ລິ້ງ ສຳຫລັບເຂົ້າຫາ

ທຳນຽບຂາວ ສະເໜີຕັດງົບປະມານ ຂອງຫ້ອງການ ຄວບຄຸມຢາເສບຕິດຢ່າງມະຫາສານ


ປະທານາທິບໍດີ ທ່ານ ດໍໂນລ ທຣຳ ໃນທຳນຽບຂາວ ທີ່ນະຄອນຫຼວງ ວໍຊິງຕັນ. 4 ພຶດສະພາ, 2017.

ລັດຖະບານຂອງປະທານາທິບໍດີ ສະຫະລັດ ທ່ານ ດໍໂນລ ທຣຳ ໄດ້ສະເໜີວ່າ ຈະຕັດ ທຶນສຳລັບຫ້ອງການຄວບຄຸມຢາເສບຕິດ ຂອງທຳນຽບຂາວລົງຢ່າງໃຫຍ່, ຫຼັງຈາກທ່ານ
ທຣຳ ໄດ້ໂຄສະນາຫາສຽງທີ່ຈະປົວແປງວິກິດການ ການລ່ວງລະເມີດຄ້າຢາເສບຕິດທີ່
ກຳລັງເພີ່ມຂຶ້ນຂອງປະເທດ.

ເອກະສານງົບປະມານເບື້ອງຕົ້ນຂອງປີ 2018 ຈາກຫ້ອງການບໍລິຫານ ແລະ ງົບປະມານ
ຈະຫຼຸດການໃຫ້ທຶນສຳລັບຫ້ອງການແຫ່ງນະໂຍບາຍການຄວບຄຸມຢາເສບຕິດແຫ່ງຊາດ
ຫຼື ONDCP ເຖິງ 95 ເປີເຊັນ ຈາກ 364 ລ້ານໂດລາ ເຫຼືອພຽງແຕ່ 24 ລ້ານໂດລາ.

ຂໍ້ສະເໜີດັ່ງກ່າວໄດ້ຮຽກຮ້ອງໃຫ້ລົບລ້າງປະຊາຄົມປອດຢາເສບຕິດ ແລະ ໂຄງການ
ລັກລອບຄ້າຢາເສບຕິດຂັ້ນຮ້າຍແຮງຂອງຫ້ອງການ ONDCP, ເຊິ່ງໄດ້ຮັບການສະໜັບ
ສະໜູນຈາກທັງສອງພັກການເມືອງໃຫຍ່ໃນລັດຖະສະພາ.

ສະມາຊິກສະພາສູງພັກຣີພັບບລີກັນ ທ່ານ Rob Portman ກ່າວວ່າ “ພວກເຮົາມີວິກິດ
ການ ຢາເຮໂຣອິນ ແລະ ການສັ່ງຢາໃນປະເທດນີ້ ແລະ ພວກເຮົາຄວນສະໜັບສະ
ໜູນຄວາມພະຍາຍາມນີ້ ເພື່ອປ່ຽນແປງວິກິດການນີ້, ບໍ່ແມ່ນສະເໜີໃຫ້ຕັດງົບປະມານ
ຢ່າງໃຫຍ່ຫຼວງຂອງຜູ້ທີ່ເຮັດໜ້າທີ່ໃນແຖວໜ້າຂອງການແຜ່ລະບາດນີ້.”

ໂຄສົກທຳນຽບຂາວ ທ່ານນາງ Sarah Huckabee Sanders ກ່າວວ່າ ຍັງບໍ່ມີຂໍ້ຕົກລົງ
ການຕັດສິນໃຈຄັ້ງສຸດທ້າຍ ກ່ຽວກັບ ງົບມະມານຂອງຫ້ອງການນັ້ນເທື່ອ, ແຕ່ໄດ້ກ່າວຢໍ້າ
ອີກວ່າ “ທ່ານປະທານາທິບໍດີ ໄດ້ກ່າວຢ່າງຈະແຈ້ງວ່າ ບັນຫາການແຜ່ລະບາດຂອງຢາ
ເສບຕິດໃນປະເທດນີ້ແມ່ນບຸລິມະສິດຂະໜາດໃຫຍ່ສຳລັບທ່ານ.”

ເອກະສານນັ້ນເວົ້າວ່າ ລັດຖະບານເຊື່ອວ່າໂຄງການດັ່ງກ່າວແມ່ນທັບຊ້ອນກັບມະຕິ
ຕ່າງໆຂອງລັດຖະບານກາງ ແລະ ລັດ ແລະ ການສະເໜີຕັດງົບປະມານນັ້ນຈະມີຜົນ
ສະທ້ອນຕໍ່ “ອົງການທີ່ມີຄວາມສຳຄັນຫຼາຍກວ່າ ທີ່ສາມາດຈັດການກັບບັນຫາການ ຄວາມຄຸມຢາເສບຕິດຢ່າງມີປະສິດທິຜົນ."

ອ່ານຂ່າວນີ້ຕື່ມເປັນພາສາອັງກິດ

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG