ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ວຽງຈັນ ແລະຫຼວງພະບາງ ສະຫຼອງປີໃໝ່ລາວ ຢ່າງຄຶກຄື້ນ


ການແຫ່ພະບາງ ຈາກພິພິດທະພັນພະລາດຊະວັງໄປຍັງວັດໃໝ່ ສຸວັນນະພູມ ເພື່ອເປີດໃຫ້ປະຊາຊົນຫົດສົງ ໃນບຸນປີໃໝ່ລາວ ຫລືບຸນສົງການ
ການແຫ່ພະບາງ ຈາກພິພິດທະພັນພະລາດຊະວັງໄປຍັງວັດໃໝ່ ສຸວັນນະພູມ ເພື່ອເປີດໃຫ້ປະຊາຊົນຫົດສົງ ໃນບຸນປີໃໝ່ລາວ ຫລືບຸນສົງການ
ນະຄອນວຽງຈັນຈັດງານບຸນສົງການປີໃໝ່ລາວ 2556 ດ້ວຍ
ກິດຈະກໍາທີ່ຫຼາກຫຼາຍ ສ່ວນຢູ່ຫຼວງພະບາງກໍເນັ້ນໜັກທີ່ການ ມີສ່ວນຮ່ວມຂອງປະຊາຊົນໃນຮີດຄອງປະເພນີອັນດີງາມ.

ການສະເຫຼີມສະຫຼອງງານບຸນສົງການປີໃໝ່ລາວ ປະຈໍາປີພຸທະ
ສັກກະລາດ 2556 ຢູ່ນະຄອນວຽງຈັນ ໃນປີນີ້ໄດ້ດໍາເນີນໄປຢ່າງ
ຄຶກຄື້ນດ້ວຍການຈັດໃຫ້ມີກິດຈະກໍາຕ່າງໆຢ່າງຫຼາກຫຼາຍ ໂດຍ
ເລີ່ມທີ່ການຈັດງານຕະຫຼາດນັດຂາຍສິນຄ້າຜະລິດຕະພັນລາວ
ຢູ່ທີ່ເດີ່ນສະໜາມຫຼວງໃນລະຫວ່າງວັນທີ 1-10 ເມສາ ແລະຕິດ
ຕາມດ້ວຍການຈັດຕັ້ງເພື່ອຄັດເລືອກນາງສັງຂານທັງເຈັດໃນວັນ
ທີ 11-12 ເມສາຊຶ່ງກໍຕໍ່ເນື່ອງດ້ວຍການແຂ່ງຂັນກິລາຫາດຊາຍ
ຢູ່ທີ່ຫາດດອນຈັນໃນວັນທີ 12-16 ເມສາ.

ໂດຍສະເພາະແມ່ນໃນວັນທີ 16 ເມສາກໍຍັງຈະມີການແຂ່ງຂັນໃນການກໍ່ພະທາດຊາຍ
ຂະໜາດໃຫຍ່ເຖິງ 47 ພະທາດ ທີ່ລ້ອມລອບດ້ວຍພະທາດຊາຍຂະໜາດນ້ອຍເຖິງ 70
ພະທາດ ແລະມີການເສບດົນຕີ ຂາຍອາຫານ-ເຄຶ່ອງດື່ມ ແລະຫົດນໍ້າຢ່າງມ່ວນຊື່ນຕະຫຼອດ
ງານ ສ່ວນໃນຕອນເຊົ້າຂອງມື້ດຽວກັນນີ້ ຈະເປັນການໃສ່ບາດຖະຫວາຍສັງຄະທານຢູ່ວັດ
ອົງຕື້ມະຫາວິຫານ ແລະຫົດສົງນໍ້າພະພຸທະຮູບ.

ສໍາລັບພິທີບາສີສູ່ຂວັນໃຫ້ການນໍາຂອງນະຄອນວຽງຈັນນັ້ນ ໄດ້ຈັດຂຶ້ນໃນວັນທີ 13 ເມສາ
ແລະການຈັດຂະບວນແຫ່ນາງສັງຂານໃນວັນທີ 14 ເມສາ ໂດຍຕັ້ງຕົ້ນຈາກວັດອິນແປງ
ມາລ້ຽວທີ່ນໍ້າພຸ ກັບໄປທາງວັດຊຽງຍືນ-ວັດຈັນ ແລະໄປສິ້ນສຸດທີ່ວັດອິນແປງນັ້ນເອງ.

ການສະຫລອງບຸນສົງການ ທີ່ນະຄອນວຽງຈັນ
ການສະຫລອງບຸນສົງການ ທີ່ນະຄອນວຽງຈັນ

ການສະເຫຼີມສະຫຼອງງານບຸນສົງການປີໃໝ່ລາວປີນີ້ ລັດຖະ
ບານກໍໄດ້ກໍານົດໃຫ້ວັນທີ 12-17 ເມສາ ເປັນວັນຢຸດລັດຖະ
ການ ຫາກແຕ່ວ່າໃນຂະນະດຽວກັນ ລັດຖະບານກໍໄດ້ມີມະ
ຕິຄໍາສັ່ງໃຫ້ສາມາດຈັດງານສະເຫຼີມສະຫຼອງແລະຫົດນໍ້າ
ກັນໄດ້ຈົນເຖິງເວລາ 17 ໂມງຂອງວັນທີ 16 ເມສາເທົ່ານັ້ນ.

ສ່ວນການສະເຫຼີມສະຫຼອງຢູ່ເມືອງມໍລະດົກໂລກຫຼວງພະບາງ
ນັ້ນ ນອກຈາກຈະໄດ້ວາງເປົ້າໝາຍໄວ້ວ່າຈະມີນັກທ່ອງທ່ຽວ
ທັງທີ່ເປັນຄົນລາວແລະຊາວຕ່າງຊາດຫຼາຍກວ່າ 3 ແສນຄົນທີ່ ເດີນທາງໄປທ່ອງທ່ຽວໃນແຂວງຫຼວງພະບາງໃນຕະຫຼອດໄລຍະບຸນສົງການປີໃໝ່ລາວແລ້ວ
ກໍຍັງໄດ້ເນັ້ນໜັກໃນການສົ່ງເສີມການມີສ່ວນຮ່ວມ ຂອງປະຊາຊົນລາວເຂົ້າ ໃນການຮັກສາ
ຮີດຄອງປະເພນີອັນດີງາມຂອງລາວດ້ວຍ ດັ່ງທີ່ເຈົ້າໜ້າທີ່ຂັ້ນສູງໃນແຂວງຫຼວງພະບາງໄດ້
ໃຫ້ການຢືນຢັນວ່າ:

ກິດຈະກໍານັ້ນ ພວກເຮົາບໍ່ສາມາດປະລະປະຊາຊົນໄດ້ ຈັ່ງຊັ້ນການມີສ່ວນຮ່ວມ ຂອງປະຊາຊົນ ນີ້ກໍຄືຂອດຕັດສິນຂອງການພັດທະນາການທ່ອງທ່ຽວແລະພວກ
ເຮົາ ໄດ້ຍຶດຖືເອົາການທ່ອງທ່ຽວແບບປະຊາຊົນມີສ່ວນຮ່ວມນີ້ເປັນຫຼັກໃນການ
ຂະຫຍາຍ ແລະພັດທະນາສົ່ງເສີມການທ່ອງທ່ຽວຢູ່ທີ່ແຂວງຫຼວງພະບາງ ນອກ
ເໜືອຈາກການທ່ອງທ່ຽວແບບວັດທະນະທໍາ ແລະທໍາມະຊາດແລ້ວ ພວກເຮົາ
ຍັງໄດ້ເອົາການທ່ອງທ່ຽວແບບປະຊາຊົນມີສ່ວນຮ່ວມນີ້ມາເປັນຫຼັກ.”


ທັງນີ້ໂດຍທາງການແຂວງຫຼວງພະບາງໄດ້ປຸກລະດົມເພື່ອດຶງເອົາການມີສ່ວນຮ່ວມຂອງປະ
ຊາຊົນເຂົ້າໃນການດໍາເນີນກິດຈະກໍາທີ່ເປັນການສົ່ງເສີມການທ່ອງທ່ຽວທາງດ້ານສິນລະ
ປະວັດທະນະທໍາແລະທໍາມະຊາດທີ່ເປັນເອກກະລັກຂອງແຂວງ ຫຼວງພະບາງ ຊຶ່ງກໍເລີ່ມ
ດ້ວຍງານຕະຫຼາດນັດຢູ່ທີ່ເດີ່ນທາດຫຼວງ ຕິດຕາມດ້ວຍງານມະຫະກໍາດົນຕີເພງລາວ ແລະ
ເພງນາໆຊາດ ການຈັດງານປະກວດນາງ ສັງຂານ ຕໍ່ເນື່ອງດ້ວຍການລົງຕະຫຼາດເຊົ້າ ການ
ກໍ່ພະທາດຊາຍຢູ່ແຄມນໍ້າຄານ ການແຂ່ງຂັນກິລາພື້ນເມືອງແລະການບາສີສູ່ຂວັນ ໃນການ
ນໍາຂອງພັກ ແລະລັດ.

ນອກຈາກນີ້ ກໍມີການຢ້ຽມຊົມວິຖີຊີວິດການເປັນຢູ່ແລະສິນລະປະວັດທະນະທໍາຂອງ
ບັນດາໄທລື້ ໂດຍທີ່ມີບຸກຄົນສໍາຄັນຂອງທາງການລາວເຂົ້າຮ່ວມໃນພິທີບາສີຂອງລາວ
ໄທລື້ອີກດ້ວຍ ແລະທີ່ຂາດບໍ່ໄດ້ນັ້ນກໍຄືການແຫ່ຫວໍ່ຈາກວັດທາດນ້ອຍໄປວັດຊຽງທອງ
ເພື່ອປະກອບພິທີກໍາທາງສາສະໜາ ແລະຕັກບາດໃນຕອນເຊົ້າກ່ອນທີ່ຈະແຫ່ຫວໍ່ ຈາກ
ວັດຊຽງທອງກັບຄືນໄປວັດທາດນ້ອຍໃນມື້ຕໍ່ມາ.

ສ່ວນໃນຊ່ວງສຸດທ້າຍຂອງການສະເຫຼີມສະຫຼອງບຸນສົງການປີໃໝ່ລາວຢູ່ແຂວງຫຼວງພະ
ບາງນັ້ນກໍແມ່ນການອັງເຊີນພະບາງ ຈາກພິພິດທະພັນພະລາດຊະວັງໄປຍັງວັດໃໝ່ ສຸວັນນະພູມ ເພື່ອເປີດໃຫ້ປະຊາຊົນຫົດສົງເປັນເວລາສອງວັນ ກ່ອນທີ່ຈະອັງເຊີນພະບາງ
ກັບຄືນໄປຫໍພິພິດທະພັນພະລາດຊະວັງໃນຕອນແລງ ອັນຖືເປັນມື້ສຸດທ້າຍ ຂອງການສະ
ເຫຼີມສະຫຼອງບຸນສົງການປີໃໝ່ ປີ 2556 ນີ້.

ອີກດ້ານນຶ່ງ ກໍມີລາຍງານວ່າການສະເຫຼີມສະຫຼອງບຸນສົງການປີໃໝ່ລາວຢູ່ແຂວງຈໍາປາ
ສັກໃນປີນີ້ ທາງການແຂວງຈໍາປາສັກ ໄດ້ເຊີນຄະນະຜູ້ຕາງໜ້າຂອງທາງການຫວຽດນາມ
ກໍາປູເຈຍ ແລະໄທ ເຂົ້າຮ່ວມໃນງານສະເຫຼີມສະຫຼອງແລະພິທີການທີ່ສໍາຄັນໆ ອີກດ້ວຍ
ທັງນີ້ກໍເພື່ອເປັນການເສີມສ້າງການຮ່ວມມືລະຫວ່າງກັນໃຫ້ຫຼາຍຂຶ້ນ ໂດຍສະເພາະ
ແມ່ນໃນດ້ານວັດທະນະທໍາ ສັງຄົມ ແລະການທ່ອງທ່ຽວນັ້ນເອງ.
XS
SM
MD
LG