ສຸຂະພາບກັບວິທະຍາສາດ

ຄວາມດັນເລືອດສູງ ພາໃຫ້ເປັນ ໂຣກຫົວໃຈ ແລະ stroke ໄດ້ (ວີດິໂອ ລາວ/ອັງກິດ)

ນາງພະຍາບານກວດ​ເບິ່ງຄວາມດັນຂອງເລືອດ ​ໂດຍ​ການ​ເອົາຜ້າແທກຄວາມດັນເລືອດ ພັນ​​ແໜ້ນ​ໜ້ອຍ​ນຶ່ງ ອອ້ມກົກແຂນ.
ນາງພະຍາບານກວດ​ເບິ່ງຄວາມດັນຂອງເລືອດ ​ໂດຍ​ການ​ເອົາຜ້າແທກຄວາມດັນເລືອດ ພັນ​​ແໜ້ນ​ໜ້ອຍ​ນຶ່ງ ອອ້ມກົກແຂນ.
ອົງການອະນາໄມໂລກ ຫລື WHO ຮຽກຮ້ອງໃຫ້ປະຊາຄົມ
ການແພດ ສາກົນ ​ເພີ້​ມທະວີຄວາມພະຍາຍາມ ໃນການ
ປ້ອງກັນ ແລະຄວບຄຸມ ​ໂຣກຄວາມດັນເລືອດສູງ ຊຶ່ງເປັນ
ສາເຫດສໍາຄັນ​ທີ່ພາໃຫ້ເກີດໂຣກຫົວໃຈ, ໂຣກລົມສາລະບາດ
ຫລື Stroke ແລະການເສຍຊີວິດນັ້ນ. ອົງການວ່າ ດ້ວຍສຸຂະ
ພາບຂອງສະຫະປະຊາຊາດດັ່ງກ່າວ ເວົ້າວ່າ 1 ສ່ວນ 3 ຂອງ
ປະຊາຊົນ ທີ່ມີອາຍຸ 25 ປີຂຶ້ນໄປ ແມ່ນມີຄວາມດັນເລືອດສູງ.
Carol Pearson ຜູ້ສື່ຂ່າວວີໂອເອ ລາຍງານວ່າຫລາຍໆຄົນ
ບໍ່ຮູ້ດ້ວຍຊໍ້າວ່າ ຕົນເອງເປັນໂຣກດັ່ງກ່າວ. ບົວສະຫວັນມີ
ລາຍລະອຽດຂອງເລື້ອງນີ້ ມາສະເໜີທ່ານ:

ຟັງລາຍງານໂຣກຄວາມດັນເລືອດສູງ
ຟັງລາຍງານໂຣກຄວາມດັນເລືອດສູງi
|| 0:00:00
...    
🔇
X

ເບິ່ງວີດິໂອ ແລະຮຽນພາສາອັງກິດໄປພ້ອມ



ຫົວໃຈຄືກໍາລັງແຮງຂອງຊີວິດເຮົາ. ມັນປໍ້າເລືອດທີ່ມີທາດອອ໊ກຊີເຈນໄປຫລໍ່ລ້ຽງອະໄວ
ຍະວະທຸກສ່ວນໃນຮ່າງກາຍຂອງເຮົາ. ໃນຂະນະທີ່ ເລືອດໄຫລຜ່ານເສັ້ນເລືອດນັ້ນ ມັນ
ສ້າງຄວາມກົດດັນຕໍ່ ຝາດ້ານ​ໃນ​ຂອງເສັ້ນເລືອດ. ນາງພະຍາບານກວດ​ເບິ່ງຄວາມດັນ
ຂອງເລືອດ ​ໂດຍ​ການ​ເອົາຜ້າແທກຄວາມດັນເລືອດ ພັນແໜ້ນ​ໜ້ອຍ​ນຶ່ງອອ້ມກົກແຂນ. ດຣ. George Thomas ທີ່​ຄລີ​ນິກ Cleveland ລັດ​ໂອ​ໄຮ​ໂອ ອະທິບາຍ​ດັ່ງ​ນີ້:

“​ເວລາທ່ານໄປຫາທ່ານໝໍ ທ່ານຈະເຫັນວ່າ ຄວາມດັນເລືອດແມ່ນຖືກລາຍງານ
ເປັນສອງຕົວເລກ. ມີຕົວເລກຢູ່ຂ້າງເທິງ ຊຶ່ງເອີ້ນວ່າ ຄວາມດັນ systolic ແລະ
ຕົວ​ເລກ​ຢູ່​ທາງ​ລຸ່ມ ​ເອີ້ນ​ວ່າ ຄວາມດັນ diastolic.”

 
ຕົວເລກຢູ່ຂ້າງເທິງ ຫລື ຄວາມດັນ systolic ສະແດງໃຫ້ເຫັນຄວາມດັນຢູ່ຂ້າງໃນເສັ້ນ
ເລືອດ ​ເວລາຫົວໃຈກໍາລັງ​ເຕ້ນຢູ່. ສ່ວນຕົວເລກຂ້າງລຸ່ມ ຫລື ຄວາມດັນ diastolic ສະແດງໃຫ້ເຫັນຄວາມດັນ ໃນເວລາທີ່ຫົວໃຈຢຸດພັກ ຫລືໃນຊ່ວງລະຫວ່າງກາງ ການ
ເຕັ້ນຂອງຫົວໃຈ ແຕ່ລະຄັ້ງ.

ເບິ່ງວີດິໂອລາຍງານນີ້ ເປັນພາສາລາວ:

ຄວາມດັນເລືອດສູງ ພາໃຫ້ເປັນ ໂຣກຫົວໃຈ ແລະ stroke ໄດ້i
|| 0:00:00
...  
🔇
X
20.09.2013
​WHO ຮຽກຮ້ອງໃຫ້ສາກົນ​ເພີ້​ມທະວີ ຄວາມພະຍາຍາມໃນການປ້ອງກັນ ແລະຄວບຄຸມ ​ໂຣກຄວາມດັນເລືອດສູງ ຊຶ່ງເປັນສາເຫດສໍາຄັນ​ ທີ່ພາໃຫ້ເກີດໂຣກຫົວໃຈ ແລະໂຣກອື່ນໆ.

ດຣ. Stephan Havas ຈາກໂຮງຮຽນແພດສາດຂອງມະຫາວິທະຍາໄລ ລັດ Maryland
ເວົ້າວ່າ ຕົວເລກທັງສອງແມ່ນມີຄວາມສໍາຄັນ. ຊຶ່ງທ່ານໃຫ້ຄໍາເຫັນວ່າ:

“ຕົວເລກໃດກໍຕາມທີ່ສູງກວ່າ 115 ສໍາລັບ​ຕົວເລກທາງ​ເທິງ ຫລືຄວາມດັນ
systolic ແລະ 75 ສໍາລັບຕົວ​ເລກທາງ​ລຸ່ມ ຫລື ຄວາມດັນ diastolic ນັ້ນ
ແມ່ນລ້ວນແຕ່ເພີ້ມຄວາມສ່ຽງທັງນັ້ນ. ສໍາລັບຄວາມດັນ systolic ນັ້ນ ແຕ່ລະ
20 ມິລິແມັດໃດ ທີ່ສູງເກີນ 115 ​ ຄວາມສ່ຽງຕໍ່ການເປັນພະຍາດຕ່າງໆ ແມ່ນ
ເພີ້ມຂຶ້ນເປັນສອງເທົ່າ.”

 
ຍິ່ງຕົວເລກສູງຂຶ້ນເທົ່າໃດ ກໍຍິ່ງສະແດງວ່າ ມີຄວາມດັນເລືອດສູງຫລາຍຂຶ້ນເທົ່ານັ້ນ ຊຶ່ງ
ຄໍາສັບທາງການແພດພາສາ​ອັງກິດເອີ້ນວ່າ hypertension.

ດຣ. George Thomas ອະທິບາຍວ່າ: “ເມື່ອມີຄວາມດັນເລືອດສູງ ມັນກໍມີແຮງ
ດັນສູງຂຶ້ນຕໍ່ຝາດ້ານໃນຂອງເສັ້ນເລືອດ ແລະເສັ້ນເລືອດ ເຫລົ່ານີ້ ແມ່ນເສັ້ນ
ເລືອດທີ່ໄປຫລໍ່ລ້ຽງສະໝອງ, ຫົວໃຈ ແລະໝາກ ໄຂ່ຫລັງຂອງເຮົາ. ສະນັ້ນ ມັນຈຶ່ງມີຄວາມສ່ຽງຕໍ່ການເຮັດໃຫ້ອະໄວ ຍະວະຕ່າງໆຖືກທໍາລາຍນັ້ນສູງຂຶ້ນ
ໂດຍສະເພາະແລ້ວ ແມ່ນພະຍາດ ໝາກໄຂ່ຫລັງ ແລະໂຣກລົມສາລະບາດ
ຫລື Stroke.”


ເບິ່ງວີດິໂອລານງານນີ້ ເປັນພາສາອັງກິດ:


 
ການມີຄວາມດັນເລືອດສູງ ໝາຍ​ຄວາມ​ວ່າ ຫົວໃຈຈະຕ້ອງປໍ້າເລືອດແຮງ ຂຶ້ນກວ່າເກົ່າ
ຊຶ່ງເຮັດໃຫ້ກ້າມເນື້ອຫົວໃຈອ່ອນ​ເພຍລົງ ແລະສາມາດນໍາ ໄປສູ່ການເປັນໂຣກຫົວໃຈ ວາຍ ຫລື ຫົວໃຈລົ້ມ​ເເຫລວໄດ້.
 
ບໍ່ມີສາເຫດທີ່ສາມາດກໍານົດໄດ້ຢ່າງຄັກ​ແນ່ ສໍາລັບ 95 ເປີເຊັນຂອງຄົນທີ່ເປັນໂຣກ ຄວາມດັນເລືອດສູງ ແຕ່ວ່າ ມີປະເດັນຄວາມສ່ຽງຢູ່ຫລາຍ​ຢ່າງ ​ເປັນ​ຕົ້ນ​ວ່າ​ອາຍຸ. ເວລາ
ອາຍຸແກ່ຂຶ້ນໄປ ເສັ້ນເລືອດກໍອາດຈະ​ແຂງ​ໂຕ​ຂຶ້ນ. ​ເຊື້ອກໍາມະພັນກໍມີສ່ວນ, ສະນັ້ນ
ປະຫວັດຄອບຄົວແມ່ນມີຄວາມສໍາຄັນ. ການມີນໍ້າໜັກຫລາຍເກີນໄປ ກໍສາມາດພາໃຫ້
ຄວາມດັນເລືອດສູງຂຶ້ນ​ໄດ້ເຊັ່ນກັນ. ການສູບຢາແລະກິນອາຫານທີ່ໃສ່ເກືອຫລາຍກໍພາ
ໃຫ້ເປັນໂຣກນີ້ໄດ້ ເຊັ່ນກັນ.

ດຣ. George Thomas ​ເວົ້າວ່າ: “​ເວລາຂ້າພະເຈົ້າຖາມ​ຜູ້​ຄົນ​ກ່ຽວ​ກັບການ​
ກິນເກືອ ພວກເຂົາເຈົ້າມັກຈະເວົ້າວ່າ ເຂົາເຈົ້າບໍ່ໄດ້ໃສ່ເກືອ. ນັ້ນເປັນສິ່ງທີດີ
ແຕ່ຢ່າງໃດກໍຕາມ ທ່ານຄວນຈະຈໍາໄວ້ວ່າ ເກືອ ຫລືທາດໂຊດຽມ ສ່ວນໃຫຍ່
ແມ່ນມາຈາກ ອາຫານປຸງແຕ່ງສໍາເລັດຮູບ
.  ສະ​ນັ້ນ ອາຫານ​ປຸງ​ແຕ່​ງ​ໃດໆ​ກໍ​
ຕາມ ທີ່​ມາ​ນໍາ​ກະປອ໋ງ ກັບ ຂວດ ​ແລະ​ວ່າ​ ຖົງ ​ແມ່ນ​ມີ​ເກືອ​ປົນ​ຢູ່​ໃນ​ລະດັບ​ສູງ”

 
ຮ່າງກາຍຂອງຄົນຕ້ອງການເກືອ ພຽງ​ແຕ່ 150 ມິລິກຣາມຕໍ່ມື້. ຄົນອາເມຣິກັນສ່ວນຫລາຍ
ກິນເກືອ ປະມານ ສາມຫາສີ່ພັນ ມິລິກຣາມຕໍ່ມື້ ​ແລະ​ນັ້ນ​ແມ່ນ​ສາ​ເຫດ​ທີ່ບັນດາທ່ານໝໍ
ທັງຫລາຍ ພາກັນ​ເຕືອນກ່ຽວ​ກັບ ປະລິມານເກືອໃນອາຫານສໍາ​ເລັດ​ຮູບ ທີ່ມີຈໍາໜ່າຍ
ຂາຍກັນຢູ່ທົ່ວໄປ.ງດຣ. Stephan Havas ​ເວົ້າວ່າ:

”ການເສຍຊີວິດທີ່ມີສາເຫດມາຈາກ ການກິນເກືອຫລາຍເກີນໄປ ແມ່ນມີຈໍາ
ນວນຫລວງຫລາຍ ທຽບເທົ່າ ກັນກັບເຮືອບິນອາພົ່ນລໍາໃຫຍ່ ທີ່ມີຄົນໂດຍສານ
ຫລາຍກວ່າ 400 ຄົນ ຕົກຢູ່ໃນແຕ່ລະມື້ ປີແລ້ວ ປີເຫລົ່າ.

 
ພວກທ່ານໝໍເວົ້າວ່າການກິນອາຫານທີ່ດີ ກໍຄືອາຫານທີ່ມີປະລິມານເກືອຕໍ່າ, ໄຂມັນຕໍ່າ,
ໝາກໄມ້, ຜັກ, ແລະອາຫານປະ​ເພດເມັດທີ່ບໍ່ໄດ້ປອກ ກາບຫລ້ອນຫລາຍ ທີ່​ເອີ້ນ​ວ່າ whole
grains ແມ່ນສາມາດຊ່ວຍຄວບ ຄຸມຄວາມດັນເລືອດສູງໄດ້. ການຫລຸດນໍ້າໜັກລົງກໍສາມາດ​
ຊ່ວ​ຍ​ໄດ້​ເຊ່ນ​ກັນພ້ອມທັງການບໍ່ສູບຢາ. ອີກສິ່ງນຶ່ງທີ່ສໍາຄັນ ກໍຄື: ກວດເບິ່ງຄວາມດັນເລືອດ
ຢູ່ເລື້ອຍໆ ເພາະວ່າໂຣກຄວາມດັນເລືອດສູງ ບໍ່ສະແດງໃຫ້ເຫັນອາການ ຈົນກວ່າວ່າພະ
ຍາດ​ໄດ້ພັດທະນາ​ໄປເຖິງ ຂັ້ນສູງແລ້ວ. ການໝັ່ນກວດຄວາມດັນເລືອດຢູ່ເລື້ອຍໆ ແມ່ນ
ການປ້ອງກັນທີ່ດີທີ່ສຸດ ຕໍ່ເພັດຊະຄາດທີ່ງຽບໆ ຕົວນີ້.

ວີດິໂອ:​ ການຄວບຄຸມຄວາມດັນເລືອດສູງ ຊ່ວຍລຸດຜ່ອນຄວາມສ່ຽງຕໍ່ການເປັນ ໂຣກຫົວໃຈ ກັບ stroke:

Study Shows Promising Results in Reducing Risk of Stroke, Heart Attacki
X
02.07.2013
Controlling blood pressure is a global issue as people live longer and lifestyles change. In developed countries, despite access to doctors and medication, many people don't have their blood pressure under control. In the U.S., almost half of those with high blood pressure are not able to control it. VOA's Carol Pearson reports on a new study that shows promising results in helping people live healthier lives.
ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ
ຄວາມເຫັນ
     
ຍັງບໍ່ມີຄວາມເຫັນໃດໆໃນຟໍຣັມນີ້. ຂໍເຊີນທ່ານ ສະແດງຄວາມເຫັນ ເປັນຄົນທໍາອິດ
ຈາວາສະກຣິບຕ໌ຂອງທ່ານບໍ່ໄດ້ເປີດຫຼືບໍ່ກໍອາໂດບແຟລສເພລເຢີຂອງທ່ານເປັນຮຸ່ນເກົ່າ
ບັນດານັກຄົ້ນຄວ້າ ຜະລິດ ຂາທຽມ ແບບ​ຫຸ່ນ​ຍົນ ທີ່ຄ້າຍຄື ກັບຂາແທ້ໆi
X
25.08.2015
ບັນດາຂາທຽມລຸ້ນໃໝ່ ສາມາດເຮັດໃຫ້ ຜູ້ນຳໃຊ້ພວກມັນ ຍ່າງໄດ້ງ່າຍຄືກັນກັບ ຄົນອື່ນໂດຍທົ່ວໄປ. ນຶ່ງໃນບັນດາ ພວກອົງຄະທຽມເຫຼົ່ານີ້ ສາມາດເຮັດໃຫ້ຜູ້ທີ່ສຸບໃສ່ມັນນັ້ນ ຮູ້ຊຶກເຖິງພື້ນດິນໄດ້ດ້ວຍ. ຜູ້ສື່ຂ່າວວີໂອເອ Carol Pearson ມີເລື້ອງນີ້ຕື່ມ ເຊິ່ງໄຊຈະເລີນສຸກ ຈະນຳມາ ສະເໜີທ່ານ ເປັນພາສາລາວ.

ຂ່າວຫລ້າສຸດ

ສຽງ ການຂຸດຄົ້ນ ແຮ່ທາດຂອງ ລາວ ເພີ່ມຂຶ້ນ ແຕ່ລາຍຮັບ ຫຼຸດລົງ ຍ້ອນລາຄາ ຕົກຕ່ຳ

ຜົນ​ຜະລິດ ​ໃນ​ອຸດສາຫະກຳ​ຂຸດ​ຄົ້ນ​ແຮ່​ທາດ​ຂອງ​ລາວ ​ເພີ້​ມຂຶ້ນ 9.16 ​ເປີ​ເຊັນ ​ໃນ​​ແຜນການ​ປີ 2014-2015 ​ແຕ່​ກໍ​ມີ​ລາຍ​ຮັບ​ຫຼຸດລົງ 4.56 ​ເປີ​ເຊັນ ທຽບ​ກັບ​ແຜນການ​ປີ 2013-2014
ອ່ານຕື່ມ

ວີດີໂອ ປ. ໂອບາມາ ປະກາດ ການລິເລີ້ມໃໝ່ ໃນການນຳໃຊ້ ພະລັງງານ ທາງເລືອກ

ປະ​ທາ​ນາ​ທິບໍດີ Obama ​ປະກາດ ການ​​​ລິ​ເລີ້ມ​​ໃໝ່ ທີ່​​​ເຮັດ​ໃຫ້​ງ່າຍ​ຂື້ນ ແກ່ຊາວ​ອາ​ເມຣິກັນ ເພື່ອ​ຫັນ​ປ່ຽນການ ໃຊ້​​ແຫລ່ງພະລັງງານ ເຊັນ​ວ່າ ​ແສ​ງພະ​ອາທິດ ​ແລະ​ລົມ.
ອ່ານຕື່ມ

ສຫລ ພ້ອມທີ່ ຈະວາງ ມາດຕະການ ລົງໂທດ ຕໍ່ຈີນ ໃນຂໍ້ຫາ ລັກເຈາະຂໍ້ມູນທາງໄຊເບີ້

ການຕັດສິນໃຈ ຂັ້ນສຸດທ້າຍ ຍັງບໍ່ທັນມີເທື່ອ ກ່ຽວກັບມາດຕະການລົງໂທດ ຊຶ່ງອາດ ກ່ຽວພັນກັບ ການອາຍັດ ຊັບສິນ ​ແລະ ກີດ​ກັນ ການ​ດຳ​ເນີນ​ທຸລະ​ກິດຕ່າງໆ.
ອ່ານຕື່ມ

ວີດີໂອ ທ່ານ ໂອບາມາ ຈະເນັ້ນຢ້ຳ ບັນຫາ ຄວາມຮ້ອນອົບເອົ້າ ໃນຂົ້ວໂລກ ເໜືອ ທີ່ກອງປະຊຸມ ສະພາບອາກາດ

ປະທານາທິບໍດີ ສະຫະລັດ ທ່ານ ບາ​ຣັກ ​ໂອ​ບາ​ມາ ຈະ​​ເດີນທາງ​​ໄປ​ລັດ ອາ​ລາສກາ ​ເພື່ອ​ຫາລື​ກ່ຽວ​ກັບ ​ຜົນ​ກະທົບ​ຂອງ​ສະພາບປ່ຽນ​ແປງຂອງ​ອາກາດ​ ​ ໃນ​ພາກ​ພື້ນ​ຂົ້ວ​ໂລກ​ເໜືອ.
ອ່ານຕື່ມ

ວີດີໂອ ອີຢູ ຈັດແຈງ ການເຈລະຈາ "ກໍລະນີພິເສດ" ກ່ຽວກັບ ວິກິດການ ຂອງຊາວອົບພະຍົບ

ໃນຂະນະທີ່ ບັນດາຜູ້ນຳ ໃນສະຫະພາບຢູໂຣບ ລົນນະລົງ ແນວທາງ ໃຫ້ຮັບເອົາ ຊາວອົບພະຍົບ ໃຫ້ຫຼາຍຂຶ້ນ ຢູ່ນັ້ນ ພວກຄົນອື່ນໆ ກໍຍອມຮັບບໍ່ໄດ້ ຕໍ່ການຫຼັ່ງໄຫຼເຂົ້າໄປຢ່າງຫຼວງຫຼາຍ.
ອ່ານຕື່ມ
ຕື່ມອີກ