການຮັບສະໝັກອອກໄປໄກກວ່າ ແລະ ຍິນດີທີ່ຈະຮັບສະໝັກ “ພວກທີ່ບໍ່ມີຄວາມໝັ້ນຄົງ ແລະ ພວກມີບັນຫາການຕິດຢາ.”
ທ່ານ Comey ໄດ້ກ່າວວ່າ ການເຊື່ອມຕໍ່ຂອງພວກ ລັດອິສລາມ ຢູ່ໃນບັນຊີ Twitter ມີຄົນຕິດຕາມທີ່ໃຊ້ພາສາອັງກິດໃນການສື່ສານ ປະ ມານ 21,000 ຄົນ, ເຊິ່ງຮ້ອຍຫຼືພັນຄົນໃນນັ້ນ ແມ່ນຄົນຢູ່ໃນ ສະຫະ ລັດ.
ທ່ານໄດ້ກ່າວວ່າ ຕຳຫຼວດ FBI ໄດ້ເລີ້ມທຳການສືບສວນທີ່ພົວພັນກັບ ຊາວ ອາເມຣິກັນ ທີ່ອາດຈະກາຍເປັນພວກຫົວຮຸນແຮງ ແລະ ຢາກຈະເຮັດການໂຈມຕີກໍ່ການຮ້າຍ.
ທ່ານໄດ້ຢືນຢັນວ່າ ສຳນັກງານ FBI ບໍ່ໄດ້ຕິດຕາມທ້າວ Muhammad Abdulazeez ທີ່ໄດ້ຖືກລະບຸວ່າ ເປັນມືປືນທີ່ໄດ້ຍິງ ສັງຫານທະຫານ 5 ຄົນໃນສັບປະດາທີ່ຜ່ານມາຢູ່ສູນກາງ ຂອງກອງທັບໃນລັດ Tennessee.
