ຂ່າວ

ແຂວງຈໍາປາສັກ ສົ່ງອອກກາເຟ ໄປຍີ່ປຸ່ນ ຫລາຍຂຶ້ນ

ການສົ່ງອອກກາເຟຈາກແຂວງຈໍາປາສັກ ໄປປະເທດຢີ່ປຸ່ນໄດ້ເພີ່ມສູງຂຶ້ນຢ່າງຕໍ່ເນື່ອງໃນ ຕະຫຼອດປີ 2011 ນີ້ ເຊິ່ງເຮັດໃຫ້ກາເຟເປັນສິນຄ້າສົ່ງອອກ ທີ່ສ້າງລາຍໄດ້ເປັນອັນດັບນຶ່ງ ໃຫ້ແກ່ແຂວງອີກດ້ວຍ.

ທ່ານສອນໄຊ ສີພັນດອນ ເຈົ້າແຂວງ ແຂວງຈໍາປາສັກ ຊົມງານ ຕະຫລາດນັດວາງສະແດງສິນຄ້າ ແລະການທ່ອງທ່ຽວ ທີ່ຈັດຂຶ້ນ​ໃນເດືອນມິຖຸນາທີ່ຜ່ານມານີ້
ທ່ານສອນໄຊ ສີພັນດອນ ເຈົ້າແຂວງ ແຂວງຈໍາປາສັກ ຊົມງານ ຕະຫລາດນັດວາງສະແດງສິນຄ້າ ແລະການທ່ອງທ່ຽວ ທີ່ຈັດຂຶ້ນ​ໃນເດືອນມິຖຸນາທີ່ຜ່ານມານີ້

ມຸນທີມີເດຍ

ສຽງ
ຊົງຣິດ ໂພນເງິນ

ທ່ານ ສອນໄຊ ສີພັນດອນ ເຈົ້າແຂວງ ແລະເລຂາພັກແຂວງຈໍາປາສັກ ໄດ້ຖະແຫຼງວ່າ ຜົນຜະລິດໃນພາກກະສິກໍາ ຍັງຄົງເປັນສິນຄ້າທີ່ມີມູນຄ່າການສົ່ງອອກຫຼາຍທີ່ສຸດຂອງ
ແຂວງຈໍາປາສັກໃນປັດຈຸບັນນີ້, ເຊິ່ງກໍມີສ່ວນຢ່າງສໍາຄັນ ໃນການເຮັດໃຫ້ລາຍໄດ້ສະເລ່ຍ
ຂອງປະຊາຊົນລາວໃນແຂວງຈໍາປາສັກ ໄດ້ເພີ່ມສູງຂຶ້ນເປັນ 1,097 ໂດລາ ຕໍ່ຄົນ ໃນປີ
2011 ນີ້ ຫຼືເພີ່ມຂຶ້ນເຖິງ 16% ເມື່ອທຽບກັບປີ 2005 ທີ່ຜ່ານມາ.

ສໍາລັບສິນຄ້າສົ່ງອອກທີ່ສ້າງລາຍຮັບໃຫ້ກັບແຂວງຈໍາປາສັກໄດ້ຫຼາຍທີ່ສຸດ ເປັນອັນດັບ
ນຶ່ງຂອງການສົ່ງອອກສິນຄ້າທັງໆໝົດຂອງແຂວງຈໍາປາສັກ ກໍຄືກາເຟເຊິ່ງໃນປີ 2010 ທີ່
ຜ່ານມາ ກໍປະກົດວ່າ ຈາກການສົ່ງອອກກາເຟໄປຕ່າງປະເທດໃນປະລິມານລວມ
14,800 ກວ່າໂຕນນັ້ນ ກໍສາມາດສ້າງລາຍຮັບເປັນເງິນຕາຕ່າງປະເທດ ໃຫ້ແກ່ແຂວງຈໍາ
ປາສັກໄດ້ຫຼາຍກວ່າ 14 ລ້ານໂດລາ ຫຼືຄິດເປັນ 47% ຂອງມູນຄ່າການສົ່ງອອກທັງໝົດ
ໃນຕະຫຼອດປີ 2010 ດັ່ງກ່າວ.

ພິທີເປີດໂຮງງານຜະລິດກາເຟເຄິ່ງສໍາເລັດຮູບຂອງບໍລິສັດດາວເຮືອງ ທີ່ລາວ
ພິທີເປີດໂຮງງານຜະລິດກາເຟເຄິ່ງສໍາເລັດຮູບຂອງບໍລິສັດດາວເຮືອງ ທີ່ລາວ

ຍິ່ງໄປກວ່ານັ້ນ, ການທີ່ລາຄາ
ກາເຟໃນຕະຫຼາດໂລກໄດ້ປັບ
ຕົວສູງຂຶ້ນຈາກ 1,000 ໂດລາ
ເປັນ 3,000 ໂດລາ ຕໍ່ໂຕນ
ໃນເວລານີ້ ກໍຍັງເຮັດໃຫ້ຜູ້
ສົ່ງອອກກາເຟລາວ ໄດ້ສະ
ແດງການຄາດໝາຍອີກດ້ວຍ
ວ່າ ການສົ່ງອອກກາເຟໃນຕະ
ຫຼອດປີ 2011 ນີ້ ຈະເພີ່ມຂຶ້ນ
ທັງໃນດ້ານປະລິມານ ແລະ
ມູນຄ່າອີກດ້ວຍ.
ເຊິ່ງເມື່ອປະກອບກັບກາເຟຂອງແຂວງຈໍາປາສັກ ເປັນກາເຟຄຸນນະພາບດີ ທີ່ເປັນທີ່ຕ້ອງ ການຂອງຕະຫຼາດຕ່າງປະເທດຢ່າງບໍ່ຈໍາກັດອີກດ້ວຍນັ້ນ, ໂດຍສະເພາະແມ່ນຢີ່ປຸ່ນ ກໍເຊື່ອ ວ່າ ຈະເຮັດໃຫ້ການສົ່ງອອກກາເຟຂອງແຂວງຈໍາປາສັກໃນຕະຫຼອດປີນີ້ ມີປະລິມານລວມ ເກີນກວ່າ 20,0000 ໂຕນຢ່າງແນ່ນອນ.

ດັ່ງທີ່ທ່ານນາງ ເລືອງ ລິດດັງ ປະທານກຸ່ມບໍລິສັດດາວເຮືອງ ເຊິ່ງເປັນຜູ້ສົ່ງອອກກາເຟ
ລາຍໃຫຍ່ທີ່ສຸດຂອງລາວໃນປະຈຸບັນນີ້ ໄດ້ໃຫ້ການຊີ້ແຈງເຖິງສະພາບການດັ່ງກ່າວໃນ
ຕອນນຶ່ງວ່າ:

ໝາກກາເຟທີ່ເປັນຜະລິດຕະພັນສົ່ງອອກອັນດັບນຶ່ງຂອງແຂວງຈໍາປາສັກ
ໝາກກາເຟທີ່ເປັນຜະລິດຕະພັນສົ່ງອອກອັນດັບນຶ່ງຂອງແຂວງຈໍາປາສັກ

ການສົ່ງອອກກາເຟມັນບໍ່ພໍ
ແຕ່ລະປີຕ້ອງໄດ້ເຮັດກ້າເບ້ຍ
ໃຫ້ປະຊາຊົນປູກຕື່ມ ແລະ
ຕະຫຼາດເຮົານີ້
ກໍແມ່ນຢີ່
ປຸ່ນມີເທົ່າໃດເຂົາກໍ່ເອົາໝົດ,
ພໍເຊັນສັນຍາກັບຢີ່ປຸ່ນແລ້ວ
ກະເຮົາເຮັດໃຫ້ເຂົາ ກໍຕ້ອງ
ເອົາຂອງດີໆ
ຂາຍ ແລ້ວເຮົາ
ກະເພີ່ມລາຄາຂຶ້ນ
ເຂົາກະຍັງ
ຊື້
ກະເລີຍເຮັດໃຫ້ປະຊາຊົນ
ທີ່ປູກ
ຫັ້ ມີກໍາໄລຫຼາຍ.”

ກ່ອນໜ້ານີ້ ກຸ່ມບໍລິສັດດາວເຮືອງໄດ້ລົງທຶນເຖິງ 50 ລ້ານໂດລາເພື່ອດໍາເນີນການກໍ່ສ້າງ
ໂຮງງານຜະລິດກາເຟເຄິ່ງສໍາເລັດຮູບ. ພາຍຫຼັງຈາກການກໍ່ສ້າງໂຮງງານສໍາເລັດແລ້ວ
ໃນທ້າຍປີນີ້ ກໍຈະເຮັດໃຫ້ກຸ່ມບໍລິສັດດາວເຮືອງ ສາມາດທີ່ຈະເພີ່ມມູນຄ່າການສົ່ງ​ອອກ​ເປັນກາເຟເຄິ່ງສໍາເລັດຮູບໄດ້ເຖິງ 8,000 ໂຕນ ຕໍ່ປີ. ພ້ອມກັນນັ້ນ ກໍໄດ້ສົ່ງເສີມໃຫ້ປະຊາ
ຊົນ​ໃນເຂດປາກຊ່ອງປູກກາເຟເພີ່ມຂຶ້ນອີກ 625 ເຮັກຕາ, ໂດຍທີ່ທາງບໍລິສັດໃຫ້ການຕອບ
ສະໜອງດ້ານແນວພັນ, ເທັກນິກ ແລະຮັບຊື້. ສ່ວນຜູ້ປູກນັ້ນກໍມີການປະກອບສ່ວນໃນດ້ານ
ທີ່ດິນ ແລະແຮງງານ. ໃນປີຜ່ານມາ ກຸ່ມບໍລິສັດດາວເຮືອງໄດ້ສົ່ງອອກກາເຟໃນປະລິມານ ລວມເຖິງ 15,000ໂຕນ ຫຼືຄິດເປັນມູນຄ່າລວມຫຼາຍກວ່າ 26ລ້ານໂດລາ.

ພິທີເຊັນສັນຍາລົງທຶນພັດທະນາເຂດເສດຖະກິດພິເສດຄອນພະເພັງ ລະຫວ່າງຜູ້ຕາງໜ້າລັດຖະບານລາວ ແລະ ຜູ້ລົງທຶນ
ພິທີເຊັນສັນຍາລົງທຶນພັດທະນາເຂດເສດຖະກິດພິເສດຄອນພະເພັງ ລະຫວ່າງຜູ້ຕາງໜ້າລັດຖະບານລາວ ແລະ ຜູ້ລົງທຶນ

ນອກຈາກການສົ່ງອອກກາເຟ
ແລະຜົນຜະລິດດ້ານກະສິກໍາ
ແລ້ວ ທາງການແຂວງຈໍາປາສັກ
ກໍຍັງໄດ້ໃຫ້ຄວາມສໍາຄັນຢ່າງຍິ່ງ
ຕໍ່ການພັດທະນາໃນດ້ານການ
ທ່ອງທ່ຽວ ແລະບໍລິການ. ໃນ
ໄລຍະ 5ປີ ທີ່ຜ່ານມາກໍປາກົດ
ວ່າ ພາກທຸລະກິດການທ່ອງ
ທ່ຽວໃນແຂວງຈໍາປາສັກນັ້ນ
ໄດ້ຂະຫຍາຍຕົວເພີ່ມຂຶ້ນສະເລ່ຍ ເຖິງ 10% ໃນແຕ່ລະປີ.

ຍິ່ງໄປກວ່ານັ້ນ ດ້ວຍການຈັດຕັ້ງເຂດເສດຖະກິດພິເສດຄອນພະເພັງຂຶ້ນມາຢ່າງເປັນທາງ
ການຫວ່າງໝໍ່ໆ ມານີ້ ກໍຍັງເຮັດໃຫ້ທາງການແຂວງຈໍາປາສັກເຊື່ອໝັ້ນວ່າ ຈະສາມາດສ້າງ
ວຽກເຮັດງານທໍາໃຫ້ປະຊາຊົນພາຍໃນແຂວງໄດ້ຫຼາຍໝື່ນຄົນ ເຊິ່ງກໍຈະຍັງຜົນເຮັດໃຫ້ສາ
ມາດລົບລ້າງຄວາມທຸກຍາກຂອງປະຊາຊົນພາຍໃນແຂວງໄດ້ຢ່າງແທ້ຈິງອີກດ້ວຍ.

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ
ຄວາມເຫັນ
     
ຍັງບໍ່ມີຄວາມເຫັນໃດໆໃນຟໍຣັມນີ້. ຂໍເຊີນທ່ານ ສະແດງຄວາມເຫັນ ເປັນຄົນທໍາອິດ
ຈາວາສະກຣິບຕ໌ຂອງທ່ານບໍ່ໄດ້ເປີດຫຼືບໍ່ກໍອາໂດບແຟລສເພລເຢີຂອງທ່ານເປັນຮຸ່ນເກົ່າ
ສຳພາດ ພະນະທ່ານ ແສງ ສຸຂະທິວົງ ເອກອັກຄະລັດຖະທູດ ສປປ ລາວ ປະຈຳສະຫະລັດi
X
24.05.2015
ເມື່ອຕົ້ນເດືອນພຶດສະພາ 2015 ນີ້ ພະນະທ່ານ ແສງ ສຸກຂະທິວົງ ເອກອັກຄະລັດຖະທູດລາວ ປະຈຳສະຫະລັດອາເມຣິກາ ການາດາ ແລະເມັກຊິໂກ ໄດ້ໃຫ້ສຳພາດແກ່ ວີໂອເອ-ລາວ ໃນໂອກາດສະເຫຼີມ ສະຫຼອງບຸນປີໃໝ່ລາວ ຢູ່ສະຖານທູດລາວໃນນະຄອນຫວງວໍຊິງຕັນ. ເຊີນບັນດາທ່ານ ຮັບຊົມໄດ້. ຂໍຂອບໃຈເປັນພິເສດແກ່ ທ່ານ Pinikharn Tulachom ນັກຖ່າຍທຳ ວີດີໂອ.

ຂ່າວຫລ້າສຸດ

ວີດີໂອ ວີໂອເອ ສຳພາດ ພະນະທ່ານ ເອກອັກຄະລັດຖະທູດ ແສງ ສຸຂະທິວົງ ທີ່ຫາກໍພົ້ນຈາກໜ້າທີ່

ວີໂອເອ ສຳພາດ ພະນະທ່ານ ເອກອັກຄະລັດຖະທູດແສງ ສຸຂະທິວົງ ພ້ອມດ້ວຍພັນລະຍາ ຍານາງ ສົມດີ ທີ່ຫາກໍພົ້ນຈາກໜ້າທີ່ ແລະໄດ້ເດີນທາງກັບຄືນສູ່ ສປປ ລາວ ເປັນທີ່ຮຽບຮ້ອຍແລ້ວ.
ອ່ານຕື່ມ

Multimedia ບັນດາ​ຜູ້ອຸບປະຖຳ​ ຮຽກຮ້ອງ​ໃຫ້ FIFA ປ່ຽນ​​ແປງ ຫຼັງຈາກ ທີ່ໄດ້ຖືກຟ້ອງຮ້ອງ

ບໍ​ລິ​ສັດ Visa ​ໄດ້ອອກຖະແຫຼງການຢ່າງແຂງ​ຂັນ ຫຼັງ​ຈາກ​ທີ່ກະຊວງຍຸຕິ​ທຳ ​ສະຫະລັດ ​ໄດ້​ເປີດ​ເຜີຍຄະດີ​ຟ້ອງ​ຮ້ອງ ​ທີ່​ໄດ້​ກ່າວຫາ​​ເຈົ້າ​ໜ້າ​ທີ່ 14 ຄົນ.
ອ່ານຕື່ມ

ຫົວໜ້າກຸ່ມ Nusra ກ່າວວ່າ ຕົນແນເປົ້າ ໂຈມຕີຊີເຣຍ ບໍ່ແມ່ນປະເທດຕາເວັນຕົກ

ຜູ້ນຳ​ຂອງ Al Qaida ສາ​ຂາ​ປະ​​ເທດຊີ​ເຣຍ ກ່າວວ່າ ຕົນແນ​ເປົ້າ​ ໃສ່​ການ​ເອົາ​ຊະນະ ​ປະ​ທາ​ນາ​ທິບໍດີ Bashaar Al Assad ບໍ່​​ແມ່ນ​ປະເທດຕາເວັນຕົກ.
ອ່ານຕື່ມ

ວີດີໂອ ທ່ານ Carter ຮຽກຮ້ອງໃຫ້ຈີນ ຢຸດເຊົາຖົມເກາະກໍ່​ສ້າງ ຢູ່ ທະເລຈີນໃຕ້

ທ່ານ Carter ກ່າວວ່າ ທຸກປະເທດໃນເອເຊຍ ຮວມທັງຈີນ ຕ້ອງຍຸຕິໃນການເຮັດໃຫ້ ບັນຫາຂັດແຍ້ງ ກ່ຽວກັບໝູ່ເກາະໝູ່ດອນ ກາຍເປັນການແຂ່ງຂັນ ທາງທະຫານ.
ອ່ານຕື່ມ

ວີດີໂອ ມີການສົ່ງເຊື້ອ Anthrax ດ້ວຍຄວາມຜິດພາດ ໄປໃຫ້ຫ້ອງ​ແລັບ ຫຼາຍແຫ່ງ

​ໂຄສົກ​ຂອງ​ທຳ​ນຽບຫ້າ​ແຈ ກ່າວວ່າ ​ມີການສົ່ງເຊື້ອ Anthrax ​​ທີ່ຍັງມີຊີວິດ ດ້ວຍຄວາມຜິດພາດ ໄປໃຫ້ຫ້ອງ​ແລັບ​ພົນລະ​ເຮືອນ ຢູ່​ໃນ 9 ລັດ ​ແລະ​ຫ້ອງແລັບທະຫານແຫ່ງນຶ່ງ ຢູ່​ເກົາຫຼີ​ໃຕ້​.
ອ່ານຕື່ມ
ຕື່ມອີກ