ລິ້ງ ສຳຫລັບເຂົ້າຫາ

ອົງການ WTO ກ່າວວ່າ ຕົນບໍ່ຮັບຜິດຊອບ ຕໍ່ການຫວ່າງງານ ທີ່ເກີດຂຶ້ນ


ຜູ້ອຳນວຍການອົງການ ການຄ້າໂລກ WTO ທ່ານ Roberto Azevedo.

ຜູ້ອຳນວຍການອົງການ ການຄ້າໂລກ WTO ທ່ານ Roberto Azevedo.

ຜູ້ອຳນວຍ​ການ​ໃຫຍ່ອົງການໆ​ຄ້າ​ໂລກ ຫຼື WTO ທ່ານ Roberto Azevedo ​ໄດ້​ລະມັດ ລະວັງ ​ຕໍ່​ການຕ້ອງ​ຕິອົງການ​ໆຄ້າ​ໂລກທີ່​ເຮັດ​ໃຫ້​ມີ​ການ​ຫວ່າງ​ງານໂດຍ​ກ່າວ​ວ່າ​ ມີ​ຫຼາຍ​ສາ​ເຫດ​ທີ່​ຕ້ອງ​ໄດ້​ພິຈາລະນາ​ ​ເວລາ​ວຽກ​ການເລີ້ມ​ຫາຍ​ໄປ.

​ໂລກາ​ພິວັດ ​ແລະ​ອົງການ​ໆຄ້າ​ໂລກ​ ໄດ້​ຕົກ​ຢູ່​ພາຍ​ໃຕ້​ການ​ຕ້ອງຕິ​ຈາກປະທາ​ນາທາ​ບໍດີ ​ທີ່​ຖືກ​ເລືອກໃໝ່ ທ່ານ Donald Trump ວ່າ​ເປັນ​ຕົ້ນ​ເຫດ ​ທີ່ເຮັດ​ໃຫ້ຜູ້ຄົນ​ເສຍ​ວຽກ​ການ ​ຢູ່ໃນ​ສະຫະລັດ ​ໂດຍ​ສະ​ເພາະ​ຢູ​ໃນ​ໂຮງງານ​ການ​ຜະລິດ.

​ເຖິງ​ຢ່າງ​ໃດ​ກໍ​ດີ ທ່ານ​ Azevedo ແມ່ນ​ມີ​ທັດສະນະ​ຄວາມ​ເຫັນທີ່​ແຕກ​ຕ່າງ. ທ່ານ​ໄດ້​ຮັບ​ຮູ້ວ່າ ການ​ຄ້າ​ຢູ່​ໃນບາງ​ປະຊາ​ຄົມອາດມີ​ສາ​ເຫດຖືກ​ລົບ​ກວນແລະ​ອາດ​ຈະສູນ​ເສຍ​ວຽກ​ການ ​ຢູ່​ໃນ​ໂຮງງານ​ອຸດສາຫະກຳ ຍ້ອນ​ການ​ແຂ່ງຂັນ​ກັນ ກັບສິນຄ້າ​ທີ່​ນຳເຂົ້າລາຄາ​ຖືກ. ​ແຕ່ທ່ານ​ກໍ​ໃຫ້​ຂໍ້​ສັງ​ເກດວ່າ ​ນັ້ນ​ແມ່ນ​ຍັງ​ໄກ​ຢູ່ ຈາກ​ເລື້ອງ​ລາວທັງ​ໝົດ.

ທ່ານ​ກ່າວ​ວ່າ “ຄວາມ​ຈິງ​ມີ​ຢູ່​ວ່າ ​ໃນ​ຂະນະ​ທີ່​ມັນ​ເກີດ​ຂຶ້ນ​ນັ້ນ ບໍ່​ມີ​ຄວາມ​ສົງໄສເລີຍ​ວ່າການ​
ຄ້າ​ແມ່ນ​ນຳ​ເອົາ​ຜົນ​ກຳ​ໄລ​ທັງ​ໝົດ​ມາສູ່​ເສດຖະກິດ ​ໂດຍ​ສະ​ເພາະ​ຢ່າງ​ຍິ່ງບັນດາ​ເສ​ດຖະ
ກິດທີ່​ເປີດ​ກວ້າງ ​ແລະ​ຮັບ​ເອົາ​ການ​ຄ້າຂາຍ​ຢ່າງ​ເສລີຫຼາຍຂຶ້ນ. ສິ່ງ​ເຫລົ່າ​ນີ້​ແມ່ນຢ່າງ​ນຶ່ງ​ທີ່​ພັດ

ທະນາ​ໄວ​ສຸດ ທີ່​ພາ​ໃຫ້​ມີ​ການເຕີບໂຕ​ໄວ​ຂຶ້ນ ​ແລະ​ມີ​ໂອ​ກາດ​ດີ​ຂຶ້ນ​ທີ່​ຈະ​ເຕີບໂຕ​ແບບ​ຍືນ​ຍົງ​ໄດ້."

ການ​ສຶກສາໂດຍອົງການ WTO ​ໄດ້​ສະ​ແດງ​ໃຫ້​ເຫັນ​ວ່າ ການ​ຄ້າ ເປັນ​ພຽງ​ອົງ​ປະກອບ​ນ້ອຍໆ ​ຢູ່​ໃນ​ຕະຫລາດ​ແຮງ​ງານ.

ການ​ສຶກສາ​ພົບ​ວ່າ ຢູ່​ໃນ​ທຸກໆ 10 ວຽກການ ​ທີ່​ເສຍ​ໄປ ໃນເສດຖະກິດທີ່​ກ້າວໜ້າ​ນັ້ນ ບໍ່​ຮອດ​ສອງ​ວຽກແມ່ນ​ເສຍໃຫ້ແກ່​ການ​ຄ້າໃນ​ຂະນະ​ທີ່​ອີກ​ແປດ​ວຽກເສຍ​ໄປ​ໃຫ້​ແກ່​ນະ​ວັດ ຕະກຳ ​ເທັກ​ໂນ​ໂລ​ຈີ​ໃໝ່ ​ແລະ​ຜົນ​ຜະລິດ​ສູງຂຶ້ນ.

​ທ່ານ Azevedo ກ່າວ​ວ່າ ​ສິ່ງ​ທີ່​ຕິດຕາມມາ ຊຶ່ງ​ບັນດາ​ປະ​ເທດສ່ວນ​ໃຫຍ່ ກຳລັງ​ຕໍ່ສູ້​ໃນ​ ທຸກ​ມື້​ນີ້ ແລະ​ສະ​ແຫວ​ງຫາທາງເພື່ອ​ໃຫ້ບັນລຸການຜະລິດ​ທີ່​ສູງ​ຂຶ້ນ​ໂດຍຜ່ານ​ເທັກ​ໂນ​ໂລ​ ຈີໃໝ່ໆ ​ແລະນະ​ວັດຕະ​ກຳ ​ຢູ່​ໃນ​ບາດກ້າວທີ່​ມີ​ການເລັ່ງລັດ.

ອ່ານຂ່າວນີ້ເພີ້ມເປັນພາສາອັງກິດ

ສະແດງຄວາມເຫັນໃຫ້ເບິ່ງ

XS
SM
MD
LG