ລິ້ງ ສຳຫລັບເຂົ້າຫາ

ຫວຽດນາມ ຮຽກຮ້ອງໃຫ້ ສະຫະລັດ ​ຍົກ​ເລີກ​ ການ​​ຫ້າມ​ຂາຍ​ອາວຸດ ​


ເຈົ້າໜ້າທີ່ຫວຽດນາມ ລາດຕະເວນໃນຝັ່ງທະເລຈີນໃຕ້, 14 ພຶດສະພາ, 2014.

ເຈົ້າໜ້າທີ່ຫວຽດນາມ ລາດຕະເວນໃນຝັ່ງທະເລຈີນໃຕ້, 14 ພຶດສະພາ, 2014.

ເອກ​ອັກຄະ​ລັດຖະທູດ​ຫວຽດນາມ ປະຈຳ​ສະຫະລັດ ​ໄດ້​ຮຽກຮ້ອງ​ໃຫ້​ປະທານາທິບໍດີ ສະຫະ ລັດທ່ານ​ບາຣັກ ​ໂອ​ບາ​ມາ ​ໃຫ້​ຍົກ​ເລີກ​ການຫ້າມ​ຂາຍ​ອາວຸດ​ຮ້າຍ​ແຮງ ຕໍ່ຫວຽດ ນາມ ​ທີ່​ຕັ້ງຢູ່​ໃນ​ເຂດ​ເອ​ເຊຍ​ອາຄະ​ເນ​ນັ້ນ.

​ໃນ​ການ​ຖະ​ແຫຼງທີ່​ກອງ​ປະຊຸມ​ສຸດ​ຍອດ​ກ່ຽວ​ກັບ​ສົງຄາມ​ຫວຽດນາມທີ່ນະຄອນ Austin ລັດ Texas ຫວ່າງ​ມໍ່ໆ​ມາ​ນີ້ ເອກ​ອັກຄະ​ລັດຖະທູດ​ຫວຽດນາມ ທ່ານ Pham Quang Vinh ​ໄດ້​ກ່າວ​ວ່າ ​ແຜນການ​ຢ້ຽມຢາມ​ຫວຽດນາມ​ຂອງ​ປະທານາທິບໍດີ​ໂອ​ບາ​ມາ​ໃນ​ເດືອນ​ນີ້ ມີ​ແຕ່ໄດ້​ເນັ້ນຢ້ຳ​ໃຫ້​ເຫັນ​ຄວາມ​ເຂັ້ມ​ແຂງຂອງສາຍ​ພົວພັນ​ລະຫວ່າງ ​ສະຫະລັດ ​ແລະ​ຫວຽດນາມ ​ແລະ​ວ່າ ການຍົກ​ເລີກການ​ເກືອດ​ຫ້າມ​ທັງ​ໝົດ ​ຄວນຈະ​ສະທ້ອນ​ໃຫ້​ເຫັນ ​ເຖິງ​ລະດັບຂອງ ​ຄວາມໄວ້​ເນື້ອ​ເຊື່ອ​ໃຈ​ດັ່ງກ່າວ.

ທ່ານ Vinh ກ່າວ​ວ່າ “ທຸກ​ມື້​ນີ້ ​ຫວຽດນາມ​ແລະສະຫະລັດ ມີ​ພື້ນຖານທີ່​ໝັ້ນຄົງ​ໃນການ​ເປັນ​ພາຄີອັນ​ເຂັ້ມ​ແຂງ​ຊຶ່ງ​ກັນ​ແລະ​ກັນ. ຫວຽດນາມ ຂໍຮຽກຮ້ອງ​ໃຫ້​ສະຫະລັດ ຍົກ​ເລີກ​ການ ​ຫ້າມ​ຂາຍ​ອາ​ວຸດ​ທັງ​ໝົດ ​ເພາະ​ຫວຽດນາມ ​ເຊື່ອ​ວ່າ ສິ່ງ​ກີດຂວາງໃນ​ອະດີດ ທີ່ວ່າ​ນີ້ ຄວນ​ ​ຈະ​ຖືກ​ຍົກເລີກ ​ເພື່ອ​ສະທ້ອນ​ໃຫ້​ເຫັນ​ເຖິງ​ການມີສາຍ​ພົວພັນ​ແບບ​ປົກກະຕິ ທີ່ໄດ້​ເລີ້ມ​ຂຶ້ນເມື່ອສອງ​ທົດ​ສະ​ວັດຜ່ານ​ມາ​ນັ້ນ ​ແລະລະດັບ​ສາຍ​ພົວພັນຂອງ​ການ​ເປັນ​ພາຄີ​ຢ່າງ​ເຕັມທີ່​ໃນ​ປັດຈຸບັນ.”

ທ່ານ Pham Quang Vinh, ເອກອັກຄະລັດຖະທູດຫວຽດນາມປະຈຳສະຫະລັດ ພົບກັບທ່ານນາງ Luci Baines Johnson, ລູກສາວອະດີດປະທານາທິບໍດີສະຫະລັດ ທ່ານ Lyndon B. Johnson, ໃນ ກອງປະຊຸມ ສົງຄາມຫວຽດນາມ ໃນຫໍສະມຸດ LBJ ໃນ Austin, ລັດ Texas, 28 ເມສາ, 2016.

ທ່ານ Pham Quang Vinh, ເອກອັກຄະລັດຖະທູດຫວຽດນາມປະຈຳສະຫະລັດ ພົບກັບທ່ານນາງ Luci Baines Johnson, ລູກສາວອະດີດປະທານາທິບໍດີສະຫະລັດ ທ່ານ Lyndon B. Johnson, ໃນ ກອງປະຊຸມ ສົງຄາມຫວຽດນາມ ໃນຫໍສະມຸດ LBJ ໃນ Austin, ລັດ Texas, 28 ເມສາ, 2016.

​ໃນ​ວັນ​ທີ່​ທ່ານ Vinh ​ໄດ້​ກ່າວ​ຖະ​ແຫຼ​ງນັ້ນ ທ່ານ Ash Carter ລັດຖະມົນຕີ​ກະຊວງ​ປ້ອງ​ກັນ​ປະ​ເທດ​ສະຫະລັດ ​ໄດ້​ກ່າວ​ຕໍ່ ກອງ​ປະຊຸມ​ຄະນະ​ກຳມະການກອງທັບ​ຂອງ​ສະພາສະຫະລັດ ວ່າທ່ານ​ຈະ​ສະໜັບ​ສະນຸນ​ໃນ​ການ​ຍົກ​ເລີກ​ຂໍ້​ຈຳກັດການ​ຂາຍ​ອາວຸດ​ໃຫ້​ຫວຽດນາມ.

ສະຫະລັດ ​ແມ່ນ​ໄດ້​ຍົກ​ເລີກ​ບາງສ່ວນ​ຂອງ​ຂໍ້​ຫ້າມ​ທີ່​ມີ​ມາ​ເປັນ​ເວລາ​ 3 ທົດ​ສະວັດ ​ໃນ​ການ ຫ້າມ​ຂາຍອາ​ວຸດ​ໃຫ້​ຫວຽດນາມ ໃນເດືອນ​ຕຸລາ ປີ 2014 ບໍ່​ດົນ ຫຼັງ​ຈາກລັດຖະມົນຕີ​ການ​ຕ່າງປະ​ເທດ​ຫວຽດນາມ ທ່ານ Pham Binh Minh ຜູ້​ຊຶ່ງ​ກຳ​ຕຳ​ແໜ່​ງຮອງ​ນາຍົກລັດຖະ ມົນຕີ ຢູ່​ໃນ​ຂະນະ​ນັ້ນ ​ໄດ້ພົບ​ປະ​ກັບລັດຖະມົນຕີ​ການ​ຕ່າງປະ​ເທດ​ສະຫະລັດ ທ່ານ John Kerry ​ໃນ​ນະຄອນຫຼວງ​ວໍ​ຊິງ​ຕັນ. ການ​ປ່ຽນ​ແປງ​ນະ​ໂຍບາຍ​ທີ່​ວ່າ​ນີ້ ​ໄດ້ພາ​ໃຫ້​ມີ​ການ​ຕຳ​ໜິ ຕິຕຽນ ຈາກ​ກຸ່ມ​ປົດ​ປ້ອງ​ສິດທິ​ມະນຸດຕ່າງໆ ຮວມທັງ​ກຸ່ມ​ປົກ​ປ້ອງ​ສິດທິ​ມະນຸດ Human Right Watch ​ທີ່​ມີ​ສຳນັກງານ​ທີ່​ນະຄອນ​ນິວຢ້ອກ ທີ່​ໄດ້​ທຳການ​ປະ​ທ້ວງມາ​ເປັນ​ເວລາ​ດົນ ນານ​ແລ້ວ​ໃນ​ການ​ປະຕິບັດ​ຂອງ​ຮາ​ໂນ້ຍ ຕໍ່​ກຸ່ມ​ຝ່າຍ​ຄ້າ​ນ​ ​ພວກ​ຊົນ​ກຸ່ມ​ນ້ອຍ ​ແລະຜູ້ນຳ​ທາງ​ສະສະ​ໜາ.

ກະລຸນາອ່ານຂ່າວນີ້ເພີ້ມຕື່ມເປັນພາສາອັງກິດ

ສະແດງຄວາມເຫັນໃຫ້ເບິ່ງ

XS
SM
MD
LG