ລິ້ງ ສຳຫລັບເຂົ້າຫາ

ລາຄາຮຸ້ນຢູ່ໃນຕະຫຼາດທົ່ວໂລກ ໄດ້ຕົກຮວບລົງ ໃນວັນພະຫັດ

ວານນີ້ ຫຼັງຈາກປະທານທະນາຄານກາງ ຂອງສະຫະລັດ ທ່ານ

Ben Bernanke ກ່າວວ່າ ທະນາຄານກາງອາດຈະຫລຸດຜ່ອນ

ການໃຊ້ເງິນ ເພື່ອຊ່ອຍກະຕຸກຊຸກຍູ້ໃຫ້ເສດຖະກິດຂອງສະຫະ

ລັດດີຂຶ້ນ.

ຂ່າວກ່ຽວກັບການຊັກຊ້າລົງຂອງພາກສ່ວນການຜະລິດໃນຈີນ

ກໍມີສ່ວນຊ່ອຍເຮັດໃຫ້ຮຸ້ນໃນຕະຫຼາດສະຫະລັດຕົກລາຄາ. ຮຸ້ນ

Down Jones ໄດ້ຕົກລາຄາ 354 ຈຸດ ຄືປະມານ 2.3 ເປີເຊັນ.

ຮຸ້ນ Standard & Poors-500 ແລະຮຸ້ນ Nasdaq ຕ່າງກໍຕົກລາ

ຄາຫຼາຍກວ່າ 2 ເປີເຊັນ.

ໃນຕອນເຊົ້າຂອງວັນພະຫັດວານນີ້ ຮຸ້ນທີ່ສຳຄັນໆໃນເອເຊຍໄດ້ຕົກລາຄາ 2 ເປີເຊັນ ຫລື

ຫຼາຍກວ່ານັ້ນໂດຍທີ່ຕະຫຼາດຮຸ້ນຢູ່ກຸງປາຣີ ນະຄອນ Frankfurt ແລະກຸງລອນດອນຕ່າງ ກໍໄດ້ຕົກລາຄາ 3 ເປີເຊັນຫຼືຫຼາຍກວ່ານັ້ນ.

ການຂາຍຮຸ້ນອອກໃນວັນພະຫັດວານນີ້ມີຂຶ້ນຫຼັງຈາກທະນາຄານກາງຂອງສະຫະລັດໃຫ້ ຂໍ້ສັງເກດວ່າ ການຟື້ນໂຕຄືນຂອງເສດຖະກິດສະຫະລັດ ແມ່ນເຂັ້ມແຂງ ພໍທີ່ທາງທະນາ ຄານກາງຈະຫຼຸດຜ່ອນການເຄື່ອນໄຫວບາງຢ່ງທີ່ຕົນໄດ້ກະທຳໄປ ເພື່ອຊ່ອຍກະຕຸກຊຸກຍູ້ ເສດຖະກິດນັ້ນ.

ນີ້ແມ່ນຮວມທັງ ການຊື້ພັນທະບັດປະຈຳເດືອນ ທີ່ຊ່ອຍເຮັດໃຫ້ອັດຕາດອກເບ້ຍຕໍ່າເປັນ

ປະຫວັດການ. ບັນດານັກເສດຖະສາດເວົ້າວ່າ ພວກນັກລົງທຶນຫລາຍໆຄົນຍັງບໍ່ຄາດວ່າ ທະນາຄານກາງຈະດຳເນີນການໃນທຳນອງນີ້ເທື່ອ.

ວີດິໂອ: ປະທານທະນາຄານກາງຂອງສະຫະລັດ ຖະແຫລງກ່ຽວກັບເສດຖະກິດ:

XS
SM
MD
LG