ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ເຊື້ອໄວຣັສ Zika ລະບາດຢ່າງວ່ອງໄວ ໃນທະວີບອາເມຣິກາ


ນາງ Daniele Ferreira dos Santos ອູ້ມລູກຂອງລາວ ທ້າວ Juan Pedro ທີ່ເກີດມາກັບໂຣກຫົວລີບຫຼື microcephaly,
ນາງ Daniele Ferreira dos Santos ອູ້ມລູກຂອງລາວ ທ້າວ Juan Pedro ທີ່ເກີດມາກັບໂຣກຫົວລີບຫຼື microcephaly,

ການ​ລະບາດຂອງ​ເຊື້ອ​ໄວຣັສ​ Zika ທີ່​ແຜ່​ໂດຍ​ຍຸງ ຢູ່​ໃນທະວີ​ບ
ອາ​ເມຣິກາ ​ເກີ​ດຂື້ນ​ໃນ​ຂະນະ​ທີ່​ຫລາຍ​ສິບ​ພັນ​ຄົນ ພາກັນລໍຄອຍ
​ໄປ Brazil ​ໃນ​ທ້າ​ຍປີ​ນີ້ເພື່ອ​ເຂົ້າຮ່ວມ​ການ​ແຂ່ງຂັນ​ກິລາ Olym-
pics ຊຶ່ງ​ອາດ​ເປັນ​ໄປ​ໄດ້​ທີ່​ຈະເຮັດ​ໃຫ້ການ​ແຂ່ງຂັນ​ກິລານາໆ​
ຊາດ​ດັ່ງກ່າວກາຍ​ເປັນ​ແປ້ນ ຢັນ​ທີ່​ສົ່ງ​ເຊື້ອ​ໄວຣັສ​ໄປຍັງ​ທົ່ວ​ໂລກ
​ເວລາ​ບັນດາ​ຜູ້​ມາ​ຢ້ຽມຢາມ​ກັບ​ຄືນ​ບ້ານ.

ດອກ​ເຕີ Beth Bell ທີ່​ສູນ​ກາງ​ຄວບ​ຄຸມ ​ແລະ​ປ້ອງ​ກັນພະ​ຍາດ
ຂອງ​ສະຫະລັດ ກ່າວ​ຕໍ່ວີ​ໂອ​ເອວ່າ “ສຳລັບ​ຄົນ​ສ່ວນ​ໃຫຍ່​ແລ້ວ
​ເຊື້ອ​ໄວຣັສ Zika ບໍ່​ແມ່ນ​ບັນຫາ. ມັນ​ສາມາດ​ເຮັດໃຫ້​ເກີດ​ມີ​ອາ
ການໄຂ້ໜ້ອຍ​ໜຶ່ງ ​ແຕ່​ວ່າ ​ເຊື້ອ​ໄວຣັສນີ້ສາມາດ​ເຮັດ​ໃຫ້​ບັນດາ​ທາລົກ​ເກີດ​ມາມີ​ບັນຫາ​ຮ້າຍ ​ແຮງ​ທີ່​ຮ້ອງ​ວ່າ ມີ​ລັກສະນະ​ຫົວ​ລີບ​ຫຼື microcephaly.”

​ເຊື້ອ​ໄວ​ຣັສ Zika ອາດ​ມີ​ການ​ພົວພັນ​ກັບ 4,000 ກໍລະນີທີ່​ສົງ​ໄສວ່າ ​ເປັນ​ໂຣກ microce-
phaly ຢູ່​ໃນ Brazil ຄືສະພາບ​ການ​ທີ່​ເປັນຜົນພາໃຫ້ຫົວແລະສະໝອງນ້ອຍຜິດປົກກະຕິ
​ແກ່​ບັນດາ​ທາລົກ​ເກີ​ດ​ໃໝ່. ​ໃນເວລາ​ນີ້ຍັງ​ບໍ່​ສາມາດ​ປິນປົວ​ໂຣກ microcephaly ​ໄດ້ເທື່ອ.

ອົງການ​ອະນາ​ໄມ​ໂລກ ກ່າວ​ວ່າ ຕົ້ນຕໍ​ແລ້ວ​ເຊື້ອ​ໄວ​ຣັສນີ້​ເຫັນວ່າ ມີ ການ​ສ່ຽງ​ໜ້ອຍ​ໜຶ່ງ​ຕໍ່​ມະນຸດ ​ແຕ່​ວ່າ​ໄດ້​ເພີ້​ມຂະຫຍາຍ​ຢ່າງ​ວອງ​ໄວ​ແຕ່​ນັ້ນ​ມາທີ່​ເປັນ​ໄພຂົ່ມຂູ່ໃນ​ດ້ານສາທາລະ
ນະ​ສຸກທີ່ “​ໜ້າ​ຕື່ນ​ຕົກ​ໃຈ​ຢ່າງ​ໃຫຍ່.”

ອົງການ​ອະນາ​ໄມ​ໂລກ ກ່າວ​ວ່າ ຄົນ​ທີ່​ຕິດ​ເຊື້ອ​ໄວຣັສ Zika ມີ​ອາການ​ໄຂ້ໜ້ອຍ​ໜຶ່ງ ຜີວ​ໜັງເປັນ​ປ່າມແດງ ແລະ​ຕາ​ແດງ ພ້ອມ​ທັງ​ມີອາການ​ຢູ່​ລະຫວ່າງ​ສອງ​ຫາເຈັດ​ມຶ້. ວິທີ​ປ້ອງ​ກັນເຊື້ອ​ໄວ​ຣັສ Zika ດີ​ທີ່ສຸດ ທີ່​ບັນດາ​ຜູ້​ຊ່ຽວຊານ​ກ່າວ​ວ່າ ກໍ​ຄືປ້ອງ​ການ​ບໍ່​ໃຫ້​ຍຸງກັດ ​ໃນ​ຂະນະ​ທີ່​ບໍ່​ມີ​ຢາ​ວັກ​ຊີ​ນປ້ອງ​ກັນ ຫລື​ການ​ປິ່ນປົວ​ໃດໆ​ເທື່ອ.

Zika
please wait
Embed

No media source currently available

0:00 0:01:53 0:00

XS
SM
MD
LG