ອົງການຂ່າວເອພີ ແລະເອເອຟພີ ລາຍງານວ່າ ຫວຽດນາມໄດ້ຈໍາຄຸກຊາວມົ້ງ 8 ຄົນທີ່ປະ
ກອບສ່ວນໃນການໂຮມຊຸມນຸມຄັ້ງສໍາຄັນເມື່ອປີຜ່ານມາ ທີ່ທາງການສານໄດ້ອະທິບາຍວ່າ
ເປັນຂະບວນການເຄຶ່ອນໄຫວ ຂອງພວກຊົ່ນເຜົ່າເພື່ອແບ່ງດິນແດນ ອີງຕາມລາຍງານ
ຂ່າວຂອງລັດໃນວັນພຸດມື້ນີ້.
ປະທານສານຕັດສິນຂອງຫວຽດນາມທ່ານ Pham Van Nam ກ່າວວ່າ ພວກຜູ້ຊາຍຈໍາ
ນວນດັ່ງກ່າວຖືກຕັດສິນວ່າ ກະທໍາຜິດຖານໂຈມຕີພວກເຈົ້າໜ້າທີ່ແລະໄດ້ຍຸຍົງພວກອື່ນໆ
ໃຫ້ໂຮມຊຸມນຸມກັນ ເພື່ອຮຽກຮ້ອງໃນການ ສ້າງຕັ້ງລັດເອກກະລາດຂຶ້ນ. ພວກຊາຍຈຸດັ່ງ
ກ່າວນີ້ ຖືກຈັບກຸມເມື່ອຕົ້ນເດືອນມິຖຸນາປີກາຍ ລຸນຫລັງຈາກການໂຮມຊຸມນຸມກັນ ທາງ
ສາສະໜາ ຂອງ 5,000 ຄົນ ໃນແຂວງດຽນບຽນ
ຊາວເຜົ່າມົ້ງບາງຄົນໄດ້ຊ່ວຍກໍາລັງສະຫະລັດຕໍ່ຕ້ານຫວຽດນາມເໜືອ ໃນລະຫວ່າງການ
ເຮັດສົງຄາມລັບທີ່ປະເທດເພື່ອນບ້ານ ຄືລາວນັ້ນ ແລະຖືກລົງໂທດຫລັງຈາກພັກຄອມມີວ
ນີສເຂົ້າກໍາອໍານາດ.
ຈໍາເລີຍທັງແປດຄົນ ທີ່ຂຶ້ນສານເມື່ອວັນອັງຄານວານນີ້ ຢູ່ແຂວງດຽນບຽນ ທາງພາກຕາ
ເວັນຕົກສຽງເໜືອຂອງຫວຽດນາມ ຖືກຂໍ້ຫາທັບມ້າງຄວາມໝັ້ນຄົງຂອງຊາດ ຕາມລາຍ
ງານຂອງໜັງສືພິມ Nhan Dan ຂອງພັກຄອມມີວນີສນັ້ນ.
ຕາມລາຍງານຂ່າວແຈ້ງໃຫ້ຊາບຕື່ມວ່າ ຈໍາເລີຍສອງຄົນ ຖືກຕັດສິນຈໍາຄຸກສອງປີເຄິ່ງ ຂະ
ນະທີ່ອີກຫົກຄົນຈໍາຄຸກສອງປີ ຫລັງຈາກຖືກປ່ອຍຕົວແລ້ວພວກຈໍາເລີຍດັ່ງກ່າວຍັງຈະຖືກ
ກັກບໍລິເວນ ເປັນເວລາອີກສອງປີ.