ທີ່ປຶກສາພິເສດອົງການສະຫະປະຊາຊາດໃນເຢເມນ ໄດ້ກ່າວວ່າ
ການປ່ອຍຕົວຂອງເຈົ້າໜ້າທີ່ຂັ້ນສູງຂອງລັດຖະບານ ທີ່ໄດ້ຖືກຈັບ
ເປັນຕົວປະກັນໂດຍພວກກະບົດ Houthi ຈະເປັນການລຸດຜ່ອນ
ຄວາມເຄັ່ງຕຶງລົງ.
ທູດພິເສດທ່ານ Jamal Benomar ໄດ້ພົບໃນວັນພຸດວານນີ້ກັບ
ທ່ານ Ahmed bin Mubarak ຜູ້ຊຶ່ງໄດ້ຈັບກຸມເມື່ອ 10 ມື້ ກ່ອນ
ໜ້ານີ້ ທີ່ໄດ້ກໍ່ໃຫ້ເກີດມີການປະທະກັນລະຫວ່າງ ພວກກະບົດ
Houthi ແລະກອງກຳລັງລັດຖະບານ ການປິດລ້ອມຂອງພວກ
ກະບົດ Houthi ຕໍ່ທຳນຽບລັດຖະບານ ການລາອອກຂອງປະທາ
ນາທິບໍດີ ນາຍົກລັດຖະມົນຕີ ແລະຄະນະລັດຖະບານ.
ທ່ານ Benomar ເວລານີ້ ກຳລັງຊອກຫາຊ່ອງທາງເພື່ອໃຫ້ມີການປະນີປະນອມກັນ ໂດຍ
ເປີດ ປະຊຸມຮອບພິເສດໃນວັນພຸດວານນີ້ກ່ຽວກັບຂໍ້ຕົກລົງສັນຕິພາບແລະພາຄີແຫ່ງຊາດ ຊຶ່ງເປັນຂັ້ນ ຕອນທີ່ໄດ້ວາງໄວ້ຫລັງຈາກພວກ Houthi ບຸກເຂົ້າມາໃນນະຄອນຫຼວງ Sa-
na’a ໃນເດືອນກັນຍາແລ້ວນີ້ ເພື່ອທີ່ຈະເຂົ້າພົວພັນກັບການເຄື່ອນໄຫວ ໃນການເຈລະຈາ ກັບກຸ່ມການເມືອງ ອື່ນໆຂອງເຢເມນ.
ໃນສະຖານະການຍັງມີການປ່ຽນແປງຢູ່ນີ້ ພວກສັງເກດການ
ບາງຄົນ ໃຫ້ຂໍ້ສັງເກດວ່າ ເຖິງແມ່ນມີຊ່ອງຫວ່າງທາງອຳນາດ
ຢູ່ກໍຈິງ ແຕ່ໂອກາດຂອງການເຈລະຈາກ່ຽວກັບການຕົກລົງ
ກັນນັ້ນແມ່ນຍັງມີຢູ່. Hakim Almasmari ບັນນາທິການຂອງ
ໜັງສືພິມ Yemen Post ໄດ້ກ່າວວ່າ “ພວກກະບົດ Houthi
ບໍ່ຕ້ອງການຈະຄຸມຄອງເຢເມນໂດຍກົງ” ເພາະວ່າ “ພວກເຂົາບໍ່ຢາກຈະເປັນຜູ້ ຮັບຜິດຊອບຕໍ່ປະເທດທີ່ປົກຄອງຕົນເອງບໍ່ໄດ້.”
ແຕ່ທ່ານ Almasmari ໄດ້ກ່າວວ່າ ທ່ານເຊື່ອວ່າ ວິກິດການ
ທີ່ວ່ານີ້ ໄດ້ເພີ້ມກຳລັງໃຫ້ພວກກະບົດທີ່ມີຖານປະຕິບັດງານ
ຢູ່ໃນພາກເໜືອຂອງປະເທດ. ທ່ານກ່າວຕໍ່ VOA ໂດຍໃຫ້
ຂໍ້ສັງເກດວ່າ ຄວາມວຸ້ນວາຍ 3 ມື້ໃນສັບປະດາທີ່ແລ້ວນີ້
ມີໜ້ອຍກວ່າ 30 ຄົນ ໄດ້ຖືກສັງຫານ. ຄວາມຮຸນ ແຮງທີ່ຢູ່ໃນຂີດຈຳກັດດັ່ງກ່າວ ສະແດງໃຫ້
ເຫັນວ່າ ທັງປະຊາຊົນ ລັດຖະບານ ແລະກຳລັງທະຫານຕ່າງກໍບໍ່ຢາກສູ້ລົບກັນ. ພວກເຂົາຢາກໃຫ້ບັນລຸການຕົກລົງກັນ.
ເບິ່ງວີດີໂອກ່ຽວຂ້ອງ:
