ລິ້ງ ສຳຫລັບເຂົ້າຫາ

ໄວຣັສ Zika ບໍ່ແມ່ນໄພຂົ່ມຂູ່ ທີ່ຮີບດ່ວນ ດ້ານສາທາລະນະສຸກ ອີກຕໍ່ໄປແລ້ວ


ແມ່ຍິງຄົນນຶ່ງ ພວມຍ່າງຜ່ານປ້າຍ ທີ່ອະທິບາຍ ກ່ຽວກັບ ເຊື້ອໄວຣັສ Zika ທີ່ກະຊວງສາທາລະນະສຸກ ໃນນະຄອນຫຼວງຈາກາຕ້າ ປະເທດອິນໂດເນເຊຍ. (2 ກັນຍາ 2016)

ແມ່ຍິງຄົນນຶ່ງ ພວມຍ່າງຜ່ານປ້າຍ ທີ່ອະທິບາຍ ກ່ຽວກັບ ເຊື້ອໄວຣັສ Zika ທີ່ກະຊວງສາທາລະນະສຸກ ໃນນະຄອນຫຼວງຈາກາຕ້າ ປະເທດອິນໂດເນເຊຍ. (2 ກັນຍາ 2016)

ອົງການ​ອະນາ​ໄມ​ໂລກກ່າວ​ວ່າ ​ເຊື້ອ​ໄວຣັສ Zika ບໍ່​ໄດ້​ເປັນ​ໄພ​ຂົ່ມຂູ່​ທີ່ຮີບດ່ວນທາງ​ດ້ານ ສາທາລະນະ​ສຸກ​ຂອງ​ໂລກ​ອີກ​ຕໍ່​ໄປ​ແລ້ວ ​ແຕ່​ກໍ​ໄດ້​ກ່າ​ວຢ້ຳ​ເຖິງ​ຄວາມ​ຈຳ​ເປັນ​ໃນ​ການ​ຮັບ​ມື​ໄລຍະ​ຍາວ​ກັບ​ເຊື້ອພະຍາດ​ທີ່​ມາ​ຈາກ​ຍຸງ​ດັ່ງກ່າວ.

ຄະນະ​ກຳມະການຮັບ​ມືກັບ​ເຫດການ​ສຸກ​ເສີນທາງ​ດ້ານ​ສາທາລະນະ​ສຸກ​ຂອງ​ອົງການ​ສະ ຫະ​ປະຊາ​ຊາດກ່າວ​ໃນ​ວັນ​ສຸກ​ວານ​ນີ້​ວ່າ “ໄວ​ຣັສ Zika ຍັງ​ສືບ​ຕໍ່​ເປັນ​ບັນຫາ​ທີ່​ມີ​ຄວາມ​ສຳ ຄັນ​ໃນ​ລະດັບ​ສູງ​ແລະ​ໃນ​ໄລຍະ​ຍາ​ວແຕ່​ບໍ່​ໄດ້​ເປັນ​ໄພ​ຂົ່ມຂູ່​ທີ່ຮີບດ່ວນທາງດ້ານສາທາລະ ນະ​ສຸກທີ່​ສ້າງ​ຄວາມ​ກັງວົນ ​ໃຫ້​ແກ່​ນາໆ​ຊາດ​ອີກ​ຕໍ່ໄປ​ແລ້ວ.”

ບຣາຊີ​ລ ຊຶ່ງ​ໄດ້​ປະສົບ​ກັບ​ວິ​ກິດ​ການ​ດັ່ງກ່າວ​ຮ້າຍ​ແຮງ​ສຸດ ກ່າວ​ໃນ​ວັນ​ສຸກ​ວານ​ນີ້ວ່າ ຕົນ​ຈະ​ສືບ​ຕໍ່​ສະພາ​ບການ​ຮັບ​ມື​ແບບ​ສຸກ​ເສີນຕໍ່​ໄປ.

​ໃນ​ຂະນະ​ທີ່​ເຊື້ອ​ໄວຣັສ Zika ສະ​ແດງ​ອາການ​ໃຫ້ເຫັນ​ ແຕ່​ພຽງ​ເລັກ​ນ້ອຍ​ ໃນ​ຜູ້​ຄົນ​ສ່ວນ​ໃຫຍ່ ​ແຕ່​ພວກ​ແມ່ຍິງ​ຖືພາ​ທີ່​ຕິດ​ເຊື້ອ​ໄວຣັສດັ່ງກ່າວ​ນີ້ແມ່ນ​ສ່ຽງ​ຕໍ່​ການ​ໃຫ້​ກຳ​ເນີດ​ແກ່​ທາ ລົກ​ທີ່​ເກີດ​ມາ​ມີ​ຫົວ​ລີບ​ຜິດ​ປົກກະຕິ​.

ມີ​ພວກ​ເດັກນ້ອຍ​ຫລາຍ​ກວ່າ 2,000 ຄົນ​ໄດ້​ເກີດ​ມາ ມີ​ຫົວ​ລີບ​ຜິດ​ປົກກະຕິ​ນັບ​ແຕ່​ປີ​ກາຍ​ນີ້​ເປັນຕົ້ນມາ ສ່ວນ​ໃຫຍ່​ແລ້ວ​ແມ່ນ​ຢູ່​ໃນ​ປະ​ເທດ​ບຣາຊີ​ລ.

ຕົ້ນຕໍ​ແລ້ວ ອົງການ​ອະນາ​ໄມ​ໂລກ​ປະກາດ​ວ່າ ການ​ແຜ່​ລະບາດ​ ຂອງເຊື້ອ​ໄວຣັສ Zika ​ເປັນ​ໄພ​ຂົ່ມຂູ່​ທີ່ຮີບດ່ວນ​ທາງ​ດ້ານ​ສາທາລະນະ​ສຸກ​ຂອງ​ໂລກໃນ​ເດືອນ​ກຸມພາ​ປີ 2016 ​ແລະ​ການລະບາດ​ຂອງ​ໄວຣັສດັ່ງກ່າວພາ​ໃຫ້​ເກີດ​ຄວາມ​ຢ້ານ​ກົວໃນ​ບັນດາ​ພວກ​ທີ່​ເດີນ ທາງ​ໄປ​ຮ່ວມ​ການ​ແຂ່ງຂັນ​ກິ​ລາ​ໂ​ອລິ​ມປິກ​ລະດູ​ຮ້ອນ​ທີ່​ປະເທດ​ບຣາຊີ​ລ.

ອ່ານຂ່າວນີ້ຕື່ມເປັນພາສາອັງກິດ

ສະແດງຄວາມເຫັນໃຫ້ເບິ່ງ

XS
SM
MD
LG