ການແຂ່ງຂັນ ເຕະບານໂລກ ຮອບຮອງຊະນະເລີດ ຄູ່ທຳອິດ ມີຂຶ້ນ ໃນວັນອັງຄານ ມື້ນີ້ ທີ່ອາຟຣິກາໃຕ້.
ການແຂ່ງຂັນ ທີ່ນະຄອນ CAPE TOWN ໃນມື້ນີ້ ຈະເປັນການດວນກັນ ລະຫວ່າງ ອູຣຸໄກວ ແຊ້ມປ້ຽນເຕະບານໂລກ ສອງສະໄໝ ກັບເນເທີແລນ ທີ່ເຄີຍເຂົ້າ ຮອບສຸດທ້າຍມາແລ້ວ 2 ຄັ້ງ.
ເນເທີແລນ ໄດ້ຊະນະ ການແຂ່ງຂັນ ທີ່ອາຟຣິກາໃຕ້ 5 ເກມລຽນຕິດ ຮວມທັງ ຊະນະບຣາຊີລ ແຊ້ມປ້ຽນເຕະບານໂລກ 5 ສະໄໝ ໃນຮອບ 8 ທີມ ດ້ວຍຄະແນນ 2 ປະຕູຕໍ່ 1.
ສ່ວນອີກ ຄູ່ນຶ່ງນັ້ນ ທີມສະເປນ ຈະສູ້ກັບ ທີມເຢຍຣະມັນ ທີ່ສະໜາມ ເມືອງ DURBAN ໃນວັນພຸດ ມື້ອື່ນ.
ສຳລັບ ການແຂ່ງຂັນ ຊິງຂັນ ເຕະບານໂລກນັ້ນ ມີກຳນົດ ຈະຈັດຂຶ້ນ ໃນວັນອາທິດຈະມາ ທີ່ນະຄອນ JOHANNESBURG ລະຫວ່າງສອງທີມ ທີ່ຊະນະ ໃນມື້ນີ້ ກັບມື້ອື່ນ.
