ລິ້ງ ສຳຫລັບເຂົ້າຫາ

ວໍຊີງຕັນ ຮຽກໂຕ ອຸບປະທູດ ຟິລິບປີນ ເຂົ້າພົບ ເພື່ອໃຫ້ການ ອະທິບາຍ


ປ. ຟິລິບປີນ ທ່ານ Rodrigo Duterte ສົນທະນາກັບ ລັດຖະມົນຕີການຕ່າງປະເທດສະຫະລັດ ທ່ານ John Kerry ທີ່ທຳນຽບ Malacañang ໃນນະຄອນມະນີລາມ ປະເທດ ຟິລິບປີນ ກ່ອນທີ່ທັງສອງຈະພົບປະກັນ ເພື່ອເຮັດວຽກ ແລະຮັບປະທານອາຫານທ່ຽງ ວັນທີ 27 ກໍລະກົດ, 2016.

ປ. ຟິລິບປີນ ທ່ານ Rodrigo Duterte ສົນທະນາກັບ ລັດຖະມົນຕີການຕ່າງປະເທດສະຫະລັດ ທ່ານ John Kerry ທີ່ທຳນຽບ Malacañang ໃນນະຄອນມະນີລາມ ປະເທດ ຟິລິບປີນ ກ່ອນທີ່ທັງສອງຈະພົບປະກັນ ເພື່ອເຮັດວຽກ ແລະຮັບປະທານອາຫານທ່ຽງ ວັນທີ 27 ກໍລະກົດ, 2016.

ສະຫະລັດ​ໄດ້​ຮຽ​ກ​ໂຕ​ທູດ​ຟີ​ລິບ​ປິນ ຊຶ່ງ​ເປັນ​ພັນທະ​ມິດ​ທີ່​ໃກ້ຊິດ​ທີ່​ສຸດ​ຂອງ​ສະຫະລັດ ​ເຂົ້າພົບ​ໃນ​ວັນ​ຈັນ​ວານ​ນີ້​ເພື່ອ​ໃຫ້​ຄວາມ​ກະຈ່າງ​ແຈ້ງ ໃນການ​ໃຫ້​ຄວາມເຫັນ​ ແບບ​ໝິ່ນປະໝາດ ​ແລະ​ບໍ່​ເໝາະ​ສົມ ​ໂດຍ​ປະທານາທິບໍດີ Rodrigo Duterte ກ່ຽວ​ກັບເອກ​ອັກຄະ​ລັດຖະທູດ​ສະຫະລັດທ່ານ Philip Goldberg ອີງ​ຕາມ​ກະ ຊວງ​ການ​ຕ່າງປະ​ເທດ​ສະຫະລັດ.

ທ່ານ​ນາງ Elizabeth Trudeau ຜູ້ອຳນວຍການ​ດ້ານ​ປະຊາສຳພັນເລື້ອງຂ່າວ ຂອງ​ກະຊວງ​ການ​ຕ່າງປະ​ເທດ​ສະຫະລັດ ກ່າວ​ວ່າ ພວກ​ເຮົາ​ໄດ້​ຂໍ​ໃຫ້ອຸບ​ປະ​ທູດ​ຟີ​ລິບ​ປິນ​ເຂົ້າມາ​ພົບຢູ່​ກະຊວງ​ການ​ຕ່າງປະ​ເທດເພື່ອ​ໃຫ້​ຄວາມ​ກະຈ່າງ​ແຈ້ງ​ກ່ຽວ​ກັບ​ຄວາ​ມ​ເຫັນ​ເຫລົ່ານັ້ນ. ທ່ານ​ນາງ​ບໍ່​ໄດ້​ໃຫ້ການ​ອະທິບາຍ​ເພີ້ມຕື່ມ​ແຕ່ຢ່າງ​ໃດ​ກ່ຽວ​ກັບ​ການ​ໂອ້​ລົມ​ກັນ​ ລະຫວ່າງ​ເຈົ້າໜ້າ​ທີ່​ສະຫະລັດ ​ແລະ​ທ່ານ Patrick Chuasoto ອຸບປະ​ທູດ​ຂອງ​ຟີ​ລິບ​ປິນປະຈຳນະຄອນ​ວໍ​ຊິງ​ຕັນ.

ທ່ານ Duterte ​ໃນ​ລະຫວ່າງ​ການ​ພົບ​ປະ​ກັບ​ພວກ​ທະຫານ ທີ່​ຄ້າຍ​ທະຫານ​ແຫ່ງ​ນຶ່ງ​ໃນ​ອາທິດ​ແລ້ວນີ້ ມີ​ລາຍ​ງານ​ວ່າ ​ໄດ້​ກ່າວ​ເຖິງ​ທ່ານ Goldberg ​ແລະ ກ່າວ​ໂຈມ​ຕີ​ທ່ານ​ເປັນ​ການ​ສ່ວນ​ໂຕ. ທ່ານ Goldberg ​ໄດ້​ຕ້ອງ​ຕິ​ການ​ໃຫ້​ຄວາມ​ເຫັນ​ຂອງ​ທ່ານ Duterte ກ່ຽວ​ກັບ​ຄວາມ​ຮຸນ​ແຮງ​ທາງເພດ.

​ໃນ​ຂະນະ​ດຽວ​ກັນ ວໍ​ຊິງ​ຕັນ​ກໍ​ໄດ້​ສະ​ແດງ​ຄວາມ​ຕົກ​ໃຈ​ກ່ຽວ​ກັບ​ລາຍ​ງານ​ຂ່າວ​ທີ່​ວ່າ​ໄດ້​ມີ​ການ​ສັງຫານ​ແບບ​ຮວບ​ຮັດ​ຕັດ​ຕອນ ອັນ​ເປັນ​ຜົນ​ເນື່ອງ​ມາ​ຈາກ​ການ​ປຸກ ລະດົມ​ໃນ​ການ​ປາບ​ປາມ​ການ​ຄ້າ​ຢາ​ເສບ​ຕິດ​ຂອງ​ທ່ານ Duterte.

ອ່ານ​ຂ່າວ​ນີ້​ເພີ້​ມຕື່ມ​ເປັນ​ພາສາ​ອັງກິດ

XS
SM
MD
LG