ບັນດາຜູ້ນຳຢູ່ໃນທົ່ວໂລກ ພາກັນສະແດງຄວາມເສົ້າສະຫລົດໃຈ ຕໍ່ພວກເຄາະຮ້າຍ ໃນການສັງຫານໝູ່ທີ່ເມືອງ Nice ໃນວັນພະຫັດວານນີ້ ແລະໄດ້ປະນາມຜູ້ໂຈມຕີ.
ປະທານາທິບໍດີສະຫະລັດ ທ່ານ Barack Obama ໄດ້ອອກຖະແຫລງການ ຜ່ານທາງ Twitter ໃນຄືນວັນພະຫັດວານນີ້ ໂດຍສົ່ງ “ຄວາມຄິດແລະຄຳພາວະນາ” ໄປຍັງບັນດາ ຄອບຄົວຂອງຜູ້ທີ່ໄດ້ເສຍຊີວິດຈາກການໂຈມຕີ ແລະກ່າວເຖິງຝຣັ່ງວ່າ ເປັນພັນທະມິດທີ່ “ເກົ່າແກ່ສຸດ” ຂອງສະຫະລັດ.
ທ່ານ Obama ກ່າວວ່າ “ໃນວັນສະຫລອງເອກະລາດນີ້ ພວກເຮົາມີຄວາມຊົງຈຳກ່ຽວກັບສິ່ງທີ່ພິເສດ ແລະຄຸນຄ່າປະຊາທິປະໄຕທີ່ໄດ້ເຮັດໃຫ້ຝຣັ່ງ ເປັນແຮງໃຈໃຫ້ແກ່ໂລກທັງໝົດ ແລະພວກເຮົາຮູ້ວ່າ ລັກສະນະພິເສດຂອງສາທາລະນະຝຣັ່ງ ຈະຢັ້ງຍືນໄປອີກຍາວນານ ຫລັງຈາກຄວາມເສຍຫາຍຮ້າຍແຮງແລະການສູນເສຍຊີວິດໃນການຈະລາຈອນຄັ້ງນີ້.”
ລົດບັນທຸກ ແລ່ນເຂົ້າຢຽບຄົນ ຢູ່ເມືອງນີຊ ປະເທດຝຣັງ
ລັດຖະມົນຕີຕ່າງປະເທດສະຫະລັດ ທ່ານ John Kerry ຜູ້ທີ່ໄດ້ຢູ່ປະເທດຝຣັ່ງ ເພື່ອສະ ຫລອງວັນ Bastille ຮ້ອງການໂຈມນີ້ນີ້ວ່າ “ໂຫດຮ້າຍ” ແລະກ່າວວ່າ “ສະຫະລັດຈະສືບຕໍ່ ຢືນຢູ່ຢ່າງໝັ້ນຄົງກັບປະຊາຊົນຝຣັ່ງໃນລະຫວ່າງທີ່ເກີດໂສກນາດຕະກຳດັ່ງກ່າວນີ້.”
ປະທານສະພາຢູໂຣບ ທ່ານ Donald Tusk ໄດ້ໃຫ້ຂໍ້ສັງເກດໃນຄວາມສຳຄັນຂອງເວລາ ການໂຈມຕີ ແລະໄດ້ຮຽກຮ້ອງໃຫ້ທຸກໆຄົນຢືນຢູ່ກັບຝຣັ່ງ ໃນເວລາທີ່ມີຄວາມຕ້ອງການ ດັ່ງກ່າວນີ້.
ທ່ານ Tusk ກ່າວໃນຂະນະເຂົ້າຮ່ວມປະຊຸມກັບ ລະຫວ່າງພວກຜູ້ນຳຂອງເອເຊຍ ແລະຢູໂຣບໃນປະເທດມົງໂກເລຍວ່າ “ມັນເປັນຄວາມເວົ້າທີ່ໂສກເສົ້າ ທີ່ບັນດາຜູ້ເຄາະຮ້າຍໃນການໂຈມຕີ ກຳລັງສະຫລອງອິດສະຫຼະພາບ ຄຸນນະພາບ ແລະຄວາມເປັນພີ່ນ້ອງ ພວກເຮົາຈະຢືນຢູ່ຢ່າງເປັນເອກະພາບ ກັບບັນດາຄອບ ຄົວຂອງຜູ້ເຄາະຮ້າຍ ປະຊາຊົນແລະລັດຖະບານຝຣ່ັງໃ ນການຕໍ່ສູ້ຕ້ານຄວາມ ຮຸນແຮງ ແລະຄວາມກຽດຊັງ.
ລັດຖະມົນຕີຕ່າງປະເທດສະເປນ ທ່ານ Jose Manuel Garcia-Margallo ທີ່ເຂົ້າຮວມ ກອງປະຊຸມທີ່ມົງໂກເລຍ ກ່າວວ່າ ທ່ານໄດ້ໂທລະສັບໄປຫາຄູ່ຕຳແໜ່ງຂອງທ່ານຢູ່ຝຣັ່ງ ເພື່ອສະແດງຄວາມເສົ້າສະຫລົດໃຈ.
ທ່ານກ່າວວ່າ “ພວກເຮົາມີຄວາມເສຍໃຈຫຼາຍ ແລະຢືນຢູ່ກັບປະຊາຊົນ ແລະລັດຖະບານຝຣັ່ງ.”
ນາຍົກລັດຖະມັນຕີຈີນ ທ່ານ Li Kequiang ກ່າວວ່າ “ພວກເຮົາຂໍປະນາມການກໍ່ການຮ້າຍໃນທຸກຮູບແບບຢ່າງສຸດຂີດ. ພວກເຮົາຂໍສະດງຄວາມເສົ້າສະ ຫລົດໃຈຂອງພວກເຮົາຕໍ່ບັນດາຜູ້ເຄາະຮ້າຍ ແລະພວກເຮົາຈະຕໍ່ສູ້ກັບການກໍ່ການຮ້າຍທຸກໆຢ່າງ.”
ນາຍົກລັດຖະມົນຕີການາດາ ທ່ານ Justin Trudeau ກໍໄດ້ສົ່ງຂໍ້ຄວາມຜ່ານ ທາງ Twitter ໄປຍັງພວກທີ່ໄດ້ຮັບຜົນກະທົບຈາກການໂຈມຕີ ເປັນພາສາອັງກິດ ແລະພາສາຝຣັ່ງ.
