ລິ້ງ ສຳຫລັບເຂົ້າຫາ

ປະຊາຊົນລາວ ໄດ້ຮັບຜົນກະທົບ ຈາກລາຄານໍ້າມັນ ທີ່ແພງຂຶ້ນ

  • ຊົງຣິດ ໂພນເງິນ

ການສັນຈອນທີ່ແອອັດທີ່ນະຄອນວຽງຈັນ ໃນໂມງເຂົ້າການແລະເລີກການ

ຜູ້ບໍລິຫານນໍ້າມັນ​ເຊື້ອ​ໄຟລາວຢືນຢັນວ່າ ປະຊາຊົນລາວຈະໄດ້ຮັບຜົນກະທົບຈາກລາ ຄານໍ້າມັນ ທີ່ແພງຂຶ້ນຫລາຍແລະສະພາບດັ່ງກ່າວຍັງໄດ້ສົ່ງຜົນກະທົບຕໍ່ເສດຖະກິດ ລາວໂດຍລວມ.

ທ່ານໄພບູນ ພົມມະພິທັກ ຮອງຜູ້ອໍານວຍການຝ່າຍທຸລະກິດ ລັດວິສະຫະກິດນໍ້າມັນ
ເຊື້ອໄຟລາວຍອມຮັບວ່າ ການແຂ່ງຂັນໃນທຸລະກິດການຄ້ານໍ້າມັນເຊື້ອ​ໄຟລາວ ໄດ້ປະ
ເຊີນກັບບັນຫາຫຍຸ້ງຍາກຫລາຍຂຶ້ນນັບມື້ ໂດຍສະເພາະແມ່ນ ນັບແຕ່ທ້າຍປີ 2011
ເປັນຕົ້ນມາ ຊຶ່ງປະກົດວ່າ ມີຜູ້ປະກອບການຄ້ານໍ້າມັນ​ຈໍານວນນຶ່ງ ທີ່ໄດ້ພາກັນສວຍ
ໂອກາດສ້າງຜົນປະໂຫຍດ ໃຫ້ແກ່ພວກຕົນຈາກສະພາບການນໍ້າມັນແພງດ້ວຍການ
ບໍ່ປະຕິບັດຕາມລະບຽບກົດໝາຍ ທີ່ລັດຖະບານລາວກໍານົດ ເຊ່ນການເຮັດໃຫ້ນໍ້າມັນ
ຂາດຕະຫລາດດ້ວຍການຈໍາໜ່າຍນໍ້າມັນໃຫ້ສະເພາະຜູ້ຄ້າຍ່ອຍ ຊຶ່ງເປັນການບີບບັງ
ຄັບໃຫ້ປະຊາຊົນຕ້ອງ​ຊື້ນໍ້າມັນໃນລາຄາແພງກວ່າປົກກະຕິ ຈາກບັນດາຜູ້ຄ້ານໍ້າມັນ
ລາຍຍ່ອຍເທົ່ານັ້ນ.

ເຖິງແມ່ນວ່າ ບັນຫາດັ່ງກ່າວ ຈະໄດ້ກັບຄືນສູ່ສະພາບປົກກະຕິແລ້ວກໍຕາມໃນເວລານີ້
ກໍຄືການສະໜອງນໍ້າມັນ ສາມາດປະຕິບັດໄດ້ຢ່າງພຽງພໍກັບຄວາມຕ້ອງການຂອງປະ
ຊາຊົນລາວ ຫາກແຕ່ວ່າ ບັນຫາທີ່ປະຊາຊົນລາວ ຍັງຕ້ອງປະເຊີນຢູ່ຕໍ່ໄປກໍຄືນໍ້າມັນມີ
ລາຄາສູງຂຶ້ນຢ່າງຕໍ່ເນື່ອງ ຊຶ່ງບໍ່ພຽງແຕ່ຈະໄດ້ສົ່ງຜົນກະທົບຢ່າງໜັກໜ່ວງຕໍ່ຊີວິດການ
ເປັນຢູ່ຂອງປະຊາຊົນ ແລະພະນັກງານຂອງລັດຖະບານຢ່າງກວ້າງຂວາງເທົ່ານັ້ນ ຫາກ
ແຕ່ຍັງຈະສົ່ງຜົນກະທົບຕໍ່ການພັດທະນາປະເທດລາວໂດຍລວມອີກດ້ວຍ ດັ່ງທີ່ທ່ານ
ໄພບູນ ໄດ້ໃຫ້ການເນັ້ນຢໍ້າວ່າ:

ປໍ້ານໍ້າມັນ ປທທ ແຫ່ງນຶ່ງ ໃນນະຄອນຫລວງວຽງຈັນ

ປໍ້ານໍ້າມັນ ປທທ ແຫ່ງນຶ່ງ ໃນນະຄອນຫລວງວຽງຈັນ

“ມາເຖິງປັດຈຸບັນນີ້ ການຈໍາໜ່າຍນໍ້າມັນຮັບ
ໃຊ້ສັງຄົມ ກໍໄດ້ເລີ້ມເຂົ້າສູ່ປົກກະຕິເນາະ ແຕ່
ກໍຍັງປະເຊີນກັບບັນຫາລາຄານໍ້າມັນແພງ ໆ
ຂຶ້ນຫລາຍ ຊຶ່ງກໍໄດ້ສ້າງຜົນກະທົບຕໍ່ພະນັກ
ງານ, ຕໍາຫລວດ, ພໍ່ແມ່ປະຊາຊົນ ສັງຄົມ
ໂດຍກົງ ແຕ່ວ່າ ຖ້າເວົ້າໂດຍລວມແລ້ວ ກໍ
ແມ່ນກະທົບຕໍ່ການສ້າງສາພັດທະນາເສດ
ຖະກິດ-ສັງຄົມຂອງປະເທດ.”

ນອກຈາກນັ້ນ ເນື່ອງຈາກວ່າ ລາວຕ້ອງນໍາເຂົ້ານໍ້າມັນຈາກຕ່າງປະເທດທັງ 100% ຂອງ
ຄວາມຕ້ອງການທັງໝົດພາຍໃນປະເທດ ຈຶ່ງເຮັດໃຫ້ລາຄານໍ້າມັນໃນລາວມີການປັບຂຶ້ນ-
ລົງ ຕາມລາຄານໍ້າມັນຂອງຕະຫຼາດໂລກ ຢູ່ຕະຫຼອດເວລາ. ສໍາລັບໃນປີ 2011 ທີ່ຜ່ານມາ
ກໍປະກົດວ່າ ລັດວິສະຫະກິດນໍ້າມັນເຊື້ອໄຟ ໄດ້ມີການປັບລາຄາຈໍາໜ່າຍໄປເຖິງ 17 ຄັ້ງ ແລະສະເພາະໃນໄລຍະບໍ່ເຖິງ 3 ເດືອນຂອງປີ 2012 ນີ້ ກໍໄດ້ມີການປັບຂຶ້ນລາຄາຈໍາ
ໜ່າຍນໍ້າມັນພາຍໃນປະເທດ ໄປແລ້ວອີກ 3 ຄັ້ງ.

ການປະກາດປັບຂຶ້ນລາຄາຈໍາໜ່າຍນໍ້າມັນໃນຄັ້ງຫລ້າສຸດ ເມື່ອອາທິດທີ່ຜ່ານມາ ກໍໄດ້
ເປັນຜົນເຮັດໃຫ້ລາຄາຈໍາໜ່າຍນໍ້າມັນແອັດຊັງທໍາມະດາ ມີລາຄາແພງຂຶ້ນເປັນ 11,000
ກີບ ຕໍ່ລິດ ສ່ວນນໍ້າມັນກາຊວນກໍແພງຂຶ້ນເປັນ 9,910 ກີບ ຕໍ່ລິດ ແລະນໍ້າມັນແອັດຊັງ
ພິເສດນັ້ນ ກໍໄດ້ປັບລາຄາຈໍາໜ່າຍສູງຂຶ້ນເປັນ 12,230 ກີບ ຕໍ່ລິດ ຊຶ່ງຖ້າຫາກທຽບ
ກັບທ້າຍປີກາຍ ກໍຈະເຫັນໄດ້ວ່າ ລາຄາຈໍາໜ່າຍນໍ້າມັນໃນປັດຈຸບັນນີ້ ໄດ້ປັບໂຕສູງຂຶ້ນ
ໂດຍສະເລ່ຍເຖິງ 19% ນັ້ນເອງ.

ຍວດຍານພາຫະນະທີ່ນໍາເຂົ້າມາໃຊ້ຫລວງຫລາຍ ຊຶ່ງເຮັດໃຫ້ຄວາມຕ້ອງການນໍ້າມັນເພີ້ມຂຶ້ນ

ຍວດຍານພາຫະນະທີ່ນໍາເຂົ້າມາໃຊ້ຫລວງຫລາຍ ຊຶ່ງເຮັດໃຫ້ຄວາມຕ້ອງການນໍ້າມັນເພີ້ມຂຶ້ນ

ຫາກແຕ່ວ່າລາຄານໍ້າມັນເຊື້ອໄຟດັ່ງກ່າວນີ້
ກໍເປັນລາຄາຈໍາໜ່າຍສະເພາະຢູ່ໃນເຂດ
ນະຄອນຫຼວງວຽງຈັນເທົ່ານັ້ນ ສ່ວນທີ່ຢູ່
ໃນເຂດແຂວງອື່ນໆນັ້ນ ກໍຈະມີລາຄາຈໍາ
ໜ່າຍທີ່ແພງກວ່າ ໃນເຂດນະຄອນຫຼວງ
ວຽງຈັນອີກ.

ຍິ່ງໄປກວ່ານັ້ນ ການທີ່ຈໍານວນຍານພາ
ຫະນະໃນລາວ ໄດ້ເພີ່ມຂຶ້ນເຖິງສອງເທົ່າ
ໃນໄລຍະ 5 ປີທີ່ຜ່ານມານີ້ ເຊິ່ງກໍຄືໃນຂະ
ນະທີ່ມີຈໍານວນຍານພາຫະນະ 641,080
ຄັນໃນປີ 2007 ນັ້ນ ເພີ້ມຂຶ້ນເປັນຫຼາຍກວ່າ 1.2 ລ້ານຄັນໃນທ້າຍປີ 2011 ແລະເຊື່ອວ່າ ຈໍານວນຍານພາຫະນະໃນລາວຈະເພີ່ມຂຶ້ນເປັນຫຼາຍກວ່າ 2.5ລ້ານຄັນ ພາຍໃນປີ 2015
ດ້ວຍອີກນັ້ນ ກໍນັບວ່າເປັນສາເຫດ ທີ່ສໍາຄັນ ທີ່ເຮັດໃຫ້ລາວຕ້ອງນໍາເຂົ້ານໍ້າມັນເຊື້ອໄຟ ຈາກຕ່າງປະເທດເພີ້ມຂຶ້ນທຸກປີອີກດ້ວຍ.

ທ່ານຄໍາຈັນ ລັດຕະນະວົງ, ປະທານສະມາຄົມນໍ້າມັນ​ເຊື້ອ​ໄຟ​ແລະ​ອາຍ​ແກັສແຫ່ງຊາດລາວ
ໄດ້ໃຫ້ການຢືນຢັນວ່າ ການຊົມໃຊ້ນໍ້າມັນເຊື້ອໄຟຢູ່ໃນລາວ ໄດ້ເພີ່ມຂຶ້ນໃນອັດຕາສະເລ່ຍເຖິງ
10% ຕໍ່ປີ ຊຶ່ງກໍໄດ້ສົ່ງຜົນເຮັດໃຫ້ລາວຕ້ອງນໍາເຂົ້ານໍ້າມັນເຊື້ອໄຟຈາກຕ່າງປະເທດ ເພີ່ມຂຶ້ນ
ທຸກປີອີກດ້ວຍເຊັ່ນກັນ ກໍຄືເກືອບ 800 ລ້ານລິດໃນປີ 2011 ແລະຄາດວ່າຈະເພີ້ມຂຶ້ນເປັນ
ຫລາຍກວ່າ 870 ລ້ານລິດ ໃນປີ 2012 ນີ້.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG