ລັດຖະມົນຕີປ້ອງກັນປະເທດຂອງອິຣ່ານ ທ່ານ Hossein
Dehqan ໄດ້ກ່າວໃນວັນຈັນວານນີ້ວ່າ ການລົງໂທດຄັ້ງໃໝ່
ຂອງສະຫະລັດ ທີ່ແນເປົ້າໝາຍໃສ່ໂຄງການລູກສອນໄຟຂີປະນາ
ວຸດຂອງຕົນນັ້ນ ຈະບໍ່ມີຜົນກະທົບຕໍ່ການພັດທະນາລູກສອນໄຟ
ຂອງຕົນແຕ່ຢ່າງໃດເລີຍ.
ສະຫະລັດໄດ້ທຳການລົງໂທດຮອບໃໝ່ ໃນວັນອາທິດຜ່ານມານີ້
ຕໍ່ຊາວອິຣ່ານ 5 ຕົນ ແລະ ເຄື່ອຂ່າຍຂອງບັນດາບໍລິສັດ ທີ່ເຊື່ອມ
ໂຍງກັບກິດຈະການລູກສອນໄຟທີ່ມີການເກືອດຫ້າມ ອັນເປັນ
ການເຄື່ອນໄຫວທີ່ມີຂຶ້ນ ລຸນຫຼັງການຍົກເລີກການລົງໂທດທາງ
ດ້ານເສດຖະກິດທີ່ພົວພັນກັບໂຄງການອາວຸດນິວເຄລຍຂອງອິຣ່ານ.
ທ່ານ Dehqan ໄດ້ກ່າວວ່າ ການລົງໂທດຕໍ່ການໂຄງການລູກສອນໄຟຂີປະນາວຸດ ໄດ້ສະແດງໃຫ້ເຫັນວ່າ ສະຫະລັດແມ່ນເປັນ “ປໍລະປັກ” ຕໍ່ອິຣ່ານ ແລະທ່ານໄດ້ປະຕິຍານຕົນວ່າ
ຈະເປີດເຜີຍກ່ຽວກັບການພັດທະນາລູກສອນໄຟໃນໄວໆນີ້.
ໂຄສົກຂອງກະຊວງການຕ່າງປະເທດຂອງອິຣ່ານ ທ່ານ Hossein Jaber Ansari ໄດ້ເອີ້ນ ການລົງໂທດຄັ້ງໃໝ່ ນີ້ວ່າ ບໍ່ຖືກຕ້ອງຕາມກົດໝາຍ.
ອິຣ່ານ ໄດ້ຖືກປະນາມ ຈາກສະຫະລັດ ແລະບັນດາປະເທດມະຫາອຳນາດຕາເວັນຕົກ ໃນການທົດລອງລູກສອນໄຟຂີປະວຸດສອງຄັ້ງ ໃນທ້າຍປີກາຍນີ້ວ່າລະເມີດຕໍ່ມະຕິຂອງອົງການ ສະຫະປະຊາຊາດ. ອິຣ່ານ ກ່າວປົກປ້ອງການທົດລອງນີ້ວ່າເປັນເລື້ອງຂອງຄວາມປອດໄພ ແຫ່ງຊາດຂອງຕົນ.
ປະທານາທິບໍດີບາຣັກ ໂອບາມາກ່າວວ່າ ລັດຖະບານຂອງທ່ານຈະປະຕິບັດການລົງໂທດ ຢ່່າງເຂັ້ມແຂງ ຕໍ່ໂຄງການລູກສອນໄຟຂີປະນາວຸດຂອງອີຣ່ານ.
