ລິ້ງ ສຳຫລັບເຂົ້າຫາ

ຝຣັ່ງ ແລະ ຣັດເຊຍ ຕົກລົງ ແລກປ່ຽນ ຂໍ້ມູນຂ່າວກອງ


ປະທານາທິບໍດີຣັດເຊຍ ທ່ານ Vladimir Putin ແລະປະທານາທິບໍດີຝຣັ່ງ ທ່ານ Francois Hollande ຖະແຫຼງຂ່າວຮ່ວມກັນ ລຸນຫລັງການພົບປະທີ່ວັງເຄຣັມລິນ. (26 ພະຈິກ 2015)

ປະທານາທິບໍດີຣັດເຊຍ ທ່ານ Vladimir Putin ແລະປະທານາທິບໍດີຝຣັ່ງ ທ່ານ Francois Hollande ຖະແຫຼງຂ່າວຮ່ວມກັນ ລຸນຫລັງການພົບປະທີ່ວັງເຄຣັມລິນ. (26 ພະຈິກ 2015)

ປະທານາທິບໍດີ​ຝຣັ່ງ ທ່ານ Francois Hollande ​ແລະ​ປະທາ
ນາທິບໍດີຣັດ​ເຊຍ ທ່ານ Vladimir Putin ​ໄດ້​ຕົກລົງ​ທີ່​ຈະ​ແລກ
ປ່ຽນ​ຂໍ້​ມູນ ຂ່າວກອງ​ສືບ​ລັບ ​ກ່ຽວ​ກັບ ພວກ​ຫົວ​ຮຸນ​ແຮງ​ລັດ​ອິສ
ລາມ ແລະ​ກຸ່ມ​ຫົວ​ຮຸນ​ແຮງຈັດ​ອື່ນ​ໆ ຢູ່​ໃນ​ຊີ​ເຣຍ ​ເພື່ອ​ຊ່ອຍ​ໃນ​
ການ​ໂຈມ​ຕີຖິ້ມລະ​ເບີດ​ໃຫ້​ມີ​ປະສິດທິ​ຜົນ​ຫຼາຍທີ່​ສຸດ.

ປະທານາທິບໍດີ Hollande ກ່າວ​ໃນ​ລະຫວ່າງ ​ກອງ​ປະຊຸມ​ຖະ​
ແຫຼງຂ່າວ​ລຸນ​ຫຼັງການ​ພົບ​ປະ​ຂອງ​ພວກ​ຜູ້ນຳ​ທັງ​ສອງ​ທີ່​ນະຄອນ
ຫຼວງມົສກູໃນ​ວັນ​ພະຫັດ​ວານ​ນີ້ວ່າ ພວກ​ເຮົາ​ໄດ້​ແລກປ່ຽນ​ຂໍ້​ມູນ
​ກ່ຽວ​ກັບ​ກຸ່ມ​ຕ່າງໆ​ທີ່​ພວກ​ເຮົາ​ຈະ​ໂຈມ​ຕີ​ ແລະຈະ​ບໍ່​ໂຈມ​ຕີ ສິ່ງ​ທີ່​
ພວກ​ເຮົາ​ໄດ້​ຕົກລົງ​ກັນ ​ແລະ​ມັນ​ມີ​ຄວາມ​ສຳຄັນ​ຫຼາຍ​ທີ່​ຈະ​ໂຈມ
​ຕີ​ແຕ່​ພວກກໍ່​ການ​ຮ້າຍ​ແລະ​ພວກ​ລັດ​ອິສລາມ​ເທົ່າ​ນັ້ນແລະ​ບໍ່​ໂຈມ​ຕີ​ກຳລັງ​ອື່ນໆ​ ທີ່​ພວມ​ຕໍ່
ສູ້ກັບ​ພວກ​ກໍ່​ການ​ຮ້າຍ​ຢູ່.

ສ່ວນທ່ານ Putin ກ່າວ​ວ່າ ຣັດ​ເຊຍ​ແມ່ນ​ເປີດ​ກວ້າງ​ຕໍ່​ການ​ຮ່ວມ​ມື​ເພີ້ມຂຶ້ນກັບ​ຝຣັ່ງ ​ແລະ​
ສະຫະລັດໃນ​ການ​ໂຈມ​ຕີ​ເປົ້າໝາຍ​ຕ່າງໆ​ຂອງ​ກຸ່ມ​ລັດ​ອິສລາມ.

ທ່ານ Hollande ເດີນທາງໄປ​ປະ​ເທດຣັດ​ເຊຍ ​ເພື່ອ​ດຳ​ເນີນ​ງານ​ທາງ​ດ້ານ​ການ​ທູດ ​ໃນ​
ການ​ເສີມ​ສ້າງ​ກຳລັງ​ໂຈມ​ຕີກຸ່ມ​ລັດ​ອິສລາມ ທີ່​ໄດ້​ເຮັດ​ໃຫ້​ທ່ານ​ເດີນທາງ​ມາ​ຍັງສະຫະລັດ​
ພ້ອມ​ທັງ​ເຢຍຣະມັນ​ ອັງກິດ ​ແລະ​ອີ​ຕາ​ລີ.

ປະທານາທິບໍດີຝຣັ່ງ​ ແລະ​ທ່ານ​ Putin ​ໄດ້​ຫາ​ລື​ກັນ​ກ່ຽວ​ກັບ​ການ​ປະສານ​ງານ​ກັນ​ເພີ້ມຂຶ້ນ
ໃນ​ການ​ໂຈມ​ຕີ​ສັດຕູຮ່ວມ ດຽວ​ກັນ ​ໃນ​ຂະນະ​ທີ່​ຊອກ​ຫາ​ຊ່ອງ​ທາງ ​ເພື່ອ​ໃຫ້​ມີ​ການ​ແກ້​ໄຂ​
ທາງ​ດ້ານ​ການ​ເມືອງ​ຢູ່​ໃນ​ຊີ​ເຣຍ.

ຝຣັ່ງ ​ແລະ​ຣັດ​ເຊຍຕ່າງ​ກໍ​ໄດ້​ປະ​ເຊີນ​ກັບ​ການ​ໂຈມ​ຕີ​ກໍ່​ການ​ຮ້າຍ​ເມື່ອ​ບໍ່​ດົ ​ນຜ່ານ​ມານີ້.​ ກຸ່ມ
​ລັດ​ອິສລາມ​ໄດ້​ອ້າງ​ເອົາ​ຄວາມ​ຮັບຜິດຊອບ​ໃນ​ການ​ໂຈມ​ຕີ​ທີ່​ ນະຄອນຫຼວງປາ​ຣີ ​ເມື່ອ​ວັນ
​ທີ 13​ ພະຈິກ​ຜ່ານ​ມາ​ ທີ່​ໄດ້​ສັງຫານ​ 130 ຄົນ ​ແລະ​ໄດ້​ຮັບ​ບາດ​ເຈັບ​ອີກ ​ຫຼາຍກວ່າ 300
ຄົນແລະ ​ການໂຈມ​ຕີ​ທີ່​ເຮັດ​ໃຫ້​ເຮືອບິນ​ໂດຍສານຣັດ​ເຊຍ​ຕົກ​ເມື່ອ​ວັນ​ທີ 31​ ຕຸລາ​ຜ່ານ​ມາ​ ທີ່​ແຫລມ​ໄຊ​ນາຍ ປະ​ເທດ​ອີ​ຈິບ ທີ່​ເຮັດ​ໃຫ້​ຜູ້​ໂດຍສານ ​ແລະ​ພະນັກງານ ​ປະຈຳ​ເຮືອບິນ 224 ຄົນ​ເສຍ​ຊີວິດນັ້ນ.

XS
SM
MD
LG