ລິ້ງ ສຳຫລັບເຂົ້າຫາ

ທ່ານນາງ Hillary Clinton ຈະຖືກສະເໜີຈາກພັກເດໂມແຄຣັດ ໃຫ້ເປັນຜູ້ສະໝັກປະທານາທິບໍດີ ແມ່ຍິງ ສຫລ ຄົນທຳອິດ


ຜູ້ສະໝັກປະທານາທິບໍດີ ສະຫະລັດ ທ່ານນາງ Hillary Clinton ກ່າວຢູ່ໃນການເລືອກຕັ້ງຂັ້ນຕົ້ນໃນລັດ California.

ໃນ​ວັນ​ອັງຄານ​ວານ​ນີ້ ທ່ານ​ນາງ Hillary Clinton ​ໄດ້​ອ້າງ​ເອົາ​ການສະ​ເໜີຊື່ ວ່າຕົນ​ເປັນຜູ້ຕາງໜ້າພັກ​ເດ​ໂມ​ແຄຣັດ ​ເພື່ອໃຫ້ສະໝັກເປັນ​ປະທານາທິບໍດີ ສະຫະລັດ ທີ່​ຈະ​ເຮັດ​ໃຫ້​ທ່ານ​ນາງ​ເປັນແມ່ຍິງ​ຄົນ​ທຳ​ອິດ ​ເປັນ​ຜູ້ຕາງໜ້າ​ພັກ​ທີ່​ສຳຄັນໃນ​ການ​ແຂ່ງຂັນ​ເຂົ້າໄປ​ສູ່​ທຳນຽບຂາວ.

ຄູ່​ແຂ່ງຂອງ​ທ່ານ​ນາງ ​ໃນພັກ​ເດໂມ​ແຄຣັດ ສະມາຊິກ​ສະພາ​ສູງ​ຈາກ​ລັດ Vermont ທ່ານ Bernie Sanders ​ໄດ້ຮັບໄຊຊະນະໃນລັດ North Dakota ​ແລະ​ລັດ Montana ​ໃນ​ວັນ​ອັງຄານວານ​ນີ້ ​ແຕ່​ວ່າ ທ່ານ​ນາງ Clinton ​ໄດ້​ຊະນະ ລັດ South Dakota, New Mexico ​ແລະ New Jersey.

ທ່ານ​ນາງ Clinton ຍັງ​ໄດ້ໄຊຊະນະ​ໃນລັດໃຫຍ່​ສຸດ ​ທີ່​ຍັງ​ເປັນ​ຄຳ​ຖາມຢູ່​ໃນ​ມື້​ນີ້ ຄືລັດ California ທີ່​ໄດ້​ຮັກສາ​ເອົາ​ສຽງ​ສ່ວນ​ຫລາຍ​ 475 ຂອງຜູ້ຕາງໜ້າໄວ້.

ປະທານາທິບໍດີ Obama ໄດ້ໂທລະສັບຫາ​ຜູ້​ສະໝັກ​ທັງ​ສອງໃນ​ວັນ​ອັງຄານ​ວານ​ນີ້​ ສັນລະ​ເສີນ​ອະດີດ​ລັດຖະມົນຕີ ຕ່າງປະ​ເທດ ທ່ານ​ນາງ Clinton ​ທີ່​ໄດ້ໄຊຊະນະ ອັນ​ມີ​ຄວາ​ມຈຳ​ເປັນ​ຂອງ​ຜູ້ຕາງໜ້າ ​ເພື່ອ​ຮັກສາ​ການ​ຖືກ​ສະ​ເໜີ. ທ່ານ​ຍັງ​ໄດ້​ຂອບ​ໃຈ ສະມາຊິກ​ສະພາ​ສູງ ທ່ານ Sanders ​ໃນ​ການ​ຂົນ​ຂວາ​ຍຫາຊາວ​ອາ​ເມຣິກັນ​ຫລາຍ​ລ້ານ​ຄົນ ​ແລະ​ນຳ​ເອົາ​ຄວາມ​ສົນ​ໃຈ​ໄປ​ສູ່ບັນຫາ ​ເຊັນ​ວ່າການ​ຕໍ່ສູ້​ກັບເສດຖະກິດທີ່​ບໍ່​ມີ​ຄວາມ​ກໍ້າ​ເກີ່ງກັນ.

Supporters of Democratic presidential candidate Hillary Clinton hold up letters to spell out the significance of the day's voting results during a presidential primary election night rally in New York, June 7, 2016.

Supporters of Democratic presidential candidate Hillary Clinton hold up letters to spell out the significance of the day's voting results during a presidential primary election night rally in New York, June 7, 2016.

ທ່ານ Sanders ຜູ້​ທີ່​ປັດຈຸບັນ​ນີ້​ນຳ​ໜ້າ​ຢູ່ລັດ Montana ​ໄດ້​ກ່າວ​ຕໍ່​ບັນດາ​ຜູ້​ສະໜັບ​ສະ​ໜູນ​ໃນ​ລັດ California ວ່າທ່ານ​ໄດ້​ໂທລະສັບ​ຫາ​ ລັດຖະມົນ​ຕີຕ່າ​ງປະ​ເທດ ທ່ານ​ນາງ Clinton ​ໃນ​ຕອນ​ແລງ​ມື້​ນັ້ນ​ເພື່ອ​ຊົມເຊີຍ​ໄຊຊະນະ​ຂອງ​ທ່ານ​ນາງ. ທ່ານ​ໄດ້​ກ່າວ​ກ່ຽວ​ກັບ​ການ​ເຮັດ​ວຽກ​ຮ່ວມ​ກັນ​ເພື່ອ​ເອົາ​ຊະນະ​ທ່ານ Trump ​ແຕ່​ບໍ່​ໄດ້​ຮັບ​ຮູ້​ການ​ທີ່​ຈະ​ຖືກ​ສະ​ເໜີ​ຂອງ​ທ່ານ​ນາງ Clinton ​ແລະ​ບໍ່​ໄດ້ບົ່ງ​ບອກ​ວ່າ ທ່ານ​ມີ​ຄວ​າມຕັ້ງ​ໃຈ​ທີ່​ຈະ​ຍອມແພ້ ​ແຕ່ປະກາດ​ວ່າຈະ “ດຳ​ເນີນ​ການ​ຕໍ່ສູ້ ”ຕໍ່ໄປ.

ທ່ານ​ໄດ້​ສະຫລຸບ​ວ່າ “ຂອບ​ໃຈ​ທຸກໆ​ຄົນ. ຄວາມດິ້ນລົນ​ສືບ​ຕໍ່​ໄປ.”

People vote on the deck of the Echo Park Deep Pool during the U.S. Presidential Primary Election in Los Angeles, California, June 7, 2016.

People vote on the deck of the Echo Park Deep Pool during the U.S. Presidential Primary Election in Los Angeles, California, June 7, 2016.

ຜົນ​ຈາກ​ລັດ California ຍັງ​ບໍ່​ທັນ​ມີ​ໄວ້​ໃຫ້. ສະມາຊິກ​ສະພາ​ສູງ ທ່ານ Sanders ​ໄດ້​ເນັ້ນ​ໜັກ​ເຖິງ​ຄວາມ​ຫວັງ​ຢ່າງ​ຫລວງຫລາຍ ​ເພື່ອ​ເອົາ​ສ່ວນ​ແບ່ງປັນ​ທີ່​ສຳຄັນ​ຂອງ​ຜູ້​ຕາງ​ໜ້າ​ລັດ California ກ່ອນ​ໜ້າ​ນັ້ນ​ມີຄວາ​ມຫວັງ​ວ່າ​ເຂົາ​ເຈົ້າ​ອາດ​ຮັກສາ​ທ່ານ​ໄວ້​ຢູ່​ໃນ​ການ​ແຂ່ງ​ຂັນໄປໃຫ້ນານ​ພຽງພໍ ​ເພື່ອຕໍ້​ສູ້ກັບ​ການ​ຖືກ​ສະ​ເໜີ​ຢູ່​ກອງ​ປະ​ຊຸມ​ພັກ​ເດ​ໂມ​ແຄຣັດ.

First-time voter Kimberly Medina, 19, votes during the U.S. presidential primary election at Gates Street Elementary School in Los Angeles, California, June 7, 2016.

First-time voter Kimberly Medina, 19, votes during the U.S. presidential primary election at Gates Street Elementary School in Los Angeles, California, June 7, 2016.

ທ່ານ​ນາງ Clinton ​ໄດ້​ຖະ​ແຫລ​ງຕໍ່​ຝູງ​ຊົນ​ທີ່​ໜາ​ແໜ້ນ​ຂອງ ຜູ້​ສະໜັບສະໜູນ​ທີ່​ພາກັນ​ຮ້ອງ​ໂຮ ໂບກ​ທຸງ​ສະຫະລັດ ຢູ່​ນະຄອນ Brooklyn ​ໃນ​ຕອນ​ແລງວັນ​ອັງຄານ​ວານ​ນີ້.

ອ່ານຂ່າວນີ້ເພີ້ມເປັນພາສາອັງກິດ

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG