ບັນດາເຈົ້າໜ້າທີ່ຫວຽດນາມ ກ່າວວ່າ ຍົນເຮລິຄອບເຕີທະຫານ
ລຳນຶ່ງ ທີ່ກຳລັງປະຕິບັດ ການຝຶກຊ້ອມໂດດຈ້ອງ ຢູ່ຕາມປົກກະຕິ
ນັ້ນ ໄດ້ຕົກລົງ ຢູ່ນອກນະຄອນຫລວງຮາໂນ່ຍ ເຮັດໃຫ້ມີຜູ້ເສຍ
ຊີວິດ ຢ່າງນ້ອຍ 16 ຄົນ.
ອີກ 5 ຄົນ ທີ່ຢູ່ໃນຍົນລຳນັ້ນ ໄດ້ຮັບບາດເຈັບ ໃນອຸບັດເຫດເຊົ້າ
ວັນຈັນມື້ນີ້. ມີລາຍງານວ່າ ຜູ້ເຄາະຮ້າຍທັງໝົດ ເປັນພະນັກງານ
ທະຫານ.
ເຈົ້າໜ້າທີ່ກ່າວວ່າ ເຮລິຄອບເຕີ ລຸ້ນ MI-171 ທີ່ສ້າງຢູ່ຣັດເຊຍ
ໄດ້ຕົກລົງ ໃນເວລາປະມານ 15 ນາທີ ຫຼັງຈາກບິນຂຶ້ນໄປ ແລ້ວ
ລະເບີດລຸກເປັນໄຟຂຶ້ນ ຢູ່ທາງທິດຕາເວັນຕົກຂອງຮາໂນ່ຍ.
ສາເຫດຂອງຍົນເຮລິຄອບເຕີຕົກ ກຳລັງຢູ່ໃນການສືບສວນສອບສວນ.
ເຈົ້າໜ້າທີ່ທະຫານ ພົນໂທ Vo Van Tuan ກ່າວວ່າ ປະກົດວ່າເປັນຍ້ອນບັນຫາທາງເທັກນິກ ທີ່ເຮັດໃຫ້ເກີດອຸບັດເຫດ ແລະ ບໍ່ແມ່ນເປັນການກໍ່ວິນາດສະກຳ.
