ບັນດາຜູ້ນຳສະຫະພາບຢູໂຣບ ກຳລັງເຕົ້າໂຮມກັນ ໃນວັນພຸດ
ມື້ນີ້ ເພື່ອປະຊຸມສຸກເສີນ ທີ່ນະຄອນຫຼວງ Brussels ໃນການ
ຫາລືກ່ຽວກັບການເອົາບາດກ້າວຂັ້ນຕໍ່ໄປ ຫລັງຈາກບັນດາ
ລັດຖະມົນຕີກະຊວງພາຍໃນ ໄດ້ຕົກລົງກັນກ່ຽວກັບ ແຜນທີ່
ຈະແຈກຢາຍອົບພະຍົບ 120,000 ຄົນ ລະຫວ່າງ 28 ປະ
ເທດສະມາຊິກຂອງສະຫະພາບຢູໂຣບ.
ແຜນດັ່ງກ່າວ ແມ່ນເພື່ອແນໃສ່ຫລຸດຜ່ອນຄວາມລຳບາກ ຕໍ່
ບັນດາປະເທດສະມາຊິກ ຂອງສະຫະພາບຢູໂຣບ ທີ່ຢູ່ທາງ
ພາກຕາເວັນອອກສຸດຂອງກຸ່ມດັ່ງກ່າວທີ່ໄດ້ຮັບມືກັບການລັ່ງ
ໄຫລຂອງຊາວອົບພະຍົບ ໃນໄລຍະສອງສາມເດືອນຜ່ານມາ
ນີ້ ຊຶ່ງຫລາຍໆຄົນແມ່ນພະຍາຍາມຫລົບໜີ ຈາກຄວາມຮຸນແຮງ ໃນຊີເຣຍ ຫລືບໍ່ກໍ ອັຟ
ການິສຖານ.
ເນື່ອງຈາກການຄັດຄ້ານຂອງປະເທດ Hungary, Slovakia, ສາທາລະນະລັດ Czech
ແລະ Romania ຂໍ້ຕົກລົງດັ່ງກ່າວຈຶ່ງໄດ້ຮັບຜ່ານດ້ວຍສຽງສ່ວນຫຼາຍ ແທນທີ່ຈະເປັນ
ການລົງຄະແນນສຽງຢ່າງເປັນເອກກະສັນ ລະຫວ່າງ ບັນດາລັດ ຖະມົນຕີກະຊວງພາຍ
ໃນ ຂອງສະຫະພາບຢູໂຣບ.
ນາຍົກລັດຖະມົນຕີ ສາທາລະນະລັດ Czech ທ່ານ Bohuslav Sovotka ໄດ້ກ່າວວ່າ “ມັນເປັນເລື້ອງຈຳເປັນທີ່ບັນດາປະເທດໃນສະຫະພາບຢູໂຣບ ທີ່ຈະຮັກສາອະທິປະໄຕ
ຂອງຕົນ ໃນເລື້ອງດັ່ງກ່າວ. ຕ້ອງແມ່ນບັນດາລັດຖະບານທີ່ຈະເປັນຜູ້ຕັດສິນໃຈ.”
ການປະຊຸມໃນວັນພຸດມື້ນີ້ ຄາດວ່່າຈະພົົວພັນກັບການເສີມຂະຫຍາຍຊາຍແດນຢູ່ນອກ
ສະຫະພາບຢູໂຣບ ແລະໃຫ້ການຊ່ວຍເຫລືອແກ່ບັນດາປະເທດທີ່ບໍ່ເປັນສະມາຊິກສະ
ຫະພາບຢູໂຣບ ເຊັ່ນວ່າ ປະເທດເທີກີ ທີ່ໄດ້ຕົກຢູ່ພາຍໃຕ້ຄວາມລຳບາກຈາກການກົດ
ດັນ ໃນການຫລັ່ງໄຫລເຂົ້າມາຂອງຊາວອົບພະຍົບ.
ຊາວອົບພະຍົບເກືອບເຄິ່ງລ້ານຄົນ ຊຶ່ງ 40 ເປີເຊັນຂອງເຂົາເຈົ້າ ແມ່ນຊາວຊີເຣຍໄດ້ຂ້າມ
ທະເລ Mediterranean ໃນປີນີ້ ຫລົບໜີສົງຄາມແລະຄວາມທຸກຈົນ ຢູ່ໃນພາກຕາເວັນ
ອອກກາງ ເພື່ອຊອກຫາຊີວິດທີ່ດີຂຶ້ນ ຢູ່ໃນຢູໂຣບ.
ຫ້ອງການຂ້າຫລວງໃຫຍ່ດ້ານອົບພະຍົບຂອງສະຫະປະຊາຊາດ ກ່າວວ່າ ການລັ່ງໄຫລ
ເຂົ້າມາຂອງຊາວອົບພະຍົບຢ່າງບໍ່ຢຸດຢັ້ງນັ້ນ ແມ່ນເປັນຈຳນວນຫລວງ ຫລາຍ 6,000
ຄົນຕໍ່ມື້ ໂດຍພາກັນໄປເຖິງແຄມຝັ່ງທະເລຢູໂຣບ ຊຶ່ງແຜນການ ແຈກຢາຍອົບພະຍົບ ທີ່ກວມເອົາ 120,000 ຄົນນັ້ນ “ບໍ່ພຽງພໍທີ່ຈະເຮັດໃຫ້ສະ ພາບການມີທຸ່ນທ່ຽງໄດ້." ໄດ້
ມີການຮຽກຮ້ອງ ໃຫ້ເປີດສູນກາງຮັບຕ້ອນອົບພະ ຍົບຕື່ມຂຶ້ນ ຢູ່ໃນບັນດາປະເທດ
ສະຫະພາບຢູໂຣບ.
