ລິ້ງ ສຳຫລັບເຂົ້າຫາ

ທຳນຽບຂາວ ກ່າວປະນາມ ຣັດເຊຍ ແລະ ຊີເຣຍ ສຳລັບການຖິ້ມລະເບີດໃສ່ໂຮງໝໍ


ຄວັນໄຟ ແລະ ໄຟກຳລັງລຸກໄໝ້ ຫຼັງຈາກການໂຈມຕີທາງອາກາດ
ໄດ້ຕົກໃສ່ຊຸມຊົນ Al-Shaar ຂອງເມືອງ Aleppo, ຊີເຣຍ, 18 ພະຈິກ, 2016.

ຄວັນໄຟ ແລະ ໄຟກຳລັງລຸກໄໝ້ ຫຼັງຈາກການໂຈມຕີທາງອາກາດ ໄດ້ຕົກໃສ່ຊຸມຊົນ Al-Shaar ຂອງເມືອງ Aleppo, ຊີເຣຍ, 18 ພະຈິກ, 2016.

ຜູ້ຊີ້ນຳດ້ານຄວາມປອດໄພ ສະຫະລັດ ທ່ານນາງ Susan Rice ໄດ້ເຕືອນລະບອບການ ປົກຄອງ ຊີເຣຍ ແລະ ຣັດເຊຍ ຜູ້ໜູນຫຼັງ ຂອງພວກເຂົາເຈົ້າໃນວັນເສົາວານນີ້ວ່າ ພວກ ເຂົາເຈົ້າຈະຖືກກ່າວ ຫາສຳລັບການຖິ້ມລະເບີດທີ່ “ໂຫດຮ້າຍ” ໃສ່ໂຮງໝໍໃນພາກສ່ວນ ທີ່ຖືກຄວບຄຸມໂດຍພວກກະບົດໃນເມືອງ Aleppo.

ທ່ານນາງໄດ້ກ່າວວ່າ “ສະຫະລັດ ກ່າວປະນາມການໂຈມຕີທີ່ໂຫດ ຮ້າຍໃສ່ໂຮງໝໍແຫ່ງ ຕ່າງໆ ແລະ ພວກເຈົ້າໜ້າທີ່ຊ່ວຍເຫຼືອດ້ານມະນຸດ ສະທຳດ້ວຍຄຳເວົ້າທີ່ຮຸນແຮງທີ່ສຸດ. ມັນບໍ່ມີຄຳແກ້ຕົວໃດໆສຳລັບການ ກະທຳອັນໂຫດຮ້າຍພວກນີ້.” ທ່ານ ນາງໄດ້ກ່າວວ່າ “ລະບອບການ ປົກຄອງ ຊີເຣຍ ແລະ ພັນທະມິດຂອງພວກເຂົາເຈົ້າ, ໂດຍສະເພາະ ແມ່ນ ຣັດເຊຍ, ບໍ່ໄດ້ສະແດງຄວາມຮັບຜິດຊອບສຳລັບຜົນທີ່ຕາມມາ ຢ່າງກະທັນຫັນ ແລະ ໄລຍະຍາວ, ການກະທຳພວກນີ້ໄດ້ເກີດຂຶ້ນໃນ ຊີເຣຍ ແລະ ນອກເໜືອກວ່າ ນັ້ນ.”

ການໂຈມຕີທາງອາກາດ ແລະ ການຍິງປືນໃຫຍ່ທີ່ດຳເນີນຂຶ້ນໂດຍ ກອງກຳລັງລັດຖະ ບານໃນເມືອງ Aleppo ໄດ້ເຮັດໃຫ້ປະຊົນເສຍ ຊີວິດຢ່າງໜ້ອຍ 27 ຄົນ ໃນວັນເສົາວານ ນີ້, ເປັນການໂຈມຕີຄົບຮອບ 5 ມື້ລຽນຕິດໃນເມືອງດັ່ງກ່າວ, ເຊິ່ງເປັນບ້ານຂອງປະຊາຊົນ ຫຼາຍກວ່າ 275,000 ຄົນ.

ໃນວັນສຸກທີ່ຜ່ານມາ, ການຖິ້ມລະເບີດຂອງລັດຖະບານໄດ້ຕົກໃສ່ໂຮງ ໝໍ 4 ແຫ່ງໃນ ເມືອງ Aleppo, ກໍ່ໃຫ້້ຄະນະຜູ້ບໍລິຫານດ້ານສຸຂະພາບ ທີ່ຖືກແຕ່ງຕັ້ງໂດຍພວກກະບົດ ຕ້ອງປະກາດການປິດໃຫ້ບໍລິການໂຮງໝໍທຸກໆແຫ່ງ ໃນເຂດທີ່ຖືກຄວບຄຸມໂດຍພວກ ຝ່າຍຄ້ານ.

ເດັກຊາຍສອງຄົນທີ່ໄດ້ຮັບບາດເຈັບ ຮ້ອງໄຫ້ຢູ່ໂຮງໝໍກາງແຈ້ງ ຫຼັງຈາກການໂຈມຕີທາງອາກາດ ໃນເຂດທີ່ຖືກປົກຄອງໂດຍພວກກະບົດໃນເມືອງ Aleppo, ຊີເຣຍ. 18 ພະຈິກ 2016.

ເດັກຊາຍສອງຄົນທີ່ໄດ້ຮັບບາດເຈັບ ຮ້ອງໄຫ້ຢູ່ໂຮງໝໍກາງແຈ້ງ ຫຼັງຈາກການໂຈມຕີທາງອາກາດ ໃນເຂດທີ່ຖືກປົກຄອງໂດຍພວກກະບົດໃນເມືອງ Aleppo, ຊີເຣຍ. 18 ພະຈິກ 2016.

ຄະນະຜູ້ບໍລິຫານໄດ້ກ່າວໃນຖະແຫຼງການສະບັບໜຶ່ງວ່າ “ການຕັ້ງໃຈທຳລາຍສະຖານ ທີ່ສຳລັບການຢູ່ລອດ ໄດ້ເຮັດໃຫ້ປະຊາຊົນຜູ້ທີ່ຖືກ ໂອບລ້ອມດ້ວຍການຖືກໂຈມຕີ ລວມທັງ ເດັກນ້ອຍ, ຜູ້ເຖົ້າ ແລະ ຜູ້ຊາຍ ແລະ ແມ່ຍິງ, ບໍ່ມີສະຖານທີ່ທາງການແພດ ເພື່ອປິ່ນປົວ ສຸຂະພາບຂອງພວກເຂົາເຈົ້າ.”

ອົງການສິ້ງຊອມສິດທິມະນຸດໃນ ຊີເຣຍ ທີ່ມີຫ້ອງການຕັ້ງຢູ່ ອັງກິດ ໄດ້ກ່າວວ່າ ພວກເຮືອ ບິນຮົບຂອງ ຊີເຣຍ ໄດ້ຖິ້ມລະເບີດໃສ່ຊຸມຊົນ ຫຼາຍກວ່າ 20 ແຫ່ງ.

ອີງຕາມການກ່າວຂອງສື່ມວນຊົນລັດຖະບານ, ນັບຕັ້ງແຕ່ການໂຈມຕີທີ່ຖືກຟື້ນຄືນໃໝ່ໄດ້ ເລີ່ມຂຶ້ນໃນວັນອັງຄານທີ່ຜ່ານມາ, ປະຊາຊົນ 92 ຄົນໄດ້ຖືກຂ້າຕາຍ, ລວມທັງປະຊາຊົນ ຜູ້ທີ່ຖືກລາຍງານວ່າ ເສຍຊີວິດ ຍ້ອນປືນຄົກຂອງພວກກະບົດ ທີ່ແນເປົ້າໝາຍໃສ່ພາກ ສ່ວນຂອງເມືອງ ທີ່ຖືກຄວບຄຸມໂດຍລັດຖະບານ.


ອ່ານຂ່າວນີ້ຕື່ມເປັນພາສາອັງກິດ

ສະແດງຄວາມເຫັນໃຫ້ເບິ່ງ

XS
SM
MD
LG