ທ່ານຜູ້ຟັງທີ່ເຄົາລົບ ໃນລາຍການຊີວິດຊາວລາວມື້ນີ້ ເຮົາຈະນຳພາທ່ານ ໄປຢ້ຽມ
ຢາມຖາມຂ່າວ ທ່ານແສງໄຊ ຣາສະຫວັດ ຄົນອາເມຣິກັນເຊື້ອສາຍລາວ ຕັ້ງຖິ່ນຖານ
ຢູ່ເມືອງ Huntington ລັດ Arkansas ທາງທິດຕາເວັນອອກສຽງໃຕ້ຂອງສະຫະລັດ.
ທ່ານແສງໄຊ ແມ່ນເຈົ້າຂອງຟາມ ຮັບເອົາໄກ່ມາລ້ຽງ ເພື່ອເກັບເອົາໄຂ່ ສົ່ງຂາຍຄືນ
ໃຫ້ແກ່ໂຮງງານໄກ່. ຢູ່ໃນສະຫະລັດມີລະບົບການລ້ຽງໄກ່ຢູ່ຫລາຍຂັ້ນຕອນ ແລະມີລະ
ບຽບການຢ່າງໃດແດ່ນັ້ນ ກິ່ງສະວັນ ຈະນຳເອົາລາຍລະອຽດ ມາລົມສູ່ທ່ານຟັງ ໃນອັນ
ດັບຕໍ່ໄປ.
ສະບາຍດີທ່ານຜູ້ຟັງທີ່ເຄົາລົບ ໃນລາຍການຊີວິດຊາວລາວ ໃນຕ່າງແດນຂອງວີໂອເອ
ມື້ນີ້ ຂ້າພະເຈົ້າຂໍແນະນຳໃຫ້ທ່ານຮູ້ຈັກ ກັບທ່ານແສງໄຊ ຣາສະຫວັດ ຄົນອາເມຣິກັນ
ເຊື້ອສາຍລາວ ເຈົ້າຂອງຟາມລ້ຽງໄກ່ທີ່ຮັບເອົາໄກ່ມາລ້ຽງເພື່ອເກັບເອົາໄຂ່ ສົ່ງຄືນໄປ
ຂາຍ ໃຫ້ແກ່ໂຮງງານ ອຸດສາຫະກຳໄກ່ ຢູ່ທີ່ເມືອງ Huntington ລັດ Arkansas ຕັ້ງຢູ່
ພາກກາງຕາເວັນອອກສຽງໃຕ້ຂອງສະຫະ ລັດ. ຢູ່ໃນເຂດນີ້ ມີປະຊາຄົມອາເມຣິກັນ
ເຊື້ອສາຍລາວ ເປັນເຈົ້າຂອງຟາມໄກ່ຢູ່ສິບແຫ່ງ ແຕ່ລະຟາມໄດ້ຮັບເອົາໄກ່ຫລາຍໆ
ໝື່ນໂຕມາລ້ຽງ ແລະແຕ່ລະຟາມ ແບ່ງແຍກການລ້ຽງໄກ່ ອອກເປັນສາມຊະນິດ ທີ່
ສຳຄັນດັ່ງນີ້:
ຊະນິດທີ 1 ແມ່ນຟາມລ້ຽງໄກ່ເນື້ອເພື່ອບໍລິໂພກແບ່ງອອກເປັນສອງຢ່າງຄື ລ້ຽງໄກ່ນ້ອຍ
ໃຊ້ເວລາ 35 ຫາ 40 ມື້ ແລະ ລ້ຽງໄກ່ໃຫຍ່ ໃຊ້ເວລາ 52 ຫາ 60 ມື້. ໄກ່ເຫລົ່ານີ້ຈະກິນ
ອາຫານຢູ່ຕະຫລອດເວລາເພື່ອໃຫ້ໃຫຍ່ໄວແລະມີເນື້ອໜັງອ້ວນພີ ເມື່ອເຖິງກຳນົດໂຮງ
ງານໄກ່ ຈະມາຂົນເອົາໄປໂຮງຂ້າໄກ່ ເພື່ອນຳອອກສູ່ຕະຫລາດ.
ຊະນິດທີ 2 ແມ່ນຟາມລ້ຽງໃຫ້ໄກ່ໃຫຍ່ໃຫ້ເປັນບ່າວເປັນສາວນັບຈາກມື້ໄກ່ເບາະອອກ
ມາ ໄກ່ຈະຖືກລ້ຽງຢູ່ແປດເດືອນ ຫລັງຈາກນັ້ນ ໄກ່ເຫລົ່ານີ້ຈະຖືກສົ່ງໃຫ້ບັນດາຟາມ ທີ່ຈະນຳໄກ່ໄປປະສົມພັນ ເພື່ອເກັບເອົາແຕ່ໄຂ່ເທົ່ານັ້ນ.
ແລະຊະນິດທີ 3 ແມ່ນຊະນິດຟາມລ້ຽງໄກ່ຂອງທ່ານແສງໄຊ ທີ່ມີໜ້າລ້ຽງເພື່ອເກັບເອົາ
ໄຂ່ ແລະໄກ່ຈະໃຊ້ເວລາປະສົມພັນກັນຢູ່ສິບເດືອນ ທີ່ກຳລັງເປັນບ່າວ 700 ໂຕແລະ
ກຳລັງເປັນສາວ 8000 ໂຕ. ສະເຫຼ່ຍແລ້ວໄກ່ຜູ້ໂຕນຶ່ງຈະປະສົມ ພັນກັບໄກ່ແມ່ສິບກວ່າ
ໂຕ. ຫລັງຈາກເດືອນເຄິ່ງ ໄກ່ແມ່ຈະເລີ້ມອອກໄຂ່ ແລະທີ່ໄກ່ອອກໄຂ່ຫຼາຍທີ່ສຸດນັ້ນ ແມ່ນປະມານ 15 ຫາ 16 ພັນໜ່ວຍຕໍ່ມື້.
ນີ້ແມ່ນໜ້າທີ່ຂອງທ່ານແສງໄຊ ຜູ້ເປັນເຈົ້າຂອງຟາມທີ່ຈະເກັບໄຂ່ໃນແຕ່ລະມື້ເຈັດມື້ຕໍ່
ອາທິດ ເພື່ອໃຫ້ໂຮງງານໄກ່ມາຂົນເອົາໄປທຳການເບາະຕໍ່ໄປ. ບັນດາໄຂ່ເຫລົ່ານີ້ສາ
ມາດບໍລິໂພກໄດ້ ແຕ່ວ່າໄຂ່ໄກ່ສຳລັບບໍລິໂພກນັ້ນມີຟາມລ້ຽງອີກຕ່າງຫາກ. ທ່ານແສງ
ໄຊ ໄດ້ກ່າວຕໍ່ວີໂອເອ ກ່ຽວກັບຊີວິດຄວາມຣັບຜິດຊອບໃນການເປັນເຈົ້າຂອງຟາມໄກ່
ດັ່ງນີ້:
ການເຮັດວຽກເປັນເຈົ້າຂອງສາຟາມໄກ່ ຢູ່ບ້ານກັບຄອບຄົວ ແມ່ນກຳໄລຢ່າງນຶ່ງ ແຕ່ວ່າ
ມີຄວາມຮັບຜິດຊອບສູງ ໃນການດູແລລົກໄກ່ສອງຫລັງ ທີມີຈຳນວນໄກ່ຢູ່ກວ່າ 8000
ໂຕ. ທ່ານແສງໄຊ ຕ້ອງຮັກສາອຸນຫະພູມລົກໄກ່ໃຫ້ສະໝໍ່າສະເໝີ ເກືອໄກ່ດ້ວຍເຄື່ອງ
ຈັກມື້ນຶ່ງເທື່ອນຶ່ງ ມີນໍ້າໄວ້ໃຫ້ຢູ່ຕະຫລອດເວລາແລະເບິ່ງແຍງຮັກສາທົ່ວໆໄປ ແລະເຝົ້າ
ເກັບໄຂ່ຫລາຍເທື່ອຕໍ່ມື້ ຖ້າຫາກວິທີລ້ຽງເຮັດໃຫ້ໄຂ່ໄກ່ສົມບູນດີ ໄຂ່ໃຫຍ່ ແລະອອກ
ຫລາຍ ທ່ານແສງໄຊຍັງຈະໄດ້ຮັບລາງວັນອີກ ດັ່ງທ່ານແສງໄຊ ໄດ້ກ່າວຕໍ່ໄປວ່າ.
ທ່ານແສງໄຊ ຣາສະຫວັດ ແມ່ນລູກບ້ານຊາວທ່າແຂກ ແຂວງວຽງຈັນ ໄດ້ເຂົ້າມາ
ຕັ້ງຖິ່ນຖານຢູ່ໃນສະຫະລັດໃນປີ 1980 ທີ່ລັດ Massachusetts ທາງພາກຕາເວັນ
ອອກສຽງເໜືອຂອງສະຫະລັດ. ທ່ານໄດ້ເລີ້ມປະກອບວິຊາອາຊີບເປັນພໍ່ ຄົວປາດິບ
ຢູ່ຮ້ານອາຫານຍີ່ປຸ່ນ Sushi Sashimi ເປັນເລາ 14 ປີ ຫລັງຈາກນັ້ນໄດ້ຍົກຍ້າຍ
ຄອບຄົວໄປຕັ້ງຮ້ານອາຫານ Sushi Sashimi ຫລືຮ້ານປາດິບຍີ່ປຸ່ນອີກ 13 ປີ ຢູ່
ລັດ Florida ຕັ້ງຢູ່ໃຕ້ສຸດຂອງສະຫະລັດ. ການເປັນເຈົ້າຂອງຮ້ານອາຫານ ມີຄວາມ
ຮັບຜິດຊອບສູງ ເປີດເຈັດມື້ເຈັດຄືນ ຈົນເກືອບບໍ່ມີເວລາພັກຜ່ອນ ດັ່ງທີ່ທ່ານກ່າວ
ຕໍ່ວີໂອເອດັ່ງນີ້:
ການປະກອບອາຊີບຢ່າງດຽວເປັນເວລາດົນນານ ມັກຈະເຮັດໃຫ້ເກີດມີຄວາມເບື່ອ
ນາຍ ແລະອິດເມື່ອ. ດ້ວຍເຫດນີ້ ທ່ານແສງໄຊ ຈຶ່ງໄດ້ຕັດສິນໃຈຫັນປ່ຽນວິຊາອາຊີບ
ມາເຮັດທຸລະກິດຟາມໄກ່ ແລະເກັບໄຂ່ໄກ່ມາເປັນເວລາສອງປີແລ້ວ. ທ່ານໄດ້ຊື້ຟາມ
ແຫ່ງນີ້ ປະກອບດ້ວຍລົກໄກ່ໃຫຍ່ສອງຫລັງ ເຮືອນຢູ່ ແລະມີເນື້ອທີ່ທັງໝົດ 50 ເຮັກ
ຕາມູນຄ່າຫົກແສນໂດລາ. ແຕ່ລະປີ ທ່ານສາມາດສ້າງລາຍໄດ້ແສນກວ່າໂດລາ ທີ່ຍັງ
ບໍ່ທັນໄດ້ຕັດຄ່າໃຊ້ຈ່າຍຕ່າງໆ ແລະເສຍພາ ສີ ແລະນັ້ນແມ່ນໂຕຢ່າງວິຊາອາຊີບຢ່າງ
ນຶ່ງຂອງຊາວອາເມຣິກັນເຊື້ອສາຍລາວຢູ່ໃນສະຫະລັດ.