ຂ່າວ

ພວກພໍ່ຄ້າຄໍາຢ້ານວ່າ ບັນຫາໜີ້ສິນຂອງສະຫະລັດ ຈະເຮັດໃຫ້ຍອດຂາຍຄໍາຕໍ່າລົງ (ເບິ່ງວີດີໂອລາວ/ອັງກິດ)

ການຖົກຖຽງກັນດ້ານການເມືອງຢູ່ໃນສະຫະລັດ ກ່ຽວກັບເພດານໜີ້ສິນ ໄດ້ຊ່ວຍຜັກດັນໃຫ້ ຄ່າເງິນໂດລາຕົກຕໍ່າລົງ ຫລາຍເປັນປະວັດການ ແລະຜັກດັນໃຫ້ລາຄາຄໍາຖີບຕົວສູງຂື້ນ ເຖິງ 1,600 ກວ່າໂດລາ ຕໍ່ນຶ່ງອອນສ໌ ຫລືປະມານສອງບາດເຄິ່ງ ຊຶ່ງຂຶ້ນເປັນສອງເທົ່າຕົວ ຈາກລາຄາເມື່ອສອງປີຜ່ານມາ. ຢູ່ໃນຂົງເຂດເອເຊຍ ບ່ອນທີ່ຄໍາບໍ່ໄດ້ເປັນແຕ່ພຽງເຄື່ອງເອ້ ຫລືເຄື່ອງປະດັບເທົ່ານັ້ນ ແຕ່ຍັງຖືເປັນການລົງທຶນທີ່ເຊື່ອໝັ້ນໄດ້ນໍາອີກນັ້ນ ຄວາມຮຽກຮ້ອງ ຕ້ອງການຄໍາແມ່ນຍັງແຂງແຮງຢູ່ ແຕ່ໃນຂະນະທີ່ຄາດກັນວ່າ ລາຄາຄໍາຈະສືບຕໍ່ສູງຂຶ້ນໄປ ເລື້ອຍໆ ໂດຍສະເພາະຖ້າຫາກວ່າບັນຫາເລຶ່ອງການລົດຈໍານວນໜີ້ສິນ ແລະການໃຊ້ຈ່າຍ ຂອງລັດຖະບານສະຫະລັດຍັງແກ້ໄຂບໍ່ໄດ້ນັ້ນ ພວກຊື້ແລະພວກຂາຍຄໍາທັງຫລາຍພາກັນ ກ່າວວ່າ ການຂາຍຄໍາກໍຈະຖືກກະທົບ. ດາຣາມີເລຶ່ອງນີ້ມາສະເໜີທ່ານ.

ພວກພໍ່ຄ້າຄໍາຢ້ານວ່າ ບັນຫາໜີ້ສິນຂອງສະຫະລັດ ຈະເຮັດໃຫ້ຍອດຂາຍຄໍາຕໍ່າລົງ (ເບິ່ງວີດີໂອລາວ/ອັງກິດ)
ພວກພໍ່ຄ້າຄໍາຢ້ານວ່າ ບັນຫາໜີ້ສິນຂອງສະຫະລັດ ຈະເຮັດໃຫ້ຍອດຂາຍຄໍາຕໍ່າລົງ (ເບິ່ງວີດີໂອລາວ/ອັງກິດ)
ດາຣາ ບັກຄໍາ

ຮານຂາຍຄຳ ທເຍົາວະລາດ ໃນນະຄອນຫລວງບາງກອກຂອງໄທ.
ຮານຂາຍຄຳ ທເຍົາວະລາດ ໃນນະຄອນຫລວງບາງກອກຂອງໄທ.

 

ເວລາ​ນີ້ ​ຄໍາແທ່ງ​ ໜັກ​ນຶ່ງ​ກິ​ໂລ ມີ​ລາຄາ​ຂາຍ​ປະມານແທ່ງລ່ະ $50,000​.

ທີ່ເຍົາວະ​ລາດ ຍ່ານ​ການ​ຄ້າ​ຈີນ ຫລື China Town ໃນ​ບາງກອກ ຊຶ່ງ​ເປັນ​ສູນ​ກາງການ​ຄ້າ​ຄໍາຂອງ​ໄທ​ນັ້ນ ລາຄາຄໍາທີ່​ສູງ​ຂຶ້ນ​ເປັນ​ປະວັດ​ການ ພາ​ໃຫ້​ພວກ​ຫາເລາະ​ຊື້​ຄໍາ ພາກັນ​ຫັນ ປ່ຽນ​ຈາກ​ຄໍາ​ປະ​ເພດ​ຮູບ​ປະພັນເຄຶ່ອງ​ປະດັບ ມາ​ເປັນ​ຄໍາແທ່ງ.

ເຖິງ​ແມ່ນ​ຈະ​ມີ​ລູກ​ຄ້າອັ່ງ​ອໍ​ກັນ​ຢູ່ເຕັມຮ້ານ​ຂາຍ​ຄໍາ​ແຫ່ງ​ຕ່າງ​ໆກໍ​ຕາມ ​ແຕ່ພວກເຈົ້າຂອງ​ຮ້ານຄໍາ​ ກໍ​ຍັງ​ມີ​ຄວາມ​ເປັນ​ຫ່ວງຢູ່.

ນາຍ ທະນະຣັດ ປະຊາ​ວົງ ຜູ້​ອໍາ​ນວຍການບໍລິຫານຂອງ​ຮ້ານ​ຂາຍ​ຄໍາ Hua Seng Hung  ​ເປັນ​ຜູ້​ນຶ່ງ​ທີ່​ຕິດຕາມເບິ່ງ​ການ​ອະພິປາຍທາງ​ການ​ເມືອງ​ຂອງ​ສະຫະລັດ​ ກ່ຽວ​ກັບ​ເພດານ​ໜີ້​ສິນ​ນັ້ນ. ລາວ​ກ່າວ​ວ່າ:

“If they cannot cut...​  ຖ້າ​ຫາກ​ວ່າ​ສະຫະລັດ​ບໍ່​ສາມາດ​ຕັດ​ການ​ໃຊ້​ຈ່າຍ​ລົງ​ ​ແລະ ບໍ່ສາມາດ​ເພີ່ມລະດັບ​ເພດານ​ໜີ້​ສິນ​ໄດ້​ແລ້ວ ມັນກໍ​ຈະ​ເກີດ​ບັນຫາ​ຜິດ​ສັນຍາ​ຈ່າຍ​ໜີ້​ສິນ​ຄືນ ຊຶ່ງ​ນັ້ນ​ກໍ​ຈະ​ພາ​ໃຫ້​ລາຄາ​ຄໍາ​ສູງ​ຂຶ້ນໄປ​ອີກ.

ຊຶ່ງ​ນັ້ນ ນາຍ​ທະນະຣັດແລະ​ພວກ​ພໍ່ຄ້າຄໍາຄົນອື່ນໆ​ກ່າວ​ວ່າ ຈະໝາຍ​ເຖິງຍອດ​ຂາຍ​ທີ່​ຕໍ່າລົງ

ຄລິກຢູ່ບ່ອນນີ ເພື່ອເບິ່ງວີດີໂອພາສາລາວ

ໃນ​ປະ​ເທດ​ອິນ​ເດຍ ບ່ອນ​ທີ່ເຄື່ອງປະດັບ​ຄໍາ​ຖືກໃຊ້​ເປັນ​ສິນ​ສອດ​ທອງ​ໝັ້ນ​ ແກ່​ເຈົ້າສາວ​ໃນ​ວັນ​ແຕ່ງງານຕາມປະ​ເພນີ​ນັ້ນ ​ແມ່ນ​ກໍາລັງ​ມີ​ການ​ປ່ຽນ​ແປງ​ໃນການ​ຊື້ຄໍາ​ກັນ​ແລ້ວ ດັ່ງ​ທີ່​ແມ່ຍິງ​ຄົນ​ນີ້​ກ່າວ​ວ່າ:

“It’s an Indian wedding.... ມັນ​ເປັນ​ພິທີ​ແຕ່ງ​ງານ​ຂອງ​ຊາວ​ອິນ​ເດຍ ດັ່ງ​ນັ້ນ​ບໍ່​ມີ​ຄໍາ​ບໍ່​ໄດ້ ບໍ່​ມີ​ເພັດ​ກໍ​ບໍ່ໄດ້ ຂ້ອຍ​ຕ້ອງ​ໄດ້ເອົາ​ໃຫ້ ​ແຕ່​ແນ່ນອນ​ຈໍານວນ​ຂອງ​ເພັດ​ຄໍາ​ທີ່ຈະໃຫ້ ກໍ​ຈະລຸດລົງ​.”

ແຕ່​ຢ່າງ​ນ້ອຍ ກໍມີ​ນຶ່ງ​ບໍລິສັດ​ທີ່​ຫລິງເຫັນ​ຜົນ​ກໍາ​ໄລ​ຈາກ​ລາຄາ​ຄໍາທີ່​ແພງ​ຂຶ້ນ ຄືບໍລິສັດ Gold to Go ຂອງ​ເຢຍຣະມັນ ທີ່​ຂາຍ​ຄໍາ​ແທ່ງ​ນ້ອຍໆ​ຈາກ​ຕູ້ອັດຕະ​ໂນ​ມັດແບບ​ ATM ​ສໍາລັບ​ຖອນ​ເງິນ​ສົດທີ່​ມີ​ຂາຍ​ຢູ່​ໃນ​ບາງ​ປະ​ເທດ ຊຶ່ງ​ທາງບໍລິສັດ​ກ່າວ​ວ່າ ຍອດ​ຂາຍ​ກໍາລັງ​ເພີ່ມ​ຂຶ້ນ.

ເບິ່ງວີດີໂອພາສາອັງກິດ:

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ
ຄວາມເຫັນ
     
ຍັງບໍ່ມີຄວາມເຫັນໃດໆໃນຟໍຣັມນີ້. ຂໍເຊີນທ່ານ ສະແດງຄວາມເຫັນ ເປັນຄົນທໍາອິດ
ຈາວາສະກຣິບຕ໌ຂອງທ່ານບໍ່ໄດ້ເປີດຫຼືບໍ່ກໍອາໂດບແຟລສເພລເຢີຂອງທ່ານເປັນຮຸ່ນເກົ່າ
ລໍ້ເລື່ອນແບບໃໝ່ ສຳຫລັບຄົນພິການ ໃຊ້ງ່າຍ ແລະ ເຄື່ອນຍ້າຍໄດ້ ຫຼາຍຂຶ້ນi
X
25.06.2015
ລໍ້​ເລື່ອນສຳ​ຫລັບ​ຄົນ​ພິການ ແບບດັ່ງເດີມນັ້ນ ​ແມ່ນຍູ້ຂອບລໍ້ເອົາ ຊຶ່ງສ້າງຄວາມເຄັ່ງຕຶງໃຫ້ແກ່ແຂນ ບ່າໄຫລ່ ແລະກ້າມເນື້ອຕ່າງໆ ຂອງຄໍ ແລະ ຂໍ້ຕໍ່ຕ່າງໆໃນຮ່າງກາຍ. ລໍ້​ເລື່ອນທີ່ອອກແບບໃໝ່ ຢ່າງຮອບດ້ານນີ້ ແມ່ນເພີ້ມສະມັດ​ຖະ​ພາບ​ຂອງການເຄື່ອນໄຫວ ໃນຂະນະທີ່ ຫລຸດຜ່ອນການໃຊ້ພະລັງຂອງຮ່າງກາຍ.

ຂ່າວຫລ້າສຸດ

ສຽງ ລັດຖະບານໄທ ຈະພັດທະນາພື້ນທີ່ ຫຼາຍແຫ່ງ ເພື່ອເຊື່ອມຕໍ່ ກັບ ເຂດເສດຖະກິດພິເສດໃນລາວ

ນາຍົກລັດຖະມົນຕີໄທ ຖະແຫລງຢືນຢັນວ່າ ລັດຖະບານໄທ ໄດ້ຮັບຮອງ ແຜນການສ້າງຕັ້ງ ເຂດເສດຖະກິດພິເສດ ໃນເຂດຈັງຫວັດໜອງຄາຍ ຢ່າງເປັນທາງການແລ້ວ.
ອ່ານຕື່ມ

ວີດີໂອ ກຳປູເຈຍດິ້ນຮົນ ເພື່ອຫລຸດຜ່ອນ ແຮງງານເດັກນ້ອຍ ທີ່ມີຢູ່ ປະມານ 430,000 ໃນທົ່ວປະເທດ

ລາຍງານຂອງ ສປຊ ພົບວ່າ ມີເດັກນ້ອຍກຳປູເຈຍ ອາຍຸຕໍ່າກ່ວາ 14 ປີ ເຮັດວຽກ ໃນອັດຕາ 10 ສ່ວນຮ້ອຍ ຫລື 1 ໃນ 10 ຄົນ ຊຶ່ງແມ່ນຮວມຢູ່ໃນ ອັດຕາທີ່ສູງທີ່ສຸດ ໃນຂົງເຂດ.
ອ່ານຕື່ມ

ວີດີໂອ ທ່ານ Zarif ​ກັບ​ໄປ​ນະຄອນ Vienna ​ເພື່ອ​ເຂົ້າຮ່ວມ ການເຈລະຈາ ຄືນອີກ.

ລັດຖະມົນຕີ​ການ​ຕ່າງປະ​ເທດ​ອິຣ່ານ ​ໄດ້​ກັບ​ໄປຍັງ​ນະຄອນ Vienna ​ໃນ​ວັນ​ອັງຄານ​ມື້​ນີ້ ​ເພື່ອ​ເຂົ້າຮ່ວມ ການເຈລະຈາ ກັບ​ກຸ່ມ 6 ປະ​ເທດ​ມະຫາ​ອຳນາດ​ ຄືນອີກ.
ອ່ານຕື່ມ

Multimedia ກຣິສ ໃຫ້ຮ່ອງຮອຍ ຈະບໍ່ຮັບເອົາ ແຜນການ ມັດທະຍັດ ຂອງຢູໂຣບ

ທະນາຄານ​ຂອງກຣິສ ຍັງພາກັນ​ປິດ​​ຢູ່ ​ໃນ​ມື້​ນີ້ ​ໃນ​ຂະນະ​ທີ່​ ປະ​ເທດດັ່ງກ່າວ ມີກຳນົດ ທີ່ຈະຜິດສັນຍາ​ ໃນການ​ຈ່າຍເງິນ​ກູ້ຢືມຄືນ ໃຫ້​ແກ່​​ອົງການ IMF.
ອ່ານຕື່ມ

ວີດີໂອ ອຸບັດເຫດ ເຮືອບິນຂົນສົ່ງ ກອງທັບ ອິນໂດເນເຊຍ ຕົກ ຍັງຜົນໃຫ້ ຫຼາຍຄົນ ເສຍຊີວິດ

​ເຮືອບິນ​ຂົນສົ່ງ Hercules C-130 ​ໄດ້​ຕົກລົງໃສ່ ​ເຮືອນ​ສອງ​ຫຼັງ ​ແລະ​ໂຮງ​ແຮມ​ຫຼັງນຶ່ງ ປະມານຕອນທ່ຽງ ຂອງ​ອັງຄານ​ມື້ນີ້ ໃນ​ເມືອງ Medan ຂອງ​ອິນໂດ​ເນ​ເຊຍ.
ອ່ານຕື່ມ
ຕື່ມອີກ