ລິ້ງ ສຳຫລັບເຂົ້າຫາ

ທຳນຽບຂາວ ຈະຂັດຂວາງ ບໍ່ໃຫ້ເປີດເຜີຍ ອີແມລ ທ່ານນາງ ຄລິນຕັນ ຫາ ປ. ໂອບາມາ


ພາບບັນທຶກ ປະທານາທິບໍດິ Barack Obama ຊຶ່ງໃນເວລາ ນັ້ນ ລັດຖະມົນຕີ ຕ່າງປະເທດ ສະຫະລັດ ທ່ານນາງ Hillary Clinton.

ພາບບັນທຶກ ປະທານາທິບໍດິ Barack Obama ຊຶ່ງໃນເວລາ ນັ້ນ ລັດຖະມົນຕີ ຕ່າງປະເທດ ສະຫະລັດ ທ່ານນາງ Hillary Clinton.

ບັນດາ​ເຈົ້າ​ໜ້າ​ທີ່ຂອງທຳນຽບຂາວກ່າວ​ວ່າ ​ເຂົາ​ເຈົ້າຈະ​ບໍ່​ອະນຸ
ຍາດ​ໃຫ້​ເປີດ​ເຜິ​ຍ​ ອີ​ແມລ ລະຫວ່າງປະທານາທິບໍດີ Barack
Obama ​ແລະອະດີດ​ລັດ​ຖະມົນຕີ ຕ່າງປະ​ເທດ ທ່ານ​ນາງ
Clinton ອັນ​ເປັນ​ພາກສ່ວນນຶ່ງ​ຂອງຄຳ​ສັ່ງ​ສານ ທີ່​ໃຫ້ ​ເປີດ
​ເຜີຍ​ອີ​ແມ​ລທັງ​ໝົດ ​ໃນ​ເວລາ​ທີ່ທ່ານ​ນາງ​ເປັນລັດຖະມົນຕີ
​ຕ່າງປະ​ເທດນັ້ນ.

​ເຈົ້າ​ໜ້າ​ທີ່​ຂັ້ນ​ສູງ​ ທຳນຽບຂາວ​ຄົນ​ໜຶ່ງ ທີ່​ບໍ່​ອອກ​ຊື່​ ກ່າວ​ໃນ
​ວັນສຸກ​ວານ​ນີ້​ວ່າ ​ ການ​ເປີດເຜີ​ຍ​ການ​ສົນທະນາ​ໃນ​ເວລາ​ນີ້
ຈະ​ເປັນ​ການລະ​ເມີດຕໍ່​ປະ​ເພນີ​ອັນ​ຍາວ​ນານທີ່​ເຄີຍ​ປະຕິບັດ
​ກັນ​ມາ ​ກ່ຽວ​ກັບ​ການ​ຮັກສາຄວາມ​ລັບ ​ໃນ​ຂະນະ​ທີ່​ ປະທາ
ນາທິບໍດີຍັງ​ຢູ່ໃນ​ຕຳ​ແໜ່​ງ. ທ່ານ​ເວົ້າວ່າ “ມັນ​ເປັນ​ຫລັກການທີ່ ທຳນຽບຂາວ ຫຼາຍໆ​ສະ​ໄໝກ່ອນໜ້າ​ນີ້ ​ໄດ້​ປ້ອງ​ກັນ​ຢ່າງເຂັ້ມ​ແຂງ ໃນ​ຂະນະ​ທີ່​ມັນ​ນຳໄປ​ສູ່​ຈຸດ​ໃຈກາງ​ໃນຄວາ​ມສາມາດ​ຂອງປະທານາທິບໍດີ ເພື່ີອຮັບ​ຟັງ​ຄຳ​ແນະນຳ​ທີ່​ບໍ່​ໄດ້ດັດ​ແປງ ​ແລະຈາກ​ທີ່​ປຶກ
ສາ ​ໃນ​ລະຫວ່າງທີ່​ທ່ານ​ຍັງ​ຢູ່​ໃນ​ຕຳ​ແໜ່​ງ ​ແລະ​ເປັນ​ສູນ​ກາງ​ປະຕິບັດ​ງານ ທີ່​ເປັນ​ອິດສະ
ຫຼະຂອງ​ສາຂາ​ບໍລິຫານ.

ທຳນຽບຂາວ ວາງ​ແຜນ​ທີ່​ຈະ​ຮັກສາ​ອີ​ແມ​ລ​ເຫຼົ່ານີ້​ໄວ້​ເປັນຄວາມ​ລັບ ​ຢ່າງໜ້ອຍ​ຈົນ​ກວ່າ
ທ່ານ Obama ພົ້ນ​ຈາກ​ຕຳ​ແໜ່​ງ​ໃນ​ເດືອນ​ມັງກອນປີ 2017. ຈຳນວນ ອີແມ​ລທີ່​ແທ້​ຈິງ
ລະຫວ່າງປະທານາທິບໍດີ ​ແລະ ທ່ານ​ນາງ Clinton ຍັງບໍ່​ເປັນ​ທີ່​ຊາບໄດ້.

ກະຊວງ​ຕ່າງປະ​ເທດ ​ໄດ້​ເປີດ​ເຜີ​ຍອີ​ແມ​ລຫລາຍ​ກວ່າ 55,000 ສະບັບ ຂອງ​ທ່ານ​ນາງ
Clinton ທີ່​ໄດ້​ຮັບ ​ແລະ​ສົ່ງ​ອອກ​ໄປ ​ໃນ​ຂະນະ​ທີ່​ທ່ານ​ນາງ​ເປັນລັດ ຖະມົນຕີຕ່າງປະ​ເທດ
ທີ່​ຈັດ​ໄວ້​ເປັນ​ຈຸ​ໃນ​ແຕ່ລະ​ເດືອນ ຫລັງ​ຈາກ​ໄດ້​ມີ​ການ ກວດກາ ​ແລະ​ຫັນປ່ຽນທາງ​ອີ​ເລັກ
ໂຕ​ຣນິກ. ຈຳ​ນວນ​ໜຶ່ງ ໄດ້​ຖືກໝາຍ​ໄວ້ວ່າ​ເປັນຄວາມ​ລັບ ​ແລະເກັບຮັກສາ​ເອົາ​ໄວ້ຕໍ່​ໄປ.

ທ່ານ​ນາງ Clinton ກຳລັງ​ມີ​ຄະ​ແນນ​ສຽງນຳ​ໜ້າ ​ໃນ​ບັນດາ​ຜູ້ແຂ່ງຂັນເລືອກ​ຕັ້ງ ​ເປັນ
​ປະທານາທິບໍດີ ຂອງພັກ​ເດ​ໂມ​ແຄ​ຣັດ ປີ 2017. ທ່ານ​ນາງ​ໄດ້​ໃຊ້ບັນ​ຊີອີ​ແມ​ລສ່ວນ​ໂຕ
ອັນ​ດຽວກັນ ​ທັງ​ເຮັດ​ວຽກຂອງ​ທາງ​ການ ​ແລະ​ທຸລະ​ກິດສ່ວນຕົວ.

XS
SM
MD
LG