ລິ້ງ ສຳຫລັບເຂົ້າຫາ

ສປຊ ສຳຫຼວດຄວາມເຫັນ ຊາວຫວຽດນາມ ກ່ຽວກັບ ການສໍ້ລາດບັງຫຼວງ

  • ໄພສານ ວໍຣະຈັກ

ຕຳຫຼວດປາບຈະລາຈົນ ແລະພວກຊາວບ້ານ ທີ່ບ້ານໆນຶ່ງ ໃນເຂດເມືອງ Van Giang ແຂວງ Hung Yen ໃກ້ໆນະ ຄອນຫຼວງຮາໂນ່ຍ ທີ່ເກີດບັນຫາຂັດແຍ້ງເລື່ອງດິນ (4 ພຶດສະພາ 2012)

ຕຳຫຼວດປາບຈະລາຈົນ ແລະພວກຊາວບ້ານ ທີ່ບ້ານໆນຶ່ງ ໃນເຂດເມືອງ Van Giang ແຂວງ Hung Yen ໃກ້ໆນະ ຄອນຫຼວງຮາໂນ່ຍ ທີ່ເກີດບັນຫາຂັດແຍ້ງເລື່ອງດິນ (4 ພຶດສະພາ 2012)

ຫຼາຍໆຄົນໃນຫວຽດນາມຖືວ່າ ການໃຫ້ເງິນສິນບົນແມ່ນເປັນບັນຫາທີ່ເປັນລະບົບ. ບັນຫາດັ່ງ ກ່າວນີ້ ໄດ້ພາໃຫ້ເກີດມີການປະທ້ວງທີ່ສຳຄັນໆ ກ່ຽວກັບສິດທິໃນການນຳໃຊ້ທີ່ດິນ. ແຕ່ວ່າ ໄດ້ມີການສຳຫຼວດ ທີ່ເຮັດຂຶ້ນມາໃໝ່ອັນນຶ່ງ ໂດຍອົງການສະຫະປະຊາຊາດ ແລະລັດຖະບານ ຫວຽດນາມ ທີ່ແນໃສ່ເພື່ອອຳນວຍໃຫ້ປະຊາຊົນທຳມະດາສາມັນ ມີວິທີໃນການສະແດງຄວາມ ເຫັນກ່ຽວກັບການສໍ້ລາດບັງຫຼວງທີ່ເຂົາເຈົ້າໄດ້ພົບພໍ້ມານັ້ນ ເພື່ອວ່າເຈົ້າໜ້າທີ່ຈະສາມາດດຳ ເນີນການສິ່ງໃດສິ່ງນຶ່ງກ່ຽວກັບເລື່ອງນີ້ໄດ້. Marianne Brown ມີລາຍງານກ່ຽວກັບເລື່ອງນີ້ ຈາກຮາໂນ່ຍ

ການສຳ​ຫຼວດທີ່​ວ່​ານີ້ ​ແມ່ນ​ດຳ​ເນີນ​ການໂດຍ​ອົງການ​ສະຫະ​ປະຊາ​ຊາດ​ເພື່ອ​ການພັດທະນາທີ່
​ເອີ້ນຫຍໍ້​ວ່າ UNDP ​ແລະ​ແນວ​ໂຮມ​ປິຕຸ​ພູມ​ຫວຽດນາມ. ທ່ານ Jairo Acuna-Alfaro ທີ່​ປຶກ
ສາ​ດ້ານ​ນະ​ໂຍບາຍ​ ຂອງ​ UNDP ກ່າວ​ວ່າ ການຄົ້ນຄວ້າ​ທີ່​ວ່າ​ນີ້ມີ​ຂຶ້ນ​ ໃນ​ເວລາ​ທີ່​ເສດຖະກິດ
​ຂອງ​ຫວຽດນາມ​ພວມ​ເຕີບໃຫຍ່​ຂະຫຍາ​ຍ​ໂຕ ໂດຍ​ທີ່​ຜູ້​ຄົນໃນ​ຈຳນວນ​ຫຼາຍຂຶ້ນນັບ​ມື້ ພາກັນ
ຮຽກຮ້ອງ​ຕໍ່ລັດຖະບານ ໃຫ້ສະໜອງການ​ບໍ​ລິການ​ທີ່​ດີ​ຂຶ້ນຕໍ່​ປະຊາຊົນ.

ທ່ານ Acuna-Alfaro ​ເວົ້າວ່າ “ປະຊາຊົນ ໄດ້​ຮັບ​ການ​ສຶກສາ​ດີ​ຂຶ້ນຫຼາຍ​ເທົ່າໃດ ​ເຂົາ​ເຈົ້າ​ກໍ
ແຮ່ງ​ມີ​ສຸຂະພາບ​ດີ​ຂຶ້ນຫຼາຍ​ເທົ່າ​ນັ້ນ ແລະ​ກໍ​ມີ​ຄວາມ​ຄາດ​ຫວັງ​ຫລາຍ​ຂຶ້ນກ່ຽວ​ກັບ​ເລື່ອງ​ຄຸນ
​ນະພາ​ບ ​ເຊັ່ນ​ການ​ສຶກສາ​ທີ່​ດີ​ຂຶ້ນ ການ​ສາ​ທະ​ລະນະ​ສຸກທີ່​ດີ​ຂຶ້ນແລະຄາດ​ຫວັງ​ໃຫ້ເຈົ້າໜ້າ
ທີ່ລັດຖະບານ ມີຄວາມສາມາດເພີ່ມຂຶ້ນ ໃນ​ການເຮັດວຽກດ້ານ​ການປົກຄອງ ​ໃນກຳນົດເວ
ລາທີ່ເໝາະສົມ.”

ຫຼາຍໆຄົນ​ໃນ​ບັນດາຜູ້ທີ່ຢູ່ໃນແຖວໜ້າຂອງການປ່ຽນແປງດັ່ງກ່າວແມ່ນພວກພໍ່ໄຮ່ພໍ່ນາທີ່ສູນ ເສຍດິນດອນຂອງພວກເຂົາເຈົ້າໃຫ້ແກ່ໂຄງການພັດທະນາຕ່າງໆ.

ໃນສັບປະດາແລ້ວນີ້ ພວກພໍ່​ໄຮ່ຊາວນາຈຳນວນ​ຫຼາຍຮ້ອຍ​ຄົນ ໃນແຂວງ Hung Yen ​ໄດ້​ທຳ​
ການ​ປະທ້ວງ​ຕໍ່ຕ້ານ​ແຜນການ​ທີ່​ຈະ​ດຸດ​ແປງ​ດິນ​ເພື່ອ​ສ້າງ​ເມືອງ​ໃໝ່​ດາວ​ທຽມ. ທ່ານນາງ Le
Hien Duc ນັກ​ເຄື່ອນ​ໄຫວ​ຕໍ່ຕ້ານ​ການ​ສໍ້​ລາດ​ບັງ​ຫຼວງ​ຊຶ່ງ​ເຄີຍ​ເປັນ​ອະດີດ​ພະນັກ​ງານ​ຂອງ​ມື້
ລາງທ່ານ​ໂຮ່ຈິ​ມິນ ປະທານຄົນ​ທຳ​ອິດ​ຂອງ​ປ​ະ​ເທດ ກໍ​ໄດ້​ໄປ​ຮ່ວມ​ໃນ​ການ​ໂຮມ​ຊຸມນຸມ​ຄັ້ງນີ້.

ທ່ານນາງ Le Hien Duc ​ເວົ້າວ່ານາງ​ໄດ້​ເຫັນ​ຕຳຫຼວດປະມານ 1,000 ຄົນໃຊ້​ລະ​ເບີດ​ນໍ້າຕາ
ຂັບ​ໄລ່​ ພວກ​ຊາວ​ໄຮ່ຊາວນາ 3,000 ຄົນ. ອີງ​ຕາມລາຍງານ​ຂອງສື່​ມວນ​ຊົນທາງ​ການ​ຫວຽດ
ນາມ​ແລ້ວມີ​ຜູ້​ຖືກ​ຈັບ 20 ຄົນ

​ເຫດ​ຮ້າຍ​ທີ່​ວ່າ​ນີ້ມີ​ຂຶ້ນພຽງ​ບໍ່​ເທົ່າ​ໃດ​ເດືອນ ຫຼັງຈາກ​ພໍ່​ນາ​ຄົນ​ນຶ່ງ​ທີ່​ແຂວງ​ໄຮ​ຟອງ ໄດ້ໃຊ້ປືນ
​ແລະ​ລະ​ເບີດ​ຝັງ​ດິນ ຕໍ່ສູ້ພວກ​ເຈົ້າໜ້າ​ທີ່ໆພະຍາຍາມ​ຂັບ​ໄລ່​ລາວອອກ​ຈາກ​ທີ່​ດິນ​ຂອງ​ລາວ
​ນັ້ນ. ທ່ານ Acuna-Alfaro ກ່າວ​ວ່າບັນຫາ​ຂັດ​ແຍ້​ງ​ເລື່ອງດິນ ​ເປັນ​ບັນຫາ​ທີ່​ມີ​ຄວາມ​ວິຕົກ​
ກັງວົນ​ເປັນ​ພິ​ເສດ.

ທ່ານ Acuna-Alfaro ​ເວົ້າວ່າ “ຂ້າພະ​ເຈົ້າຄິດ​ວ່າ ນີ້​ແມ່ນ​ສິ່ງທີ່​ກຳລັງ​ເກີດ​ຂຶ້ນ ກ່ຽວ​ກັບ
​ເລື່ອງ​ດິນ. ບັນຫາ​ທັງ​ໝົດ​ທີ່​ພວກ​ເຮົາ​ໄດ້ພົບ​ເຫັນ​ໃນ​ໄລຍະ​ສອງ​ສາມ ​ເດືອນ​ທຳ​ອິດ​ຂອງ
​ປີນີ້ ຄືປະຊາຊົນ​ພາກັນ​ເລີ່​ມສະ​ແດງ​ອອກ​ຊຶ່ງ​ຄວາມ​ຄິດຄວາມ​ເ​ຫັນ​ຂອງ​ພວກ​ເຂົາ​ເຈົ້າແລະ
​ຮ້ອງທຸກ​ຕໍ່​ລັດຖະບານ​ວ່າ ບາງທີການຕົກລົງກ່ຽວກັບ​ເລື່ອງ​ດິນ​ທັງ​ໝົດ ​ແມ່ນ​ບໍ່​ເປັນ​ຜົນ​
ດີ​ຕໍ່​ພວກ​ເຂົາ​ເຈົ້າ.”

ບັນຫາ​ການ​ນຳ​ໃຊ້ທີ່ດິນ ​ແມ່ນ​ສ່ວນ​ສຳຄັນ​ອັນ​ນຶ່ງ ຂອງ​ດັດຊະນີ​ຊີ້​ບອກປະສິດທິພາບ​ໃນການ
​ປົກຄອງ​ແຂວງ​ແລະ​ການ​ບໍລິຫານ​ສາທາລະນະ​ຊົນທີ່​ເລີ້ມຂຶ້ນ​ໃນວັນ​ພະ​ຫັດແລ້ວ. ​ໃນ​ຈຳນວນ
​ປະຊາຊົນ 13,500 ຄົນ ທີ່ຖືກ​ສຳພາດ​ໃນ​ການ​ສຳ​ຫຼວດຄັ້ງນີ້ ມີ​ແຕ່ 9% ທໍ່​ນັ້ນຂອງ​ປະຊາຊົນ ​
ທີ່​ຖືກ​ລັດຖະບານ​ຢຶດ​ເອົາ​ດິນ ​ກ່າວ​ວ່າ ​ເຂົາ​ເຈົ້າ​ໄດ້​ຮັບ​ເງິນຊົດ​ເຊີຍ ​ໃກ້​ຄຽງ​ກັບລາຄາ​ຕະຫຼາດ.
2 ​ໃນ 5 ຂອງ​ພວກ​ທີ່​ຖືກ​ສຳພາດ​ເວົ້າວ່າ ມັນ​ເປັນສິ່ງ​ຈຳ​ເປັນ ​ທີ່​ຈະ​ຕ້ອງໄດ້ຈ້າງ​ຜູ້​ໃດ​ຜູ້​ນຶ່ງ​ເຮັດ
​ໃບຢັ້ງຢືນ​ໃນການ​ນຳ​ໃຊ້​ທີ່​ດິນ​ໃຫ້.

ທ່ານ Acuna-Alfaro ກ່າວ​ວ່າ ຜົນ​ຂອງ​ການ​ສຳ​ຫຼວດ​ນີ້​ ແມ່ນ​ສຳຄັນ​ຫຼາຍ ຍ້ອນວ່າຄວາມ
​ພະຍາຍາມ ​ໃນ​ການ​ຕໍ່ຕ້ານ​ການ​ສໍ້​ລາດ​ບັງ​ຫຼວງຢູ່​ຫວຽດນາມ ຕາມ​ປົກກະຕິ​ແລ້ວ​ ແມ່ນ​ຜູ້​
ດໍາ​ເນີນ​ຄວາມ​ພະຍາຍາມ ກໍ​ຄື​ເຈົ້າ​ໜ້າທີ່​ ເປັນ​ຜູ້​ຊັ່ງຊາ​ຕີລາຄາເອົາເອງວ່າ ຕົນ​ເອງ​ເຮັດ​ໄດ້​ດີ​
ຫລື​ບໍ່ ຊຶ່ງ​ໝາຍຄວາມ​ວ່າ ​ຜູ້​ທີ່​ໄດ້​ຮັບ​ເຄາະ ບໍ່​ຄ່ອຍ​ມີ​ໂອກາດ​ໄດ້​ອອກ​ຄວາມ​ຄິດ​ຄວາມ​ເຫັນ​
ກ່ຽວ​ກັບ​ເລື່ອງນີ້.

ທ່ານ Acuna-Alfaro ​ເວົ້າວ່າ “ພວກ​ເຮົາ​ກຳລັງ​ໂຍນ​ຫຼຽນສ່ຽງ​ແລະ​ໃຫ້​ຂໍ້​ມູນ​ທີ່ ​ແຕກ​ຕ່າງ
ໄປ ຊຶ່ງ​ອາດ​ມີ​ຄວາມ​ເປັນ​ຈິງ​ຫຼາຍຂຶ້ນ ​ແລະ​ຕາງໜ້າ​ຫຼາຍຂຶ້ນ​ໃຫ້​ແກ່​ປະຊາຊົນກໍ​ຄືພວກ​ທີ່​ໃຊ້​
ບໍລິການ​ເຫຼົ່ານັ້ນ​ແລະ​ເປັນຂໍ້​ມູນທີ່ຈຳ​ເປັນ​ຕ້ອງ​ໄດ້​ນໍາ​ເອົາມາພິຈາລະນາເວລາ​ມີ​ການສົນທະ
ນາ​ຫາລື​ ເພື່ອ​ປັບປຸງ​ໃຫ້​ດີ​ຂຶ້ນ​ ໃນດ້ານ​ນິຕິບັນຍັດ​ ແລະ​ການຈັດຕັ້ງປະຕິບັດ​ໃນພາກໂຕ​ຈິງ​ ​
ພວກຍຸດ​ທະ​ສາດຕ່າງໆ​ໃນ​ທຸກ​ລະດັບ​ຂອງ​ແຂວງ.”

ຊາວບ້ານໃນເຂດເມືອງ Van Giang ຕໍ່ສູ້ກັບຕຳຫຼວດປາບຈະລາຈົນ

ຊາວບ້ານໃນເຂດເມືອງ Van Giang ຕໍ່ສູ້ກັບຕຳຫຼວດປາບຈະລາຈົນ

ນຶ່ງ​ສ່ວນ​ສາມ ​ຂອງ​ພວກ​ທີ່​ຖືກ​
ສຳພາດ​ເວົ້າວ່າການ​ໃຫ້​ເງິນສິນ
ບົນ​ແມ່ນ​ຈຳ​ເປັນ ​ກ່ອນ​ທີ່​ຈະ​ໄດ້​
ຮັບ ການ​ປິ່ນປົວພະຍາບານ
ແລະ​ສອງ​ໃນ​ຫ້າ​ເວົ້າວ່າ ການ​
ໃຫ້​ເງິນສິນ​ບົນ ​ແມ່ນ​ມີ​ຄວາມ
​ຈຳ​ເປັນ​ຢູ່​ຕາມ​ໂຮງຮຽນ​ຕ່າງໆ.

ຢູ່​ໃນ​ປະ​ເທດ ບ່ອນ​ທີ່​ເງິນ​ເດືອນ
​ໂດຍ​ສະ​ເລ່ຍມີ​ພຽງ​ 150 ​ໂດ​ລາ
​ເທົ່ານັ້ນພວກທີ່ຖືກ​ສຳພາດ​ເວົ້າ
ວ່າ ເງິນ​ທີ່ເຂົາ​ເຈົ້າຕ້ອງ​ໄດ້​ໃຊ້
​ເພື່ອ​ຊື້ຈ້າງ​ຈອຍອອຍໃນ​ແຕ່ລະ
​ປີນັ້ນ​ແມ່ນ​ເປັນ​ຈຳນວນ​ຫຼວງຫຼາຍ ຊຶ່ງ​ໂດຍ​ສະ​ເລ່ຍ​ແລ້ວແມ່ນ​ປະມານ 125 ​ໂດ​ລາສໍາລັບ​ຈ່າຍ
​ໃຫ້ພະນັກງານ​ແພດ​ໝໍ ແລະ 58 ​ໂດ​ລາ​ ສໍາລັບພວກ​ນາຍຄູ​ແລະ​ໂຮງຮຽນ​ຕ່າງໆ.

ທ່ານ​ Dang Ngoc Dinh ຜູ້ອຳນວຍການ​ສູນ​ກາງ​ສຶກສາ​ດ້ານການ​ພັດທະນາຄວາມ​ສະໜັບ
ສະໜຸນສໍາລັບປະຊາ​ຄົມ​ຂອງ​ຫວຽດນາມກ່າວ​ວ່າ ​ໂຕເລກ​ແມ່ນ​ສູງ​ຫຼາຍ ​ແຕ່​ບໍ່​ເປັນ​ທີ່ແປກ​ໃຈ
​ເລີຍ.

ທ່ານ​ Dang Ngoc Dinh ​ເວົ້າວ່າ “ການ​ສໍ້​ລາດ​ບັງ​ຫຼວງກໍ​ຄື​ກັນ​ກັບ​ການຈະລາຈອນ​ຕິດ​ຂັດ
ທຸກໆ​ຄົນຮູ້​ຈັກ​ດີ​ວ່າ ມັນເປັນບັນຫາ​ ​ແຕ່ມັນ​ກໍ​ບໍ່​ສາມາດ​ທີ່​ຈະ​ແກ້​ໄຂ​ໃນ​ໄລຍະ​ຂ້າມ​ຄືນ​ໄດ້.”

ຈຸດໝາຍ​ຂອງ​ການ​ສຳ​ຫຼວດ​ໃນຄັ້ງນີ້ບໍ່​ແມ່ນ​ຄວາມຮູ້ສຶກ​ໝົດ​ຫວັງ​ກ່ຽວ​ກັບ​ການ​ໄດ້​ຮັບຄະ​ແນນ
​ຕໍ່າ ​ແຕ່ເພື່ອ​ເຮັດສິ່ງ​ໃດ​ສິ່ງ​ນຶ່ງ ​ກ່ຽວ​ກັບ​ເລື່ອງ​ນີ້. ຍ້ອນ​ເຫດຜົນດັ່ງກ່າວ ​ທ່ານ​ Dang Ngoc
Dinh ​ເວົ້າວ່າ ການ​ໄດ້​ຮັບ​ຄະ​ແນນ​ຕໍ່າ​ບໍ່​ຈຳເປັນທີ່​ຈະ​ຖື​ວ່າ​ເປັນ​ເລື່ອງ​ທີ່​ບໍ່​ດີ.

ທ່ານ Dang Ngoc Dinh ກ່າວ​ວ່າ "ສິ່ງ​ສຳຄັນ​ກໍ​ຄື​ ພວກ​ເຈົ້າໜ້າ​ທີ່​ ຕ້ອງ​ສົມ​ທຽບ​ຄະແນນ​
ທີ່​ເຂົາ​ເຈົ້າ​ໄດ້​ຮັບ​ແລະ​ຖອດ​ຖອນ​ບົດຮຽນ​ຈາກ​ກັນ​ແລະ​ກັນ ​ເພື່ອ​ວ່າ​ເຂົາ​ເຈົ້າຈະ​ສາມາດແກ້​ໄຂ​
ໃຫ້​ດີ​ຂຶ້ນ."

​ ທ່ານ Acuna-Alfaro ກ່າວ​ວ່າ ​ເວລາ​ນີ້​ແມ່ນ​ຂຶ້ນ​ຢູ່​ກັບ​ພວກ​ເຈົ້າໜ້າ​ທີ່​ແຂວງ​ວ່າຈະດຳ​ເນີນ
​ການ​ແບບ​ໃດ​ ແລະ​ປາບ​ປາມ ​ການ​ໃຫ້ເງິນ​ສິນບົນ. ຈາກ​ຫາງ​ສຽງ​ຂອງປະຊາຊົນ 13,000
ກວ່າ​ຄົນນັ້ນ ​ມັນ​ເປັນຫຼັກຖານ​ທີ່ຍາກ​ຈະ​ບໍ່​ເອົາໃຈ​ໃສ່.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG