ລິ້ງ ສຳຫລັບເຂົ້າຫາ

ລັດ Nevada ຈັດກອງປະຊຸມ ຄັດເລືອກຜູ້ຕາງໜ້າ ຂອງ ພັກຣິພັບບລິກັນ


ຜູ້ສະມັກປະທານາທິບໍດີ ສະຫະລັດ ທ່ານ Marco Rubio, ພັກຣີພັບບລິກັນ ຈາກ ລັດ Florida ກຳລັງໂຄສະນະຫາສຽງ ຢູ່ທີ່ເມືອງ Reno ລັດ Nevada ວັນທີ 22, 2016.

ຜູ້ສະມັກປະທານາທິບໍດີ ສະຫະລັດ ທ່ານ Marco Rubio, ພັກຣີພັບບລິກັນ ຈາກ ລັດ Florida ກຳລັງໂຄສະນະຫາສຽງ ຢູ່ທີ່ເມືອງ Reno ລັດ Nevada ວັນທີ 22, 2016.

ຫລັງ​ຈາກ​ໄດ້​ຮັບ​ໄຊຊະນະ​ ໃນ​ການ​ເລືອກຕັ້ງ​ຂັ້ນ​ຕົ້ນ ຢູ່​ທາງ​
ພາກ​ຕາ​ເວັນ​ອອກ ສຽງ​ເໜືອແລະ​ຕາ​ເວັນ​ອອກ​ສຽງໃຕ້​ຂອງ
​ສະຫະລັດແລ້ວ ມະຫາ​ເສດ​ຖີພັນ​ລ້ານ Donald Trump ກໍ
​ພ້ອມ​ແລ້ວ​ທີ່​ຈະໄດ້​ຮັບ​ໄຊຊະນະ​ຢູ່ໃນພາກ​ຕາ​ເວັນ​ຕົກຂອງ
ສະຫະລັດ ​ໃນ​ກອງ​ປະຊຸມຄັດ​ເລືອກ​ຜູ້ຕາງໜ້າ​ຂອງ​ພັກ​ໃນ​
ວັນ​ອັງຄານມື້​ນີ້ຢູ່ລັດ Nevada.

ການ​ຢັ່ງຫາງ​ສຽງ​ເທື່ອຫລ້າ​ສຸດ ສະແດງ​ໃຫ້​ເຫັນວ່າ ​ທ່ານ
Trump ມີ​ຄະ​ແນນ ນຳ​ໜ້າ​ບັນດາ​ຜູ້​ທ້າ​ທາຍ ຢູ່ໃນ​ພັກຣີ
ພັບ​ບລິ​ກັນ​ຂອງ​ທ່ານ ​ໂດຍ​ມີ​ຜູ້​ສະໜັບສະ​ໜູນປະມານ 40
​ເປີ​ເຊັນ​ ​ໃນ​ຂະນະ​ທີ່ ສະມາຊິກ​ສະພາ​ສູງ Marco Rubio ​
ແລະ ທ່ານ Ted Cruz ຍັງຕໍ່ສູ້​ກັນດ້ວຍ​ຄະ​ແນນ​ສຽງ​ທີ່ໃກ້ຄຽງກັນ ​ຍາດ​ເອົາ ອັນ​ດັບ​ທີ
​ສອງ ​ປະມານ 20 ​ເປີ​ເຊັນ.

ການ​ໄດ້​ຮັບ​ຄະ​ແນນ​ສຽງ​ທີ່​ດີດີ ຢູ່ລັດ Nevada ຈະເປັນ​ແຮງກະ​ຕຸ້ນໃຫ້​ບັນດາ​ຜູ້​ສະມັກ
ກ້າວ​ເຂົ້າ​ໄປ​ສູ່​ ​ໃນ​ອັນທີ່​ຮ້ອງ​ວ່າ Super Tuesday ​ເວລາສິບ​ກວ່າ​ລັດ ​ລົງ​ຄະ​ແນນ​ສຽງ​
ປ່ອນ​ບັດ ໃນ​ວັນ​ດຽວ​ກັນ. ​ໃນ​ເວລາ​ນັ້ນ ໜຶ່ງ​ສ່ວນ​ສາມ​ຂອງ​ລັດ​ຕ່າງໆ ຈະ​ຈັດ​ໃຫ້​ມີ​ການ​
ແຂ່ງຂັນ​ຄັດ​ເລືອກ​ເອົາ​ຜູ້ສະ​ມັກ​ຂອງ​ເຂົາ​ເຈົ້າ​ແລ້ວ.

ທ່ານ Rubio ​ແມ່ນ​ບໍ່​ຄືກັນ​ກັບທ່ານ Cruz ​ແລະ ທ່ານ Trump ທີ່ຍັງ​ບໍ່ເຄີ​ຍ​ ຊະນະ​ໃນ​ລັດ
​ໃດ​ລັດ​ໜຶ່ງມາ​ກ່ອນ ​ໄດ້​ຮັບ​ການ​ເຫັນ​ດີ​ຈາກ ບັນດານັກ​ການ​ເມືອງ ອະ​ວຸ​ໂສ​ຂອງ​ພັກ​ຣີພັບ
​ບລິ​ກັນກ່ອນ​ໜ້າ​ກອງ​ປະ​ຊຸມຄັດ​ເລືອກ​ຜູ້ຕາງໜ້າ​ຂອງ​ພັກ ​ທີ່​ລັດ Nevada ຮວມທັງ​ທ່ານ
Bob Dole ອ​ະດີດ​ສະມາຊິກ​ທີ່​ຍາ​ວນານຂອງ​ພັກຣີພັບ​ບລິ​ກັນ ​ແລະ​ເຄີຍເປັນ​ຜູ້​ສະ​ມັກ
ປະທາ​ນາ​ທິບໍດີມາ​ແລ້ວ.

ຜູ້ສະມັກ ປະທານາທິບໍດີ ສະຫະລັດ ພັກຣີພັບບລິກັນ ທ່ານ Ted Cruz ຈາກລັດ Texas

ຜູ້ສະມັກ ປະທານາທິບໍດີ ສະຫະລັດ ພັກຣີພັບບລິກັນ ທ່ານ Ted Cruz ຈາກລັດ Texas

ໃນ​ຂະນະ​ດຽວ​ກັບ ທ່ານ Cruz ​ໄດ້​ໄລ່​ໂຄສົກ​ໂຄສະນາ​ຫາ​ສຽງ​ຂອງ​ທ່ານ​ອອກ​ຈາ​ໜ້າ​ທີ່
ຊຶ່ງ​ໄດ້ລົງ​ຂ່າວ​ທາງ​ສື່​ສັງຄົມ ພົວພັນ​ກັບວີ​ດີ​ໂອ ທີ່​ບໍ່​ມີ​ຄວາມ​ຈິງ ກ່າວ​ຫາ​ທ່ານ Rubio ວ່າ
​ໝິ່ນ​ປະໝາດພະ​ຄຳ​ພີ.

ທ່ານ Trump ​ໄດ້​ຊະນະ​ສອງ​ລັດຕິດຕໍ່​ກັັນ ຫລັງ​ຈາກ​ໄດ້​ຮັບໄຊຊະນະ ​ທີ່​ລັດ New Hampshire ​ແລະ South Carolina. ພ້ອມ​ດ້ວຍໄຊຊະນະ​ໃນ​ສອງ​ລັດນີ້ ​ແລະການ​ມີ​
ຄະ​ແນນ​ສຽງ​ນຳ​ໜ້າຫຼາຍກວ່າ 10 ​ເປີ​ເຊັນ ​ໃນ​ການ​ຢັ່ງ​ສຽງ​ຫາງ​ສຽງ​ທົ່ວ​ປະ​ເທດ​ແລ້ວ
ນັກທຸລະ​ກິດ​ທີ່​ບໍ່​ເຄີຍ​ຖືກ​ເລືອກ​ຕັ້ງ​ໃຫ້​ຮັບ​ໃຊ້​ຢູ່ໃນຕຳ ​ແໜ່​ງ​ສາທາລະນະມາ​ກ່ອນ ​ໄດ້
​ກາຍມາ​ເປັນ​ຜູ້ມີ​ຄະ​ແນນ​ສຽງນຳ​ໜ້າ​ທີ່​ແຈ້ງ​ຂາວ ໃນ​ການ​ທີ່​ຈະ​ຖືກ​ສະ​ເໜີ​ແຕ່ງຕັ້ງ ​ໃຫ້​ເ
ປັນ​ຜູ້​ສະມັກ​ຂອງພັກຣີພັບ​ບລິ​ກັນ.

XS
SM
MD
LG