ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ມະຫາອໍານາດໂລກ ກັບ ອີຣ່ານ ສືບຕໍ່ ເຈລະຈາກັນ (ວີດີໂອ)


ກອງປະຊຸມປິດລັບ ສອງມື້ ກ່ຽວກັບ ໂຄງກາ ນິວເຄລຍ ຂອງ ອີຣ່ານ ທີ່ ກຸງ Geneva
ກອງປະຊຸມປິດລັບ ສອງມື້ ກ່ຽວກັບ ໂຄງກາ ນິວເຄລຍ ຂອງ ອີຣ່ານ ທີ່ ກຸງ Geneva
ບັນ​ດາ​ນັກ​ການ​ທູດ ຈາກ​ອີຣ່ານ ​ແລະ​ຫົກ​ມະຫາ​ອໍານາດ​ໂລກ
ສືບຕໍ່ເຈລະຈາກັນ ​ໃນ​ວັນ​ພຸດ​ມື້​ນີ້​ ກ່ຽວ​ກັບ​ຂໍ້​ສະ​ເໜີ​ຕ່າງໆສໍາ
ລັບ​ຫາ​ທາງ​ແກ້​ໄຂສະພາບ​ການ​ປະ​ເຊີນ​ໜ້າ ທີ່​ມີມາ​ເປັນເວລາ
ນຶ່ງ​ທົດ​ສະ​ວັດ ກ່ຽວ​ກັບ​ໂຄ​ງການ​ນິວ​ເຄລຍຂອງອີຣ່ານນັ້ນ.

ທັງ​ສອງ​ຝ່າ​ຍ​ໄດ້​ຊົມ​ເຊີຍ ມື້​ທໍາ​ອິດ​ຂອງ​ການ​ເຈລະຈາ ​ໃນ​ວັນ​
ອັງຄານ​ວານ​ນີ້ ທີ່​ນະຄອນ​ Geneva ບ່ອນ​ທີ່ລັດຖະມົນຕີຕ່າງ
ປະ​ເທດອີຣ່ານ ​ໄດ້ສະ​ເໜີ​ໂດຍ​ສັງ​ເຂ​ບ ລັກສະນະດ້ານເທັກ​ນິກ
ຂອງ​ແຜນການ​ໃໝ່ອັນ​ນຶ່ງ ທີ່​ແນໃສ່ເພື່ອ​ໃຫ້​ຄວາມ​ໝັ້ນ​ໃຈ​ແກ່
ປະຊາ​ຄົມນາໆ​ຊາດ ​ວ່າໂຄງການ​ນິວ​ເຄລຍຂອງ​ຕົນນັ້ນ ​ແມ່ນ​ມີ
​ຈຸດປະສົງ​ໃນ​ທາງສັນ​ຕິ ຊຶ່ງ​ເພື່ອ​ເປັນ​ການ​ແລກ​ປ່ຽນນັ້ນ ອີຣ່ານ
ຢາກ​ໃຫ້​ມີ​ການ​ຫລຸດຜ່ອນ​ ​ການ​ລົງ​ໂທດ​ຕ່າງ​ໆ​ຂອງນາໆ​ຊາດທີ່​ໄດ້​ປະກາດ​ໃຊ້​ ​ເພື່ອພະ
ຍາຍາ​ມບັງຄັບອີຣ່ານ ຢຸດເຊົາກິດຈະ ການ ​ກັ່ນທາດ uranium ນັ້ນ.

ອົງການ​ຂ່າວ IRNA ຂອງອີຣ່ານ ​ໄດ້​ອ້າງ​ຄໍາ​ເວົ້າຮອງ​ລັດ ຖະມົນຕີ​ຕ່າງປະ​ເທດ Abbas Araqchi ​ທີ່​ກ່າວ​ໃນ​ວັນ​ພຸດ​ມື້​ນີ້ ວ່າ ຂໍ້ສະ​ເໜີຂອງອີຣ່ານເປັນ​ແຜນການທີ່​ມີຫລາຍໆ​ຂັ້ນ ຊຶ່ງ​ຮ່ວມ​ທັງ ອະນຸ​ຍາດ​ໃຫ້ມີການ​ເຂົ້າ​ໄປ​ກວດກາ ​ໂດຍ​ບໍ່​ຕ້ອງ​ແຈ້ງ​ໃຫ້​ຊາຍ​ລ່ວງໜ້າ​ໄດ້ ​ໂດຍ​ອົງການ​ພະລັງງານ​ນິວ​ເຄລຍສາກົນ​ນັ້ນ.

Iran Nuclear Talks Go to 2nd Day on New Proposal
please wait

No media source currently available

0:00 0:01:41 0:00
ລິງໂດຍກົງ


​ເຂົ້າ​ຮ່ວມ​ໃນການ​ເຈລະຈາດັ່ງກ່າວ ນອກຈາກອີຣ່ານ​ແລ້ວ ກໍມີໂຮ​ມທັງ ​ເຈົ້າ​ໜ້າ​ທີ່​ຈາກ ສະຫະລັດ ຣັດ​ເຊຍ ຈີນ ຝຣັ່ງ ອັງກິດ ​ແລະ​ເຢຍຣະມັນ.

ລັດຖະມົນ​ຕີ​ຕ່າງປະ​ເທດ ອັງກິດ ທ່ານ William Hague ​ທີ່​ບໍ່​ໄດ້​ຮ່ວມ​ຢູ່​ໃນ​ການ​ສົນ​ທະນາ​ເຫລົ່າ​ນີ້ ກ່າວ​ໃນ​ວັນ​ພຸດ​ມື້​ນີ້​ວ່າ ວັນ​ເປີດ​ກອງ​ປະຊຸມ ແມ່ນ​ເປັນ “ປະ​ໂຫຍ​ດ” ​ແລະເຕັມ​ໄປ​ດ້ວຍ ອັນ​ທີ່​ທ່ານຮ້ອງວ່າ “ການ​ໂອ້​ລົມ​ທີ່​ເອົາ​ຈິງເອົາ​ຈັງ."

ທ່ານ Hague ກ່າວ​ວ່າ “ນີ້​ແມ່ນໂອກາດ​ອັນ​ແທ້​ຈິງ​ທີ່​ເຮັດ​ໃຫ້​ມີ​ຄວາມກ້າວໜ້າ​ໃນ​ການເຈລະ
ຈາ​ເຫລົ່ານີ້ ​ແລະ​ຂ້າພະ​ເຈົ້າ ຮຽກ ຮ້ອງ​ໃຫ້ ອີຣ່ານ ຈົ່ງສວຍ​ເອົາ​ໂອ​ກາດ​ນີ້ ທັງໃນມື້​ນີ້ ​ແລະ​
ຫລາຍໆ​ອາທິດ ຕໍ່ໜ້າ.”

ການເຈລະຈາ​ທີ່​ກຸງ ​Geneva ຄັ້ງ​ນີ້ ຊຶ່ງເປັນ​ເທື່ອ​ທໍາ​ອິດ ນັບ​ຕັ້ງ​ແຕ່​ທ່ານ Hassan Rouhani
ຜູ້ມີ​ຫົວ​ປານ​ກາງ ​ໄດ້​ຖືກ​ເລືອກຕັ້ງ​ເປັນ​ປະທານາທິບໍດີ ອີຣ່ານ​ ​ເມື່ອ​ເດືອນມິຖຸ​ນາຜ່ານ​ມາໄດ້
ຖືກ​ເບິ່ງ​ເຫັນ​ຢ່າງ​ແຜ່​ກວ້າງ​ວ່າ ​ເປັນ​ໂອກາດ​ອັນ​ດີ​ທີ່​ສຸດ​ໃນ​ຫລາຍໆ​ປີ ທີ່​ຈະຜ່ອນ​ຄາຍສະພາ
ວະ​ປະ​ເຊີນ​ໜ້າ​ກັນກ່ຽວ​ກັບ​ຄວາມ​ທະ​ເຍີ​ທະຍານ ທາງ​ດ້ານ​ນິວ​ເຄລຍຂອງ ອີຣ່ານນັ້ນ.

iran
please wait
Embed

No media source currently available

0:00 0:00:36 0:00

XS
SM
MD
LG