ລິ້ງ ສຳຫລັບເຂົ້າຫາ

ທຳນຽບຂາວ ມິດງຽບ ກ່ຽວກັບວ່າ ທ່ານທຣຳ ອັດສຽງ ຫຼືບໍ່


ປະທານາທິບໍດີທຣຳ ໂອ້ລົມທາງໂທລະສັບ ທີ່ຫ້ອງການທ່ານ ໃນທຳນຽບຂາວ.

ທຳນຽບຂາວ ບໍ່​ຍອມ​ໃຫ້​ຄວາມ​ເຫັນ ​ໃນ​ວັນ​ສຸກ​ວານ​ນີ້ ກ່ຽວ​ກັບ​ວ່າ​ ປະທານາທິບໍດີດໍ​
ໂນ​ລ ທຣຳ ​ໄດ້​ບັນທຶກ​ການ​ໂອ້ລົມສົນທະນາຢູ່​ທີ່​ຫ້ອງການ​ຂອງ​ທ່ານ​ຫຼືກັບ​ພວກ​ແຂກ
​ທີ່​ມາ​ຮ່ວມ​ຮັບ​ປະທານ​ອາຫານ​ຄ່ຳ ທີ່​ທຳນຽບຂາວ​ຫຼືບໍ່.

ທ່ານ​ທຣຳ ​ໄດ້​ເພີ່ມ ທະ​ວີ​ການ​ຜິດຂ້ອງຕ້ອງຖຽງຂອງ​ທ່ານ ​ໃນ​ຕອນ​ເຊົ້າວັນ​ສຸກ​ວານ​ນີ້
ກັບ​ຫົວໜ້າ ອົງການ​ສັນຕິ​ບານ​ກາງ ຫລື FBI ທ່ານ James Comey ທີ່​ຖືກ​ປົດ​ອອກ
ຈາກ​ຕຳ​ແໜ່​ງ​ໄປ​ແລ້ວໂດຍ​ຂຽນ​ລົງ​ໃນ Twitter ​ເຖິງ​ການ​ກ່ຽວ​ພັນທີ່​ວ່າ​ມີ​ການ​ບັນທຶກ​
ສຽງແບບ​ລັບໆ ​ໃນ​ການ​ໂອ້​ລົມ​ຂອງ​ພວກ​ທ່ານ ​ເມື່ອ​ຕົ້ນປີນີ້.


ປະທານາທິບໍດີ​ທຣຳ ຂຽນ​ລົງ​ໃນ​ສື່​ສັງຄົມ Twitter ​ວ່າ “ທ່ານ James Comey ຄວນ​
ຈະ​ຫວັງ​ໄວ້​ວ່າ ​ຄົງ​ຈະ​ບໍ່​ມີ​ການ​ບັນທຶກ​ສຽງ​ໃນ​ການ​ໂອ້​ລົມ​ຂອງ​ພວກ​ເຮົາ​ກ່ອນ​ທີ່​ຜູ້​ກ່ຽວ
ຈະ​ເປີດ​ເຜີຍ​ຂໍ້​ມູນ​ໃດໆ.”

​ເມື່ອ​ນັກ​ຂ່າວ​ຄົນ​ນຶ່ງ​ຖາມ ກ່ຽວ​ກັບ​ເລື່ອງ​ນີ້ ​ໃນ​ລ​ະຫວ່າງ​ ການ​ຖະ​ແຫຼງຂ່າວ​ປະຈຳ​ວັນ
ນັ້ນໂຄສົກ​ຂອງ​ທຳນຽບຂາວທ່ານ Sean Spicer ກ່າວຢ້ຳຫຼາຍໆ​ເທື່ອ​ວ່າ “ປະທານາ
ທິບໍດີບໍ່​ມີ​ຫຍັງ​ທີ່​ຈະ​ກ່າວ​ຕື່ມ​ກ່ຽວ​ກັບ​ເລື່ອງ​ນີ້.”

ທ່ານ Spicer ກ່າວ​ວ່າ ​ແນວ​ໃດ​ກໍ​ຕາມ ຄວາມ​ຈິງ​ກໍ​ຄື “ບໍ່​ແມ່ນການ​ຂົ່ມຂູ່ ທ່ານພຽງ
​ແຕ່​ເວົ້າຄວາມ​ຈິງ. ຂໍ້ຄວາມ​ໃນ Twitter ອະທິບາຍ​ໃນ​ຕົວ​ຂອງ​ມັນ​ເອງ.”

ພວກ​ນັກ​ປະຫວັດສາດ ​ກ່າວ​ວ່າ ປະທານາທິບໍດີ​ເຊື່ອ​ວ່າ ​ໄດ້​ຢຸດ​ເຊົາ​ການ​ອັດ​ສຽງທີ່
​ມີ​ຂຶ້ນ​ເປັນ​ປະຈຳ ພວກ​ທີ່​ໄປ​ຢ້ຽມຢາມໂດຍ​ທີ່​ພວກ​ເຂົາ​ເຈົ້າບໍ່​ຮູ້ເວລາ​ລະບົບອັດ​ສຽງ
​ຢູ່​ທີ່​ຫ້ອງການ​ໃນ​ທຳນຽບຂາວທີ່​ໃຊ້​ໂດຍ​ປະທານາທິບໍດີຣິ​ເຈີດ ນິກສັນ​ໄດ້​ເປີດ​ເຜີຍ
​ໃຫ້​ຊາບ​ໃນ​ປີ 1973. ໝາຍ​ເກາະ​ຂອງ​ສານ ໃນ​ເວລາ​ຕໍ່​ມາ​ ກ່ຽວກັບ ​ເລື່ອງ​ເທບ​ໄດ້
ເຮັດ​ໃຫ້ການ​ສະໜັບສະໜຸນ​ປະທານາທິບໍດີ​ນິກສັນຕົກ​ຕ່ຳລົງ​ກ່ອນທີ່​ທ່ານ​ລາ​ອອກ ​
ນຶ່ງ​ເດືອນໃນ​ລະຫວ່າງ​ທີ່​ມີ​ການ​ຟ້ອງ​ຮ້ອງ​ປົດ​ຕຳ​ແໜ່​ງ ກ່ຽວ​ກັບເລື່ອງ​ວໍ​ເຕີ​ເກດ.

ທ່ານ Dick Durbin ສະມາຊິກສະພາສູງ ພັກເດໂມແຄຣັດ ຈາກລັດອິລລີນອຍ
ທ່ານ Dick Durbin ສະມາຊິກສະພາສູງ ພັກເດໂມແຄຣັດ ຈາກລັດອິລລີນອຍ

ທ່ານ​ນາງ Nicole Hemmer ຜູ້​ຊ່ອຍ​ສາ​ສະ​ດາ​ຈານ ທີ່​ສູນ​ກາງ Miller ຂອງມະຫາ
ວິທະຍາ​ໄລ​ເວີ​ຈີ​ເນຍ ກ່າວ​ຕໍ່​ວີ​ໂອ​ເອວ່າ “ຂ້າພະ​ເຈົ້າບໍ່​ຄິດ​ວ່າ​ ທ່ານ​ທຣຳ ​ໄດ້​ອັດ​ສຽງ​
ການໂອ້​ລົມ​ສົນທະນາ​ກັນ. ມັນເປັນ​ການ​ເຄື່ອນ​ໄຫວ ​ແບບ​ສາຍຕາສັ້ນ ທີ່​ບໍ່​ໜ້າ​ເຊື່ອ ​
ໃນ​ຂະນະ​ທີ່​ການ​ອັດ​ສຽງ​ດັ່ງກ່າ​ວຖືກ​ສານ​ສັ່ງ​ໃຫ້​ນຳ​ໄປ​ມອບ​ໃຫ້ຫຼືບໍ່​ກໍ​ມີ​ການ​ຮົ່ວ​ໄຫຼ
​ອອກ​ມາ. ທ່າ​ອຽງ​ຂອງ​ທຳນຽບຂາວ ​ກໍ​ແມ່ນ​ໃຫ້​ມີ​ຮ່ອງຮອຍ ຂອງ​ເອກ​ກະສານໜ້ອຍ
​ລົງ ບໍ່​ແມ່ນ​ຫຼາຍຂຶ້ນ. ດັ່ງ​ທີ່​ພວກ​ເຮົາ​ໄດ້​ຮູ້​ກັນ ການ​ບັນທຶກ​ສຽງ​ ໄດ້​ຍຸຕິ​ລົງ​ໃນ​ສະ​ໄໝ​
ທ່ານ​ນິກສັນ ​ແລະ​ແມ່ນ​ແຕ່​ການ​ບັນທຶກ​ສ່ວນ​ໂຕກໍ​ໄດ້​ຍຸຕິ​ລົງ​ໃນ​ສະ​ໄໝ​ປະທານາທິ
ບໍດີ​ເຣ​ແກນ ຫລັງຈາກ​ ບັນທຶກ​ຂອງ​ທ່ານ​ ໄດ້​ຖືກສານ​ສັ່ງ​ ໃຫ້​ນຳ​ໄປ​ມອບ​ໃຫ້ ​ໃນລະ
ຫວ່າງທີ່​ເກີດ​ບັນຫາ​ເລື່ອງ​ອີຣ່ານ-ກົງຕຣາ.”

ຜູ້ອຳນວຍການ ອົງການສືບລັບແຫ່ງຊາດ ທ່ານ James Clapper
ຜູ້ອຳນວຍການ ອົງການສືບລັບແຫ່ງຊາດ ທ່ານ James Clapper

ທ່ານ Sean Spicer ​ໂຄສົກ​ຂອງ​ທຳນຽບຂາວ​ ​ໃນ​ວັນ​ສຸກ​ວານ​ນີ້ ຍັງ​ໄດ້ຕອບວ່າ “ບໍ່”
ຕໍ່​ຄຳ​ຖາມທີ່​ວ່າ ​ທ່ານ​ທຣຳຢູ່​ໃນ​ງານ​ລ້ຽງ​ອາຫານ​ຄ່ຳ​ຂອງ​ທຳນຽບຂາວ ​ເມື່ອ​ວັນ​ທີ 27​
ມັງກອນ ​ໄດ້​ຮອງ​ຂໍ​ໃຫ້​ທ່ານ Comey ​ໃຫ້​ຄຳໝັ້ນສັນຍາ​ທີ່​ຈະຈົງ​ຮັກ​ພັກດີ​ຕໍ່​ປະທານາ
ທິບໍດີ​ຫຼືບໍ່​ນັ້ນ.

ອ່ານຂ່າວນີ້ຕື່ມເປັນພາສາອັງກິດ

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG