ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ກຳມະການ ສືບລັບ ສະພາສູງ ສັ່ງໃຫ້ ຄະນະ ໂຄສະນາ ຂອງ ປ. ທຣໍາ ມອບເອກກະສານ ໃຫ້ຕົນ


ປະທານຄະນຳກຳມະການສືບລັບສະພາສູງ ທ່ານ Richard Burr ທີ່ສັງກັດພັກຣີພັບບລິກັນ (ຂວາ) ຈາກລັດ North Carolina ກັບຮອງປະທານກຳມະການ ທ່ານ Mark Warner ສະມາຊິກສະພາສູງ ພັກເດໂມແຄຣັດ ຈາກລັດ Virginia.
ປະທານຄະນຳກຳມະການສືບລັບສະພາສູງ ທ່ານ Richard Burr ທີ່ສັງກັດພັກຣີພັບບລິກັນ (ຂວາ) ຈາກລັດ North Carolina ກັບຮອງປະທານກຳມະການ ທ່ານ Mark Warner ສະມາຊິກສະພາສູງ ພັກເດໂມແຄຣັດ ຈາກລັດ Virginia.

ຄະນະ​ກຳມະການ​ສືບ​ລັບ ຂອງ​ສະພາ​ສູງ​ສະຫະລັດ ​ໄດ້​ຮຽກຮ້ອງໃຫ້ອົງການໆ​ເມືອງ​
ຂອງ​ປະທານາທິບໍດີ​ ດໍ​ໂນ​ລ ທຣໍາ ມອບ​ເອກ​ກະສາ​ນ ອີ​ແມ​ລ ​ແລະ​ບັນ​ທຶກ​ໂທລະສັບ
ທັງ​ໝົດ ​ທີ່​ພົວພັນ​ກັບຣັ​ດ​ເຊຍ ຢ້ອນ​ຫລັງຄືນ​ໄປ​ຫາ​ປີ 2015 ​ໃຫ້ແກ່​ຄະນະ​ກຳມະການ​
ດັ່ງກ່າວ ອີງ​ຕາມລາຍ​ງານຂ່າວ​ຂອງ​ໜັງສືພິມ.

ໜັງສື​ພິມ Washington Post ລາຍ​ງານ​ ໃນ​ວັນ​ສຸກ​ວານ​ນີ້​ວ່າ ຄະນະ​ກຳ​ມະ​ການ​ສືບ​
ລັບ​ສະພາ​ສູງ ທີ່​ກຳລັງ​ສືບສວນເບິ່ງ ​ຄວາມ​ເປັນ​ໄປໄດ້ ທີ່ອາດມີ​ການ​ພົວພັນ​ລະຫວ່າງ
​ຄະນະ​ໂຄສະນາ​ຫາ​ສຽງ​ຂອງປະທານາທິບໍດີ​ທຣໍາ ​ແລະຣັດ​ເຊຍໄດ້​ສົ່ງ​ໜັງສື​ໄປ​ຫາ​ຄະ
ນະ​ກຳມະການ​ໂຄສະນາ​ຫາ​ສຽງ​ຂອງທ່ານ​ທຣໍາ​ ໃນອາທິດ​ແລ້ວ​ນີ້​ ເພື່ອໃຫ້​ມອບ​ຂໍ້​ມູນ​
ເຫລົ່ານັ້ນໃຫ້​ແກ່​ຕົນ.

ໜັງສືພິມ Washington Post ກ່າວ​ວ່າ ໜັງສື​ດັ່ງກ່າວ ໄດ້​ສົ່ງ​ໄປ​ເຖິງນາຍ​ຄັງຂອງ​ກຸ່ມ​ ​
ແລະ​ນັບ​ແຕ່​ນັ້ນ​ມາ ອະດີດ​ພະນັກງານ​ຈຳນວນ​ນຶ່ງ​ໄດ້​ຖື​ກ​ແຈ້ງ​ໃຫ້​ຊາບ ​ແລະ​ຂໍ​ໃຫ້​ຮ່ວມ
​ມື ອີງ​ຕາມ​ສອງ​ຄົນ​ທີ່​ໄດ້​ຖືກ​ແຈ້ງ​ໄປ​ນັ້ນ​.

ມີ​ລາຍ​ງານ​ວ່າ ໜັງສື​ດັ່ງກ່າວ ​ແມ່ນເຊັນ​ໂດຍປະທານ​ຄະນະ​ກຳມະການ ທ່ານ Richard
Burr ຈາກພັກຣີພັບ​ບລິ​ກັນ ​ແລະ ​ທ່ານ Mark Warner ຫົວໜ້າ ຂອງພັກ​ເດ​ໂມ​ແຄຣັດ
ຢູ່​ໃນຄະນະ​ກຳມະການ. ​ຫ້ອງການ​ຂອງ​ສະມາຊິກ​ສະພາ​ທັງ​ສອງ ບໍ່​ຍອມ​ໃຫ້​ຄວາມ​ເຫັນ​
ໃດໆ ກ່ຽວ​ກັບລາຍ​ງານຂ່າວ ​ຂອງ​ໜັງສື​ພິມ Washington Post.

ໜັງສືພິມລາຍ​ງານ​ວ່າ ນີ້ແມ່ນ​ເທືື່ອ​ທຳ​ອິດ ​ທີ່ຄະນະ​ໂຄສະ​ນາ​ຫາ​ສຽງ​ຢ່າງ​ເປັນ​ທາງ​ການ​
ຂອງ​ທ່ານ​ທຣໍາ ​ໄດ້​ຖືກ​ນຳ​ເຂົ້າ​ມາສູ່​ການ​ສືບສວນ​ຂອງສະພາ​ສູງ.

ນອກ​ນັ້ນ ຍັງມີ​ການ​ສື​ບສວນຂອງ​ລັດຖະບານ​ກາງ​ທີ່ມີ​ຂຶ້ນຕ່າງຫາກ ​ກຳລັງ​ດຳ ​ເນີນ​ຢູ່
ໂດຍໄອ​ຍະ​ການ​ພິ​ເສດ ຄືອະດີດ​ຜູ້ອຳນວຍການ ອົງການ​ສັນຕິ​ບານ​ກາງ FBI ທ່ານ
Robert Mueller ຈາກກະຊວງ​ຍຸຕິ​ທຳ​ສະຫະລັດ.

ຄະນະ​ກຳມະການ​ໂຄສະນາ​ຫາ​ສຽງຂອງ​ທ່ານທຣໍາ ​ເວລາ​ນີ້ ​ແມ່ນ​ນຳພາ​ໂດຍ​ອະດີດ
ຮອງ​ຜູ້ຈັດການໂຄສະ​ນາ​ຫາ​ສຽງ ທ່ານ Michael Glassner ​ແລະ ທ່ານ John Pence
ຫລານ​ຊາຍ​ຂອງ​ຮອງ​ປະທານາທິບໍດີ ທ່ານ Michael Pence ທີ່​ຍັງ​ບໍ່​ທັນ​ໄດ້​ສະໜອງ
ຕອບ ​ຕໍ່​ການ​ຂໍ​ຄວາມ​ເຫັນ ​ຂອງ​ໜັງ​ສື​ພິມ Washington Post ​ກ່ຽວ​ກັບ​ເລື່ອງ​ດັ່ງກ່າວ
​ແລະ​ເຊັ່ນ​ດຽວ​ກັນ ທຳນຽບຂາວ​ກໍຍັງ​ບໍ່​ທັນ​ໃຫ້​ຄວາມ​ເຫັນ​ໃດໆ​ເທື່ອ​ກ່ຽວ​ກັບ​ເລື່ອງ​ນີ້.

ອ່ານຂ່າວນີ້ເພີ່ມເປັນພາສາອັງກິດ

XS
SM
MD
LG