ລິ້ງ ສຳຫລັບເຂົ້າຫາ

ຫວຽດນາມ​ຕ້ອງການ ເງິນ 500 ລ້ານ​ໂດ​ລາ ເພື່ອເກັບກູ້ລະເບີດ ທີ່ຍັງບໍ່ທັນແຕກ

  • ທອງປານ ເທບວົງສາ

ນາຍົກລັດຖະມົນຕີຫວຽດນາມ ທ່ານ Nguyen Tan Dung

ນາຍົກລັດຖະມົນຕີຫວຽດນາມ ກ່າວ​ວ່າ ນັບ​ຕັ້ງ​ແຕ່ສົງຄາມ​ຫວຽດນາມ​ໄດ້​ສິ້ນ​ສຸດ​ລົງ​ໃນ​ປີ
1975 ​ເປັນ​ຕົ້ນ​ມາ ​ໄດ້ມີ​ປະຊາຊົນ​ຫລາຍ​ກວ່າ 42,000 ຄົນ​ເສຍ​ຊີວິດ​ແລະ​ອີກຫລາ​ຍກວ່າ
62,000 ບາດ​ເຈັບ ຍ້ອນ​ລະ​ເບີດ ລະ​ເບີດ​ຝັງ​ດິນ​ແລະ​ວັດຖຸ​ລະ​ເບີດ​ອື່ນໆ ທີ່​ຖືກ​ປະ​ຖິ້ມ​ໄວ້​ຢູ່​
ຕາມ​ພື້ນ​ທີ່​ຕ່າງໆ​ໃນ​ປາງ​ສົງຄາມ.

ນາຍົກລັດຖະມົນຕີ ຫງຽນ ຕັນ ຢຸງ ​ໄດ້​ໃຫ້​ສະຖິຕິ​ທີ່​ໜ້າ​ຕົກ​ໃຈ ຂອງ​ມູນ​ເຊື້ອ​ສົງຄາມ​ ​ໃນ
ວັນ​ຈັນ​ມື້​ນີ້ ທີ່​ກອງ​ປະຊຸມ​ນານາ​ຊາດຂອງ​ຜູ້ໃຫ້ຄວາມຊ່ວຍ​ເຫລືອ​ໃນ​ວຽກ​ງານ​ເກັບ​ກູ້ລະ​
ເບີ​ດ ທີ່​ນະຄອນຫລວງ​ຮາ​ໂນ​ຍ.

ຫວຽດນາມ​ກໍາລັງ​ຊອກ​ຫາ​ເງິນ ຈໍ​ານວນ 500 ລ້ານ​ໂດ​ລາ ​ເພື່ອ​ເປັນ​ທຶນ​ໃນ​ການ​ປຸກລະດົມ​
ເກັບ​ກູ້​ລະ​ເບີດ​ທີ່​ຍັງ​ບໍ່​ທັນ​ແຕກ.

ສະຫະລັດ​ໄດ້ໃຊ້​ລະ​ເບີດ ​ແລະ​ກະສຸນ​ປືນ 16 ລ້ານ​ຕັນ​ ໃນ​ປາງ​ສົງຄາມຫວຽດນາມ ​ໃນ​ເວລາ
​ເປັນ​ພັນທະ​ມິດ​ກັບ​ລັດຖະບານຫວຽດນາມ​ໃຕ້ ທີ່ໄດ້ ປາໄຊໃຫ້​ແກ່​ພວກ​ນັກ​ລົບ​ຄອມ​ມີ​ວນີສ
ຫວຽດນາມ​ເໜືອ ທີ່ໄດ້​ທ້ອນ​ໂຮມ​ປະ​ເທດ​ເປັນ​ນຶ່ງ​ດຽວ​ນັ້ນ.

ທ່ານ David Shear ​ເອກ​ອັກຄະ​ລັດຖະທູດ​ສະຫະລັດ ​ໄດ້​ບອກກອງ​ປະຊຸມ​ວ່າວໍ​ຊິງ​ຕັນໄດ້
ໃຫ້​ເງິນ ຈໍ​ານວນ 62 ລ້ານ​ໂດ​ລາ​ໄປ​ແລ້ວ ​ເພື່ອ ຊ່ວຍ​ຫວຽດນາມ​ຮັບ​ມື​ກັບ​ມູນ​ເຊື້ອ​ສົງຄາມ​
ອັນ​ເຈັບ​ປວດ​ນັ້ນ.

ພວກ​ເຈົ້າໜ້າ​ທີ່​ຫວຽດນາມ​ກ່າວ​ວ່າ ຕົນ​ຈະ​ຕ້ອງ​ໃຊ້​ເວລາ​ຫລາຍ​ສິບ​ປີ ​ເພື່ອ​ເກັບ​ກູ້​ລະ​ເບີດ​ທີ່​
ຍັງ​ບໍ່​ທັນ​ແຕກ​ຢູ່ໃນ​ພື້ນ​ທີ່​ຫລາຍ​ຮ້ອຍ​ພັນ​ເຮັກ​ຕ້າ ຫລື​ປະມານ​ນຶ່ງ​ສ່ວນ​ຫ້າ​ຂອງພື້ນ​ທີ່​ທັງ​ໝົດ
ຂອງ​ປະ​ເທດ.

XS
SM
MD
LG