ລິ້ງ ສຳຫລັບເຂົ້າຫາ

ລັດຖະມົນຕີອັງກິດ ຢ້ຽມຢາມ ຮາໂນ່ຍ

  • ທອງປານ ເທບວົງສາ

ລັດຖະມົນຕີຕ່າງປະເທດອັງກິດ William Hague ພົບປະສົນທະນາກັບ ນາຍົກລັດຖະມົນຕີຫວຽດນາມ Nguyen Tan Dung ໃນລະຫວ່າງການຢ້ຽມຢາມ ເມື່ອວັນທີ 25 ເມສາ 2012 ນີ້.

ທ່ານ William Hague ລັດຖະມົນ​ຕີ​ຕ່າງປະ​ເທດ​ອັງກິດ​ກ່າວ​ວ່າ ທ່ານ ​ໄດ້​ປຶກສາ​ຫາລື​ກັນ​ເລຶ່ອງບັນຫາ​ຂັດ​ແຍ້​ງ ທີ່ມີ​ທ່າ​ທີ​ວ່າ​ຈະ​ຮ້ອນ​ແຮງ​ຂຶ້ນ​ນັບ​ມື້ ກ່ຽວ​ກັບ​ອະທິປະໄຕຢູ່​ໃນ​ເຂດ​ທະ​ເລຈີນ​ໃ​ຕ້​ໃນ​ລະຫວ່າງ​ການ​ຢ້ຽມຢາມ​ຫວຽດນາມ​ທີ່ ​ບໍ່​ຄ່ອຍເກີດ​ຂຶ້ນນັ້ນ.

ທ່ານ Hague ​ໄດ້​ບອກ​ພວກ​ນັກ​ຂ່າວ ​ເມື່ອ​ວັນ​ພຸດ​ມື້​ນີ້​ວ່າ ຂໍ້​ຂັດ​ແຍ້​ງດັ່ງ ກ່າວ​ ທີ່​ເຮັດ​ໃຫ້​ຈີນ​ຖືກ​ຕໍ່ຕ້ານ​ຈາກ​ຫລາຍໆ​ປະ​ເທດ​ເພື່ອນ​ບ້ານຂອງ​ຕົ​ນນັ້ນ ເປັນ​ພຽງ​ນຶ່ງ​ໃນ​ຫລາຍໆ​ບັນຫາ​ສໍາຄັນ​ ໃນ​ການ​ເຈລະຈາ​ຂອງທ່ານກັບ ນາຍົກລັດຖະມົນຕີ​ຫວຽດນາມທ່ານ Nguyen Tan Dung ​ແລະ ທ່ານ Pham Binh Minh ລັດຖະມົນຕີ​ຕ່າງປະ​ເທດ​ຫວຽດນາມ.

ທ່ານ William Hague, ຊ້າຍt, ຈັບມືກັບຄູ່ຕໍາແໜ່ງ ລັດຖະມົນຕີຕ່າງປະເທດຫວຽດນາມ Pham Binh Minh ກ່ອນການເຈລະຈາກັນທີ່ຮາໂນ່ຍ, ວັນພຸດ ທີ 25 ເມສາ 2012. (AP Photo/Mike Ives)

ທ່ານ William Hague, ຊ້າຍt, ຈັບມືກັບຄູ່ຕໍາແໜ່ງ ລັດຖະມົນຕີຕ່າງປະເທດຫວຽດນາມ Pham Binh Minh ກ່ອນການເຈລະຈາກັນທີ່ຮາໂນ່ຍ, ວັນພຸດ ທີ 25 ເມສາ 2012. (AP Photo/Mike Ives)

ນອກ​ນີ້​ແລ້ວ ບັນຫາ​ດ້ານ​ການ​ຄ້າ​ກໍ​ເປັນ​ຫົວ
​ຂໍ້​ລະດັບ​ສູງ ​ໃນ​ລາຍການ​ປະ ຊຸມ​ຂອງ​ທ່ານ
Hague ຊຶ່ງ​ເປັນ​ລັດຖະມົນຕີ​ຕ່າງປະ​ເທດອັງ
ກິດ​ຜູ້​ທໍາ​ອິດ​ ທີ່​ໄດ້​ໄປຢ້ຽມຢາມ​ຫວຽດນາມ
​ໃນ​ໄລຍະ 17 ປີ. ອົງການ​ຂ່າວ DPA ຂອງ
​ເຢຍຣະມັນ ​ໄດ້​ອ້າງ​ເອົາ​ຄໍາ​ເວົ້າຂອງທ່ານ
Anthony Stokes ​ເອກ​ອັກຄະ​ລັດຖະທູດ​
ອັງກິດ​ທີ່​ເວົ້າວ່າ ທ່ານ Hague ມີ​ຄວາມ​ສົນ
​ໃຈ​ໃນ​ການສະ​ແຫວ​ງຫາໂອກາດ​ສໍາລັບການ
ຈັດ​ຊື້ແລະ​ຂາຍ​ອາວຸດ​ຂອງ​ລັດຖະບານ.

ປະລິມານ​ການ​ສົ່ງ​ອອກ​ຂອງ​ອັງກິດ​ໄປ​ຍັງ​ຫວຽດນາມໄດ້​ຖີບ​ຕົວ​ສູງ​ຂຶ້ນ ​ເປັນ 18 ​ເປີ​ເຊັນ​ເມື່ອ​ປີຜ່ານມາ ​ໃນ​ຂະນະ​ການ​ສົ່ງ​ອອກ​ຂອງ​ຫວຽດນາມ ​ໄປ​ອັງກິດ ​ໄດ້​ເພີ່ມ​ຂື້ນ​ເປັນ 37 ​ເປີ​ເຊັນ.

ລັດຖະມົນຕີຕ່າງປະ​ເທດ Hague ​ຈະ​ເດີນທາງ​ໄປສິງ​ຄະ​ໂປ ໃນ​ວັນ​ພະຫັດມື້ອື່ນ​ ​ເພື່ອກ່າວ​ຄໍາ​ປາ​ໄສ​ດ້ານ​ກິດຈະການ​ລະຫວ່າງ​ຊາດ ​ແລະ​ຕໍ່​ຈາກນັ້ນ​ ກໍ​ຈະ​ເດີນທາງ​ໄປ​ປະ​ເທດ ບຣູ​ໄນ ​ເພື່ອ​ເຂົ້າ​ຮ່ວມ​ກອງ​ປະຊຸມ​ຂອງ​ບັນດາລັດຖະມົນຕີ​ຕ່າງປະ​ເທດ.

XS
SM
MD
LG