ລິ້ງ ສຳຫລັບເຂົ້າຫາ

ຄວາມຮຸນແຮງ ໃນມາລີ ຍັງດຳເນີນ ຢູ່ຕໍ່ມາ ທັງໆທີ່ຝຣັ່ງ ໄດ້ຊ່ອຍເຫຼືອ (ວີດີໂອ)


ປະທານາທິບໍດີ Francois Hollande ແຫ່ງຝຣັ່ງ ກຳລັງຂີ່ເຮືອ ຊົມທິວທັດທະເລສາບ Abidjan (17 ກໍລະກົດ 2014)

ປະທານາທິບໍດີ Francois Holland ​ແຫ່ງ​ຝຣັ່ງເຕືອນ​ວ່າ ຂົງ
​ເຂດ Sahel ​ໃນອາ​ຟຣິກາ ຍັງ​ເປັນ​ໄພ​ຂົ່ມຂູ່ຕໍ່​ຄວາມ​ໝັ້ນຄົງ.

ການໃຫ້ຄວາມເຫັນຂອງ​ທ່ານ ມີ​ຂື້ນ​ໃນ​ວັນ​ພະຫັດ​ວານ​ນີ້ ທີ່
Ivory Coast ​ໃນ​ຂະນະ​ທີ່ ກຸ່ມອິສລາມຫົວຮຸນແຮງ​ອ້າງ​ເອົາ​
ຄວາ​ມຮັບຜິດຊອບ ໃນການ​ໂຈມຕີ ​ສະລະ​ຊີບທີ່​ໄດ້​ສັງຫານ
ທະຫານ​ຝຣັ່ງ ນຶ່ງ​ຄົນ ​ແລະ​ຄົນ​ອຶ່ນໆໄດ້​ຮັບ​ບາດ​ເຈັບ​ອີກຫົກ ​
ໃນ​ຕົ້ນ​ອາທິດ​ນີ້ ​ທີ່​ພາກ​ເໜືອ​ຂອງ ມາລີ.

ທ້າວ Abu Assem Al-Muhajir ​ໂຄສົກຄົນ​ນຶ່ງ​ຂອງ​ກຸ່ມ
Al-Mourabitoun ກ່າວ​ວ່າ ການ​ໂຈມ​ຕີ​ໄດ້​ມີຂຶ້ນ ເພື່ອເປັນ​
ການ​ຕອບ​ໂຕ້​ຕໍ່​ການ​ກ່າວອ້າງ​ຂອງ​ຝຣັ່ງ ທີ່​ວ່າຕົນໄດ້ທຳລາຍ​ລ້າງພວກ​ນັກ​ລົບ​ອິສລາມນັ້ນ.

ກຸ່ມ Al-Mourabitoun ​ໄດ້​ຕັ້ງ​ຂື້ນ​ມາ​ໃນ​ປີ​ກາຍ​ນີ້ ​ຊຶ່ງເປັນການ​ຮ່ວມ​ເຂົ້າ​ກັນລະຫວ່າງກອງ
ພັນ Mulathameen ​ແລະຂະບວນການ​ເຄຶ່ອນ​ໄຫວ​ເພື່ອ​ເອກ ກະພາບ​ແລະສົງຄາມສັກສິດ ໃນເຂດ​ອາຟຣິກາຕາ​ເວັນ​ຕົກ. ທັງ​ສອງ​ກຸ່ມ​ນີ້ໄດ້​ມີ​ບົດບາດ​ຢູ່​ພາກ​ເໜືອ​ຂອງມາລີ.

ທະຫານ​ຝຣັ່ງ ກຳລັງ​ຈັດ​ຕັ້ງ​ໜ່ວຍ​ສູ້​ລົບໃໝ່ ເພື່ອປາບປາມ​ພວກ​ກໍ່​ການ​ຮ້າຍ​ໃນ ຂົງ​ເຂດ Sahara ​ແລະ Sahel ທາງ​ພາກ​ໃຕ້​ຂອງມາລີ.

​ເຂົາ​ເຈົ້າ​ໄດ້​ຖືກ​ສົ່ງ​ເຂົ້າ​ໄປໃນມາລີ ​ໃນ​ເດືອນ​ມັງ​ກອນຜ່ານມາ ​ເພື່ອ​ຢຶດເອົາ​ຂົງ​ເຂດ​ທະ​ເລ
​ຊາຍຂອງມາ​ຄືນມາ ທີ່ມາລີໄດ້​ສູນເສຍ​ການ​ຄວບ​ຄຸມ​ໃຫ້​ແກ່ພວກ​ຫົວ​ຮຸນ​ແຮງ​ອິສລາມ.

ຝຣັ່ງມີ​ຄວາມ​ເປັນ​ຫ່ວງ​ວ່າ ບັນດາ​ກຸ່ມ​ຕ່າງໆ​ເຫຼົ່ານີ້ອາດ​ຈະ​ໃຊ້ ຂົງ​ເຂດ​ສອກຫລີກໃນຊົນ
ນະບັດ ​ເປັນ​ບ່ອນ​ເຮັດສົງຄາມ​ໂຈມ​ຕີ​ບັນດາ​ປະ​ເທດ​ເພື່ອນ​ບ້ານ.

ປະທານາທິບໍດີຝຣັ່ງ ກຳລັງ​ຢ້ຽມຢາມ​ສາມ​ປະ​ເທດ ໃນອາ​ຟຣິກາ ທີ່​ຮວມ​ທັງ Ivory Coast
Niger ​ແລະ Chad.

XS
SM
MD
LG