ລິ້ງ ສຳຫລັບເຂົ້າຫາ

ສະຕີໝາຍເລກນຶ່ງ ຮັບເອົາ ຕົ້ນຄຣິສມັສ ທີ່ ທຳນຽບຂາວ ເປັນເທື່ອສຸດທ້າຍ


ສະຕີໝາຍເລກນຶ່ງ ທ່ານນາງ Michelle Obama ແລະຫລານຊາຍ ຂອງທ່ານນາງສອງຄົນ ທ້າວ Aaron (ຊ້າຍ) ແລະ ທ້າວ Austin ຮັບເອົາຕົ້ນຄຣິສມັສ ທີ່ທຳນຽບຂາວ.

ສະຕີ​ໝາຍ​ເລກ​ນຶ່ງ ທ່ານ​ນາງ Michelle Obama ​ໄດ້​ຮັບ​ເອົາ​ຕົ້ນຄຣິສມັສທີ່​ສົ່ງ​ໄປ​ໃຫ້ ທຳນຽບຂາວ​ ເປັນ​ເທື່ອ​ສຸດ​ທ້າຍ​ຂອງ​ທ່ານ​ນາງ.

​ໂດຍ​ພາກັນຢືນ​ຢູ່​ທາງໜ້າ​ດ້ານເໜືອຂອງ​ທຳນຽບຂາວ​ໃນ​ວັນ​ສຸກ​ວານ​ນີ້ ສະຕີີ​ໝາຍ​ເລກ​ນຶ່ງ ​ພ້ອມ​ກັບ​ຫລານ​ຊາຍ​ນ້ອຍ​ສອງ​ຄົນແລະພວກ​ໝາ​ຂອງ​ຄົວ​ຄອບໄດ້​ຕ້ອນຮັບ​ເອົາ​ຕົ້ນ​ຄຣິສມັສສູງທີ່ 19 ຟິດຫຼື 5 ​ແມັດ 79 ຊຶ່ງ​ເປັນຕົ້ນ​ແປກປະເພດ Balsam-Veitch ​ໃນ​ຂະ ນະ​ລົດ​ມ້າ​ແກ່​ມາ​ສົ່ງ​ໃຫ້.

“ບຸນຄຣິສມັສ​ເລີ້ມ​ແລ້ວ. ​ວັນ​ສະ​ຫລອງ​ບຸນ​ ແມ່ນເລີ້ມຂຶ້ນ​ແລ້ວ” ນັ້ນຄື​ຄຳ​ເວົ້າ ຂອງທ່ານ​ນາງ Obama ​ໄດ້​ກ່າວ ອີງ​ຕາມອົງການ​ຂ່າວ AP ຫຼັງ​ຈາກທ່ານ ນາງຮັບ​ເອົາ​ຕົ້ນ​ຄຣິສມັສ ​ຈາກ​ທ່ານ Dave ​ແລະຍານາງ Mary ​Vander Velden ເຈົ້າ​ຂອງຟາມ Oconto ຈາກ​ລັດ Wisconsin ບ່ອນ​ຕົ້ນ​ໄມ້​ນີ້ໄດ້​ເຕີບ​ໃຫຍ່ຂຶ້ນມາ. “ພວກ​ເຮົາ​ພ້ອມ​ແລ້ວ. ​ນີ້ເປັນເທື່ອ​ສຸດ​ທ້າຍ​ຂອງ​ພວກ​ເ​ຮົາ. ພວກ​ເຮົາແມ່ນ​ຕື່ນ​ເຕັ້ນ​ກ່ຽວກັບເລື້ອງ​ນີ້."

ຄົບ​ຄົວ Vander Veldens ​ໄດ້ຊະນະ​ການ​ປະ​ກວດສະມາຄົມຕົ້ນຄຣິສມັສ​ແຫ່ງ​ຊາດ ປະຈຳ​ປິ. ​ຜູ້ທີ່​ຊະນະ​ເລີດ​ໃນ​ການ​ປະ​ກວດ ຕ້ອງ​ໄດ້ນຳ​ສົ່ງ​ເຄື່ອງ​ເອ້​ ພ້ອມ​ດ້ວຍ​ຕົ້ນຄຣິສ​ມັສທີ່​ເປັນ​ທາງ​ການ​ມາ​ໃຫ້​ທຳນຽບຂາວ ນັບແຕ່​ປີ 1966 ​ເປັນຕົ້ນມາ.

ຈົນ​ເຖິງ​ເທົ່າ​ເຖິງ​ປັດຈຸບັນ​ນີ້ ພວກລູກ​ສາວ ຂອງ​ທ່ານ​ນາງ Obama ຄືນາງ Malia ​ແລະ ນາງ Sasha ​ໄດ້​ຢູ່​ຄຽງ​ຂ້າງ​ເພື່ອຮັບ​ເອົາ​ຕົ້ນ​ຄຣິສ​ມັສ. ​ແຕ່​ວ່າໃນ​ປີ​ນີ້ ພວກ​ຍິງ​ສາວທັງ​ສອງ​ໄດ້​ມີ​ທຸລະ​ກິດ​ແນວ​ອື່ນເຮັດ ​ເພາະສະ​ນັ້ນ​ພີ່ນ້ອງ​ຂອງ​ເຂົາ​ເຈົ້າທ້າວ Austin ​ແລະ​ທ້າວ Aaron Robinson ​ຈຶ່ງ​ມາ​ແທນ​ໂດຍ ນຸ່ງ​ເຄື່ອງ​ທີ່​ສ​ະ​ແດງ​ອອກ​ໃຫ້​ເຫັນ​ເຖິງ​ຄວາມ​ຕື່ນ​ເຕັ້ນ ​ໃນ​ຂະນະ​ທີ່​ເຂົາ​ເຈົ້າ​ແລ່ນຢູ່​ນຳ​ໝາ​ ​ແລະໃຫ້​ຄຳ​ແນະນຳ​ແກ່​ສະຕີ​ໝາຍ​ເລກ​ນຶ່ງ.
ເດັກນ້ອຍ​ຜູ້​ຊາຍ​ທັງ​ສອງ​ເປັນ​ລູກ​ຂອງ​ອ້າຍສະຕີໝາຍ​ເລກ​ນຶ່ງ ທ່ານ Craig Robinson.

ຕົ້ນຄຣິສມັສປະຈຳທຳນຽບຂາວ ຖືກສົ່ງໄປໃຫ້ ໃນວັນສຸກວານນີ້.
ຕົ້ນຄຣິສມັສປະຈຳທຳນຽບຂາວ ຖືກສົ່ງໄປໃຫ້ ໃນວັນສຸກວານນີ້.

ທ່ານ​ນາງ Obama ​ໄດ້​ບອກ​ກັບ​ທ້າວ Austin ອາຍຸ 6 ປີ​ວ່າ "ມັນ​ງາມ​ຫຼາຍ. ພວກ​ເຮົາ​ຄວນ​ຮັບ​ເອົາ​ບໍ່?

“ຮັບ​ເອົາ!" ລາວ​ໄດ້​ຕອບ ອີງ​ຕາມອົງການຂ່າວ AP.

ຕົ້ນຄຣິສມັສນີ້ຈະ​ຕັ້ງ​ໄວ້​ຢູ່່​ຫ້ອງສີຟ້າ ຊຶ່ງ​ຈະ​ເປັນ​ໃຈກາງກ່ຽວ​ກັບການ​ສະຫລອງ​ບຸນຄຣິສ ມັສຂອງ​ທຳນຽບຂາວ​.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG