ລິ້ງ ສຳຫລັບເຂົ້າຫາ

ທໍານຽບຂາວ ກ່າວວ່າ ພວກກໍ່ການຮ້າຍ ເປັນຜູ້ ໂຈມຕີ ກົງສຸນ ທີ່ລີເບຍ


ໂຄສົກຂອງທຳນຽບຂາວ ທ່ານ Jay Carney ຍໍ້າຄືນຄໍາເວົ້າຂອງ ຜູ້ອໍານວຍການ ສູນກາງຕໍ່ຕ້ານພວກກໍ່ການຮ້າຍແຫ່ງຊາດ.
ທໍານຽບຂາວ ກ່າວ​ໃນ​ວັນ​ພະຫັດວານນີ້ວ່າ ມັນ​ແມ່ນ
“ຫລັກ​ຖານໃນ​ຕົວ” ທີ່​ການ​ໂຈມ​ຕີ​ກົງ​ສຸນສະຫະລັດ ​
ໃນອາທິ​ດແລ້ວ​ນີ້ ຢູ່​ທີ່​ເມືອງ Benghazi ປະ​ເທດ
ລີ​ເບຍ ​ແມ່ນ​ການ​ໂຈມ​ຕີ​ຂອງ​ “ພວກ​ກໍ່​ການ​ຮ້າຍ.”

ໂຄສົກ​ທໍານຽບຂາວ ທ່ານ Jay ​Carney ​ໄດ້​ກ່າວ​ຍໍ້າຄືນ​ ຄໍາ​ເວົ້າ​ຂອງຜູ້ອຳ ນວຍ​ການສູ​ນກາງ​ຕໍ່ຕ້ານພວກກໍ່​ການ​ຮ້າຍ​ແຫ່ງ​ຊາດ ທ່ານ Matthew Olsen ທີ່​ໄດ້​ໃຫ້ການ​ຕໍ່ຄະນະ​ກໍາມະການ​ສະພາ​ສູງ ​ໃນ​ວັນ​ພຸດຜ່ມານນີ້​ວ່າ ຄວາມ​ຮຸນ​ແຮງ​ດັ່ງກ່າວແມ່ນ “ການ​ສວຍ​ໂອກາດ​ໂຈມ​ຕີ” ທີ່ “ຄ່ອຍໆ ​ເພີ້ມທະວີ​ຂື້ນ​ໃນໄລຍະ​ຫຼາຍໆ​ຊົ່ວ​ໂມງ.”

ໃນ​ການປະກົດຕົວ​ຕໍ່​ໂທລະພາບ​ພາສາສະ​ເປ​ນ Univision ຂອງສະຫະລັດ​ໃນ​ວັນ​ພະຫັດວານ​ນີ້ ປະທານາທິບໍດີ Barack Obama ກ່າວ​ວ່າ ການ​ສືບສວນ​ກ່ຽວ​ກັບ​ການ​ໂຈມ​ຕີ​ຍັງ​ດໍາ​ເນີນ​ຢູ່​ຕໍ່​ໄປ. ທ່ານບໍ່​ໄດ້ໃຫ້​ຄວາມ​ເຫັນ​ທີ່ເຈາະ​ຈົງ​ກ່ຽວ​ກັບ​ຂໍ້​ມູນ​ລັບ ຫລື​ລາຍ​ລະ​ອຽດໃດໆ ​ແຕ່​ໄດ້​ກ່າວ​ວ່າ ຍັງ​ບໍ່ທັນ​ຮູ້​ເທື່ອວ່າ ພວກ​ກໍ່​ການ​ຮ້າຍ al-Qaida ​ມີ​ສ່ວນ​ພົວພັນ​ໃນ​ເລື່ອງ​ນີ້ຫຼືບໍ່.

ທ່ານ Obama ກ່າວວ່າ ພວກ​ຫົວ​ຮຸນ​ແຮງຈັດ ​ໄດ້​ໃຊ້ ​ໃນອັນ​ທີ່ທ່ານຮ້ອງ​ວ່າ ການ​ປະ
ທ້ວງ​ ທໍາ​ມະ​ດາ ຕໍ່ຕ້ານ​ຮູບ​ເງົາໝິ່ນປະໝາດ​ອິສລາມ​ເພື່ອ​ເປັນ​ຂໍ້​ແກ້​ຕົວ ທີ່​ຈະ​ທໍາຮ້າ​ຍຜົນ​ປະ​ໂຫຍ​ດ​ຂອງສະຫະລັດ.

ການ​ໂຈມ​ຕີ​ທີ່​ເມືອງ Benghazi ​ໄດ້​ສັງຫານ ​ເອກ​ອັກຄະ​ລັດຖະທູດສະຫະລັດ ປະ​ຈໍາລີ​ເບຍ ທ່ານ Christopher Stevens ​ແລະນັກ​ການ​ທູດ ​ອີກສາມ​ຄົນ. ລັດຖະມົນຕີ​ການ​ຕ່າງປະ​ເທດ ທ່ານ​ນາງ Hillary Clinton ​ໄດ້​ກ່າວ​ວ່າ ກະຊວງ​ການ​ຕ່າງ​ປະ​ເທດ ບໍ່​ໄດ້​ຮັບ​ຂ່າວ​ສືບລັບ​ທີ່​ເຕືອນ​ລ່ວງ​ໜ້າ​ກ່ຽວ​ກັບ​ການ ​ໂຈມ​ຕີ ຫລືການວາງ​ແຜນໂຈມ​ຕີ​ທີ່ອາດ​ມີ​ຂຶ້ນນັ້ນ.

ນອກ​ນັ້ນຍັງໄດ້​ມີ​ການ​ປະ​ທ້ວງ​ທີ່​ຮ້າຍ​ແຮງຕໍ່​ຕ້ານ​ຮູບ​ເງົາ​ເລື່ອງ​ນີ້ຢູ່​ຕາມສະຖານ ທູດ​ສະຫະລັດ​ໃນ​ປະ​ເທດ​ຕ່າງໆ ​ໃນຕາ​ເວັນ​ອອກ​ກາງ​ແລະແຫ່ງ​ອຶ່ນໆ.
XS
SM
MD
LG