ລິ້ງ ສຳຫລັບເຂົ້າຫາ

ບັນຫາຂັດແຍ້ງ ລະຫວ່າງ ສຫລ ແລະ ຈີນ ອາດນຳ​ໄປ​ສູ່ ​ຄວາມ​ເສຍ​ຫາຍ​ໃຫຍ່​ຫລວງ​


ປະທານ​ປະ​ເທດ ຈີນ ທ່ານ Xi Jinping ຮຽກຮ້ອງ​ໃຫ້​ມີ​ຄວາມ
ສຳພັນທີ່​ດີ​ຂຶ້ນອີກກັບ​ວໍ​ຊິງ​ຕັນເພື່ອ​ຊ່ວຍ​ປ້ອງ​ກັນຕໍ່ອັນ​ທີ່​ທ່ານ
​ກ່າວ​ວ່າ ​ຈະ​ເປັນ​ບັນຫາ​ຂັດແຍ້ງຮ້າຍແຮງ ລະຫວ່າງ ສອງ​ປະ
​ເທດ​ໃນ​ຂະນະ​ທີ່​ທ່ານ​ເລີ້ມ​ການຢ້ຽມຢາມ​ສະຫະລັດ​ເປັນເວລາ​
ອາທິດ​ນຶ່ງ.

ຄຳ​ເຫັນ​ດັ່ງກ່າວ​ມີ​ຂຶ້ນ​ໃນ​ວັນ​ອັງຄານ​ວານ​ນີ້ ​ໃນ​ລະຫວ່າງການ
​ກ່າວ​ຄຳ​ປາ​ໄສ ທີ່​ລໍ​ຄອຍ​ກັນ​ມານັ້ນ ກ່ຽວ​ກັບ​ນະ​ໂຍບາຍ ​ຕໍ່​ບັນ
ດາ ​ຜູ້ນຳ​ດ້ານ​ທຸລະ​ກິດ ຢູ່ໃນ​ນະຄອນ Seattle ຊຶ່ງ​ເປັນ​ບ່ອນ​
ຢຸດແວ່ແຫ່ງທຳອິດ ​ໃນ​ການ​ເດີນທາງ​ ທີ່​ຈະບັນລຸຂັ້ນສູງ​ສຸດ
​ໃນ​ອາທິດໜ້າ​ນີ້ ດ້ວຍ​ການ​ຢ້ຽມຢາມ​ທຳນຽບຂາວ ຢ່າງ​ເປັນ
​ທາງການຂອງ​ຜູ້ນຳ​ຈີນ ​ເປັນ​ເທື່ອ​ທຳ​ອິດ.

ປະທານປະເທດ ຈີນ ທ່ານ Xi Jinping ເວົ້າເຖິງ ເລື້ອງຂອງຄຳຈີນ ທີ່ໝາຍເຖິງ "ຄົນ" ທີ່ເປັນເຄື່ອງໝາຍ ຄືກັບໄມ້ສອງຖ່ອນ ກ່າຍກັນໂດຍ ຄ້ຳກັນໃວ້ ໃນຂະນະທີ່ກ່າວຄຳປາໄສ ເມື່ອວັນອັງຄານ ທີ 22 ກັນຍາ 2015.

ປະທານປະເທດ ຈີນ ທ່ານ Xi Jinping ເວົ້າເຖິງ ເລື້ອງຂອງຄຳຈີນ ທີ່ໝາຍເຖິງ "ຄົນ" ທີ່ເປັນເຄື່ອງໝາຍ ຄືກັບໄມ້ສອງຖ່ອນ ກ່າຍກັນໂດຍ ຄ້ຳກັນໃວ້ ໃນຂະນະທີ່ກ່າວຄຳປາໄສ ເມື່ອວັນອັງຄານ ທີ 22 ກັນຍາ 2015.

ທ່ານ Xi ​ເວົ້າວ່າ “ຖ້າ ຈີນ ​ແລະ ສະຫະລັດ ຮ່ວມ​ມື​ກັນ​ດີ
ພວກ​ເຮົາ​ ສາມາດ ​ເປັນ​ຫິນ​ທີ່​ແຂງ​ແກ່ນ ຂອງ​ສະຖຽນ​
ລະ​ພາບ​ໃນ​ໂລກ. ຄັນ​ພວກ​ເຮົາ ມີ​ບັນຫາກັນ ຫຼື ປະ​ເຊີນ
ໜ້າ​ກັນ ມັນ​ອາດ​ຈະ​ນຳ​ໄປ​ສູ່​ຄວາມ​ເສຍ​ຫາຍ​ອັນ​ໃຫຍ່​
ຫລວງ​ສຳ​ຫລັບ ປະ​ເທດ​ຂອງເຮົາ​ແລະໂລກ​ນຳດ້ວຍ.”

ຜູ້ນຳ​ຈີນ ຍັງ​ໄດ້​ກ່າວເຖິງ​ບັນຫາ​ອື່ນໆຫຼາຍຢ່າງ ໃນຂອບເຂດ
​ທີ່​ກວ້າງຂວາງ ທີ່ໄດ້​ເຮັດ​ໃຫ້ສະຫະລັດ ​ແລະຈີນ ​ບໍ່ພໍ​ອົກ​ພໍ​ໃຈ
​ລວມທັງ ການ​ລັກລອບ​ເຈາະ​ຂໍ້​ມູນ​ທາງ​ອິນ​ເຕີເນັດ ຊຶ່ງ​ປະທານາ
ທິບໍດີ ບາຣັກ​ ​ໂອ​ບາ​ມາ ​ໄດ້​ກ່າວ​ວ່າ ຈະ​ເປັນ​ຫົວ​ຂໍ້​ເດັ່ນ ​ໃນ​ການ
​ເ​ຈລະ​ຈາ​ກັນນຶ່ງ​ຕໍ່​ນຶ່ງ.

ປະທານປະເທດຈີນ ທ່ານ Xi Jinping ແລະ ສະຕີໝາຍເລກນຶ່ງ ທ່ານນາງ Peng Liyuan ເດີນທາງໄປເຖິງ ລັດວໍຊິງຕັນ, ວັນທີ 22 ກັນຍາ 2015.

ປະທານປະເທດຈີນ ທ່ານ Xi Jinping ແລະ ສະຕີໝາຍເລກນຶ່ງ ທ່ານນາງ Peng Liyuan ເດີນທາງໄປເຖິງ ລັດວໍຊິງຕັນ, ວັນທີ 22 ກັນຍາ 2015.

ທ່ານ Xi ​ເວົ້າອີກ​ວ່າ “ລັດຖະບານ​ຈີນ ຈະ​ບໍ່​ພົວພັນກັບ ​ການລັກຂະ​ໂມ​ຍໃນ​ດ້ານ​ການ​ຄ້າ ​
ໃນ​ຮູບ​ແບບ​ໃດ​ກໍ​ຕາມ ຫຼື ຊຸກຍູ້​ ຫຼື ສະໜັບສະ ໜູນ ຄວາມ​ພະຍາຍ​າມ​ໂດຍບຸກຄົນ​
ໃດ​ນຶ່ງ”
ຊຶ່ງ​ເປັນ​ການ​ກ່າວ​ຢ້ຳຂອງ​ປັກ​ກິ່ງ ທີ່ວ່າ ​ຕົນເປັນ​ຜູ້​ເຄາະ​ຮ້າຍ ບໍ່​ແມ່ນ​ເປັນ​ຜູ້ທຳ​ຜິດ
ກ່ຽວກັບການ​ໂຈມ​ຕີ​ຕ່າງໆ.

ທ່ານ Xi ກ່າວ​ຕໍ່​ໄປ​ວ່າ ຈີນ ​ເຕັມ​ໃຈ​ທີ່​ຈະ​ຈັດ​ຕັ້ງ “ກົນ​ໄກ​ການ​ປຶກສາ​ຫາລື ລະດັບ​ສູງ​
ຮ່ວມ​ກັນ ກັບ​ສະຫະລັດ ກ່ຽວ​ກັບ​ການ​ປາບປາມ​ອາ​ຊະ​ຍາ​ກຳ​ດ້ານ​ອິນ​ເຕີ​ເນັດ”
ຊຶ່ງ​
ເປັນຄວາມ​ພະຍາຍາມ​ເພື່ອເຮັດ​ໃຫ້​ບັນດາ​ຜູ້ ນຳ​ທຸລະ​ກິດ ທີ່​ຕື່ນ​ຕົກ​ໃຈກ່ຽວ​ກັບການ​ໂຈມ​ຕີ
​ທາງ​ອິນ​ເຕີ​ເນັດທີ່​ເພີ້​ມຂຶ້ນ ນັ້ນ ​ໃຫ້ມີຄວາມໝັ້ນ​ໃຈ.

ທ່ານ​ຍັງ​ໄດ້​ກ່າວ​ວ່າ ຈີນ​ຈະ​ບໍ່​ລຸດລາຄາ​ເງິນຕາ​ຂອງ​ຕົນ ​ເພື່ອ​ສົ່ງ​ເສີມ​ການ​ສົ່ງ​ອອກສິນຄ້າ.
ອັນ​ນັ້ນ ​ແມ່ນ​ເປັນຄວາມ​ກັງວົນ ທີ່ມີມາເປັນເວລາ ດົນ​ນານແລ້ວ ​ໃນ​ບັນດາ​ເຈົ້າໜ້າ​ທີ່​
ສະຫະລັດ​ ຫຼາຍທ່ານ ທີ່​ໄດ້​ເຮັດ​ໃຫ້ ສະພາບ​ການ​ຮ້າຍ​ແຮງ​ຂຶ້ນ ​ດ້ວຍ​ການ​ລຸດລາຄາ​ຂອງ​
ເງິນ​ຢວນລົງ​ເມື່ອ​ບໍ່​ດົນ​ມາ​ນີ້.

ສະແດງຄວາມເຫັນໃຫ້ເບິ່ງ

XS
SM
MD
LG