ລິ້ງ ສຳຫລັບເຂົ້າຫາ

IMF ກ່າວວ່າ ເສດຖະກິດໂລກ ໂດຍລວມ ແມ່ນດີຂຶ້ນ (ເບິ່ງວີດີໂອ)

  • ທອງປານ ເທບວົງສາ

ທຸລະກິດຫລາຍໆກໍາລັງດີຊຶ້ນ ຊຶ່ງເຮັດໃຫ້ເສດຖະກິດ ໂດຍລວມ ດີຂຶ້ນ.

ອົງການກອງ​ທຶນ​ສາກົນຫລື IMF ມີ​ຄວາມ​ຮູ້ສຶກໄປໃນ​ແງ່​ດີ​ໜ້ອຍ​ນຶ່ງ​ກ່ຽວ​ກັບ​ການເຕີ​ບ
ໂຕຂອງ​ເສດຖະ​ກິດ​ໂລກ ​ໃນ​ຂະນະ​ທີ່​ພວກ​ປະ​ເທດ​ພາກ​ພື້ນ​ຢູ​ໂຣບ​ໄດ້​ພາກັນ​ເອົາ​ບາດ
ກ້າວ​ ເພື່ອ​ຮັບ​ມື​ກັບ​ວິ​ກິດ​ການ​ໜີ້​ສິນ​ຂອງພວກ​ເຂົາ ເຈົ້ານັ້ນ ​ແລະເສດ​ຖະກິດ​ສະຫະລັດ​
ກໍ​ໄດ້​ເຕີບ​ໂຕ​ໄວ​ຂຶ້ນ​ແດ່​ໜ້ອຍ​ນຶ່ງ​ແລ້ວ.

ໃນການຖະ​ແຫຼງ​ກ່ຽວ​ກັບລາຍ​ງານການ​ຄາດ​ຄະ​ເນ​ສະພາບ​ເສດຖະກິດ​ໂລກຂອງອົງການ
IMF ​ເມື່ອ​ວັນ​ອັງຄານ​ວານ​ນີ້ ທ່ານ Olivier Blanchard ຜູ້ອໍານວຍ​ການຝ່າຍຄົ້ນຄວ້າ
ກ່າວ​ວ່າ ​ເສດຖະກິດ​ໂລກແມ່ນ​ຕົກຢູ່​ໃນ​ສະພາບ​ຂຶ້ນໆ​ລົງໆ ​ໃນ​ໄລຍະ​ຫົກ​ເດືອນ​ຜ່ານ​ມາ
ທີ່​ຍັງ​ມີ​ຄວາມ​ເປັນ​ຫ່ວງ​ກັນ​ຢູ່.

ລາຍ​ງານ​ດັ່ງກ່າວ​ຂອງອົງການ​ກອງ​ທຶນ​ສາກົນ ຫລື IMF ​ແມ່ນ​ມີ​ຂຶ້ນໃນ​ຂະນະ​ບັນດາ​ເຈົ້າ
ໜ້າ​ທີ່​ຈາກ​ຫລາຍ​ປະ​ເທດ​ສະມາຊິກ​ IMF ​ແລະ​ທະນາ ຄານ​ໂລກ​ມາ​ເຕົ້າ​ໂຮມ​ກັນ​ທີ່​ວໍ​ຊິງ
ຕັນ​ເພື່ອ​ເ​ຈລະ​ຈາ​ຫາລື​ກັນ​ໃນ​ອາທິດ​ນີ້.

ທ່ານ Blanchard ກ່າວ​ວ່າ ​ເສດຖະກິດໂລກ​ຈະ​ຂະຫຍາຍຕົວ​ປະມານ 3.5 ​ເປີ​ເຊັນ​ໃນ​ປີ​ນີ້
ແລະ​ຈະ​ໄວ​ຂຶ້ນໜ້ອຍ​ນຶ່ງ​ໃນ​ປີໜ້າ. ລາຍ​ງານ​ດັ່ງກ່າວ ​ເວົ້າອີກ​ວ່າ ພວກ​ຕະຫລາດ​ທັງຫລາຍ
ຈະ​ສືບ​ຕໍ່​ເຕີບ​ໂຕ​ຂຶ້ນ​ໄວ​ກວ່າ​ເກົ່າ​ໃນປະ​ເທດທີ່​ຈະ​ເຣີນ​ແລ້ວ. ຕົວຢ່າງເສດຖະກິດ​ສະຫະລັດ
ຈະ​ຂະ​ຫຍາຍ​ຕົວ 2.1 ​ເປີ​ເຊັນ ສ່ວນ​ພາກ​ພື້ນ​ຢູ​ໂຣບ​ແມ່ນ​ຈະ​ຖອຍຫລັງ​ລົງ​ປະມານ​ພຽງ
ສາມ ສ່ວນ​ສິບຂອງ​ນຶ່ງ​ເປີ​ເຊັນ ​ໃນ​ຂະນະ​ທີ່​ຈີນ​ຈະ​ຂະຫຍາ​ຍຕົວ​ຫລາຍ​ກວ່າ 8 ​ເປີ​ເຊັນນັ້ນ.

ນອກ​ນີ້ IMF ຍັງ​ເວົ້າອີກ​ວ່າ ສະຫະລັດ​ແມ່ນ​ຈະ​ຕ້ອງ​ມີ​ແຜນການ​ເພື່ອຕັດ ​ໜີ້​ສິນ​ຂອງ​ຕົນ
ລົງ​ໃຫ້​ໄດ້​ໃນ​ລະດັບ​ປານ​ກາງ ​ແຕ່​ກໍ​ຕ້ອງ​ຫລີກ​ລ່ຽງການ​ຕັດ ການ​ໃຊ້​ຈ່າຍ ຫລື​ຂຶ້ນພາສີ​
ຢ່າງ​ໄວ ທີ່​ອາດ​ກະທົບກະ​ເທືອ​ນການ​ຟື້ນ​ຕົວຄືນ ​ຂອງ​ເສດຖະກິດ ​ໃນ​ເວລາ​ນີ້. ອົງການ
IMF ຮຽກຮ້ອງໃຫ້​ພາກ​ພື້ນ​ຢູ​ໂຣບ ຈົ່ງ​ສືບ​ຕໍ່​ຂະຫຍັບຂະຫຍາ​ຍຄວາມ​ພະຍາຍາມຂຶ້ນຕື່ມ​
ເພື່ອ​ເລັ່ງ​ລັດການ​ເຕີບ​ໂຕເສດຖະກິດ​ຂອງພວກ​ຕົນ​ນັ້ນ.

ອົງການ IMF ກ່າວ​ວ່າ ປະ​ເທດ​ໃນ​ຂົງ​ເ​ຂດ​ໃຕ້ທະ​ເລ​ຊາຍ​ຊາ​ຮາຣາ​ຂອງ​ອາ​ຟຣິກາ ກໍ​ມີ​ການ
ເຕີບ​ໂຕ​ທີ່​ເຂັ້ມ​ແຂງຕື່ມ​ອີກ​ປີ​ນຶ່ງ ​ແລະ​ກໍ​ເປັນ​ຂົງ​ເຂດ​ນຶ່ງທີ່​ໄດ້​ຮັບ​ຜົນ​ກະທົບ​ໜ້ອຍ​ທີ່​ສຸດ​ຈາກ
ສະພາວະ​ຄວາມ​ວຸ້ນວາຍ​ທາງ​ການເງິນ​ເມື່ອ​ບໍ່​ດົນ​ມານີ້.

XS
SM
MD
LG