ເອເຊຍ

    ການພັດທະນາແລະ ການທ່ອງທ່ຽວ ກໍາລັງທໍາລາຍ ສະພາບແວດລ້ອມ ໃນມຽນມາ (ວີດິໂອລາວ/ອັງກິດ)

    ຊາວມຽນມາຄົນນຶ່ງກໍາລັງໃຊ້ຊີວິດປະຈໍາວັນ ຫາປາລ້ຽງຊີບ ທີ່ທະເລສາບ Inle ໃນມຽນມາ.
    ຊາວມຽນມາຄົນນຶ່ງກໍາລັງໃຊ້ຊີວິດປະຈໍາວັນ ຫາປາລ້ຽງຊີບ ທີ່ທະເລສາບ Inle ໃນມຽນມາ.

    ມຸນທີມີເດຍ

    ສຽງ

    ລິງຄ໌ຕ່າງໆ

    ໃນຖານະເປັນແຫຼ່ງທ່ອງທ່ຽວທີ່ກໍາລັງໂດ່ງດັງໃໝ່ສຸດຂອງຂົງເຂດ
    ເອເຊຍນັ້ນມຽນມາກໍາລັງປະເຊີນກັບຈໍານວນຊາວຕ່າງປະເທດທີ່
    ເພີ່ມຂຶ້ນໄປນັບມື້ ຄືພວກທີ່ຢາກໄປຢ້ຽມຊົມສະຖານທີ່ຕ່າງໆທີ່ປິດ ຕາຍມາໄດ້ຫຼາຍສິບປີ ນັ້ນ. ແຕ່ຈໍານວນນັກທ່ອງທ່ຽວທີ່ເພີ່ມຫຼາຍ
    ຂຶ້ນພ້ອມກັບການເຕີບໂຕຂອງອຸດສາຫະກໍາລາຍໃໝ່ໆ ແມ່ນກໍາ ລັງສ້າງຄວາມເສຍຫາຍ​ໃຫ້ແກ່ສະພາບແວດລ້ອມ. ຜູ້ສື່ຂ່າວວີໂອ
    ເອ Steve Sanford ລາຍງານຈາກທະເລສາບ INLE ທີ່ມີທິວ
    ທັດສວຍງາມຂອງມຽນມາ ບ່ອນທີ່ການພັດທະນາ ທີ່ຂະຫຍາຍ ຕົວອອກໄປຢ່າງວ່ອງໄວນັ້ນ ກໍາລັງສ້າງ​ຄວາມ​ເສຍ​ຫາຍເພີ່ມ​ຕື່ມ
    ໃຫ້​ແກ່ລະບົບນິເວດວິທະຍາທີ່​ເສຍ​ຫາຍໄປຫຼາຍແລ້ວນັ້ນ ທອງ
    ປານ ມີລາຍ​ລະອຽດ ມາສະເໜີທ່ານ.

    ເບິ່ງວີດິໂອ ພາສາລາວ:

    ການທ່ອງທ່ຽວກໍາລັງສ້າງ ຄວາມເສຍຫາຍໃຫ້ແກ່ ສະພາບແວດລ້ອມໃນມຽນມາ i
    || 0:00:00
    ...  
     
    X
    28.04.2013
    ໃນຖານະເປັນແຫຼ່ງທ່ອງທ່ຽວທີ່ກໍາລັງໂດ່ງດັງໃໝ່ສຸດຂອງ ຂົງເຂດເອເຊຍນັ້ນ ມຽນມາກໍາລັງປະເຊີນກັບຈໍານວນຊາວ ຕ່າງປະເທດທີ່ເພີ່ມຂຶ້ນໄປນັບມື້ ຄືພວກທີ່ຢາກໄປຢ້ຽມຊົມ ສະຖານທີ່ຕ່າງໆ ທີ່ປິດຕາຍມາໄດ້ຫຼາຍສິບປີນັ້ນ. ແຕ່ຈໍາ ນວນນັກທ່ອງທ່ຽວທີ່ເພີ່ມຫຼາຍຂຶ້ນ ພ້ອມກັບການເຕີບໂຕ ຂອງອຸດສາຫະກໍາລາຍໃໝ່ໆ ແມ່ນກໍາລັງສ້າງຄວາມເສຍ ຫາຍ​ໃຫ້ແກ່ສະພາບແວດລ້ອມ. ຜູ້ສື່ຂ່າວວີໂອເອ Steve Sanford ລາຍງານຈາກທະເລສາບ INLE ທີ່ມີທິວທັດ ສວຍງາມຂອງມຽນມາ ບ່ອນທີ່ການພັດທະນາທີ່ຂະຫຍາຍ ຕົວອອກໄປຢ່າງວ່ອງໄວນັ້ນ ກໍາລັງສ້າງ​ຄວາມ​ເສຍ​ຫາຍ ​​ເພີ່ມ​ຕື່ມໃຫ້​ແກ່ລະບົບນິເວດວິທະຍາທີ່​ເສຍ​ຫາຍໄປຫຼາຍ ແລ້ວນັ້ນ ທອງປານ ມີລາຍ​ລະອຽດ ມາສະເໜີທ່ານ.

    ທະເລສາບ Inle ຖືວ່າເປັນອັນຍະ​ມະນີອັນນຶ່ງຂອງມຽນມາບ່ອນທີ່ມີນົກຫຼາຍຊະນິດຍົກ ຍ້າຍໄປຢູ່​ຕາມ​ລະດູ​ການ ສັດສາວາສິ່ງຊະນິດທີ່ຫາຍາກ ແລະບັນດາຊົນເຜົ່າມຽນມາ ຈໍານວນຫຼວງຫຼາຍ ທີ່ອາ​ໄສຢູ່ຮ່ວມກັນ ອ້ອມ ແອ້ມໜອງນໍ້າຈືດ ທີ່​ກ້ວາງໃຫຍ່ ມີພື້ນທີ່
    110 ກິໂລແມັດມົນທົນນັ້ນ.
     
    ມາບັດນີ້ ພວກນັກທ່ອງທ່ຽວຕ່າງປະເທດພາກັນຫຼັ່ງໄຫຼເຂົ້າ​ໄປຢ່າງບໍ່ລົດລະ ແລະ​ເຖິງ​
    ແມ່ນ​ວ່າ ມັນໝາຍເຖິງເປັນທຸລະກິດໃຫຍ່ດີມີກໍາໄລສໍາລັບບາງຄົນ ຫຼືບາງບໍລິສັດກໍຈິງຢູ່
    ແຕ່ພວກຄົນທ້ອງຖິ່ນເວົ້າວ່າ ພວກເຂົາເຈົ້າ​ເປັນ​ຝ່າຍ​ທີ່ກໍາລັງສູນເສຍ.
     
    ສວນໝາກເລັ່ນທີ່​ລອຍ​ຢູ່​ບົນ​ໜ້າ​ນໍ້າ ເປັນຜົນລະປູກຫຼັກທີ່ນໍາ​ລາຍ​ໄດ້​ເປັນເງິນສົດມາສູ່
    ເຂດນີ້ ​ໂດຍປະກອບເປັນຫຼາຍກວ່າ 60 ເປີເຊັນຂອງຜົນຜະລິດການກະເສດທັງໝົດ ຂອງທ້ອງຖິ່ນ.
     
    ຊາວສວນ Mee Intara ເວົ້າວ່າ ລາວຍິນດີຕ້ອນຮັບນັກທ່ອງທ່ຽວຕ່າງປະເທດ ແຕ່
    ລາວບໍ່ມັກການຈະລາຈອນທີ່ອັ່ງອໍເພີ່ມຂຶ້ນ.
     
    ທ້າວ ມີ ອິນທະຣາ ​ເວົ້າ​ວ່າ: “ຟອງ​ນໍ້າ​ທີ່​ເກີດ​ຈາກ​ເຮືອຈັກນໍາ​ທ່ຽວຢ່າງ​ບໍ່​ຂາດ​ນັ້ນ ​
    ແມ່ນກໍາລັງ​ທໍາລາຍ​ຜົນ​ລະປູກ​ຂອງ​ຂ້ອຍ​ຢູ່​ທະ​ເລ​ສາບ​ນີ້.”

     
    ​ເສີມ​ໃສ່​ບັນຫາ​ທີ່​ມີ​ຢູ່​ແລ້ວ ກໍ​ແມ່ນ ນໍ້າມັນ​ກະ​ຊ້ວນ​ທີ່​ມາ​ຈາກເຮືອ ຜະສົມກັບຢາຂ້າ​ແມງ
    ທີ່ພວກ​ຊາວສວນ​ພາກັນ​ໃຊ້ ຢ່າງ​ຫລວງຫລາຍ​ເກີນ​ໄປ​ຢູ່​ແລ້ວ​ນັ້ນ ​ແມ່ນ​ກໍາລັງ​ເປັນ​ໄພ​
    ຂົ່ມຂູ່​ຕໍ່​ສະບຽງ​ນໍ້າ​ດື່ມ​.
     
    Khin Moe Khao ​ເວົ້າ​ວ່າ ຄອບຄົວ​ຂອງ​ລາວ ​ແລະ​ຄອບຄົວ​ອື່ນໆ​ ທີ່ອາໄສ​ຢູ່​ເທິງດອນ
    ຕ່າງໆ​ຂອງ​ທະ​ເລ​ສາບ​ນີ້ ​ເວົ້າ​ວ່າ ບັດ​ນີ້​ພວກ​ເຂົາ​ເຈົ້າຕ້ອງ​ໄດ້​ໄປເອົາ​ນໍ້າສະອາດ ມາ​ດື່ມ​
    ມາ​ໃຊ້​ຈາກ​ບ່ອນ​ອື່ນທີ່ຢູ່ຫ່າງໄກ.
     
    ຕູ້​ໂມ​ຂາວ ​ເວົ້າ​ວ່າ: “ຜູ້​ໃດ​ມີ​ເຮືອຈັກ ກໍ​ສາມາດ​ໄປ​ເອົາ​ນໍ້າ​ໄດ້​ຢ່າງ​ງ່າຍໆ ​ແຕ່​ຊາວ
    ບ້ານ​ບາງ​ຄົນ​ມີ​ແຕ່​ເຮືອພາຍ ​ແລະ​ກໍ​ບໍ່​ສາມາດ​ໄປ​ເອົາ​ນໍ້າ​ຢູ່​ໄກ​ໄດ້ ກໍ​ເລີ​ຍ​ພາກັນ​
    ເຈັບ​ປ່ວຍ​ ຍ້ອນ​ກິນນໍ້າ​ທີ່ເປື້ອນເປີ​ບໍ່​ສະອາດນັ້ນ.”

     
    ນອກ​ນັ້ນ ໃນຂະນະທີ່ການພັດທະນາແລະການປະກອບທຸລະກິດທີ່ບໍ່ມີກົດມີເກນ ດໍາເນີນ
    ໄປໜ້າຢ່າງບໍ່ລົດລະຢູ່​ນີ້ ບັນດານັກອະນຸລັກສິ່ງແວດລ້ອມທ້ອງຖິ່ນກໍພາກັນເປັນຫ່ວງນໍາ
    ຄວາມເປັນໄປໄດ້ສູງ ນໍາ​ອັນ​ທີ່ມີ​ຄວາມ​ສາມາດ​ບົ່ມ​ຊ້ອນ​ ທີ່ຈະສ້າງໄພພິບັດຕໍ່ສິ່ງແວດລ້ອມ​
    ໃນ​ລະດັບທີ່ໃຫຍ່ກວ່າ  ນັ້ນ​ກໍ​ຄືສານພິດທີ່ຈະຮົ່ວໄຫຼມາຈາກບໍ່ຖ່ານຫິນ​ແຫ່ງ​ນຶ່ງ.
     
    Khun Chankhe ນັກອະນຸລັກສິ່ງແວດລ້ອມຜູ້ນຶ່ງປະຈໍາອົງການເຍົາວະ ຊົນ Pa-Oh
    ເວົ້າວ່າ ສິ່ງເສດເຫຼືອທີ່ຮົ່ວໄຫຼມາຈາກ​ເໝືອງຖ່ານຫິນທີ່​ເປີດ​ກ້ວາງ ຢູ່ຫ່າງຈາກນີ້​ໄປ 13
    ຫຼັກນັ້ນ ​ແມ່ນໄຫຼລົງສູ່ບໍລິເວນສັນ​ປັນ​ນໍ້າຂອງທະເລສາບ Inle ນີ້ ຊຶ່ງເຮັດໃຫ້ບັນຫານີ້
    ຊໍ້າຮ້າຍລົງໄປອີກ.

    ທ້າວ ຊັງເຄ ເວົ້າວ່າ: “ປະຊາຊົນ​ສ່ວນ​ໃຫຍ່ໃນໝູ່ບ້ານ​ເຫລົ່ານີ້ອາ​ໄສຕອນ​ເທິງ​
    ຂອງນໍ້າຫ້ວຍ Tigyit ເພື່ອໃຊ້ເປັນແຫຼ່ງນໍ້າອາບນໍ້າດື່ມ ແລະເດີນທາງ ສະນັ້ນ
    ມັນເປັນອັນຕະລາຍທີ່ສຸດຕໍ່ພວກເຂົາເຈົ້າ ຍ້ອນວ່ານໍ້າເປັນມົນລະພິດ ຈາກບໍ່
    ຖ່ານ​ຫິນດັ່ງກ່າວ ແລະມັນກໍກະທົບທະເລສາບ Inle ນໍາ.”

     
    ຕາບໃດທີ່ທຸລະກິດການທ່ອງທ່ຽວ ແລະການພັດທະນາ ຍັງສືບຕໍ່ຂະຫຍາຍໂຕ​ອອກ​ໄປ​ເລື້ອຍໆ ທະເລສາບນໍ້າຈືດທີ່ໃຫຍ່ອັນດັບສອງຂອງມຽນມາ ແລະປະຊາຊົນທີ່ເພິ່ງພາ
    ອາໄສທະ​ເລສາບແຫ່ງນີ້  ກໍ​ແມ່ນຈະປະສົບກັບ​ການສູນເສຍ ທັ້ງ​ຊີວິດ​ການເປັນ​ຢູ່​ແລະ​
    ສິ່ງ​ແວດລ້ອມ ໜັກໜ້າໄປເລື້ອຍໆ.

    ເບິ່ງວີດິໂອ ພາສາອັງກິດ:

    Tourism, Development Threaten Burmese Lakei
    X
    23.04.2013
    As Asia’s newest tourist hotspot, Burma is experiencing a surge in foreigners eager to visit places that were closed-off for decades. But the spike in tourists and growth of new industries are taking an environmental toll. Rapid development is straining an already damaged ecosystem in Burma’s scenic Inle Lake. Steve Sanford reports for VOA.
    ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ
    ຄວາມເຫັນ
         
    ຍັງບໍ່ມີຄວາມເຫັນໃດໆໃນຟໍຣັມນີ້. ຂໍເຊີນທ່ານ ສະແດງຄວາມເຫັນ ເປັນຄົນທໍາອິດ
    ຈາວາສະກຣິບຕ໌ຂອງທ່ານບໍ່ໄດ້ເປີດຫຼືບໍ່ກໍອາໂດບແຟລສເພລເຢີຂອງທ່ານເປັນຮຸ່ນເກົ່າ
    ເຊີນຊົມວີດີໂອ ເລື່ອງການສ້າງພາບ ເໝືອນຈິງ ທີ່ເປັນຮູບຮ່າງ ດ້ວຍການນຳໃຊ້ ພວກໂດຣນນ້ອຍໆi
    X
    30.01.2016
    ໃນຂະນະທີ່ ພວກນັກຫຼິ້ນເກມຄອມ​ພິວ​ເຕີ້ ຫຼາຍຄົນຮູ້ດີວ່າ ພາບເໝືອນຈິງ ຫຼື virtual reality ແມ່ນເປັນຮູບສາມມິຕິ ທີ່ໄດ້ຖືກສາຍໃສ່ພວກແວນຕາພິເສດ. ມັນສາມາດຫລອກ ລວງສະໝອງຂອງທ່ານ ໃຫ້ຄິດວ່າ ໂລກໃນຄອມພິວເຕີ້ນັ້ນ ເປັນໂລກອັນແທ້ຈິງ. ແຕ່ຖ້າທ່ານ ພະຍາຍາມຈະຈັບມັນ ມັນ ຈະບໍ່ຢູ່ທີ່ນັ້ນ. ບັດນີ້ ບັນດານັກຄົ້ນຄວ້າຊາວການາດາ ກ່າວ ວ່າ ມັນອາດຈະເປັນໄປໄດ້ ທີ່ຈະສ້າງພາບເໝືອນຈິງ ທີ່ເປັນ ຮູບຮ່າງ ດ້ວຍການນຳໃຊ້ພວກໂດຣນນ້ອຍໆ. ຜູ້ສື່ຂ່າວຂອງ ວີໂອເອ George Putic ມີລາຍງານ ຊຶ່ງພຸດທະສອນ ຈະ ນຳມາສະເໜີທ່ານເປັນພາສາລາວ.

    ຂ່າວຫລ້າສຸດ

    ວີດີໂອ 12 ປະເທດ ລົງນາມແລກປ່ຽນການຄ້າ ຂົງເຂດປາຊິຟິກ ແຕ່ຍັງມີສິ່ງກີດຂວາງຢູ່ຂ້າງໜ້າ

    ບັນດາ 12 ປະເທດ ຈາກຂົງເຂດປາຊິຟິກ ໄດ້ຈັດຕັ້ງອັນທີ່ອາດຈະກາຍມາເປັນ ກຸ່ມແລກປ່ຽນການຄ້າໃຫຍ່ ທີ່ສຸດໃນໂລກ.
    ອ່ານຕື່ມ

    ສຽງ ຫວຽດນາມ ຈັດເປັນອັນດັບ 3 ໃນການລົງທຶນ ຕ່າງປະເທດ ໃນ ລາວ

    ການລົງທຶນຂອງບັນດາບໍລິສັດທຸລະກິດ ຫວຽດນາມ ຈັດເປັນອັນດັບທີ 3 ຂອງການລົງທຶນຈາກຕ່າງປະເທດທັງ ໝົດໃນ ລາວ
    ອ່ານຕື່ມ

    ວີດີໂອ ເພງ ເມື່ອຍ​ກັບ​ຄຳ​ວ່າ​ລໍ ຂໍ​ພໍ​ກັບ​ຄຳ​ວ່າ​ເຈັບ ຜົນງານເພງ ທີ່ປະທັບໃຈອີກເພງນຶ່ງຂອງ ຕ່າຍ ດອກເກດ

    ຜົນງານເພງຂອງຕ່າຍ ດອກເກດ ເພງ ​​ເມື່ອຍ​ກັບ​ຄຳ​ວ່າ​ລໍ ຂໍ​ພໍ​ກັບ​ຄຳ​ວ່າ​ເຈັບ ຄົງຈະເຮັດໃຫ້ທ່ານ ຜູ້ຟັງທີ່ເປັນຜູ້ຊາຍ ຫັນມາເປັນຄົນທີ່ເຫັນໃຈ ເຂົ້າໃຈ ແລະໃຫ້ຄວາມຈິງໃຈກັບແມ່ຍິງຫຼາຍຂຶ້ນ.
    ອ່ານຕື່ມ

    ເກົາຫຼີເໜືອ ບໍ່ຫຍໍ້ທໍ້ເລີຍ ຕໍ່ການກ່າວປະນາມ ຂອງນາໆຊາດ

    ສູນປະຕິບັດການ ອາວະກາດຮ່ວມ ສຫລ ກ່າວວ່າ ການຍິງຈະຫຼວດຂຶ້ນ ທີ່ນຳເອົາອຸປະກອນສອງອັນ ຂຶ້ນສູ່ວົງໂຄ ຈອນນັ້ນ ບໍ່ໄດ້ໃຫ້ຄວາມກະຈ່າງແຈ້ງວ່າ ມັນສົ່ງສັນຍານອອກມາ ຫຼືບໍ່.
    ອ່ານຕື່ມ

    ວີດີໂອ ໜ່ວຍກູ້ໄພ ຄົ້ນພົບ ຜູ້ລອດຊີວິດ ໃນຊາກຫັກພັງ ຈາກແຜ່ນດິນໄຫວ ໄຕ້ຫວັນ

    ຜູ້ລອດຊີວິດ 2 ຄົນໄດ້ຖືກກູ້ອອກມາຈາກຊາກ ຫັກພັງຂອງຕຶກຫ້ອງແຖວ 17 ຊັ້ນໃນເມືອງ Tainan ຂອງເກາະໄຕ້ຫວັນ
    ອ່ານຕື່ມ
    ຕື່ມອີກ