ລົມພາຍຸ ເຮີຣິເຄນ Mathewທີ່ກຳລັງອ່ອນແຮງລົງ ລຸນຫຼັງໄດ້ພັດຜ່ານເປັນເວລາໜຶ່ງອາ ທິດ ໃນໝູ່ເກາະກາຣິບຽນ ແລະ ເລາະຕາມຝັ່ງມະຫາສະໝຸດອັດລັງຕິກຂອງ ສະຫະລັດ ໄດ້ສັງຫານຜູ້ຄົນໄປເກືອບນຶ່ງພັນຄົນ ຊຶ່ງສ່ວນຫຼາຍແມ່ນຢູ່ເກາະເຮຕີ ນັ້ນ. ນອກນັ້ນລົມ ພາຍຸດັ່ງກ່າວຍັງໄດ້ທຳລາຍບ້ານເຮືອນຫຼາຍປະຊາຄົມໃຫ້ລາບຄາບ ທັງທຳລາຍເຄື່ອງ ປູກຂອງຝັງຈົນໝົດກ້ຽງ ຢູ່ໃນປະເທດ Dominican Republic ຢູ່ Jamaica, cuba ແລະ Bahamas.
Jamaica ໄດ້ປະກາດໃຫ້ເປັນມື້ໄວ້ອາໄລແຫ່ງຊາດສາມມື້ ໂດຍທີ່ປະທານາທິບໍດີ Jocelerme Privet ກ່າວວ່າ “ດ້ວຍຄວາມສາມະຄີກັນ” ພ້ອມກັບພວກພໍ່ແມ່ ແລະ ເພື່ອນຝູງຂອງພວກທີ່ໄດ້ຮັບເຄາະຈາກລົມພາຍຸ Mathew ແລະປະຊາຊົນທັງຫຼາຍໃນ ຂົງເຂດນີ້ ຜູ້ທີ່ໄດ້ຮັບຄວາມທໍຣະມານນຳກັນຈາກຜົນກະທົບຂອງເຮີຣິເຄນດັ່ງກ່າວ.
Mathewພວມເຄື່ອນຍ້າຍ ຂຶ້ນມາທາງພາກຕາເວັນອອກສຽງເໜືອໃນເຂດ Outer Banks ຂອງຣັດ North Carolina ໂດຍມີລົມແຮງ. ຂະໜາດ 120 ກມ ຕໍ່ຊົ່ວໂມງ ຊ່ຶງນັ້ນ ເປັນພຽງຄວາມແຮງເຄິ່ງນຶ່ງຂອງເມື່ອນຶ່ງອາທິດກ່ອນ. ໄດ້ມີລາຍງານເຖິງໄພນໍ້າຖ້ວມຢ່າງ ຮ້າຍແຮງ ເລາະແຄມຝັ່ງທະເລກໍ້າຕາເວັນອອກຂອງ ສະຫະລັດ 950 ກິໂລແມັດ ຈາກລັດ ຟລໍຣິດາ ຫາ ນອດ ກາລໍຣາຍນາ. ປະທານາທິບໍດີ ບາຣັກ ໂອບາມາ ໄດ້ປະກາດພາວະ ສຸກເສີນຢູ່ໃນ 4 ລັດຊຶ່ງຢ່າງໜ້ອຍລາຍງານເວົ້າວ່າ ມີຜູ້ເສຍຊີວິດ 10 ຄົນຈາກພາຍຸດັ່ງ ກ່າວນັ້ນ.
Mathew ໄດ້ກາຍເປັນພາຍຸທີ່ຮ້າຍແຮງສຸດທີ່ປະທະຝັ່ງທະເລຂອງ ສະຫະລັດ ເປັນເວ ລາເກືອບເຖິງນຶ່ງທົດສະວັດຜ່ານມາ ທັງເປັນລົມເຮີຣິເຄນຮ້າຍແຮງທີ່ປະທະຍາວນານໃນ ປະຫວັດສາດນຳດ້ວຍ ແຕ່ຄວາມເສຍຫາຍຂອງມັນກໍແມ່ນມີໜ້ອຍກວ່າທີ່ໄດ້ຄຳນວນ ເອົາໄວ້ຕັ້ງຫຼາຍເທົ່າ.
