ລິ້ງ ສຳຫລັບເຂົ້າຫາ

ຕຳຫຼວດຜີວຂາວ ຖືກກ່າວຫາ ຍິງຜູ້ຊາຍຜິວດຳ ບໍ່ມີອາວຸດ ເສຍຊີວິດ


ເຈົ້າໜ້າທີ່ຕຳຫລວດ Michael Slager ເມືອງ Charleston ເໜືອ ລັດ South Carolina ຖືກກ່າວຫາວ່າ ຍິງຜູ້ຊາຍຜີວດຳ ທີ່ບໍ່ມີອາວຸດ ເຖິງແກ່ຄວາມຕາຍ.

ເຈົ້າໜ້າທີ່ຕຳຫລວດ Michael Slager ເມືອງ Charleston ເໜືອ ລັດ South Carolina ຖືກກ່າວຫາວ່າ ຍິງຜູ້ຊາຍຜີວດຳ ທີ່ບໍ່ມີອາວຸດ ເຖິງແກ່ຄວາມຕາຍ.

ເຈົ້າ​ໜ້າ​ທີ່​ຕຳຫລວດ​ຜິວ​ຂາວ​ຄົນ​ນຶ່ງ ຢູ່​ທີ່ລັດ South Carolina
ໃນພາກ​ໃຕ້​ຂອງສະຫະລັດ ​ໄດ້​ຖືກ​ຈັບ​ແລະ​ຖືກກ່າວ​ຫາ​ວ່າເປັນ
ຄາດ​ຕະກອນ ໂດຍຍິງ​ຜູ້​ຊາຍ​ຜີວ​ດຳທີ່ບໍ່ມີອາວຸດ​ຄົນ​ນຶ່ງ​ຕາຍ
ຊຶ່ງໄດ້ມີການ​ບັນທຶກພາບວີ​ດີ​ໂອໄວ້ນັ້ນ.

ການ​ຍິງ​ທ້າວ Walter Scott ​ອາຍຸ 50 ປີ ໃນ​ວັນ​ເສົາ​ແລ້ວ​ນີ້ ​ຢູ່
​ທີ່​ເມືອງ North Charleston ເກີດ​ຂື້ນ​ຫລັງ​ຈາກລົດຂອງລາວ
​ໄດ້​ຖືກຢຸດໂດຍ​ເຈົ້າ​ໜ້າທີ່​ຕຳຫລວດ Micheal Slager ຍ້ອນ​ວ່າ
​ລາວ​ຂັບ​ລົດ ທີ່​ມີ​ຕາໄຟ​ຫ້າມ​ລໍ້​ແຕກ. ວີ​ດີ​ໂອ ທີ່ບັນທຶກພາບ
ໂດຍ​ຜູ້​ເຫັນ​ເຫດການ ດ້ວຍກ້ອງຖ່າຍ​ໂທລະ​ສັບ​ມື​ຖື ສະ​ແດງ​ໃຫ້​
ເຫັນ​ວ່າ ​ທ່ານ Slager ຍິງ​ປືນຫລາຍ​ລູກ​ໃສ່ທ້າວ Scott ​ທີ່​ແລ່ນ
ໜີ​ຈາກທ່ານ Slager. ຫລັງ​ຈາກ​ທ້າວ Scott ລົ້ມ​ລົງ​ສູ່​ພື້ນ​ດິນ ລຸນຫລັງທີ່ໄດ້ຖືກປືນລູກ
ສຸດ​ທ້າຍແລ້ວ ທ່ານ Slager ​ໄດ້​ຢ່າງ​ໄປ​ຫາ​ທ້າວ Scott ​ແລ້ວ​ໃສ່ກັບ​ມື​ລາວ ຫລັງ​ຈາ​ກນັ້ນ​ ກໍໄດ້​ກັບ​ຄືນ​ໄປ​ຫາຈຸດ ​ບ່ອນ​ທີ່​ທ່ານ​ໄດ້​ເລີ້ມຍິງປືນເຂົ້າໃສ່. ​ເຈົ້າ​ໜ້າ​ທີ່​ຕຳຫລວດທ່ານນີ້​
ໄດ້​ກົ້ມ​ຈັບ​ເອົາ​ສິ່ງ​ໃດ​ສິ່ງ​ນຶ່ງ​ຂື້ນ​ມາ​ຈາກ​ພື້ນດິນ ​ແລ້ວ​ຢ່າງ​ກັບ​ຄືນ​ໄປ​ຫາ​ບ່ອນ​ທີ່ ທ້າວ Scott ລົ້ມນອນ​ຢູ່​ນັ້ນ ​ແລ້ວ​ຖີ້ມວັດ​ຖຸສິ່ງນັ້ນ ໄວ້​ຢູ່​ຂ້າງ​ລາວ.

ທ່ານ Slager ​ໄດ້​ກ່າວ​ໃນ​ເບື້ອງ​ຕົ້ນ​ວ່າ ທ່ານ​ໄດ້​ເປີດ​ສາກ​ຍິງ ຫລັງ​ຈາກ​ທ້າວ Scott ​ໄດ້​
ຍາດເອົາ​ປືນ​ໄຟຟ້າຂອງທ່ານ ​ໃນ​ລະຫວ່າງ​ມີ​ການ​ຕໍ່ສູ້ກັນຢູ່ນັ້ນ.

ຜູ້​ເຫັນ​ເຫດການ​ທີ່​ບໍ່​ບອກ​ຊື່ ຊຶ່ງ​ໄດ້​ຖ່າຍ​ວີດີໂອກ່ຽວກັບ​ເຫ​ດການນັ້ນ ໄດ້ນຳ​ເອົາ ວີ​ດີ​ໂອ
​ໄປມອບ​ໃຫ້​ຄອບຄົວ​ຂອງ​ທ້າວ Scott​. ທະນາຍຄວາມ​ຂອງ​ຄອບຄົວ ​ໄດ້​ນຳ​ເອົາວີ​ດີ​ໂອ
​ໄປ​ໃຫ້​ໜັງ​ສື​ພິ​ມ The New York Times ຊຶ່ງໄດ້ນຳເອົາວີດີໂອດັ່ງກ່າວ ອອກເຜີຍແຜ່
ທາງເວັບໄຊທ໌ຂອງຕົນ ​ໃນ​ວັ​ນອັງຄານ​ວານ​ນີ້.

ເບິ່ງລາຍງານວີດີໂອ ພາສາອັງກິດ:

XS
SM
MD
LG