ລິ້ງ ສຳຫລັບເຂົ້າຫາ

ປ. Obama ຮຽກຮ້ອງໃຫ້ ເອົາບາດກ້າວ ຮັບມື ການປ່ຽນແປງ ດິນຟ້າອາກາດ ຂອງໂລກ


ປະທານາທິບໍດີ ສະຫະລັດ ທ່ານ ບາຣັກ ​ໂອ​ບາ​ມາ ມີໝາຍ​ກຳນົດ
​ທີ່​ຈະ​ພົບ​ປະກັບ ທ່ານ Recep Tayyip Erdogan ປະທານາ
ທິບໍດີເທີ​ກີ ​ໃນ​ວັນ​ອັງຄານ​ມື້​ນີ້ ​ໃນ​ວັນ​ສຸດ​ທ້າຍ​ທີ່ທ່ານເຂົ້າຮ່ວມ
ກອງ​ປະຊຸມສຸດຍອດ ກ່ຽວ​ກັບການ​ປ່ຽນ​ແປງ​ຂອງ​ດິນ​ຟ້າ​ອາກາດ
ທີ່ນະຄອນຫຼວງປາຣີ.

ທ່ານ ໂອ​ບາ​ມາ ​ແລະ​ທ່ານ Erdogan ມີ​ໜາຍ​ກຳໜົດ​ທີ່​ຈະ​ພົບ​ປະ
ກັນ ທີ່​ບ້ານ​ພັກຂອງທູດ​ສະຫະລັດ ​ໃນ​ປາຣີ ບ່ອນ​ທີ່​ປະທານາທິບໍດີ
ພັກ​ເຊົາຢູ່ນັ້ນ.

​ເປັນ​ທີ່​ຄາດ​ກັນ​ວ່າ ພວກ​ທ່ານ​ຈະ​ປຶກສາ​ຫາລື​ກັນກ່ຽວ​ກັບ​ເລື້ອງ​ການ​ຕໍ່ສູ້​ຕ້ານ ​ກຸ່ມ​ລັດ​ອິສ ລາມ ພ້ອມ​ກັບ​ເລື້ອງທີ່​ກອງ​ກຳລັງ​ເທີ​ກີ ​ໄດ້ຍິງ​ເຮືອ​ບິນ​ລົບຂອງຣັດ​ເຊຍ​ຕົກ ​ໃນ​ສັບປະດາ​ແລ້ວ​ນີ້ ​ໃນ​ເຂດ​ນ່ານຟ້າ​ຂອງ​ເທີ​ກີ ນັ້ນ.

ເລຂາທິການໃຫຍ່ ອົງການສະຫະປະຊາຊາດ ທ່ານ Ban Ki-moon ກ່າວຄຳປາໄສ ໃນກອງປະຊຸຸມການປ່ຽນແປງຂອງດິນຟ້າອາກາດຂອງໂລກ 2015 (Le Bourget, ໃກ້ປາຣີ, ຝຣັ່ງ, 30 ພະຈິກ, 2015.

ເລຂາທິການໃຫຍ່ ອົງການສະຫະປະຊາຊາດ ທ່ານ Ban Ki-moon ກ່າວຄຳປາໄສ ໃນກອງປະຊຸຸມການປ່ຽນແປງຂອງດິນຟ້າອາກາດຂອງໂລກ 2015 (Le Bourget, ໃກ້ປາຣີ, ຝຣັ່ງ, 30 ພະຈິກ, 2015.

ທ່ານ​ໂອ​ບາ​ມາ ​ໄດ້ພົບ​ປະ​ກັບ​ທ່ານ Vladimir Putin ປະທານາທິບໍດີຣັດ ​ເຊຍ ​ໃນ​ວັນ​ຈັນ​ວານ​ນີ້ ​ເພື່ອປຶກສາ​ຫາລືກ່ຽວ​ກັບ​ເຫດ​ຮ້າຍ​ດັ່ງກ່າວ. ຮອງ​ທີ່​ປຶກສາ​ດ້ານ​ຄວາມປອດ​ໄພ​ແຫ່ງ​ຊາດ​ຂອງ​ສະຫະລັດ ທ່ານ Ben Rhodes ກ່າວ​ວ່າ ທ່ານ ​ໂອ​ບາ​ມາ ​ໄດ້​ຮຽກຮ້ອງ​ໃຫ້​ທ່ານ Putin ປະສານງານກັບເທີກີ ເພື່ອຜ່ອນຄາຍສະຖານະການ ໃຫ້ເບົາບາງລົງ.

ມີການຄາດຄະເນວ່າ ທ່ານໂອບາມາ ຈະບິນກັບວໍຊີງຕັນ ໃນແລງວັນອັງຄານມື້ນີ້ ຫຼັງຈາກ ທີ່ໄດ້ພົບປະກັບກຸ່ມບັນດາປະເທດເກາະດອນນ້ອຍໆ ທີ່ຈະໄດ້ກະທົບຢ່າງໜັກຈາກການ
ປ່ຽນແປງຂອງດິນຟ້າອາກາດ.

​ທ່ານໂອບາມາ ໄດ້ຂຶ້ນເວທີກ່າວຄຳ​ປາ​ໄສ ຕໍ່ກອງປະຊຸມ ໃນວັນຈັນວານນີ້ ຊຶ່ງຮຽກຮ້ອງໃຫ້
ບັນດາຜູ້ນຳຂອງ​ໂລກທັງຫຼາຍ“ໃຫ້ຍືນຂຶ້ນ ສະແດງອອກ ໃນເວລານີ້”ບອກພວກເຂົາເຈົ້າ ທັງຫຼາຍ ເຖິງຄວາມ​ກ້າວໜ້າ ຕໍ່ກອງປະຊຸມສຸດຍອດ ກ່ຽວກັບການປ່ຽນແປງຂອງດິນຟ້າ
ອາກາດໃນປາຣີ ຈະເປັນການວັດແທກໂດຍ “ການທົນທຸກ ທີ່ຖືກບ່ຽນເບນ ແລະໜ່ວຍ
ໂລກທີ່ຄວນຈະຖືກຖະໜຸຖະໜອມຮັກສາ​ໄວ້ນັ້ນ.”

ປ. ສຫລ. ທ່ານ Barack Obama (ຊ້າຍ), ພົບປະກັບປະທານປະເທດຈີນ ທ່ານ Xi Jinping ນອກສະໜາມ ໃນກອງປະຊຸມກ່ຽວກັບການປ່ຽນແປງຂອງດິນຟ້າອາກາດຂອງໂລກ, ທີ່ Le Bourget, ຂ້າງນອກປາຣີ, 30 ພະຈິກ, 2015.

ປ. ສຫລ. ທ່ານ Barack Obama (ຊ້າຍ), ພົບປະກັບປະທານປະເທດຈີນ ທ່ານ Xi Jinping ນອກສະໜາມ ໃນກອງປະຊຸມກ່ຽວກັບການປ່ຽນແປງຂອງດິນຟ້າອາກາດຂອງໂລກ, ທີ່ Le Bourget, ຂ້າງນອກປາຣີ, 30 ພະຈິກ, 2015.

ທ່ານໂອບາມາ ໄດ້ກ່າວວ່າ ບັນດາຜູ້ນຳຂອງປະເທດທັງຫຼາຍ ທີ່​ໄປ​ຮ່ວມ ແມ່ນຮັບ​ຮູ້​ເຖິງ
ຄວາມຮີບດ່ວນຂອງເປົ້າໝາຍທີ່ຈະຫລຸດຜ່ອນການ​ປ່ອຍແກ໊ສຄາບອນ ແລະຈຳກັດການ ​ເພີ້ມຂຶ້ນຂອງອຸນນະພູມຢູ່ໃນທົ່ວໂລກນັ້ນແລະໄດ້ກ່າວເຖິງຂັ້ນຕອນການດຳເນີນງານໃນ
ສະຫະລັດ ແລະຫຼາຍໆປະເທດ ທີ່ໄດ້ເລີ້ມປະຕິບັດກັນແລ້ວນັ້ນ.

ທ່ານ ໄດ້ກ່າວວ່າ “ພາລະໜ້າທີ່ຂອງພວກເຮົາໃນປາຣີ ນີ້ ແມ່ນເພື່ອເຮັດໃຫ້ການບັນລຸ​ຜົນ ​ເຫລົ່ານີ້ ຫັນປ່ຽນໃຫ້ເປັນແຜນວຽກງານທີ່ຍືນຍົງເພື່ອຄວາມກ້າວໜ້າ​ຂອງ​ມະນຸດ​ ຊຶ່ງມັນບໍ່ແມ່ນການແກ້ບັນຫາແບບຊົວ​ໄລຍະ​ແຕ່ມັນເປັນແຜນການຍຸດທະສາດແບບ
ຍືນຍົງ ຍາວນານ ທີ່ຈະໃຫ້ທັງໂລກ ໝັ້ນໃຈໃນການປ່ອຍແກ໊ສຄາບອນໜ້ອຍ​ລົງ​ນັ້ນ.”

ເບິ່ງ: ພວກປະທ້ວງຕໍ່ກອງປະຊຸມສຸດຍອດຂອງການປ່ຽນແປງຂອງດິນຟ້າອາກາດ

XS
SM
MD
LG