ນັກຮຽນຫວຽດນາມຄົນນຶ່ງ ແລະໝູ່ຂອງລາວ ໄດ້ຖືກຕັດສິນຈຳ
ຄຸກ 6 ເດືອນຍ້ອນລົງຂ່າວໃນເຟສບຸກແນະນຳໃຫ້ພວກຄົນຂັບ
ລົດ ຫລົບຫລີກດ່ານກວດຊົ່ວຄາວຂອງຕຳຫຼວດ ທີ່ນະຄອນໄຮ
ຟອງ ໃນພາກເໜືອຂອງຫວຽດນາມ.
ໃນອາທິດນີ້ ສານໄດ້ພົບເຫັນວ່າ ທ້າວ Nguyen Duc Hao
ອາຍຸ 21 ປີແລະທ້າວ Tran Huy Lieu ອາຍຸ 23 ປີ ມີຄວາມ
ຜິດ ໃນຖານອອກຂ່າວທາງອິນເຕີແນັດແບບຜິດກົດໝາຍຫຼັງ
ຈາກບຸກຄົນທັງສອງຖືກເຈົ້າໜ້າທີ່ຈັບມາໄດ້ 4 ເດືອນແລ້ວ.
ທະນາຍຄວາມ ຂອງພວກນັກຮຽນ ທ່ານ Tran Thu Nam
ກ່າວວ່າ ການຕັດສິນລົງໂທດນີ້ ເປັນການເຄື່ອນໄຫວທີ່ສ່ຽງຫລາຍ.
ທ່ານ Nam ກ່າວວ່າ ພວກເຂົາເຈົ້າໄດ້ໃຊ້ເຟສບຸກ ເພື່ອສະແດງອອກຄວາມຄິດຄວາມ
ເຫັນຂອງພວກເຂົາເຈົ້າແລະທ່ານກ່າວຕື່ມວ່າ ການລົງໂທດພວກເຂົາເຈົ້າຍ້ອນລົງຂ່າວ
ທາງເຟສບຸກນີ້ແມ່ນເປັນການຕັດສິນທີ່ເປັນອັນຕະລາຍເພື່ອເປັນຕົວຢາງແລະອາດລະ
ເມີດຕໍ່ສິດເສລີພາບໃນການປາກເວົ້າກໍເປັນໄດ້.
ໃນຂະນະທີ່ພວກນັກຮຽນ ຖືກກ່າວຫາວ່າ ເຜີຍແຜ່ຂ່າວທີ່ມີເນື້ອໄນໃສ່ຮ້າຍປ້າຍສີແລະ
ສ້າງພາບພົດທີ່ບໍ່ດີ ໃຫ້ແກ່ຕຳຫຼວດ. ແຕ່ປະຊາຊົນຈຳນວນນຶ່ງໃນນະຄອນໄຮຟອງກ່າວ
ວ່າ ເຟສບຸກໄດ້ເປີດເຜີຍການກະທຳຜິດຂອງພວກເຈົ້າໜ້າທີ່ ແລະຊ່ອຍປະຊາຊົນຫລີກເວັ້ນຈາກຕຳຫຼວດຈາລະຈອນທີ່ມັກຫຼົບລີ້ຢູ່ໃນບ່ອນທີ່ບໍ່ຄາດຄິດກັນເພື່ອຈັບກຸມແລະປັບ
ໃໝພວກທີ່ລະເມີດ.
ອີງຕາມສະຖິຕິຂອງເຈົ້າໜ້າທີ່ແລ້ວ ມີຜູ້ໃຊ້ເຟສບຸກຫລາຍກວ່າ 30 ລ້ານຄົນຢູ່ໃນຫວຽດ
ນາມ ແລະນັກຊ່ຽວຊານດ້ານສື່ມວນຊົນ ທ່ານ Huynh Ngoc Chenh ອະດີດບັນນາທິ
ການບໍລິຫານຂອງໜັງສືພິມລາຍວັນ Thanh Nien ກ່າວວ່າ ຕາໜ່າງສື່ສັງຄົມໄດ້ມີຜົນ
ຢ່າງໃຫຍ່ຫຼວງຕໍ່ປະເທດຕ່າງໆໃນເຂດເອເຊຍຕາເວັນອອກສຽງໃຕ້ບ່ອນທີ່ອົງການຂ່າວ
ຕ່າງໆຢູ່ພາຍໃຕ້ການຄວບຄຸມຂອງລັດຖະບານນັ້ນ.
