ລິ້ງ ສຳຫລັບເຂົ້າຫາ

ຜູ້ສະໝັກ ປະທານາທິບໍດີ ພັກຣີພັບບລີກັນ ໂຕ້ວາທີ ໂດຍບໍ່ມີ ທ່ານ Trump ເຂົ້າຮ່ວມ


ການໂຕ້ວາທີຂອງຜູ້ສະໝັກເປັນປະທານາທິບໍດີ ພັກຣີພັບບລີກັນ ທີ່ເມືອງ Des Moines ໃນລັດໄອໂອວາ ເມື່ອ 28 ມັງກອນ 2016.

ການໂຕ້ວາທີຂອງຜູ້ສະໝັກເປັນປະທານາທິບໍດີ ພັກຣີພັບບລີກັນ ທີ່ເມືອງ Des Moines ໃນລັດໄອໂອວາ ເມື່ອ 28 ມັງກອນ 2016.

ບັນດາ​ຜູ້​ສະໝັກ ​ເປັນ​ປະທານາທິບໍດີ​ຂອງ​ພັກ​ຣີພັບ​ບລີ​ກັນໃນ​ວັນ
​ພະຫັດ​ວານ​ນີ້​ໄດ້​ຈັດການ​ໂຕ້​ວາທີ​ເປັນຄັ້ງສຸດ​ທ້າຍ ກ່ອນ​ການ​ປະ
​ຊຸມ​ຄັດ​ເລືອກ​ຜູ້​ສະໝັກ​ຂອງພັກ​ທີ່​ລັດ​ໄອ​ໂອວາ​ໃນ​ມື້ວັນ​ຈັນ​ຈະ​ມາ
ຊຶ່ງ​ເປັນ​ການແຂ່ງຂັນບ່ອນ​ທຳ​ອິດທີ່​ບັນດາຜູ້​ມີ​ສິດ​ປ່ອນ​ບັດຈະ​ໄດ້
​ເລືອກ​ເອົາ ຜູ້ຕາງໜ້າ​ຂອງ​ພັກ ​ໃນ​ການ​ເຂົ້າ​ແຂ່ງຂັນ​ເອົາຕຳ​ແໜ່ງ
ປະທານາທິບໍດີຄົນ​ຕໍ່​ໄປ.

ບັນດາ​ຜູ້​ສະໝັກ​ສ່ວນ​ໃຫຍ່​ໄດ້​ກ່າວຕອບ​ຢ່າງ​ໄວວາ​ຕໍ່​ການ​ຂໍ​ຮ້ອງ
ຂອງ​ນາງ Megyn Kelly ນຶ່ງ​ໃນ​ຜູ້​ຕັ້ງຄຳ​ຖາມ ທີ່​ຈະ​ກ່າວ​ເຖິງຊ້າງ
​ທີ່​ບໍ່​ໄດ້​ຢູ່​ໃນ​ຫ້ອງ​ໃນ​ຄືນວັນ​ພະຫັດ​ນັ້ນ​ຊຶ່ງ​ໝາຍ​ເຖິງທ່ານ Donald
Trump ຜູ້​ສະໝັກ​ ທີ່​ມີ​ຄະ​ແນນ​ສຽງນຳ​ໜ້າ​ ຂອງ​ພັກ ​ແຕ່​ບໍ່​ໄດ້​ເຂົ້າ
ຮ່ວມ​ໃນ​ການ​ໂຕ້​ວາທີ.

ຂ້າພະ​ເຈົ້າ​ເປັນຄົນ​ຂາດ​ສະຕິ ​ແລະ​ທຸກໆ​ຄົນ​ທີ່ຢູ່​ເທິງ​ເວທີ​ນີ້ ​ແມ່ນ​ເປັນ​ຄົນ​ໂງ່ ຕຸ້ຍ ​ແລະ​ກໍ​
ໜ້າ​ກຽດ ​ແລະ​ທ່ານ Ben ທ່ານ​ກໍ​ເປັນ​ທ່ານໝໍ​ຜ່າຕັດ ​ທີ່​ຂີ້ຮ້າຍ​ຫຼາຍ ສະມາຊິກ​ສະພາ​ສູງ
Ted Cruz ກ່າວ​ຕໍ່​ຄູ່​ແຂ່ງ ທ່ານ Ben Carson ທ່ານໝໍ​ຜ່າຕັດ​ເສັ້ນປະສາດ ​ທີ່​ອອກ​ກິ​ນ​
ເບ້ຍບຳນານ​ແລ້ວ ​ໂດຍ​ກ່າວ​ວ່າ ທ່ານ​ໄດ້ເອົາ​ ພາກສ່ວນລາຍການ​ ຂອງ​ທ່ານ Donald
Trump ອອກ​ຈາກ​ທາງ​ແລ້ວ.

ສ່ວນ​ສະມາຊິກ​ສະພາ​ສູງຈາກ​ລັດ​ຟລໍ​ຣິດ້າ ທ່ານ Marco Rubio ກ່າວ​ວ່າ ​ໃນ​ຂະນະ​ທີ່​ຜູ້​ສະໝັກ​ມະຫາ​ເສ​ດຖີພັນ​ລ້ານ​ກຳລັງ​ໃຫ້​ຄວາມ​ບັນ​ເທີ​ງຢູ່ທ່ານ Trump ບໍ່​ໄດ້​ເຮັດ​ໃນ​ສິ່ງ​ທີ່
​ການ​ໂຄສະນາ​ຫາ​ສຽງ​ຄວນ​ເຮັດ​ແລະ​ອະດີດ​ຜູ້​ປົກຄອງ​ລັດຟລໍ ຣິດ້າ ​ທ່ານ Jeb Bush ຜູ້​
ທີ່​ມັກ​ຕົກ​ເປັນ​ເປົ້າ​ໃນ​ການ​ໂຈມ​ຕີ​ຂອງ​ທ່ານ Trump ນັ້ນ ​ໄດ້​ກ່າວ​ຕະຫລົກ​ວ່າ ທ່ານ​ຮູ້ສຶກ​
ເສົ້າ​ໃຈ​ທີ່​ມະຫາ​ເສ​ດຖີອະສັງຫາລິມະ​ຊັບ​ບໍ່ ​ໄດ້​ມາ​ຮ່ວມ​ການ​ໂຕ້​ວາທີ​ນຳ.

ແຕ່​ບັນດາ​ຜູ້​ສະໝັກ​ສ່ວນ​ທີ່​ເຫລືອ ຫລີກ​ລ້ຽງ​ການ​ກ່າວ​ເຖິງ​ທ່ານ Trump ​ແລະ​ຕ່າງ​ກໍ​ໄດ້
​ທຳ​ການ​ເຄື່ອນ​ໄຫວ​ຢ່າງ​ວ່ອງ​ໄວ ​ເພື່ອ​ກ່າວ​ເຖິງ​ຄຸນ​ນະ​ວຸດ​ທິຂອງ​ພວກທ່ານ​ໃນ​ການ​ເປັນ
​ປະທານາທິບໍດີ.

​ເນື່ອງ​ຈາກ​ບັນດາ​ຜູ້​ສະໝັກ​ຂອງ​ພັກ​ຣີພັບ​ບລີ​ກັນ ​ມີ​ຫລາຍ​ເຖິງ 11 ຄົນ ທາງ​ໂທລະພາບ
Fox ຈຶ່ງ​ແບ່ງ​ການ​ໂຕ້​ວາທີ ຢູ່​ທີ່​ເມືອງ Des Moines ລັດໄອ​ໂອວາ​ອອກເປັນສອງ​ກຸ່ມ ຄື​
ກຸ່ມ​ທີ່​ມີ​ຄະ​ແນນ​ສຽງ​ນຳ​ໜ້າ 7 ຄົນ ​ແລະ​ຕິດ​ຕາມ​ໂດຍ​ອີກ 4 ຄົນ.

ການໂຕ້ວາທີຂອງພວກທ່ານ ແມ່ນເພັ່ງເລັງໃສ່ເລື້ອງຄົນເຂົ້າເມືອງ ແລະນະໂຍບາຍການ ຕ່າງປະເທດຂອງສະຫະລັດ.

ສະແດງຄວາມເຫັນໃຫ້ເບິ່ງ

XS
SM
MD
LG