ລິ້ງ ສຳຫລັບເຂົ້າຫາ

ສຳພາດ ທ່ານເສລີ ເທບທະພອນ ນັກເຄື່ອນໄຫວ ລາວ- ອາເມຣິກັນ ຜູ້ຫ້າວຫັນ


ທ່ານເສລີ ເທບທະພອນ ຕິດຫລຽນກາຄຳຊອບ ຢ່າງສະງ່າ ຜ່າເຜີຍ ແລະໄດ້ຮັບຄຳສັນລະເສີນ ຈາກ ອະດີດ ພະນະທ່ານ ແສງ ສຸຂະທິວົງ ເອກອັກຄະລັດຖະທູດ ສປປ ລາວ ປະຈຳ ສະຫະລັດ.

ທ່ານ​ຜູ້​ຟັງ​ທີ່​ເຄົາລົບທັງຫຼາຍ ​ໃນລາຍການ​ຊີ​ວິດ​ຊາວ​ລາວ ແລງ
​ວັນ​ພະຫັດ​ມື້​ນີ້ ​ເຮົາ​ຈະ​ນຳ​ເອົາ​ການ​ສຳພາດ ກັບທ່ານ​ເ​ສລີ ເທບ
ພະ​ພອນ ນັກ​ເຄື່ອນ​ໄຫວ ເພື່ອ​ຊີວິດການເປັນຢູ່ໃນ ສປປ ລາວ.
ທ່ານເສ​ລີ ເປັນ​ຄົນອາ​ເມຣິກັນ ເຊື້ອສາຍ​ລາວ ຄົນ​ສຳຄັນ ທີ່​ໄດ້
​ວາງ​ບົດບາດຮ້ອງ​ຂໍໃຫ້ລັດຖະບານສະຫະລັດເປີດ​ຄືນ​ໃໝ່ການ
ແລກ​ປ່ຽນ​ການ​ຄ້າ ກັບ ສປປ ລາວ ​ຊຶ່ງໄດ້​ຖືກ​ຮັບ​ຮູ້ ​ແລະເລີ້ມ​ເກີດ​ຄືນ​ມາຕັ້ງ​ແຕ່ປີ 2002. ​ປັດຈຸບັນ​ນີ້ ທ່ານ​ເສລີ ຍັງມີຄວາມ​ເປັນ​ຫ່ວງ ກ່ຽວ​ກັບສະພາບ​ການ​ເປັນ​ຢູ່ ​ໃນ ສປປ ລາວ ຊຶ່ງ ກິ່ງ​ສະຫວັນ ຈະ​ນຳ​ມາ​ສະ​ເໜີ​ທ່ານ ​ໃນ​ອັນ​ດັບ​ຕໍ່​ໄປ.

ປັດ​ຈຸ​ບັນ ທ່ານເສລີ ເທບພະພອນ​ ຕັ້ງ​ຖິ່ນ​ຖານ ຢູ່ເຂດ Bay area ຂົງ​ເຂດນະຄອນ San
Francisco ລັດ California ທາງ​ພາກ​ຕາ​ເວັນ​ຕົກ​ສະຫະລັດ. ​ໃນ​ຕົ້ນ​ປີ 2000 ທ່ານເສລີ ໄດ້​ເລີ້ມເຄື່ອນ​ໄຫວ​ໜັກ ​ຮັບ​ໃຊ້​ປະຊາ​ຄົມ​ລາວ-ອາ​ເມຣິກັນ ​ແລະ ລັດຖບານ ສປປ ລາວ ເພື່ອສ້າງ​ສາຍສຳພັນ​ຄືນ​ໃໝ່ ​ເພື່ອແລກ​ປ່ຽນ​ການ​ຄ້າ​ ແບບ​ປົກ​ກະຕິ ຫລື Normal Trade Relations (NTR)​ ທີ່ຂາດ​ສະບັ້ນ​ໄປ ​ໃນ​ຊົ່ວ​ໄລຍະ​ນຶ່ງ ​ແລະໄດ້​ອອກນຳ​ໃຊ້ຄືນ ມາ​ຈົນ​ເຖິງ​ເທົ້າ​ປັດ​ຈຸ​ບັນ​ນີ້.

​ແຕ່ກ່ອນ​ອຶ່ນ​ເຮົາ​ມາ​ເຂົ້າ​ໃ​ຈ​ກັນ ເຖິງຄວາມ​ເປັນ​ມາ​ຂອງ ສຸພາບ​ບູຣຸດ ຜູ້​ເສຍ​ສະລະຄົນ​ນີ້
​ກ່ອນ​ເໜາະວ່າ ຜູ້ກ່ຽວແມ່ນ​ໃຜ ມາຈາກ​ໃສ ​ແລະເປັນ​ຫຍັງ​ ຈຶ່ງ​ໄດ້​ກາຍ​ມາ​ເປັນ ຜູ້​ສຳຄັນ
​ຄົນ​ນຶ່ງ​. ທ່ານ​ເສລີ ​ເທບທະພອນ ​ແມ່ນ​ລູກບ້ານ​ຫລາ​ນ​ເມືອ​ງແຂວງ​ໄຊຍະບູລີ ​ອະດີດທະ ຫານ​ກອງ​ທັບ​ພາກ​ນຶ່ງ ຝ່າຍ​ຂ່າວ​ແລະສື່ສານ ຈາກ​ປີ 1972-1975. ​

ຢູ່​ໃນ​ສະ​ໄໝ​ສົງຄາມ​ລັບ​ໃນ​ລາວ​ນັ້ນ ທ່ານ​ເສລີ ​ໄດ້​ປະສານ​ງານ​ການ​ສູ້​ລົບ​ກັບ​ໜ່ວຍ​ກອງ​
ໂຈນ​ພິ​ເສດຫລື Special Guerilla Unit (SGU) ທີ່​ຮູ້​ກັນອີກ​ວ່າ ທະຫານ​ຮັບຈ້າງສະຫະ ລັດ. ຫລັງ​ຈາກຄະນະ​ປະ​ເທດ​ລາວ ​ໄດ້​ເຂົ້າກຳ​ອຳນາດ​ໃນ​ປີ 1975 ​ແລ້ວ ທ່ານ​ເສລີ​ກໍໄດ້
ຫລົບໜີ​ອອກ​ຈາກ​ເມືອງ​ລາວ ມາ​ຢູ່​ສູນ​ອົບ​ພະຍົບປະ​ເທ​ດ​ໄທ ໄດ້ໃຊ້​ຊີວິດ​ຢູ່​ແຫ່ງ​ດັ່ງກ່າວ
​ເປັນ​ເວລາ​ສີ່​ປີ ​ແລະຕໍ່​ມາ ຈຶ່ງໄດ້​ເຂົ້າ​ມາ​ຕັ້ງ​ຖິ່ນ​ຖານ ​ຢູ່​ເຂດປາກ​ອ່າວ ຫລື Bay Area ​ໃນ​
ລັດ California ​ໃນ​ປີ 1979.

ທ່ານ​ເສລີ ​ເປັນ​ຜູ້ທີ່​ຮູ້​ກັນ​ດີ​ໃນ​ວົງ​ສັງຄົມ​ລາວ ​ເພາະວ່າ ທ່ານ​ໄດ້ເປັນ​ເຈົ້າ​ໜ້າ​ທີ່ສັງຄົມ​ສົງ
​ເຄາະ ທີ່​ໄດ້ນຳ​ພາການ​ຕັ້ງ​ຖິ່ນ​ຖານຂອງ​ຊາວ​ອົບ​ພະ​ຍົບ​ ​ໂດຍ​ສະ​ເພາະບັນດາ​ເຜົ່າລາວ​
ຕ່າງໆ ນອກ​ນັ້ນ ທ່ານຍັງ​ໄດ້​ປະສານ​ງານ​ກັບ ອົງການ​ຕັ້ງ​ຖິ່ນ​ຖານ​ທ້ອງ​ຖິ່ນ ອົງການ​ລະ
ດັບລັດ ​ແລະ​ລັດຖະບານ​ກາງນຳ. ​

ເນື່ອງ​ຈາກວ່າ ຍັງ​ມີຄວາມ​ເປັນຫ່ວງບ້ານ​ເກີດ​ເມືອງ​ນອນຂອງ​ຕົນ ທີ່​ເຄີຍ​ໄດ້ຖືກ​ປົກ​ປິດ
ຊຶ່ງ​ຕໍ່​ມາ​ຄ່ອຍໆ​ໄຂ​ປະຕູອອກສູ່​ໂລກ​ພາຍ​ນອກພາຍ​ໃຕ້ນະ​ໂຍບາຍ​ “ຈີນ​ຕະນາ​ການ​ໃໝ່”
ຈຶ່ງ​ເປັນ​ການເປີດ​ໂອກາດ ​ໃຫ້ ທ່ານ​ເສລີ ​ໄດ້​ອາສາ​ສະມັກ ​ເຂົ້າ​ພົວພັນ ​ກັບສະຖານທູດ
ສປປລາວ ທີ່​ນະຄອນຫລວງວໍ​ຊິງ​ຕັນ ​ຊຶ່ງ​ເວລາ​ນັ້ນ​ແມ່ນ ພະນະ​ທ່ານ ​ເອກ​ອັກຄະລັດຖະ ທູດຫວ່າງ ຣັດຕະນະ​ວົງ ​ເປັນ​ຜູ້​ປະສານ​ງານ.

​ໃນ​ປີ 1989 ທ່ານເສລີ ​ໄດ້​ກັບ​ຄືນ​ເມືອ​ປະ​ເທດ​ລາວ ​ເປັນ​ເທື່ອ​ທຳ​ອິດ ແລ້ວຫລັງ​ຈາກ​ນັ້ນ
ກໍໄດ້​ທ່ຽວ​ໄປມາຢູ່​ຕະຫລອດ ​ເພື່ອພົບ​ປະ​ກັບ ​ເຈົ້າ​ໜ້າທີ່ຂັ້ນ​ສູງຂອງ ​ສປປ ລາວ. ທ່ານ
​ເສລີ ​ໄດ້ສົນທະນາ​ວາງ​ແຜນ​ຂໍຮ້ອງ​ ໃຫ້​ມີ​ການ​ແລກປ່ຽນ ​ການ​ຄ້າ ລະຫວ່າງ ສປປ ລາວ ​
ກັບ ສະຫະລັດ. ໃນ​ປີ 2001 ເອກ​ອັກຄະ​ລັດຖະທູດ ສະຫະລັດ ທ່ານ Douglas A. Hardwick ​ໄດ້​ເລີ້ມ​ມາ​ປະຈຳການ​ຢູ່​ ສປປ ລາວ ​ແລະ​ທ່ານແມ່ນ​ຜູ້​ນຶ່ງທີ່​ໄດ້ປະສານ​ງານ
ລິ​ເລີ້ມ ກ່ຽວ​ກັບ​ວຽກການດັ່ງກ່າວ​. ທ່ານ​ເສລີ ​ໄດ້​ກ່າວ​ຕໍ່ ວີ​ໂອ​ເອ ​ໃນ​ຂັ້ນ​ເລີ້ິມຕົ້ນ​ນີ້​ວ່າ:

ທ່ານ​ເສລີ ​ໄດ້​ເລົ່າເຖິງອຸບປະສັກຕ່າງໆ​ນາໆ ​ການ​ຂັດ​ແຍ້​ງກັນ ການຂັດ​ຂວາງ​ຈາກຝ່າ​ຍ
ຄ້ານທີ່​ບໍ່​ຢາກໃຫ້ສະພາຮັບ​ຮູ້ ໃຫ້ມີ​ການແລກປ່ຽນ​ການ​ຄ້າ​ກັບ ສປປ ລາວ ​ແລະ​ຫົນທາງ
​ອັນ​ຍາວ​ນານກ່ຽວ​ກັບ​ເລື້ອງ​ນີ້ ທ່ານເສລີ ກ່າວ​ຕໍ່ ວີ​ໂອ​ເອ ​ໃນ​ຕອນ​ນີ້​ວ່າ :

ທ່ານ​ເສລີ ໄດ້ອາສາ​ສະມັກ ​ເພື່ອ​ປະຊາ​ຄົມ ທຽວ​ໄປມາ​ລະຫວ່າງ ​ສະຫະລັດ ​ກັບ ປະ​ເທດ​
ລາວ ປະສານ​ງານ​ກັບ ບັນດາ​ເຈົ້າ​ໜ້າ​ທີ່​ກ່ຽວ​ຂ້ອງ​ທຸກ​ລະດັບ ​ແລະໃນ​ທີ່​ສຸດ​ກໍ​ໄດ້​ນຳ​ມາ​ຊຶ່ງ​
ຜົນສຳ​ເລັດ. ທ່ານ​ເສລີ ​ໄດ້ຖືກ​ຍົກ​ຍ້ອງ​ເປັນ​ຢ່າງ​ດີ ພ້ອມ​ທັງ​ໄດ້​ຮັບ ຫລຽນ​ກາ​ຄຳ​ຊອບ ຈາກ ລັດຖບານ ສປປ ລາວ ຈາກ​ຜົນ​ງານ​ ທີ່ທ່ານ​ໄດ້ວາງ​ບົດບາ​ດ​ເອົາ​ໄວ້. ທ່ານ​ໄດ້​ເລົ່າ​
ເຖິງ​ຄວາມຮູ້ສຶກ​ ​ແລະ​ປະສົບການ​ຂອງການ​ໄດ້​ມາ​ ຊຶ່ງ​ການ​ແລກປ່ຽນ​ການ​ຄ້າ​ ລະຫວ່າງ
​ລາວ ​ກັບສະຫະລັດ ​ໃນ​ລະຍະ 13 ປີທີ່​ຜ່ານ​ມາວ່າ :

ເຖິງ​ແມ່ນ​ວ່າ ການ​ເປີດ​ຄືນແລກ​ປ່ຽນ​ການ​ຄ້າ ລະ​ຫວ່າງ ສປປ ລາວ ​ກັບ ສະຫະລັດ ໄດ້​
ບັນລຸ​ຜ່ານ​ພົ້ນ​ໄປ​ແລ້ວ​ກໍ​ຕາມ ແຕ່ມາບັດ​ນີ້ ທ່ານ​ເສລີ ​ກໍໄດ້ສັງ​ເກດ​ເຫັນ​ບັນຫາ​ຊຳເຮື້ອ
ນອງ​ນັນ ກ່ຽວກັບການ​ຕັດ​ປ່າ​ໄມ້​ດົງ​ດິບຢູ່ໃນ​ເມືອງ​ລາວ ຢ່າງ​ບໍ່ລົດ​ລະ ຊຶ່ງ ທ່ານ​ເສລີ​ໄດ້​
ກ່າວສະຫລຸບ​ມ້ວນທ້າ​ຍ​ດັ່ງ​ນີ້​ :

ນັ້ນ​ແມ່ນ​ການ​ສຳພາດກັບ ທ່ານ​ເສລີ ​ເທບ​ທະ​ພອນ ນັກ​ເຄື່ອນ​ໄຫວ ທີ່​ຫ້າວຫັນ ເພື່ອ ປະຊາຄົມ ໃນ ສປປ ລາວ ແລະ ສະຫະລັດ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG