ລິ້ງ ສຳຫລັບເຂົ້າຫາ

ຫວຽດນາມເປັນປະເທດ ທີ່ມີ ການສໍ້ລາດບັງຫລວງ ຫລາຍອັນດັບ 5 ໃນເອເຊຍ

  • ທອງປານ ເທບວົງສາ

ລົດຈັກເປັນພາຫານະສຳຄັນໃນຫວຽດນາມ ດງໃນຮູບນທນະຄອນຫລວງຮາໂນຍ ທຖະໜົນຫົນທາງເຕັມໄປດວຍ ລົດຈັກ ແລະພວກຂັບຂຕອງໄດພາກັນໃສເຄອງອັດດັງອັດໜາ ເພອປອງກັນຄວັນພິດ. (REUTERS/Kim Kyung-Hoon)

ຄືກັນກັບຢູ່ໃນຫລາຍໆປະເທດກໍາລັງພັດທະນານັ້ນ ການສໍ້ລາດບັງຫລວງຍັງຄົງເປັນບັນຫາ ໃຫຍຢູ່ໃນຫວຽດນາມ ຊຶ່ງລາຍງານນຶ່ງເມື່ອໝໍ່ໆມານີ້ ໄດ້ຈັດຫວຽດນາມເຂົ້າຢູ່ໃນອັນດັບທີ່ ຫ້າຂອງບັນດາ ປະເທດທີ່ມີການສໍ້ລາດ ບັງຫລວງຫລາຍທີ່ສຸດໃນຂົງເຂດເອເຊຍ. ພວກ ນັກເຄຶ່ອນໄຫວບາງຄົນກ່າວວ່າ ບັນຫາສ່ວນນຶ່ງນັ້ນກໍແມ່ນວ່າ ປະຊາຊົນຫລາຍໆຄົນມີຄວາມ ຮູ້ສຶກແບບບໍ່ພ້ອມແລະບໍ່ມີອໍານາດພໍ ທີ່ຈະປາບປາມການສໍ້ລາດບັງຫລວງນັ້ນໄດ້. ນັກຂ່າວ ວີໂອເອ ນາຍ ຈຶງ ຫງວຽນ ມີລາຍງານກ່ຽວກັບເລື້ອງນີ້ ຊຶ່ງທອງປານຈະມາສະເໜີທ່ານ.

ການ​ສໍາ​ຫລວດ​ປະ​ຈໍາປີ​ ​ໂດຍບໍລິສັດ​ໃຫ້ຄໍາ​ປຶກສາ​ກ່ຽວ​ກັບຄວາມສ່ຽງ​ດ້ານ​ການ​ເມືອງ​ແລະ​ເສດຖະກິດ ຫລື PERC ທີ່ຮ່ອງ​ກົງ ຊີ້​ບອກວ່າ ຢູ່​ໃນ​ຂົງ​ເຂດ​ເອ​ເຊຍ​ນັ້ນ ​ມີ​ພຽງ​ແຕ່ປະ​ເທດ ກໍາປູ​ເຈຍ ອິນ​ໂດ​ເນ​ເຊຍ ​ຟິລິບ​ປິນ ​ແລະ​ອິນ​ເດຍ​ເທົ່າ​ນັ້ນ ທີ່ມີ​ການ​ສໍ້ລາດ​ບັງ​ຫລວງຫລາຍ​ກວ່າ​ຫວຽດນາມ.

ໃນ​ຕາຕະລາງ​ວັດ​ແທກ ຈາກ 0 ຫາ 10 ຂອງ​ລະດັບການ​ໂຍະຍານ ຜ່ອນຜັນໃຫ້​ແກ່ການ​ສໍ້​ລາດ​ບັງ​ຫລວງ ຊຶ່ງ 10 ໝາຍ​ເຖິງ​ການ​ສໍ້​ລາດ​ບັງ​ຫລວງ​ໃນ​ລະດັບ​ສູງ​ທີ່​ສຸດ​ນັ້ນ ຫວຽດ ນາມແມ່ນຢູ່​ໃນລະດັບ 8.3 ​ຕາມຜົນ​ການ​ສໍາ​ຫລວດໃນ​ປີ​ນີ້ ຂອງ​ບໍລິສັດ PERC.

ອົງການ​ຄວາມໂປ່​ງ​ໃສສາກົນ ຫລື Transparency International ຊຶ່ງ​ເປັນ​ອົງການ​
ຕໍ່ຕ້ານ​ການສໍ້​ລາດ​ບັງ​ຫລວງ ​ໄດ້​ຈັດ​ຫວຽດນາມ​ຢູ່​ໃນ​ອັນ​ດັບ​ທີ່ 116 ​ໃນຈໍານວນ 178
ປະ​ເທດ​ໃນ​ດັດ​ຊະນີກາ​ນສໍ້​ລາດ​ບັງ​ຫລວງ​ປະ​ຈໍາປີຂອງ​ອົງການ.

ທ່ານນາງ ຟາ​ມທີ​ໂລ​ນ(Pham Thi Loan) ສະມາຊິກ​ສະພາ​ແຫ່​ງຊາດ​ຫວຽດນາມ​ ບອກ​ວີ​ໂອ​ເອວ່າ ບໍ່​ແມ່ນ​ວ່າປະຊາຊົນ​ບໍ່​ເ​ອົາ​ຫົວຊາ​ກັບ​ການ​ສໍ້​ລາດ​ບັງ​ຫລວງ ​ແຕ່ມັນ​ເປັນ​ບັນຫາ​ທີ່​ສຸດ​ວິ​ໄສ​ຂອງ​ພວກ​ເຂົາ​ເຈົ້າ.

// ສຽງ​ພາສາ​ຫວຽດນາມ //

ທ່ານ​ນາງ ຟາ​ມທີ​ໂລ​ນ ກ່າວ​ວ່າ ພວກ​ປະຊາຊົນບໍ່​ໄດ້ອະນຸ​ໂລມຜ່ອນຜັນໃຫ້ແກ່ການ​ສໍ້​ລາດ
ບັງຫລວງ ​ແຕ່ພວກ​ເຂົາ​ເຈົ້າກໍ​ເຮັດ​ຫຍັງ​ບໍ່​ໄດ້​ຫລາຍ. ພວກເຂົາ​ເຈົ້າ​ບໍ່​ຮູ້​ວ່າຈະ​ປ້ອງ​ກັນ​ແນວ​
ໃດ​. ການ​ສໍ້​ລາດ​ບັງ​ຫລວງ​ນັ້ນມີ​ຢູ່​ໃນ​ທຸກ​ລະດັບຢ່າງ​ແຜ່​ຫລາຍ ແລ້ວພວກ​ເຂົາ​ເຈົ້າຈະ​ຢຸດ​ມັນ
ໄດ້​ຢ່າງ​ໃດ? ທ່ານ​ນາງ​ກ່າວຕໍ່​ໄປວ່າ ​ບັນຫາ​ນີ້​ລໍາ​ບາກ​ຍາກ​ເຂັນ​ຫລາຍ​ທີ່​ສຸດ ດັ່ງ​ນັ້ນ​ ພວກ
ປະຊາຊົນກໍ​ເລີຍ​ພາກັນ​ຮູ້ສຶກ​ວ່າ​ ພວກ​ເຂົາ​ເຈົ້າບໍ່​ສາມາດ​ຈະ​ຈັດການ​ກັບ​ມັນ​ໄດ້​.

ນັກ​ເຄື່ອນ​ໄຫວ​ຊາວ​ຫວຽດນາມສູງ​ອາຍຸ ​ເລ ​ກຽນ​ ດຶ​ກ(Le Kien Duc) ​ທີ່​ໃຜໆ​ກໍ​ພາກັນ
ເອີ້ນ​ວ່າ ​ແມ່ຕູ້ຕໍ່ຕ້ານ​ການ​ສໍ້​ລາດບັງ​ຫລວງ ກໍ​ມີ​ຄວາມເຫັນ​ດັ່ງ​ດຽວ​ກັນ​ກັບສະມາຊິກ​ສະພາ ຟາ​ມທີ​ໂລ​ນ.

ແມ່ຕູ້​ດຶກ ກ່າວ​ວ່າ ​ເປັນ​ທີ່​ແລ​ເຫັນ​ໄດ້ຢ່າງ​ແຈ່ມ​ແຈ້ງ​ວ່າ ພວກ​ປະຊາຊົນ​ແມ່ນ​ເປັນ​ຫ່ວງ​ສຸດ​
ຂີດໃນ​ເລຶ່ອງນີ້ ​ແຕ່​ພວກ​ເຂົາ​ເຈົ້າບໍ່​ໄດ້​ຮັບການ​ສຶກສາ​ສູງ ກໍ​ເລີຍ​ບໍ່​ຮູ້​ວິທີ​ການ​ໃນ​ທາງ​ກົດ
ໝາຍ​ທີ່​ຈະ​ປາບ​ປາມ​ການສໍ້​ລາດ​ບັງ​ຫລວງນັ້ນ​ຢ່າງ​ຖືກຕ້ອງໄດ້ແນວໃດ. ​ແມ່ຕູ້ດຶກກ່າວ​ຕໍ່​ໄປ
ວ່າ ພວກ​ປະ ຊາຊົນ​ໄດ້​ຍື່ນ​ໜັງສືຮ້ອງທຸກ​ ໄປ​ຍັງ​ນາຍົກລັດຖະມົນຕີ​ແລະ​ໄປ​ຍັງ​ພວກ​ເຈົ້າ
ໜ້າ​ທີ່​ອາວຸ​ໂສ​ອື່ນ​ໆ ເພາະເຂົາ​ເຈົ້າ​ບໍ່​ຮູ້​ວ່າ ​ພວກ​ເຈົ້າໜ້າ​ທີ່​ທີ່​ເຂົາ​ເຈົ້າຮ້ອງ​ຮຽນ​ໄປ​ນັ້ນ ບໍ່​ໄດ້
ຮັບຜິດຊອບ​ເລຶ່ອງນີ້​ໂດຍ​ກົງ. ພວກ​ປະຊາຊົນ​ພາກັນ​ແຕ່ງ​ຄໍາ​ຮ້ອງຮຽນ ​ຮ້ອງທຸກ​ກ່ຽວ​ກັບ
ການ​ສໍ້​ລາດ​ບັງຫລວງ ​ແຕ່​ກໍ​ບໍ່​ຮູ້​ວິທີ​ທີ່​ຈະ​ເຮັດ​ໃຫ້​ຖືກຕ້ອງ ຫລື​ບໍ່​ຮູ້ແມ່ນ​ແຕ່​ວ່າ ​ຈະ​ເຊັນ​ຊື່
ຂອງຕົນ​ລົງແບບໃດ ​ແລະ​ບໍ່​ຮູ້​ວ່າ ຈະ​ສົ່ງ​ໄປ​ໃສ ຫາ​ໃຜ ດັ່ງ​ນີ້​ເປັນ​ຕົ້ນ.

ແມ່ຕູ້​ດຶ​ກ ນັກ​ເຄື່ອນ​ໄຫວ ອາຍຸ 81 ປີ ທີ່​ໄດ້​ຮັບ​ກຽດຈາກອົງການ​ຄວາມ​ໂປ່​ງ​ໃສ​ສາກົນ ໃນ​
ປີ 2007 ຍ້ອນການ​ເຄື່ອນ​ໄຫວຕໍ່​ຕ້ານ​ການ​ສໍ້​ລາດ​ບັງ​ຫລວງ​ຂອງ​ລາວນັ້ນ ​ເອີ້ນ​ການ​ກິ​ນສິນ
ບົນຢູ່​ໃນ​ຫວຽດນາມວ່າ “​ເລວຮ້າຍ​ເຫລືອ​ທີ່​ສຸດ.”

// ສຽງ​ພາສາ​ຫວຽດນາມ //

ແມ່ຕູ້​ດຶກ​ເວົ້າ​ວ່າ ລາວ​ໄດ້​ຮັບ​ຄໍາ​ຮ້ອງທຸກ​ມາ​ຈາກ 50 ​ເຂດ​ແຂວງ ຂອງ​ທັງ​ໝົດ 58 ​ແຂວງ
ຂອງ​ຫວຽດນາມ. ແລະການ​ສໍ້​ລາດ​ບັງ​ຫລວງ​ນັ້ນ ບໍ່ໄດ້​ມີ​ແຕ່ຢູ່​ໃນ​ພາກ​ສ່ວນ​ຄຸ້ມ​ຄອງ​ທີ່​ດິນ
ແລະ​ອະສັງຫາລິມະ​ຊັບ​ເທົ່າ​ນັ້ນ ​ແຕ່​ຍັງ​ມີຢູ່​ໃນ​ວົງ​ການ​ການ​ສຶກສາ ​ແລະ​ພາກສ່ວນ​ອື່ນໆ​ນໍາ​ ອີກ​ເຊັ່ນ​ກັນ.

ຕະຫລາດຜັກແຫງນງໃນນະຄອນຫລວງຮາໂນຍ (AP Photo/Chitose Suzuki)
ຕະຫລາດຜັກແຫງນງໃນນະຄອນຫລວງຮາໂນຍ (AP Photo/Chitose Suzuki)

ອິງ​ຕາມການ​ສໍາ​ຫລວດ​ຄັ້ງ​ລ່າ​ສຸດ​ຂອງບໍລິສັດ
PERC ພວກ​ຜູ້ບໍລິຫານ​ທຸລະ​ກິດ​ຈາກ​ຕ່າງ​
ປະ​ເທດຢູ່​ໃນ​ຫວຽດນາມ ​ຈໍານວນ​ເກືອບ
2000 ຄົນ ຄິດ​ວ່າ ການ​ສໍ້​ລາດ​ບັງ​ຫລວງ​
ແມ່ນ​ມີ​ຢ່າງ​ແຜ່​ຫລາຍຢູ່ໃນ​ປະຊາ​ຄົມ​ຕ່າງໆ ​ໃນທົ່ວ​ຫວຽດນາມ​ທັງ​ໝົດ.

ໃນ​ເລື່ອງ​ການ​ບໍ່​ເອົາຈິງ​ເອົາ​ຈັງ​ໃນ​ການ​ປາບ
ປາມ​ການ​ສໍ້​ລາດ​ບັງ​ຫລວງນັ້ນ ລັດຖະບານ​
ຫວຽດນາມ ​ແມ່ນ​ໄດ້​ຄະ​ແນນ 7.50 ຈາກ ຄະ​ແນນສູງ​ສຸດ ຄື 10 ນັ້ນ​.

ສະມາຊິກ​ສະພາ ຟາ​ມທີ​ໂລ​ນ ກ່າວ​ວ່າ
ຫວຽດນາມກໍາລັງ​ທົດ​ລອງ​ໃຊ້​ຫລາຍໆ​ມາດຕະການ​ທີ່​ແຕກ​ຕ່າງ​ກັນເພື່ອ​ປາບ​ການ​
ສໍ້​ລາດ​ບັງ​ຫລວງ ​ແຕ່ທ່ານ​ນາງ​ກ່າວ​ວ່າ ມັນຍາ​ກທີ່​ຈະສ້າງ​ຄວາມ​ສົມ​ດຸນ​ທີ່​ຖືກຕ້ອງ​ເໝາະສົມ​ ໃນ​ການ​ປາບ​ປາມນັ້ນ​ໄດ້.

ລາຍ​ງານ​ຂອງ ບໍລິສັດ PERC ​ເວົ້າວ່າ ມີ​ຫລາຍໆ​ປັດ​ໃຈ​ທີ່​ເປັນ​ອົງ​ປະກອບໃນ​ການປາບ​
ປາມ​ການ​ສໍ້​ລາດ​ລັງ​ຫລວງ​ໃນ​ຫວຽດນາມ ​ໂຮມ​ທັງ​ຄວາມ​ເປັນຈິງ​ທີ່​ວ່າ​ ພາກ​ລັດ​ນັ້ນ​ ​ໃຫຍ່
ຫລວງ​ກວ່າ​ພາກ​ເອກະ​ຊົນຫລາຍ ​ໃນ​ຂະນະ​ທີ່ເງິນ​ເດືອນ​ຂອງ​ລັດຖະກອນ​ລະດັບ​ປານ​ກາງ
ຍັງຕໍ່າ​ຫລາຍ​ຢູ່. ​ລາຍ​ງານ​ເວົ້າວ່າ ວົງ​ການ​ຕໍາຫລວດ ​ພາສີ​ແລະ​ພະ​ແນ​ກອອກ​ໃບ​ອະນຸຍາດ​
ຕ່າງໆ ​ແລະ​ຕະຫລາດ​ຫຸ້ນ ​ແມ່ນຖື​ວ່າ​ເປັນ​ພາກສ່ວນ​ທີ່​ມີການ​ສໍ້​ລາດ​ບັງ​ຫລວງຫລາຍ​ທີ່​ສຸດ.

ໃນ​ຫວຽດນາມ ປະຊາ​ຊົນ​ມັກ​ຈະ​ເອົາເງິນ​ສົດ​ຍັດ​ໃຫ້​ເຈົ້າໜ້າ​ທີ່ຕໍາຫລວດ​ ເວລາ​ໃດ​ພວກ​ເຂົາ
ເຈົ້າຖືກ​ຕໍາຫລວດ​ຢຸດ​ຍ້ອນ​ເຮັດ​ຜິດ​ກົດ​ຈະລາຈອນ ຊຶ່ງທ່ານ​ນາງໂລ​ນກ່າວ​ວ່າ ມັນ​ເປັນ​ການ
ເອື້ອອໍາ​ນວຍ​ໃຫ້​ແກ່​ການ​ສໍ້​ລາດ​ບັງຫລວງ ​ແຕ່​ທ່ານ​ນາງກໍ​ກ່າວວ່າ ຫລາຍໆ​ຄົນຍອມຈ່າ​ຍ
ເງິນ​ໃຫ້​ຕໍາຫລວດ​ໂລດ ກໍ​ເພື່ອ​ແກ້​ບັນຫາ​ໃຫ້ແລ້ວ​ໄປຢ່າງ​ວ່ອງ​ໄວ.

// ສຽງ​ພາສາ​ຫວຽດນາມ //

ສະມາຊິກ​ສະພາໂລ​ນ​ເວົ້າ​ວ່າ ພວກ​ເຂົາ​ເຈົ້າ​ຈ່າຍ​ເງິນ​ໃຫ້​ຕໍາຫລວດ​ ກໍເພາະວ່າ​ມັນ​ງ່າຍ​ກ່ວາ ທີ່​ຈະ​ໄປຈ່າຍ​ຄ່າ​ປັບ​ໄໝຢູ່ໂຮງການ​ ຊຶ່ງ​ພົວພັນ​ກັບ​ລະບຽບ​ການ​ເຈ້ຍ​ສໍ​ຕ່າງໆ ທີ່​ພາ​ໃຫ້​ເສຍ​ເວລາ​ ແລະກໍ​ຕ້ອງ​ໃຊ້​ຄວາມ​ພະຍາຍາມ. ແຕ່​ແມ່ຕູ້​ດຶກ​ກັບ​ມີ​ຄວາມ​ເຫັນ​ແຕາກ​ຕ່າງ​ໄປ.

// ສຽງ​ພາສາ​ຫວຽດນາມ //

ແມ່ຕູ້​ດຶກ​ເວົ້າ​ວ່າ ປະຊາຊົນ​ຜູ້​ໄດ້​ຮັບ​ການ​ສຶກສາ​ນັ້ນ ຈະ​ເຂົ້າ​ໃຈດີ​ໃນ​ຕົວ​ບົດ​ກົດໝາຍ ​ແຕ່
ພວກ​ຊາວນາ​ຊາວ​ສວນ ພວກ​ກໍາມະກອນ ​ແລະ​ພວກ​ອື່ນໆ​ຈະ​ບໍ່​ເຂົ້າ​ໃຈ ​ແລະບໍ່​ເຂົ້າ​ໃຈວ່າ
ການ​ໃຫ້​ເງິນສົດ​ແກ່​ເຈົ້າໜ້າ​ທີ່​ຕໍາຫລວດ​ນັ້ນ ເປັນ​ການ​ສ້າງ​ເງື່ອນ​ໄຂທີ່​ເອື້ອ​ອໍານວຍ​ໃຫ້​ແກ່​
ການ​ສໍ້​ລາດ​ບັງ​ຫລວງ ຊຶ່ງແມ່ຕູ້​ດຶ​ກກ່າວ​ວ່າ ຄວນຈະຖິ້ມໂທດໃສ່ນະ​ໂຍບາຍແລະ​ກົນໄກທັງ
ຫລາ​ຍຂອງລັດ​ ທີ່ປ່ອຍໃຫ້​ພວກເຈົ້າໜ້າທີ່​ຕໍາຫລວດ​ຮັບ​ເງິນ​ສິນ​ບົນ​ໄດ້.

ແມຍິງມງຫວຽດນາມຄົນນງກັບມາຈາກຕະຫລາດ ທແຂວງເຊີນລາ, ຫາງຈາກນະຄອນຫລວງຮາໂນຍ ໄປທາງຕາເວັນຕົກສຽງເໜືອ 300 ຫລັກກິໂລແມັດ, REUTERS/Kham
ແມຍິງມງຫວຽດນາມຄົນນງກັບມາຈາກຕະຫລາດ ທແຂວງເຊີນລາ, ຫາງຈາກນະຄອນຫລວງຮາໂນຍ ໄປທາງຕາເວັນຕົກສຽງເໜືອ 300 ຫລັກກິໂລແມັດ, REUTERS/Kham

ລາຍງານຂອງບໍລິສັດ PERC
ເນັ້ນຍໍ້າເຖິງກໍລະນີຂອງອະດີດ
ຜູ້ວ່າການທະນາຄານກາງ
ທ່ານ ​ເລ ດຶກ ຖຸຍ(Le Duc
Thuy) ທີ່ຖືກກ່າວຫາວ່າ ໄດ້
ຮັບສິນບົນຈາກບໍລິສັດນຶ່ງຂອງ
ອອສເຕຣເລຍ ເພື່ອແລກປ່ຽນ
ກັບການໃຫ້​ສັນຍາຮັບເໝົາພິມ
ເງິນທີ່ໄດ້ກໍາໄລງາມ. ສື່ມວນຊົນ
ຫວຽດນາມລາຍງານວ່າ ທ່ານ
ຖຸຍ ໄດ້ລາອອກກິນເບັ້ຍບໍາ
ນານໃນເດືອນນີ້ຈາກຕໍາແໜ່ງ
ປະທານຄະນະກໍາມະການຕິດ ຕາມ​ເບິ່ງ​ດ້ານການເງິນ.

ທ່ານ ບອບ ບຣອດຟຸຕ (Bob
Broadfoot) ຜູ້ອໍານວຍການບໍ
ລິຫານບໍລິສັດ PERC ກ່າວວ່າ
ເຫດການດັ່ງກ່າວນີ້ສະແດງໃຫ້
ເຫັນວ່າ ການສໍ້ລາດບັງຫລວງ
ໃນຫວຽດນາມແມ່ນ​ໄດ້ລຸກລາມໄປເຖິງຈຸດທີ່ວ່າ ລັດຖະບານຈະຕ້ອງກວາດລ້າງພວກ​ກໍລະນີ
ທີ່ເດັ່ນໆດັງໆນັ້ນໃຫ້ໄດ້. ທ່ານ​ບຣອດຟຸຕ​ເວົ້າ​ວ່າ:

“I do not think it is so much a system...ຂ້າພະເຈົ້າບໍ່ຄິດວ່າ ມັນຈະເປັນ
ການກວາດລ້າງ
ການສໍ້ລາດບັງຫລວງຢ່າງເປັນລະບົບ ລາຍໄປກວ່າການ
ສະ​ແດງ
ຕົວຢ່າງຂອງຄະດີໃນລະດັບສູງໆ ໃຫ້​ເຫັນ ເນຶ່ອງຈາກວ່າລັດຖະບານ
ບໍ່ຕ້ອງການໃຫ້ຖືກມອງເຫັນວ່າ
ມີການສໍ້ລາດບັງຫລວງ. ລັດຖະບານຫວຽດນາມ
ແມ່ນລະບອບ
ພັກການ​ເມືອງດຽວ ແລະ​ຈໍາ​ເປັນ​ຕ້ອງ​ໄດ້​ສະ​ແດງ​ເຫດຜົນ​ສະໜັບ​
ສະ​ໜູນ​ຄວາມ​ຊອບ​ທໍາ​ໃນ​ການ​ກໍາ
ອໍານາດຂອງຕົນ ແລະເພື່ອທີ່​ຈະກະທໍາເຊ່ນ​
ນັ້ນ​ໄດ້ ກໍ​ຕ້ອງໄດ້ເຮັດ​ໃຫ້
ປະຊາຊົນເຫັນວ່າ ລັດຖະບານທໍາການປາບປາມການ ສໍ້ລາດບັງຫລວງ.

ຜົນການສໍາຫລວດຂອງບໍລິສັດ PERC ເມື່ອປີຜ່ານມາ​ນັ້ນ ພົບວ່າຫວຽດນາມຢູ່ໃນອັນດັບ
ສາມ ລອງຈາກອິນໂດເນເຊຍແລະກໍາປູເຈຍ ​ໃນຖານະເປັນປະເທດທີ່ມີການສໍ້ລາດບັງຫລວງ
ຫລາຍທີ່ສຸດໃນຂົງເຂດ​ເອ​ເຊຍ ຊຶ່ງສະແດງວ່າອັນດັບຂອງປີນີ້ແມ່ນດີຂື້ນຈາກ​ປີ​ກາຍ.

XS
SM
MD
LG