ລິ້ງ ສຳຫລັບເຂົ້າຫາ

ຫວຽດນາມ ຍັງຮັກສາໄວ້ ຜູ້ນຳຄົນເດີມ ແລະເລືອກເອົາ ແມ່ຍິງຄົນທຳອິດ ເປັນປະທານ ສະພາແຫ່ງຊາດ


​ເລຂາທິການ​ໃຫຍ່ ພັກຄອມມູນິສ ຫວຽດນາມ ຜູ້ທີ່ໄດ້ຖືກຄັດເລືອກໃໝ່ໆ ທ່ານ Nguyen Phu Trong (ກາງ) ກ່າວຖະແຫລງ ໃນພິທີປິດກອງປະຊຸມໃຫຍ່ ທຸກຫ້າປີ ຂອງພັກ ຢູ່ໃນນະຄອນຫຼວງ Hanoi ຂອງຫວຽດນາມ, ວັນທີ 28 ມັງກອນ 2016.

​ເລຂາທິການ​ໃຫຍ່ ພັກຄອມມູນິສ ຫວຽດນາມ ຜູ້ທີ່ໄດ້ຖືກຄັດເລືອກໃໝ່ໆ ທ່ານ Nguyen Phu Trong (ກາງ) ກ່າວຖະແຫລງ ໃນພິທີປິດກອງປະຊຸມໃຫຍ່ ທຸກຫ້າປີ ຂອງພັກ ຢູ່ໃນນະຄອນຫຼວງ Hanoi ຂອງຫວຽດນາມ, ວັນທີ 28 ມັງກອນ 2016.

ພວກ​ທີ່​ຫວັງ​ວ່າຈະ​ໄດ້​ເຫັນ​ການ​ປະ​ເຊີນ​ໜ້າ​ທາງ​ການ​ເມືອງ ຢູ່
​ໃນ​ຫວຽດນາມ​ແມ່ນ​ຮູ້ສຶກ​ຜິດ​ຫວັງ ​ໃນ​ຂະນະ​ທີ່​ພັກ​ຄອມ​ມູນິສ​
ໄດ້ນຳ​ສະ​ເໜີຄະນະ​ນຳພາສີ່​ຄົນ​ທີ່​ໄດ້​ມີ ການ​ຄັດ​ເລືອກ​ໄວ້​ລ່ວງ
​ໜ້າ​ແລ້ວ​ໃນ​ວັນພະຫັດ​ວານ​ນີ້ ຮວມ​ທັງ​ເລຂາທິການ​ໃຫຍ່
Nguyen Phu Trong ທີ່​ສະ​ໄໝ​ການ​ດຳລົງ​ຕຳ​ແໜ່​ງຂອງ​ທ່ານ
​ໄດ້​ຖືກ​ຕໍ່​ອອກ ​ໄປ​ອີກ ​ແລະ​ແມ່ຍິງ​ຄົນ​ທຳ​ອິດ ​ໄດ້​ຖືກ​ເລືອກ​ໃຫ້
​ເຂົ້າກຳຕຳແໜ່ງນຶ່​ງ​ ໃນ​ສີ່​ຕຳ​ແໜ່​ງສູງ​ສຸດ ຂອງ​ປະ​ເທດ.

ຜົນ​ກອງ​ປະຊຸມ​ໃຫຍ່​ຂອງ​ພັກ ​ໄດ້​ເຮັດ​ໃຫ້ການ​ຄາດ​ຄະ​ເນ​ທີ່​ມີ
​ມາ​ເປັນ​ເວລາ​ຫຼາຍ ​ເດື​ອນສິ້ນສຸດ​ລົງ ທີ່​ວ່າ​ນາຍົກລັດຖະມົນຕີ
Nguyen Tan Dung ອາດ​ຈະ​ພາ ​ໃຫ້​ມີ​ການ​ປ່ຽນ​ແປງ​ຢ່າງ​
ໃຫຍ່​ຫລວງ ​ແລະ​ເຂົ້າກຳ​ຕຳ​ແໜ່​ງ ​ແທນ​ທ່ານ Trong. ​ແຕ່​ພັກຊຶ່ງ​ຫຼິງເຫັນຄວາມ​ສົມ​ດູ​ນ
ພາຍ​ໃນ ​ໄດ້​ເລືອກ​ເອົາ​ເລຂາທິການ​ໃຫຍ່ ທີ່​ມີ​ທ່າ​ທີ​ຂ້ອນ​ຂ້າງ​ນິຍົມ​ແນວທາງ​ເດີມ ​ເຂົ້າ
ຮັບ​ຕຳ​ແໜ່​ງຕື່ມ​ອີກ.​ ນອກ​ນັ້ນ​ແລ້ວ​ພັກ​ຍັງ ​ໄດ້​ພະນັນ​ຢ່າງ​ປອດ​ໄພ ເລືອກ​ເອົາ​ຮອງ​
ນາຍົກລັດຖະມົນຕີ Nguyen Xuan Phuc ຂຶ້ນມາ​ກຳ​ຕຳ​ແໜ່​ງ ​ເປັນ​ນາຍົກລັດຖະມົນຕີ
ລັດຖະມົນຕີ​ຮັກສາ​ຄວາມ​ສະຫງົບ​ພາຍ​ໃນ ທ່ານ Tan Dai Quang ຂຶ້ນມາ​ກຳ​ຕຳ​ແໜ່​ງ
ປະທານ​ປະ​ເທດ ​ແລະ​ຮອງ​ປະທານ​ສະພາ ທ່ານ​ນາງ Nguyen Thi Kim Ngan ຂຶ້ນມາ​
ເປັນປະທານ​ສະພາ​ແຫ່ງ​ຊາດ.

​ເລຂາທິການ​ໃຫຍ່ ພັກຄອມມູນິສ ຜູ້ທີ່ໄດ້ຖືກຄັດເລືອກໃໝ່ໆ ທ່ານ Nguyen Phu Trong (ກາງແຖວໜ້າ) ອ້ອມຂ້າງໂດຍບັນດາສະມາຊິກພັກລວມມີ ທ່ານ Tran Dai Quang (ຜູ້ທີສອງຈາກຊ້າຍ) ທ່ານ Nguyen Xuan Phuc (ຜູ້ທີສອງຈາກຂວາ) ແລະ ທ່ານນາງ Nguyen Thi Kim Ngan (ຂວາສຸດ) ຢູ່ທີ່ພິທີປິດກອງປະຊຸມ ໃນນະຄອນ Hanoi, ວັນທີ 28 ມັງກອນ 2016.

​ເລຂາທິການ​ໃຫຍ່ ພັກຄອມມູນິສ ຜູ້ທີ່ໄດ້ຖືກຄັດເລືອກໃໝ່ໆ ທ່ານ Nguyen Phu Trong (ກາງແຖວໜ້າ) ອ້ອມຂ້າງໂດຍບັນດາສະມາຊິກພັກລວມມີ ທ່ານ Tran Dai Quang (ຜູ້ທີສອງຈາກຊ້າຍ) ທ່ານ Nguyen Xuan Phuc (ຜູ້ທີສອງຈາກຂວາ) ແລະ ທ່ານນາງ Nguyen Thi Kim Ngan (ຂວາສຸດ) ຢູ່ທີ່ພິທີປິດກອງປະຊຸມ ໃນນະຄອນ Hanoi, ວັນທີ 28 ມັງກອນ 2016.

ທ່ານ Tuong Vu ອາຈານ​ສອນ​ລັດຖະສາດ​ການ​ເມືອງ​ທີ່​ມະຫາວິທະຍາ​ໄລ Oregon
ກ່າວ​ວ່າ ທີ່​ຈິງ​ແລ້ວ​ບໍ່​ແມ່ນ​ພວກ​ທີ່​ໜ້າ​ໃໝ່​ເລີຍ ​ເປັນ​ພວກ​ທີ່​ມີ​ລັກສະ ນະ​ທ່າ​ທາງ​ໜັກ​
ແໜ້ນ​ ຫລື​ສ່ວນ​ບຸກຄົນ​ທີ່​ມີ​ພອນ​ສະຫວັນ.​ ບາງທີ​ ທ່ານ​ນາງ Ngan ​ເປັນບຸກຄົນ​ທີ່ບໍ່
​ຄ່ອຍ​ກວ້າງຂວາງ. ​ແຕ່​ຕຳແໜ່​ງຂອງ​ທ່ານ​ນາງ​ແມ່ນຍັງ ຕ່ຳ​ຢູ່​ໃນ​ສີ່​ຕຳ​ແໜ່​ງດັ່ງກ່າວ.
ບາງທີ​ອາດ​ຈະ​ແມ່ນ​ແຕ່​ດຽວນີ້ຫາກ​ອງປະຊຸມ​ໃຫຍ່ ຂອງພັກ​ເທື່ອ​ໜ້າ ທ່ານ​ນາງ​ອາດ
​ຈະ​ມີ​ອຳນາດ​ເພີ້ມຂຶ້ນ ມີ​ໃຜ​ຮູ້​ລະ.

ທ່ານ​ນາງ Ngan ​ໄດ້​ກາຍ​ເປັນ​ແມ່ຍິງ​ຜູ້​ທຳ​ອິດ ​ທີ່​ໄດ້​ຖືກ​ເລື່ອນ​ຊັ້ນ ຂຶ້ນກຳ​ຕຳ​ແໜ່​ງຂັ້ນ
ສູງ ​ຂອງ​ພັກ ​ແຕ່​ທ່ານ Vu ກ່າວ​ວ່າ ມັນ​ເປັນຄວາມ​ກ້ຳ​ເກິ່ງ ​ໃນ​ດ້ານ​ພູມ​ສາດ​ແທນ​ທີ່​ຈະ​
ແມ່ນ​ໃນ​ດ້ານ​ເພດ​ ທີ່​ອ​າດສາມາດ​ໃຫ້ການ​ອະທິບາຍ​ກ່ຽວ​ກັບ ການ​ຂຶ້ນຊັ້ນຂອງ​ທ່ານ​ນາງ.​
ທ່ານ​ນາງ​ມາ​ຈາກ​ພາກ​ໃຕ້​ຫວຽດນາມ ທ່ານ Phuc ມາ​ຈາກ​ພາກ​ກາງ ທ່ານ Quang ​ແລະ​
ທ່ານ Trong ມາ​ຈາກ​ພາກ​ເໜືອ.

ຮອງປະທານປະເທດ ຫວຽດນາມ ທ່ານ Truong Tan Sang, ດ້ານຊ້າຍຂອງແຖວໜ້າ, ນາຍົກລັດຖະມົນຕີ ທ່ານ Nguyen Tan Dung, ແຖວໜ້າທີ່ 3 ຈາກຊ້າຍ, ແລະ ເລຂາ ທິການໃຫຍ່ພັກຄອມມູນິສທ່ານ Nguyen Phu Trong, ແຖວໜ້າທີ 3 ຈາກຂວາ, ຢືນຖ່າຍຮູບກຸ່ມກັບບັນດານາຍພົນທະຫານ ຫຼັງຈາກການເລືອກຕັ້ງສຳລັບ ຄະນະກຳມະການ ສູນກາງພັກຄົນໃໝ່ ໃນນະຄອນຫຼວງ ຮ່າໂນຍ, ຫວຽດນາມ. 26 ມັງກອນ, 2016.

ຮອງປະທານປະເທດ ຫວຽດນາມ ທ່ານ Truong Tan Sang, ດ້ານຊ້າຍຂອງແຖວໜ້າ, ນາຍົກລັດຖະມົນຕີ ທ່ານ Nguyen Tan Dung, ແຖວໜ້າທີ່ 3 ຈາກຊ້າຍ, ແລະ ເລຂາ ທິການໃຫຍ່ພັກຄອມມູນິສທ່ານ Nguyen Phu Trong, ແຖວໜ້າທີ 3 ຈາກຂວາ, ຢືນຖ່າຍຮູບກຸ່ມກັບບັນດານາຍພົນທະຫານ ຫຼັງຈາກການເລືອກຕັ້ງສຳລັບ ຄະນະກຳມະການ ສູນກາງພັກຄົນໃໝ່ ໃນນະຄອນຫຼວງ ຮ່າໂນຍ, ຫວຽດນາມ. 26 ມັງກອນ, 2016.

ສະແດງຄວາມເຫັນໃຫ້ເບິ່ງ

XS
SM
MD
LG